Иранскиот министер за надворешни работи, Абас Арагчи, се сретна со својот кинески колега Ванг Ји во Пекинг.

Кинескиот министер Ји ги нарече воените акции на САД и Израел против Иран нелегитимни и порача дека мора да се воспостави целосен прекин на огнот, објави иранската новинска агенција Тасним.

– Регионот поминува низ клучна пресвртница и неопходни се директни средби меѓу двете страни – рече Ванг.

Кина и Иран се блиски економски партнери, а Кина се смета за најголем купувач на иранска нафта.

Пекинг редовно ги критикува акциите на САД против Иран.

Средбата се одржа на една недела пред очекуваната посета на американскиот претседател Доналд Трамп на Кина. Вашингтон го најави тоа патување, но Пекинг сè уште не го потврдил.

Државниот секретар на САД, Марко Рубио, во вторник вечерта изјави дека се надева оти Кина „ќе му го каже на Арагчи она што треба да му се каже, дека она што го прави во Ормускиот Теснец го води Иран кон глобална изолација“.

Трамп во вторникот објави дека привремено ја суспендира операцијата „Проект Слобода“ – мисијата на САД за обезбедување безбеден премин на бродовите низ теснецот. Исто така, рече дека е постигнат „голем напредок“ во разговорите меѓу Вашингтон и Техеран.

The post ВОЈНАТА НА САД И ИЗРАЕЛ ПРОТИВ ИРАН Е НЕЛЕГИТИМНА Кина бара целосен прекин на огнот appeared first on plusinfo.mk.

Кинескиот министер за надворешни работи Ванг Ји во телефонски разговор му порача на својот ирански колега Абас Арагчи дека Пекинг го поддржува Техеран во одбраната од нападите на САД и Израел, во услови на продлабочување на конфликтот на Блискиот Исток.

Преку серија разговори со колеги од Иран, Оман и Франција, Ванг го пренел ставот на Кина за актуелната ескалација.

Во разговорот со Арагчи, Ванг нагласил дека Пекинг „го негува традиционалното пријателство меѓу Кина и Иран“.

– Ние го поддржуваме Иран во одбраната на неговиот суверенитет, безбедност, територијален интегритет и национално достоинство, како и во заштитата на неговите легитимни права и интереси – рекол Ванг Ји.

Шефот на кинеската дипломатија истовремено ги повикал САД и Израел веднаш да ги прекинат воените операции.

– Ги повикуваме САД и Израел веднаш да ги запрат воените операции, да избегнат понатамошна ескалација на тензиите и да спречат ширење на конфликтот во целиот регион на Блискиот Исток – изјави Ванг, пренесе „CCTV“.

Во одделен разговор со министерот за надворешни работи на Оман, Бадр Албусаиди, Ванг ги обвини САД и Израел за „намерно поттикнување војна против Иран“, оценувајќи дека со тоа „се кршат целите и принципите на Повелбата на ОН“.

Тој додаде дека Кина е подготвена да преземе поактивна улога во решавањето на кризата.

– Кина е подготвена да игра конструктивна улога, залагајќи се за правда, мир и запирање на војната преку платформата на Советот за безбедност на ОН – му порача Ванг на Албусаиди.

The post КИНА ОТВОРЕНО ЗАСТАНА ЗАД ИРАН Ванг Ји со силна порака до САД и до Израел appeared first on plusinfo.mk.

Шефот на кинеската дипломатија, Ванг Ји, на денешната Минхенска безбедносна конференција предупреди дека повиците од САД за дистанцирање од Кина се „импулсивни“ и можат да имаат сериозни последици врз глобалната економија.

Според Ванг, најдобар исход за односите меѓу Пекинг и Вашингтон е соработката, а не конфронтацијата. Тој го повика Вашингтон да води „позитивна и прагматична“ политика кон Кина.

– Другата опција е да се обидат да се дистанцираат од Кина, да ги нарушат синџирите на снабдување и да ѝ се спротивставуваат по сите прашања на чисто емотивен и импулсивен начин – посочи Ванг.

На маргините на конференцијата, кинескиот министер оствари средби со германскиот и францускиот колега, при што порача дека развојот на Кина претставува можност, а не закана за Европа.

Тој нагласи дека предизвиците со кои се соочува Европа не доаѓаат од Пекинг и повика на балансиран пристап во односите меѓу Европска Унија и Кина.

– Кина и Европската Унија треба правилно да управуваат со разликите и конфликтите, да ја продлабочат практичната соработка и заеднички да работат на справување со глобалните предизвици – истакна Ванг Ји.

