На денешен ден, 3 февруари 1977 година, под неразјаснети околности, животот го загубил Васко Карангелески, народен херој на СФР Југославија и генерал-полковник на Југословенската народна армија. Веста за неговата смрт ја потресла јавноста, не само поради високата функција што ја извршувал, туку и поради фактот што официјалните информации биле оскудни и недоречени.

Карангелески загинал во реонот на Македонски Брод, а во јавноста тогаш била пласирана верзија дека станува збор за несреќен случај при лов. Формулацијата „трагично загинал во несреќа“ доминирала во официјалните соопштенија и во комеморативните текстови, без конкретни детали за тоа како точно се случил инцидентот.

Роден на 7 јули 1921 година во битолското село Брусник, Карангелески уште во младоста се приклучил на антифашистичкото движење. Во Народноослободителната борба се истакнал како храбар и дисциплиниран старешина, напредувајќи од командант на чета до повисоки командни функции во партизанските единици.

По ослободувањето, неговата воена кариера продолжила со забрзано темпо. Завршил воена академија во СССР, а подоцна и највисоки воени школи во ЈНА. Карангелески извршувал низа значајни командни и штабни должности, а на врвот на кариерата бил командант на Скопската армиска област, со чин генерал-пуковник.

За исклучителните заслуги во војната, на 29 ноември 1953 година бил прогласен за народен херој на Југославија – признание што го вбројува меѓу најистакнатите личности на тогашниот воено-политички систем. Во јавноста бил перцепиран како авторитетна, но и принципиелна фигура.

Токму таа принципиелност, според дел од подоцнежните сведоштва и анализи, го довела Карангелески во судир со дел од југословенската воена и политичка елита. Во неформални кругови се зборувало дека бил обвинуван за „национализам“, односно за преголема грижа и застапување на македонските интереси во рамки на федерацијата.

Особено внимание привлекува сведоштвото објавено години подоцна, според кое трагедијата при ловот не била едноставна и случајна. Во таа верзија се наведува дека Карангелески бил сам на чека, дека најпрвин бил повреден, а потоа и смртно погоден, при што околностите оставаат простор за сериозни сомнежи и прашања.

За неговата смрт пишува Ламбе Михајловски во своето дело „На генералски должности во скопска армиска област“. Според Михајловски, oпштинското раководство на Македонски Брод повеќе пати го повикувалo Васко да ги посети, со намера да го запознаат со своите проблеми и да бараат помош од Армијата. Тој проблем се однесувал на изградбата на мостот на реката Треска и на водоводот во градот. По тој повод бил организиран и дводневен лов на дивеч.

„Првиот ден од ловот – сведочи генералот Ламбе МИхајловски – кој траеше два дена, немаа успех, не се појави дивеч, освен една дива свиња на која стрелал Васко и ја ранил, но не така силно за да ја собори  Останаа уште еден ден и се обидоа да ја остварат целта. На местото на несреќата затекната е следната состојба: телото на Васко со две прострелани рани нанесени од непосредна близина. Со пушката е повредена ногата над коленото, а со пиштолот смртно е повредена главата. Тука, покрај пушката и пиштолот е најден чатал и нож со кој истиот е изделкан. Васко беше тој ден сам на чеката. Десетарот од воената полиција, што го замена со Аѓутантот уште во Скопје, првиот ден беше со него на чеката, но ненадејно се прехлади и многу кашлаше, што би му пречело на чеката па затоа го оставил во градот со колата и возачот. Можел да го земе со себе возачот кој беше секогаш вооружен, но тој веројатно ценеше дека не му е неопходен.

Претпоставката на истражните органи беше дека до случајот веројатно дошло на овој неможен начин. Откако се распоредија по предвидени чеки и почнаа да се подготвуваат за стрелање, Васко, од неутврдени причини, можеби насетил приближување на дивечот, ја наполнил пушката, но не го испукал куршумот, ниту ја закочил, туку ја обесил со цевката надолу на гранката што претходно ја скршил од блиското стебло. Потоа пресекол друго стебло од која си направил чатал за наслон на пушката при испукувањето. Откако го направил чаталот, ја фаќа пушката со намера да го испроба. Пушката закачена со чкрапалецот за гранка од стеблото, испукала во неговата нога.

Ударот бил страотен зашто беше во прашање куршум со голем калибар за дивеч, а ударот е нанесен на коската од што таа го разнесе мекото ткиво на бутот. Поблизу поставените ловџии го чуја офкањето заедно со пукотот и пристапија кон чеката на Васко и кога пристигнаа чуја уште еден пукот. Со него Васко истрелал во себе од пиштолот што го носеше секогаш во својата опрема.

