– Важно е официјалните лица што доаѓаат од ЕУ да имаат контакти со јавноста, не само со политичарите. Еврокомесарот по дефиниција ни е најдобар пријател и било каков исчекор треба да е заеднички, но со него немав баш такво искуство, затоа што солираше и поставуваше свои предлози наклонети кон бугарската страна. Реагирав на таквиот однос во повеќе наврати како поединец. Важно е јавноста да знае дека немавме голема помош од неговите напори. Некои дипломати од западните земји-членки на ЕУ мислат дека ќе го решевме ова да не беа паралелните предлози на Вархеји – вели Димитров.

Според Димитров, сме немале сојузник во овој еврокомесар, ги поздравува неговите изјави дека е разочаран, но дел од неговите активности се причина зошто немаме успех.

– После изјавата на Радев кој што кажа брутално дрско и безобразно дека македонскиот идентитет се темели на фалсификат или е вештачки и после изјавата на Петков дека решението мора да оди во Парламент и мора да има политички консензус во бугарското општество за решението мислам дека е крајно време ние да видиме каде одиме и како таму да стигнеме. Ние имаме еден екстрем по секоја цена во ЕУ, или другиот екстрем е да ги баталиме ЕУ и да си бараме други партнери, изјави вечерва во Тема на денот поранешниот министер за надворешни работи Никола Димитров во однос на тоа дали треба да ја менуваме стратегијата во разговорите со Бугарија.

– Мора да се бориме за вистинска европска игра. Не може некој нас да ни го дообјаснува македонскиот јазик. Не може во преговарачката рамка историјата да биде поважна од борбата против корупцијата. Мораме да направиме политика која што ќе покаже дека ветото е штетно и за Бугарија, оти вака ветото им работи. Ние сме тие што ни се брза, ние сакаме да правиме чекори, а сигналот е ќе дојдат на нашето. Затоа мораме да почнеме да употребуваме зборови кои што ја отсликуваат реалноста. Во моментов политиката на Бугарија кон нас не е пријателска, оти со вакви пријатели не ни требаат непријатели. Кога ќе кажат македонскиот идентитет е фалсификат мора да викнеме ова безобразно, ова е дрско, засрамете се! – рече Димитров.

Димитров потенцираше и дека мора за оваа приказна да се информираат партнерите на Македонија во ЕУ во регионот, Американците и сите други кои што се заинтересирани ова да успее.

The post ВАРХЕЈИ ИМА ПРОБУГАРСКИ СТАВОВИ Според Димитров сме немале сојузник во овој еврокомесар appeared first on plusinfo.mk.

– Има определен напредок во нашата работа. Тие проблеми, благодарение на упорноста на Бугарија, се осознаваат и се претвораат во ангажман на ЕУ. Прашањето е со какви инструменти ќе се гарантира заштитата на нашиот интерес – оцени Радев.

Радев исто така рече дека очекува од бугарската Влада на покатегоричен начин да го заштити националниот интерес на земјата.

Во врска со објавените резултати од пописот во Северна Македонија, Радев оцени дека „тоа е уште еден доказ за обесправеноста на Бугарите во Северна Македонија, кои не смеат јавно да се изјаснат дека се Бугари, во ситуација кога над 120.000 лица докажале со документ дека се по потекло Бугари“.

Тоа, според Радев, значи дека Бугарија треба да продолжи со политиката на вето за започнување преговори за членство, додека не добие јасни гаранции за тоа.

The post ДОДЕКА НЕМА ЈАСНИ ГАРАНЦИИ Радев смета дека Бугарија треба да продолжи со ветото за Македонија appeared first on plusinfo.mk.

По состанокот еврокомесарот за проширување, Оливер Вархеји, порача дека Албанија ги исполнува сите ветувања и заложби и покрај вонредните услови во кои се наоѓа, пандемијата од ковид-19 и земјотресот што ја погоди земјата претходно.

– Многу е важно да дадеме сигнал дека Албанија е способна и ги исполнува критериумите на терен, во областа на владеењето на правото, и другите области, реформите во правосудството се клучни, и можам да пренесам дека нашата заедничка проценка, со процесот на ветинг и назначувањето на судиите во Уставниот суд, до земјите членки на ЕУ е дека сите услови се исполнети за одржување на првата меѓувладина конференција – изјави попладнево Оливер Вахреји.

Албанија сепак ќе треба прво да го чека и исходот од претстојните парламентарни избори и да покаже дека ги интегрирала забелешките и препораките од релевантните меѓународни тела како ОБСЕ/ОДИХР и Венецијанската Комисија, посебно во делот на поткупот на гласачи.

Шефот на европската дипломатија, Жосеп Борел, ја пофали Албанија нарекувајќи ја „модел“ за другите земји во регионот, посебно во делот на усогласувањето на надворешната политика со таа на ЕУ, услов кој земјата целосно го исполнува, најави Борел.

Борел истакна исто така дека претстојните избори треба да бидат без дамка.

– Нагласуваме дека е потребно списоците да се состојат од луѓе со интегритет, клучно е да се покаже заложбата за борба против корупцијата – изјави шефот на дипломатијата во ЕУ, додавајќи дека поларизацијата на политичката сцена го поткопува напредокот на земјата и не е во интерес на граѓаните.

