Каква неверојатна трансформација на еден човек!

Ване Цветанoв, кој своевремено беше обвинет за разни корупциски скандали, та дури и за за злосторничко здружување и за издавање државна и воена тајна, скандал мејкерот кој речиси и го заборавивме, ни се враќа на јавната сцена, преобразеn во голем верник и проповедник, кој својата љубов кон Бога ја споделува и на социјалните мрежи.

Една таква проповед за љубовта кон Господ и за штетите што ги прават злобните луѓе, Цветанов вчера споделил и на социјалните мрежи. Тој предавањето го почнува со молба до Господ, во која вели дека сѐ што ќе каже е од името господово и слава.

Ване Цветанов своевремено беше прв човек на Агенцијата за спречување перење пари и финансирање тероризам, директор на Финансиската полиција и претседател на Советот за унапредување и надзор на ревизијата.

Но, брзо се прочу во јавноста по тоа што на државна сметка патувал по светот – јадел, пиел, престојувал во луксузни хотели, а неретко со себе ја носел и својата партнерка Дунавка.

Ване Цветанов во 2021 година ја ангажирал Дунавка Трифуновска, поранешна мис на Македонија, да му помага во работењето. Тогаш тврдеше дека ја ангажирал со договор за дело за нула денари.

Со месеци потоа Ване и Дунавка јавно се разделува, јавно се расправаа кој е виновен, а потоа, пак јавно, се заљубуваа. На првата годишнина од љубовта, Ване на Фејсбук напиша. „Искрено му благодарам на Бог што те испрати, за заедно да чекориме во добро и зло. Ти преку дела ми покажа дека со чиста љубов и силна вера во Бог, се возможни и најубавите нешта. Го молам Бог да нѐ благослави со уште многу вакви моменти. Среќна годишнина, љубов“.

Опседнати со исходот на теленовелата за Ване и Дунавка, тогаш не забележавме колку и Бог е во фокусот на вниманието на големиот љубовџија и праведник.

Како претседател на Советот за унапредување и надзор на ревизијата, Ване Цветанов беше обвинет дека ја злоупотребил службената положба и овластување, со што, според обвинителството, го оштетил државниот буџет за околу 33.000 евра. Бидејќи не се согласуваше со обвинението, избега во Германија и побара азил, но се врати кога беа изгласани измени на Кривичниот законик, според кои тој веќе беше слободен човек.

– Ова ми дојде како дар од Бога! Играта која ми ја направија од СДСМ и олигарсхиските лоби групи беше да добијам повеќе од 12 години затвор, со цел да ме замолчат засекогаш, бидејќи сум сведок на сериозни милионски криминални игри кои ја уништуваат државата – рече тогаш тој.

И пак Бог во приказната на Ване…

Цветанов беше обвинет и за злосторничко здружување и издавање службена, државна или воена тајна во случајот „Шпион“, во октомври 2014 година и осуден на 3 години затвор, но Апелациониот суд во октомври 2016 година ја намали на условна казна затвор од 2 години, која нема да се изврши ако во рок од 5 години не стори ново кривично дело.

Во 2024 година Цветанов „блесна“ уште еднаш и изјави дека се чувствува како Бугарин.

– Планирам да влезам во политика како заштитник на бугарското малцинство во Македонија и како борец против организираниот криминал во којшто плива државата – изјави тој по враќањето од Германија, каде што бараше азил.

Во оваа епизода на животот на Ване, додуша, Бог не беше спомнат. Но, немаше потреба од тоа. И Бог, како и сите други, нели, најверојатно е Бугарин по потекло.

Она што не го знаеме во овој момент и не го истражуваме, е прашањето во која црква Ване сега држи проповеди. Оставаме тој самиот да ни каже.

Приказната за Ване продолжува.

Со божја помош, се разбира.

The post ГОЛЕМИОТ ЉУБОВЏИЈА И „ПРАВЕДНИК“ КУРТУЛИ ОД ЗАТВОР И СЕГА ПРОПОВЕДА ЗА БОГ И ЗА ЉУБОВТА Ване Цветанов ни се врати, радувајте се луѓе! appeared first on plusinfo.mk.