Тоа е оцената за смрта на Васко која е дадена на органите на секретаријатот за внатрешни работи на Република Македонија и од командата на Скопската армиска област. За случајот бев известен од органот на секретаријатот за внатрешни работи околу 10 часот дента, со навод декка имало несреќен случај во текот на ловот, во кој е повреден генералот Васко. За 20-30 минути потоа, од истиот извор бевме известени дека Васко загинал. За случајот да биде по трагичен, за целото време додека примав информации и се обидував да организирам прелет со хелихоптер до местото на несреќниот случај, покрај некои од соработниците, во мојата канцеларија беше и сопругата на генералот Васко, Јованка, која заедно со нас го следеше настанот. Таа дојде случајно во мојата кнацеларија, а повод беше информирањето за некоја зделка на органите на командата со работната организација во која таа работеше. Заедно со нас и со своите колеги, таа го следеше информирањето за несреќата“.

Иако официјалната верзија никогаш не е ревидирана, сомнежите со децении не стивнуваат. Дел од авторите и истражувачите внимателно, но упорно ја отвораат можноста дека смртта на Карангелески не била обична несреќа, туку можеби прикриена ликвидација во контекст на внатрешни политички пресметки.

Државата никогаш нема понудено детална реконструкција на настанот, ниту се објавени истражни или судско-медицински документи. Токму тој молк дополнително ја храни мистеријата што ја следи оваа смрт повеќе од четири децении.

Денес, Васко Карангелески останува запаметен како херој, генерал и трагична фигура од југословенската историја – човек чиј живот бил посветен на војската и државата, а чија смрт и натаму поставува прашања на кои нема официјален одговор.

The post МИСТЕРИЈАТА ЗА ТРАГИЧНАТА СМРТ НА ГЕНЕРАЛОТ ВАСКО КАРАНГЕЛЕСКИ И НАТАМУ НЕРАСВЕТЛЕНА Случајна несреќа во лов или подмолна ликвидација? appeared first on plusinfo.mk.

Од Општина Аеродром, на чија територија се наоѓа оваа крстосница, во разговор за МИА велат дека булеварот Васко Карангелевски е примарна сообраќајна мрежа и надлежноста за регулирање на сообраќајот е комплетно во рамки на Град Скопје.

– Во зависност од видот на сообраќајницата, надлежностите се поделени помеѓу општините во градот Скопје и Град Скопје. За конкретната ситуација, од причина што станува збор за булеварот Васко Карангелевски кој е примарна сообраќајна мрежа, надлежноста за регулирање на сообраќајот е комплетно во рамки на Град Скопје – вели во изјава за МИА градоначалникот на Општина Аеродром, Дејан Митески.

За да бидат поставени семафори на крстосницата, вели Митески, потребно е Град Скопје најпрво да изготви сообраќаен проект во кој ќе предвиди вертикална сообраќајна сигнализација, а потоа да го достави до Министерството за внатрешни работи. Според Митески, од Град Скопје до Секторот за внатрешни работи биле доставени само две барања, односно за бројот на возила кои што поминуваат и сообраќајните незгоди кои што се имаат случено на крстосницата.

– Во постојана комуникација сум со СВР Скопје. Согласно информациите кои што ги добив од таму, од Град Скопје се доставени две барања – едно е за бројот на возила што проаѓаат на конкретната крстосница и второто барање е во однос на сообраќајните незгоди кои што се случиле на конкретната крстосница. Двете барања се одговорени во најкраток рок и се доставени до Град Скопје – вели Митески.

Додава дека доколку има потреба ќе посредува меѓу Град Скопје и СВР Скопје со цел да се изнајде решение за конкретниот проблем поради што родители на учениците од училиштето „Љубен Лапе“ протестираа.

– Согласно информациите од СВР Скопје, од Град Скопје за одобрување на сообраќаен проект не е доставено до СВР Скопје. Доколку Град Скопје достави барање, јас стојам на располагање да посредувам помеѓу Град Скопје и СВР, со цел побрзо изнаоѓање на решение на конкретниот проблем. Град Скопје е затворен за нас како општини. За жал, морам да кажам дека и за ваква важна неполитичка тема, ние немаме комуникација со Град Скопје – нагласува Митески.

Доколку нема брза реакција од страна на Град Скопје, градоначалникот не ја исклучува можноста за повторување на протестите на родителите на учениците од ООУ „Љубен Лапе“.