Албанскиот премиер, Еди Рама, од своја страна, ги потсети неговите соговорници дека ЕУ потфрли во регионот во однос на процесот на вакцинација против ковид-19.

– Шокантно беше за нашиот народ што се запостави регионот, затоа што како што знаете ние не живееме на границите на ЕУ, туку во ЕУ, опкружени сме со ЕУ држави, и нашите изнемоштени и стари лица се чувствуваат како да не заслужиле вакцини како и сите други, жално е што е така, но знаеме како одеа работите. Денеска 140 земји не почнале ниту со една инјекција, а десет отсто од земјите поседуваат седумдесет отсто од производството – порача Рама.

Премиерот на Албанија изјави надеж дека оваа ситуација набрзо ќе се деблокира преку КОВАКС.

Албанија треба да ја добие првата pратка од АстраЗенека во наредните денови потврди Рама.

Тој и се заблагодари на Европската Комисија за проценката за реформите во неговата земја и поддршката за одржувањето на првата меѓувладина конференција, нешто што земјите членки на ЕУ допрва треба да го одобрат.

The post Вархеји: Албанија ги исполни условите за прва меѓувладина конференција со ЕУ appeared first on plusinfo.mk.

Како што јави дописничката на МИА од Брисел, Вархеји денеска на прес-конференција посветена на јужното соседство на ЕУ, кусо искоментира само дека Европската комисија се надева дека почетокот на преговорите со Северна Македонија ќе се „деблокираат што е можно побрзо“.

Земјава од минатата година е блокирана од страна на Бугарија за почетокот на преговори со ЕУ, поради билатерален спор.

Бројни дипломати минатата година брифираа дека еврокомесарот Вархеји поднел предлог за решавање на спорот кој одел во прилог на бугарската страна, поради што тој не бил прифатен ниту од Скопје, ниту од тогашното германско претседателство со Унијата, ниту од повеќе земји членки на ЕУ.

The post Вархеји се надева дека Македонија брзо ќе почне преговори appeared first on plusinfo.mk.

– Задоволен сум што сите шест партнери од Западен Балкан го потврдија учеството во Договорот за заеднички набавки, а четворица досега усвоија предлог за зелени линии со кои ќе се обезбеди проток на стоки и лекови – напиша Вархеји на Твитер.

Претставници на Европската комисија за Танјуг објасниле дека на сите партнери од Западен Балкан им било овозможено да учествуваат во заедничките европски набавки, при што досега се распишани тендери за заштитна медицинска опрема, респиратори и лабораториска опрема.

Подоцна овие набавки можат да послужат и за купување вакцини и други лекови.

Целта на овие заеднички набавки е да се добијат „подобри цени и да се обезбеди координирана испорака“. Испораката на заеднички набавената медицинска опрема ќе зависи од брзината на потпишувањето на договорите и од способноста на производителите да ја испорачаат бараната стока.

Во врска со „зелените линии“, Западен Балкан треба да се приклучи на иницијативата на Европската комисија за отстранување на пречки за превоз на стока и медицинска опрема ширум Европа

The post Вархеји: ЕУ и Западен Балкан заедно во борба против коронавирусот appeared first on plusinfo.mk.

Како што јави дописникот на МИА од Белград, на 16 март српската министерка за европски интеграции Јадранка Јоксимовиќ испратила писмо до еврокомесарот за проширување Оливер Вархеји, во кое бараше ЕУ да и овозможи на Србија да пренамени непотрошени средства од Инструментот за претпристапна помош (ИПА) за преземање мерки на сузбивањето на последиците од коронавирусот.

Во одговорот на ова писмо, како што соопштија од српската Влада, Вархеји напишал дека и дал налог на својата служба, со согласност на српската Влада, да ослободи околу 94 милиони евра од тековните проекти и проекти од ИПА фондовите кои досега не се реализирани. Овие средства вклучуваат 15 милиони евра за итни потреби од тековни програми и договори со Програмата за развој на Обединетите нации (УНДП) и Канцеларијата на Обединетите нации за проектни услуги (УНОПС), навел Вархеји, додавајќи дека може да се користат и дополнителни 21 милиони евра од Програмата за поддршка на европските интеграции.

Вархеи во писмото, укажал на можноста и за дополнителна поддршка со обезбедување 57,6 милиони евра за проекти чија имплементација сè уште не започна да се пренасочи кон поддршка на здравствениот систем и надминување на социо-економските последици од пандемијата на коронавирус, соопштија од српската влада.

The post Вархеји и одобри на Србија 94 милиони евра, пренаменети од ИПА фондовите appeared first on plusinfo.mk.

– Од срце им честитам на двете земји. Ова исто така испраќа и јасна порака до земјите од Западен Балкан: Вашата иднина е во ЕУ – напиша Вархеји на неговиот официјален Твитер налог.

Министрите за надворешни работи на ЕУ денеска на видео – конференција дебатираа за отворање на пристапните преговори со Северна Македонија и Албанија. Ставот на ЕК по ова прашање, е јасен: двете земји испорачаа реформи и се подготвени да ги отворат преговорите, твитна Вархеји.

The post Вархеји: ЕУ одлучи да почне преговори со Северна Македонија и Албанија appeared first on plusinfo.mk.