Основниот Кривичен суд Скопје го осуди на доживотен затвор Елвин Куртовиќ, по признание на вина за убиството што го изврши зад трговскиот центар „Мавровка“ во Скопје на 20 август минатата година.

Судијката Моника Бахчовановска, пред објавата на пресудата прочита вештачење на обвинетиот од психијатар, во кое се оценува дека Куртовиќ е психички здрава личност со просечна  интелигенција.

– Вештачењето покажува дека од увидот во казнената евиденција тој од 16 години е осудуван за кражби, насилство, сообраќајки, фалсификување, а имал и пресуди во странство. Од почетокот на адолесценцијата имал проблеми и асоцијалност, изразено непочитување на социјалните норми и неможност за одржување на трајни релации, ниска толеранција и склоност кон насилство. Кога го сторил кривичното дело бил во секој момент пресметлив и со уредно психичко здравје – рече судијката Бахчовановска.

Според обвинението, Куртовиќ се товари за убиство, убиство во обид и неовластено изработување, држење, посредување и тргување со оружје и со експлозивни материи.

Според ОЈО Скопје, обвинетиот на 20 август 2024 година зад трговскиот центар „Мавровка“ во Скопје од користољубие со истрел од огнено оружје – пиштол го лишил од живот оштетениот Васил Ефтимов. Потоа со пиштолот се заканил и на неговата сопруга и ја одзел од неа торбата која таа ја носела на нејзиното рамо, како и една гајба во различни бои покриена со шаторско крило во која имало различен рачен алат, а која оштетените ја имале во возилото. Подоцна во текот на истиот ден, кога полициски службеници го пресретнале обвинетиот заедно со уште едно лице во автомобил на улицата Стојна Стефкова во Скопје, тој излегол од совозачката врата и кон четворицата полицајци испукал 3 проектили во обид да ги лиши од живо

The post ДОЖИВОТЕН ЗАТВОР ЗА УБИЕЦОТ КАЈ „МАВРОВКА“ Елвис Куртовиќ ќе остане зад решетки до крајот на животот appeared first on plusinfo.mk.

СВР Скопје целосно ги расчисти кривичните дела „убиство“ и „убиство во обид“, кои беа извршени на 20.08.2024 на паркинг просторот позади трговскиот центар „Мавровка“, каде што со употреба на огнено оружје беше убиен Васил Ефтимов (58) од Скопје и на улицата Стојна Стефкова, каде со пиштол беше пукано кон полициски службеници од Единицата за интервентна полиција при СВР Скопје.

По преземени мерки и брза реакција на СВР Скопје, специјалните полициски сили, хеликоптери и дронови беше фатен и лишен од слобода сторителот на кривичните дела Е.К. (39) од Скопје.

Веднаш потоа, од Единицата за насилен криминал – Одделение за крвни и сексуални деликти при СВР Скопје беа извршени увиди на местата, беа извршени разговори со сведоци, како и претреси во домови на неколку локации, беа прегледани видео записи и беше извршена претрага на терен за обезбедување материјални докази како што се возила, пиштол, чаури и други одземени предмети. Од страна на Одделот за форензички испитувања при МВР извршено е вештачење на чаури и пиштол со кое вештачење се поврзуваат двете кривични дела со сторителот Е.К.

По обезбедување на целокупниот доказен материјал, Единицата за насилен криминал – Одделение за крвни и сексуални деликти при СВР Скопје во координација со Основното јавно обвинителство Скопје, против Е.К. поднесе кривична пријава по брза постапка поради постоење основи на сомнение за сторено кривично дело „убиство“ казниво по член 123 став 2 точка 4, кривично дело „убиство“ во обид, казниво по член 123 во врска со член 19 и кривично дело „неовластено изработување, држење, посредување и тргување со оружје или распрскувачки материјали“ казниво по член 396 од Кривичниот законик.

За второто лице кое беше лишено од слобода вчера до овој момент не е утврдена поврзаност со настанот и тој е ослободен. Се преземаат интензивни мерки за пронаоѓање на уште едно инволвирано лице за кое постои сомневање дека помагало во извршувањето на кривичното дело „Убиство“.

The post 🎥 39-ГОДИШНИОТ Е.К. Е УБИЕЦОТ НА ВАСИЛ Вториот осомничен е ослободен, се бара трето лице кое се сомничи дека му помагало на убиецот appeared first on plusinfo.mk.

Васил Ефтимов е името на човекот кој денеска беше убиен со истрел во главата на паркингот кај ТЦ „Мавровка“ во Скопје.

Жртвата не е адвокат, како што претходно се тврдеше, туку е бизнисмен, кој се занимавал со продажба на материјали за водовод и канализација, но имал и дуќан за бижутерија во трговскиот центар „Бисер“ во Аеродром.

Како што дознава Плусинфо од полициски извори, убиството е сплет на несреќни околности, бидејќи напаѓачите помислиле дека Ефтимов во својот автомобил носи чанта полна со злато и вреден накит.

Тие се обиделе да го ограбат, но убиениот им се спротивставил. И тоа бил моментот во кој тие одлучиле со еден истрел во главата да го лишат од живот.

Неофицијално, кога се случил инцидентот, Ефтимов бил придружуван од женско лице, најверојатно сопругата.

Дел од медиумите објавија потресни снимки од местото на злосторот, каде што се гледаат членови на неговото семејство. Снимките се вознемирувачки и нивното објавување ја зголемува болката на семејството, поради што Плусинфо одлучи да не ги објави.

Полицијата веќе соопшти дека во врска со случајот се приведени две лица, а посочија дека се трага и по уште едно лице.

The post ИМАЛ ДУЌАН ЗА БИЖУТЕРИЈА ВО „БИСЕР“, А УБИЈЦИТЕ МИСЛЕЛЕ ДЕКА Е ЗЛАТАР Нови детали за убиството кај „Мавровка“ appeared first on plusinfo.mk.