– Ќе се обидеме да направиме институционален притисок, меѓутоа и граѓански притисок. Јас сум во постојана комуникација со Советот на родители и со раководството на Основото училиште „Љупен Лапе“ и доколку нема брза реакција од страна на Град Скопје, можно е да се повторат протестите со повторни блокади, за што морам да кажам дека родителите ќе добијат целосна поддршка од мене, имајќи предвид дека станува збор за безбедност на дечиња. Дневно крстосницата ја проаѓаат 1.400 деца, односно толку деца учат во ОУ „Љубен Лапе“ и мислам дека институциите треба малку посериозно да пристапат кон овој проблем – вели Митески.

На официјалната веб страница на Град Скопје стои дека под Секторот за сообраќај има Одделение за техничко регулирање на сообраќајот кое под своја надлежност има „подготвување решенија, мислења и согласности за сообраќајни планови, елаборати и проекти“. Во неколку наврати, МИА се обиде да оствари контакт со надлежните на Град Скопје, но не доби одговор.

За процесот на донесување на сообраќајни решенија коишто се под локална самоуправа, професорката од Техничкиот факултет од Битола, Верица Данчевска во разговор за МИА појаснува дека проектантот кој го проектирал сообраќајното решение треба да го достави до Секторот за сообраќај при локалната самоуправа од каде треба да добие решение, за потоа локалната самоуправа да го препрати до МВР, од каде пак треба да добијат согласност за проектот.

Доколку МВР не даде согласност за проектот, вели Данчевска, тој се враќа до локалната самоуправа.

Професорката посочува дека одредени делници од патната мрежа во земјава веќе подолг временски период претставуваат потенцијално опасни места за животот на учесниците во сообраќајот.

– За зголемена безбедност на сообраќајот на патиштата детерминирани се местата – точките каде има одреден недостиг при проектирањето на делниците, односно треба да се потсетуваат возачите кои се „црните точки“ каде најчесто се случуваат сообраќајни незгоди и каде најмногу треба да се внимава – вели Данчевска за МИА.

Како се променуваат градоначалниците, така носат различни сообраќајни решенија во општините

Данчевска вели за решавање на овој децениски проблем потребен е системски и стратешки пристап во носењето на сообраќајни решенија, што значи инволвираност на сите засегнати страни во носењето на сообраќајно решение.

– Стратегискиот пристап опфаќа почитување на насоките и стратегиите кои се донесени на национално или на локално ниво. Тоа значи, почитување на насоките на стратешките документи како што се Просторниот план на РСМ, Генералните урбанистички планови на општините, Деталните урбанистички планови, Националната стратегија за транспорт до 2030 година, како и други планови и стратегии кои ја тангираат оваа проблематика – вели Данчевска.

Посочува дека кандидатите за градоначалници треба во своите програми да вградуваат цели, мерки и активности на сообраќајната политика кои се дел од стратегиските документи, кои, исто така, ќе бидат важечки во планираниот период. За крај на мандатот, вели Данчевска, градоначалниците треба да имаат добар процент на реализација на предложените проекти за повторно да побараат доверба од граѓаните или пак да бидат запаметени како добри градоначалници.

Властите и граѓаните, додава, заеднички одлучуваат какво место сакаат да биде во иднина нивниот град, како и на кој начин ќе одговорат на притисокот од зголемениот број на моторни возила.

Данчевска посочува дека безбедноста во сообраќајот, намалувањето на ризиците и намалувањето на бројот на жртви од сообраќајни незгоди е клучен предуслов за раст, развој и економски напредок на општеството. Едно од клучните прашања што влијае на квалитетот на животната средина, вели, е моторниот сообраќај, бидејќи густиот моторен сообраќај значи лош квалитет на воздух, неприфатливо ниво на бучава и големи застои во сообраќајот во урбаните средини.

Во зависност од тоа кој стопанисува со сообраќајната инфраструктура, професорката појаснува дека се разликуваат Објекти на сообраќајна инфраструктура од национално значење – автопати, магистрални патишта, делници од железнички пруги и сл. за кои одлуки донесува Министерството за транспорт и врски, и Објекти на сообраќајната инфраструктура од локално значење под ингеренции на локалната власт и на Град Скопје.

Како посебен проблем, Данчевска ја посочи безбедноста на пешаците, затоа што, вели, тие спаѓаат во загрозени учесници во сообраќајот, посебно малите деца и повозрасните лица.

– Безбедноста на пешаците е посебен проблем на проучување, затоа што спаѓаат во загрозени групи – учесници во сообраќајот, посебно малите деца и повозрасните лица. Безбедноста на пешаците ќе се зголеми со почитување на сообраќајните правила и прописи, и тоа од страна на возачите кои треба да ги почитуваат пешаците како „рамноправни“ учесници во сообраќајот и да ги пропуштаат посебно на пешачките премини кои се обележани места за дозволено преминување на коловозот – вели професорката.