Изјавите доаѓаат во период на засилени геополитички тензии и редефинирање на економските односи меѓу големите сили.

The post НЕ НОСЕТЕ ИМПУЛСИВНИ ОДЛУКИ ПРОТИВ КИНА Ванг Ји со остра порака до САД appeared first on plusinfo.mk.

Тој посочи дека во конфликтот меѓу Израелците и Палестинците, решението кое подразбира две држави и натаму е единствениот излез од тензичната ситуација во регионот.

Ванг рече дека Кина се залага за мир во Украина и дека „не долева масло на огнот“ ниту за себе извлекува корист од војната на Русија против Украина.

The post ДВЕ ДРЖАВИ, ИЗРАЕЛ И ПАЛЕСТИНА, ЕДИНСТВЕНО РЕШЕНИЕ Кина бара итно и сеопфатно примирје на Блискиот Исток appeared first on plusinfo.mk.

Кина и Русија објавија „безгранично“ партнерство во февруари 2022 година, кога рускиот претседател Владимир Путин го посети Пекинг, неколку дена пред да испрати десетици илјади војници во Украина.

– Кина и Русија создадоа нов модел на односи меѓу големите земји, кој е сосема различен од застарениот пристап на ерата на Студената војна, заснован на принципите на неврзување, неконфронтација и нетаргетирање против трети земји – посочи Ванг.

Тој потенцира дека Пекинг ќе продолжи да работи за мир и стабилност во светот.

– Соочена со нестабилна и сложена меѓународна средина, Кина решително ќе биде сила за мир, стабилност и напредок во светот – наведе Ванг.

Годишната сесија на Парламентот е главен политички настан во Кина, кој традиционално ѝ дава можност на владата да ги претстави своите економски и дипломатски политики.

Ванг се осврна и на односите на Кина со САД, посочувајќи дека остануваат тензиите помеѓу двете најголеми економии во светот.

– САД ја обвинуваат Кина под каков било изговор. Постојано се обновуваат средствата за притисок врз Кина, а списокот на еднострани санкции постојано се проширува. САД продолжуваат да имаат погрешна слика за Кина и допрва треба да ги исполнат своите ветувања и покрај напредокот постигнат од средбата меѓу претседателите Џо Бајден и Си Џинпинг во ноември минатата година – истакна Ванг.

Тој нагласи и дека е јасна политиката кон Тајван.

– Нашата политика е многу јасна, да продолжиме најискрено да ја следиме перспективата за мирно обединување. Нашата црвена линија е исто така исклучително јасна, никогаш нема да дозволиме Тајван да се одвои од татковината“ – рече Ванг.

Тој додаде дека безбедноста во Тајванскиот Теснец е диктирана од почитувањето на принципот „Една Кина“.

Ванг предупреди и дека Пекинг ќе ги брани своите права во Јужното Кинеско Море по серијата инциденти со Филипините.

Кинескиот министер за надворешни работи истакна дека хуманитарната катастрофа предизвикана од војната во Појасот Газа е срам за цивилизацијата и го повтори повикот на Пекинг за итен прекин на огнот.

Ванг на прес-конференцијата и на БРИКС, која „има за цел да го зајакне мировниот потенцијал и да го прошири фронтот на светската правда“.

Во поширока смисла, проширувањето на БРИКС е манифестација на подемот на глобалниот југ и забрзаниот развој на мултиполарноста во светот. Тоа суштински ја менува картата на светската економија, наведе Ванг.

The post КИНА И РУСИЈА ГРАДАТ НОВ ТИП НА ПАРТНЕРСТВО Кинескиот министер за надворешни кажа какви им се односите и со САД appeared first on plusinfo.mk.

Додека двајцата зборуваа, Вашингтон се обидуваше да изврши поголем притисок врз Русија да ја запре војната со нови санкции. На ова, тие одговорија дека Кина и Русија „се спротивставуваат на сите форми на еднострано малтретирање“.

Ванг, инаку директор на Канцеларијата на Комисијата за надворешни работи на Централниот комитет на Комунистичката партија на Кина (КПК) и член на Политбирото на Централниот комитет на КПК, се сретна со лидерите на кинеско-рускиот стратешки безбедносен советодавен механизам и Патрушев, со кои разговарал за начините за подобрување на глобалното владеење, се наведува во соопштението на кинеското Министерство.

За време на средбата биле разменети мислења за ситуацијата во Украина, додаваат од Министерството, без да наведат детали.

Двете страни ја изразиле својата подготвеност заеднички да практикуваат „вистински мултилатерализам, спротивставувајќи се на сите форми на еднострано насилство и промовирајќи ја демократизацијата на меѓународните односи и мултиполаризацијата на светот“.