– Пријавениот, како лице именувано од Владата на споменатата позиција за периодот од 24.07.2019 до 15.03.2022 година, ги сторил кривичните дела искористувајќи ја својата службена положба и пречекорувајќи ги границите на своите службени овластувања, при што постапил спротивно на одредбите од Законот за јавни набавки, Законот за спречување на корупцијата и судирот на интереси, Статутот на телото, Законот за ревизија, како и спротивно на Законот за трансформација во редовен работен однос. Имено, во текот на 2021, спротивно на одредбите на Законот за јавни набавки пријавениот, без да спроведе постапка за јавни набавки која бил должен да ја спроведе, од неколку економски оператори набавил стоки и услуги во вкупен износ од 2.272.684 ден. (36.954 евра), набавки кои го надминуваат законски дозволениот износ од 12.000 евра во тековната година за набавки на стоки без спроведена постапка, додека во текот на 2022 продолжил со дејствијата и извршил набавка на стоки и услуги од неколку економски оператори во вкупен износ од 430.515 ден. (7.000 евра) за кои постои основано сомнение дека нема реална оправданост за набавка на истите за потребите на телото – стои во соопштението од министерството за внатрешни работи.

Оттаму додаваат дека, тој ги пречекорил границите на своето службено овластување, постапувајќи спротивно на Законот за спречување на корупцијата и судирот на интереси, спротивно на Статутот на телото и спротивно на Законот за ревизија, па без претходна Одлука за потреба од ангажирање на надворешно лице донесена од страна на Советот на телото, последователно склучил 3 Договори за ангажирање на надворешен советник за специјални цели во телото со Д.Т., која била негова невенчана сопруга, без предвиден надоместок за ангажираното лице. Притоа овие договори биле искористени и како основa за заеднички службени патувања во странство, за што по основ на дневници за службени патувања и патни и дневни трошоци, од сметката на телото неосновано и противправно биле исплатени парични средства во вкупен износ од 93.800 ден. (1.525 евра).

– На истиот начин, без претходна Одлука за ангажирање на надворешни лица за потребите на телото, спротивно на Законот за ревизија, Статутот на телото и Закон за трансформација во редовен работен однос, пријавениот склучил уште 18 Договори за ангажирање на надворешни лица по разни основи, за услуги за кои согласно Правилникот за систематизација на работни места и Листата на вработени во стручната служба на телото веќе биле вработени таков профил на кадри. Поради ваквите дејствија на пријавениот, од средствата на телото непотребно и неосновано биле исплатени парични средства во вкупен износ од 1.803.237 ден. (29.321 евро) – велат од МВР.

Дополнително, пријавениот, постапувајќи спротивно на Статутот на телото и спротивно на Законот за ревизија, без претходно донесена Одлука на одржана седница на телото, набавил апликативен софтвер од правно лице иако веќе имало склучено Договор со друг правен субјект кој договор бил во важност, од кој претходно биле набавени апликативни и софтверски решенија за потребите на телото. Со ваквото пречекорување на границите на своите службени овластувања пријавениот дополнително нанел штета на средствата во сопственост на телото во вкупен износ од 56.640 ден. (921 евра).

– Со наведените инкриминирачки дејствија, пријавениот постапувал надвор од границите на своите службени овластувања со што го сторил кривичното дело „злоупотреба на службена положба и овластување” предвидено и казниво по член 353 став 5 во врска со член 45 од Кривичниот законик и со тоа овозможил за себе и за други лица, на штета на Буџетот на телото, де се стекнат со противправна имотна корист од вкупно 4.656.876 денари (75.722 евра) – информираат од МВР.

The post ЈА ВРАБОТИ ДУНАВКА И СИ ЛАПНА КРИВИЧНА Ване Цветанов ја злоупотребил службената положба и овластување appeared first on plusinfo.mk.

Цветанов за директор на оваа институција беше поставен од поранешниот премиер Зоран Заев во 2019 година, а претходно беше директор на Агенцијата за спречување перење пари и финансирање тероризам.

Владини извори исто така најавуваат дека ќе има нови 12 советници во Владата, професори економисти, од кои двајца Германци, чии имиња ќе бидат објавени до крајот на неделата.

The post ПОТВРДЕНО РАЗРЕШУВАЊЕТО НА ЦВЕТАНОВ Ковачевски ќе има 12 советници од кои двајца Германци appeared first on plusinfo.mk.

Според извори на редакцијата во Владата, на денешната владина седница, Ване Цветанов бил разрешен од раководната позиција во Советот за унапредување и надзор на ревизијата.