Во категоријата потенцијално опасни „црни точки“, Данчевска ги издвојува следниве делници – клучката кај Хиподром, клучката Илинден, потегот од наплатната станица Петровец до клучката Кадино, мостот кај Катланово, делницата Демир Капија – Удово, потоа делницата Штип – Радовиш (место викано „8-ми километар“ и место викано „Пилафтепе“).

Во правец од Скопје кон Охрид, како посебно опасни места се издвојуваат патниот правец Желино-Тетово, потегот од наплатната станица Тетово Југ до наплатната станица Гостивар, кај село Зајас (Гостивар – Кичево), село Мешеишта, (Кичево – Охрид), мостот на реката Сатеска село Ботун (Кичево – Охрид), клучката за влез во Охрид кај село Подмоље на делницата Охрид – Струга.

На патот Охрид – Свети Наум најопасни се деловите кај Свети Стефан, односно кај хотелот „Гранит“, раскрсницата на влезот кон комплексот „Инекс Горица“, населбата Рача и селото Пештани.

Како посебно опасни места, се издвојуваат и регионалниот пат Кичево – Демир Хисар (местата Чакор,Прибилечки Кривини, Зли Дол), регионалниот пат Дебар – Струга, а најкритично е кај селото Велешта и кај село Враништа, како и регионалниот пат Прилеп – Крушево кај местото Смилевски Трла.

The post ЗАГРОЗЕНА БЕЗБЕДНОСТА НА 1.400 ДЕЦА Град Скопје и Општина Аеродром без решение за критичната крстосница appeared first on plusinfo.mk.

Градоначалникот Муцунски побара од надлежните институции да го решат проблемот со лошо изведеното сообраќајно решение на оваа улица.

Тој уште еднаш укажа дека реализацијата на проектот за улицата „Васко Карангелевски“ е во целосна надлежност на Град Скопје, а Општина Аеродром нема никакви ингеренции во однос на сообраќајниот проект и сообраќајната сигнализација.

„По реакциите од страна на граѓаните на Аеродром, пензионерските здруженија, вработените и родителите на децата кои учат во ООУ „Љубен Лапе“, Општина Аеродром во изминатиот период во неколку наврати оствари комуникација со градската администрација во насока на решавање на проблемот со безбедноста на улицата „Васко Карангелевски“.

Безбедноста на граѓаните е најважна и токму поради уште еднаш апелираме и бараме Министерството за внатрешни работи, Градот Скопје и градската администрација да преземат соодветни мерки за ревидирање на сообраќајното решение за улицата „Васко Карангелевски“, во насока на поставување на соодветна сигнализација со која се гарантира безбедноста на пешаците и останатите учесници во сообраќајот“ – напиша градоначалникто во објава на Фејсбук.

На булеварот „Васко Каранѓелески“ во населбата Аеродром, токму пред основното училиште „Љубен Лапе“ изутринава се случи страшна сообраќајна несреќа, во која учествуваа две возило, од кои едното се преврте на покривот.

Оваа несреќа, втора по ред за неколку дена, уште повеќе ги зголеми стравувањата на околните жители, кои постојано укажуваат дека улицата има сериозни пропусти: не е безбедна, нема семафори, ниту прегледност, има апсурдни крстосници кои ги збунуваат возачите во поглед на правото на првенство.

The post ГРАД СКОПЈЕ ДА ГО РЕШИ ПРОБЛЕМОТ СО „ВАСКО КАРАНЃЕЛЕСКИ“! Тој булевар не е во наша надлежност, вели градоначалникот на Аеродром appeared first on plusinfo.mk.

Оваа несреќа, втора по ред за неколку дена,  уште повеќе ги зголеми стравувањата на околните жители, кои постојано укажуваат дека улицата има сериозни пропусти: не е безбедна, нема семафори, ниту прегледност, има апсурдни крстосници кои ги збунуваат возачите во поглед на правото на првенство.

Да биде опасноста поголема, овој булевар секојдневно го поминуваат многу ученици од ОУ „Љубен Лапе“, особено на големите одмори, зашто од спротивната страна на булеварот се наоѓаат најблсикиот супермаркет и сендвичарница. Булеварот нема семафори, а возилата тука возат брзо и има лоша прегледност од едната страна.

– Ова не е булевар, ова не е ни улица, ова е кланица! – напиша резигнирано Марјан Лазаревски, жител на Аеродром, на својот профил на Фејсбук.