Ванг денеска треба да се сретне и со рускиот министер за надворешни работи Сергеј Лавров.

Портпаролот на Кремљ Дмитриј Песков изјави дека не ја исклучува можноста Ванг да се сретне со рускиот претседател Владимир Путин. Ванг вчера пристигна во посета на Москва.

The post КИНА И РУСИЈА НЕЈЌАТ ДА БИДАТ МАЛТРЕТИРАНИ Двете земји се против „менталитетот на Студената војна“ appeared first on plusinfo.mk.

– Нашата влада и војска внимателно ги следат кинеските воени вежби, ги следиме сите информации и подготвени сме да одговориме доколку е потребно. Ја повикувам меѓународната заедница да го поддржи отворениот, демократски Тајван и да ја спречи ескалацијата на регионалната безбедност – порача таа.

Претходно од неименуван извор од Владата во Тајпеј, беше прецизирано дека тајванските сили  се покренати до степен на борбена готовност, но властите со крајни напори се обидуваат да не ја испровоцираат другата страна и со тоа да помогнат воениот конфликт да започне.

Кинезите го зголемија воениот притисок

Кинески бродови и авиони утрово ја преминале линијата на разделување со Тајван, изјави неименуван тајвански владин претставник.

– Околу десет бродови на кинеската морнарица утрово ја преминаа централната линија и останале во областа, а околу 20 кинески воени авиони накратко ја премина централната линија – изјави тој.

Според информациите од Кина, морнарицата успеала во намерата да го опколи островот и да ги одржи воените вежби.

– Војниците го покажаа својот храбар и непобедлив борбен дух – изјави Лиу Дункунг, генерал во кинеската армија.

Дипломатијата потполно замолкна

The post ТАЈВАН Е ПОДГОТВЕН ЗА ВОЈНА Дипломатите замолкнаа, сцената им е препуштена на генералите? appeared first on plusinfo.mk.

Ванг Ји изјавата ја дал за време на состанокот со претседателот на Казахстан, Касим Жомарт Токајев, за време на вчерашниот состанок во Нур Султан.

– Кина отсекогаш играше конструктивна улога за помош во мировните преговори. Во денешната ситуација, потребно е да се биде свесен за обидите на трети страни да вовлечат земји од регионот во конфликт на светските сили и да се избегнат нивните барања за зазимање одредена страна. Кина никогаш нема да ги следи геополитичките интереси во централна Азија и нема да дозволи надворешни сили да започнат хаос во овој регион, се неговите зборови, а одредени медиуми пишуваат оти се насочени кон Западот – вели министерот.

The post НЕМА ДА ДОЗВОЛИМЕ ХАОС Кина се противи на геополитичките цели на Западот appeared first on plusinfo.mk.

„Кина никогаш нема да прифати каква било надворешна принуда или притисок и се спротивставува на какви било неосновани обвинувања и сомневања против Кина“, нагласи Ванг во соопштение.

Неговите коментари доаѓаат по изјавата на американскиот претседател Џо Бајден, кој во петокот го предупреди својот кинески колега Си Џинпинг за „последиците“ доколку Пекинг обезбеди материјална поддршка за руската инвазија на Украина.

Ванг истакна дека најважната порака што Си ја испратил е дека Кина отсекогаш била мировна сила во светот.

„Отсекогаш сме биле посветени на одржување на мирот и спротивставување на војната“, рече Ванг, додавајќи дека Кина ќе донесе независни одлуки.

„Позицијата на Кина е објективна и правична и е во согласност со желбите на повеќето земји. Времето ќе покаже дека кинеските претензии се во првите редови на историјата“, рече Ванг.

The post КИНА Е НА ВИСТИНСКАТА СТРАНА ОД ИСТОРИЈАТА Кинескиот министер им одговори на Американците appeared first on plusinfo.mk.

– Соработката на двете земји носи корист и благосостојба на двата народа – изјави Ји, во годишното обраќање пред кинескиот парламент.

Тој додаде дека Кина ќе продолжи со конструктивна политика и ќе се обидува активно да придонесе во правец на изнаоѓање на мировно решение за војната во Украина.

На крајот Ји истакна и дека „наскоро и Тајван ќе се врати во прегратките на татковината“, со што ги засили стравувањата за скорешна инвазија на кинеската војска на Тајван.

The post КИНА СТОИ ЦВРСТО ЗАД ПАРТНЕРСТВОТО СО РУСИЈА На крајот и Тајван ќе се врати во прегратките на татковината appeared first on plusinfo.mk.