Разрешувањето доаѓа брзо по информациите во јавноста дека Цветанов, како Претседател на оваа државната институција, ја ангажирал сопствената жена, манекенката Дунавка Трифуновска да му помага во работењето.

Очекуваме и официјална потврда од Владата, по завршување на седницата.

Цветанов беше на оваа функција од јули 2019 година, а претходно беше директор на Агенцијата за спречување перење пари и финансирање тероризам. Цветанов беше обвинет за злосторничко здружување и издавање службена, државна или воена тајна во случајот „Шпион“, во октомври 2014 осуден на 3 години затвор, а Апелацискиот суд во октомври 2016 ја намали на условна казна затвор од 2 години,

The post ДУНАВКА ГО ПОТОПИ ВАНЕ ЦВЕТАНОВ Разрешен директорот што си ја ангажираше партнерката за волонтерка appeared first on plusinfo.mk.

– Дунавка е ангажирана со договор за нула денари. Нормално дека жена ми ќе дојде да ми помогне во работењето кога гледа дома колку работа имам, а немам доволно вработени. Затоа Дунавка ми помага, а за тоа не добива ниту денар и немам зошто тоа да го кријам – вели Цветанов, кој со Дунавка има склучено само црковен, но не и граѓански брак.

Тој потврдува дека Дунавка одела со него на службени патувања.

– Нормално дека Дунавка патувала со мене и голем дел од успесите на институцијата се нејзина заслуга. Нејзе државата ѝ должи за сето она што го направила за оваа институција на полето на ревизијата. Работи сè, има познавања не само од менаџментот туку и во многу други области. За сите успеси и големиот напредок на Советот за унапредување и надзор на ревизијата во изминатиов период заслуга има Дунавка – додава Цветанов за СДК.

The post ДУНАВКА РАБОТИ СЀ ШТО ТРЕБА, ИМА ГОЛЕМИ ЗАСЛУГИ ЗА ДРЖАВАТА Ване Цветанов вели дека е нормално жена му да му помогне кога нема кадар appeared first on plusinfo.mk.

Цветанов на Фејсбук споделил со своите пријатели дека убавата љубовна приказна завршила.

„Почитувани пријатели, како што навремено јавно Ве информирав за почетокот на убавата љубовна приказна, така сега јавно Ве информирам за крајот на убавата љубовна приказна.

Дунавка е прекрасна личност, искрено ѝ ја посакувам сета среќа на светот. Ја заслужува. Ние двајцата дојдовме од два различни света. Мојот живот е доста оптоварен со обврски и не е лесно да се живее со мене. Навреме увидовме дека е невозможно да се спојат тие два различни света.

Затоа одлучивме да ја затвориме романтичната приказна со коректен крај. За да остане запаметена како убава приказна која што се случила некогаш… Јас летово се посветувам целосно на кариерата, на институцијата која што ми е доверена, а дружбите ќе ми бидат претежно со моите деца.

Здравје од Бога, во септември се гледаме со огромни институционални успеси!“, напиша Цветанов.

ФОТО: Инстаграм/Фејсбук

The post Дунавка Трифуновска и Ване Цветанов се разделуваат: Крај на љубовната приказна appeared first on plusinfo.mk.

Пред пет месеци нивната врска ја обелодени токму Цветанов.

Сега Цветанов ја објави веста за свршувачката со Дунавка на својот фејсбук-профил. По објавата пристигнуваат борјни честитки.

Цветанов сега е претседател на Советот за унапредување и надзор на ревизија, но и претседател на граѓанското здружение Зелена лупа.

ФОТО: Фејсбук

The post Се свршија Дунавка Трифуновска и Ване Цветанов ФОТО appeared first on plusinfo.mk.

„Во принцип ретко објавувам приватни фотографии, но кога започнувам љубовна врска со жена во вистинска смисла на зборот, мојата врска ја објавувам јавно. После мојата вчерашна објава се разбрануваа голем број на луѓе и следеа доста реакции. Повеќе од 95% беа позитивни честитки и посакување среќа. Изразувам искрена благодарност за убавите честитки и коментари до сите кои што од срце се израдуваа и честитаа преку оваа прекрасна фотографија. За оние 5% кои што имаат нејаснотии, им посакуваме да си ја пронајдат својата среќа, пишува Цветанов на Фејсбук.

The post Ване Цветанов објави дека е во љубов со вистинската жена ФОТО appeared first on plusinfo.mk.