Тој апелира до надлежните да ја затворат улицата и да ги исправат неправилностите, а на граѓаните им препорачува да го избегнуваат овој булевар додека не биде безбеден. Во неговиот пост Лазаревски потсетува дека ова е втора сообраќајќа на ова место за само неколку дена.

„Апел до сите возачи, пешаци и родители – избегнувајте ја Васко Карангелески додека не се исправат сите неправилности. Апел до властите – затворете ја улицата додека не настрада некое дете! Град Скопје oва не е булевер, ова не е ни улица, ова е кланица! Со што заслуживме ваков инженерски кикс на 20 метра пред училиште? Втора (евидентирана) сообраќајка во само неколку дена. Ве молам, споделувајте и давајте идеи како побрзо да го средиме овој хорор“ – напиша Лазаревски.

The post ЗАТВОРЕТЕ ЈА УЛИЦАТА ДОДЕКА НЕ НАСТРАДА НЕКОЕ ДЕТЕ! Страшна несреќа на „лудиот“ булевар „Васко Каранѓелески“ во Аеродром appeared first on plusinfo.mk.

– Булеварот „Васко Карангелевски”, денеска наместо модерна сообраќајница е само уште еден потсетник кој сведочи за неспособноста и неодговорноста на Данела Арсовска. Секое утро, додека жителите сообраќаат на оваа фреквентна општинска локација, имаат можност на дело да се потсетат и уверат за фактот дека Арсовска не работи ништо, на леснотијата со која таа ги започнува и не ги завршува проектите, а на уште едно во редот дадени и неисполнети ветувања пред скопјани – вели Тримчевска.

Булеварот „Васко Карангелевски” или по ново булеварот – сведок на неодговорноста на Арсовска е еден од малкуте проекти кои таа ги започна во нејзиниот мандат. Денес, скоро две години подоцна истиот е симбол на блеф, лажни ветувања и уште една потврда за немањето менаџерски капацитет за водење на Градот Скопје и градските институции.

– По хаосот во јавниот превоз, чистењето на отпадот, ние жителите на Аеродром сме сведоци за уште еден, овој пат инфраструктурен и урбанистички хаос, создаден токму од градоначалничката Арсовска. И доколку на вага се стават, реализираните проекти, наспроти креираните кризи во градот, со сигурност ќе натежне негативниот аспект од владеењето на Арсовска, владеење од кое последиците ги трпат жителите на Аеродром и Градот Скопје – додава Тримчевска.

Таа ја повика градоначалничката Арсовска, да ги тргне на страна личните, дневно политичките и фамилијарните бизнис интерес и овој проект да го заврши час поскоро. На повеќе од 40 степени, најмалку што заслужуваат граѓаните на Аеродром секојдневно да дишат прашина и да возат по недовршен булевар, а со тоа и да трпат материјални оштетувања како резултат на суетата, неодговорноста и неработењето на Арсовска.

– Аеродром и Скопје заслужуваат нови, улици и булевари, такви какви што доликува на една метропола. Ние, граѓаните на Аеродром бараме од Арсовска, по две години мандат, конечно сериозно да ја сфати функцијата и довербата добиена од граѓаните и да започне да ги реализира ветените проекти. Скопјани заслужуваат модерен град и градоначалник кој ќе работи чесно, одговорно, решавајќи ги проблемите на граѓаните – порача советничката.

The post НАЈКРАТКИОТ БУЛЕВАР СЕ ОБНОВУВА НАЈДОЛГО „Васко Карангелевски“ е потсетник за неспособноста на Арсовска, порача советничката Тримчевска appeared first on plusinfo.mk.

Со зборовите дека улицата Васко Карангелески во скопски Аеродром не смее да се претвори во булевар со брзи возила кој ќе биде опасност за децата од блиското училиште „Љубен Лапе“, здружението Зелен хуман град ги повика локалните граѓани на протест, денеска во 17 часот.

Според здружението, улицата, ќе стане „топлински остров од асфалт и бетон“, а нашите најблиски ќе станат „подвижни мети на смртоносните возила“.

Во април годинава беше исечен дрворедот од страната на улицата каде што е училиштето, што предизвика реакции во јавноста. Се стравува дека сеча може да е случи на другата страна.

The post „ДА НЕ ДОЗВОЛИМЕ ВАСКО КАРАНГЕЛЕСКИ ДА СТАНЕ СМРТОНОСЕН БУЛЕВАР“ Аеродромци попладнево излегуваат на протест appeared first on plusinfo.mk.