Осквернавени се гробови во кругот на црквата „Света Богородица“ во струшкото село Боровец, полицијата презема мерки за расчистување на случајот, соопшти денеска СВР Охрид.

Според МВР, вчера во 18 часот и 30 минути во полициското одделение во струшкото село Велешта било пријавено дека во кругот на црквата „Света Богородица“ во селото Боровец се оштетени мермерните плочи на 14 гробови.

Полицијата извршила увид и преземаат мерки за расчистување на настанот, по што ќе следува соодветна пријава.

The post ОСКВЕРНАВЕНИ ГРОБИШТА ВО СТРУШКО Искршени се мермерните плочи на 14 гробови appeared first on plusinfo.mk.

Министерот за локална самоуправа Иван Стоилковиќ објави дека е се вандализирани просториите на Културно-уметничкото друштво „Српски вез“, оценувајќи дека ваквите инциденти се последица на, како што наведе, континуирана ксенофобија и шовинизам во јавниот простор.

Во објава на својот профил на Фејсбук тој стави и видео-снимка од надзорни камери на која се гледаат двајца млади луѓе кои паркираат со црн автомобил пред центарот, излегуваат а потоа се прекачуваат преку оградата.

Според Стоилковиќ, во просториите каде што со фолклор се занимаваат повеќе од 200 деца биле предизвикани материјални оштетувања, а биле испишани и графити со натпис „УЧК“.

Тој истакна дека ваквото однесување претставува вандализам кој, според него, државата и јавноста треба најостро да го осудат и санкционираат.

Во својата реакција, Стоилковиќ оцени дека подолг период во јавноста е присутна атмосфера на нетрпеливост, која, според него, особено се интензивирала во последните две години. Најави дека за политиките кои, според него, придонесуваат за вакви појави ќе говори во друга прилика, додавајќи дека „никој нема да биде изоставен“.

The post ВАНДАЛИ ПИШУВАЛЕ „УЧК“ И НАПРАВИЛЕ ШТЕТА НА СРПСКИ КУЛТУРЕН ЦЕНТАР ВО КУМАНОВО Надзорните камери ги снимија appeared first on plusinfo.mk.

Општина Аеродром започнува постапка за воспоставување систем за видеонадзор на детските и спортските игралишта, како и во парковите. На вчерашната седница на Советот беше усвоен предлогот за отпочнување на постапката.

„Секое искршено игралиште претставува загуба за сите граѓани, а најмногу за најмладите. Затоа, покрај реконструкцијата и обновата на спортските и детските игралишта, Општина Аеродром презема конкретни чекори за нивна трајна заштита. Целта е да се спречи вандализмот и да се зачува јавниот имот.

Новиот систем за видеонадзор ќе придонесе за спречување на вандализмот, заштита на општинскиот имот и урбаната опрема, зачувување на парковите и игралиштата, како и поддршка на надлежните институции во откривањето сторители на казниви дела. Истовремено, ќе овозможи поголем јавен ред, повисоко ниво на безбедност и подобра заштита на јавната инфраструктура.

Реализацијата на проектот ќе се спроведе согласно со законските процедури, со целосно почитување на прописите за заштита на личните податоци и сите важечки стандарди.

Безбедноста е инвестиција во иднината. Со оваа мерка, Општина Аеродром продолжува да создава побезбедни, уредени и зачувани јавни простори, во интерес на сите граѓани и на идните генерации“ – соопшти Општина Аеродром.

The post ОПШТИНА АЕРОДРОМ ВОВЕДУВА ВИДЕОНАДЗОР Поголема заштита од вандализам, насилство, криминал.. appeared first on plusinfo.mk.

Непознати сторители во петокот рано изутрината упаднале во основно училиште во скопската населба Ѓорче Петров, каде насилно ја оштетиле вратата од спортската сала и однеле два противпожарни апарати.

Според пријавата, апаратите потоа биле употребени во училишниот двор, каде сторителите претходно запалиле учебници што ги изнеле од училиштето.

Полицијата изврши увид и презема мерки за откривање на сторителите.

The post ПРВО ПАЛЕЛЕ УЧЕБНИЦИ, ПА КРАДЕЛЕ ПП-АПАРАТИ ДА УГАСНАТ ПОЖАР Обиена спортска сала во училиште во Ѓорче Петров appeared first on plusinfo.mk.

Искршени реквизити и штета од неколку илјади евра оставил вандализмот на детското игралиште „Патрик“ зад ТЦ „Три Бисери“ во Аеродром, поради што просторот е привремено затворен до неговата санација.

Случајот во јавноста првично го отвори јутуберот Никола Поповиќ, кој објави видео на кое разговара со група деца затекнати на игралиштето.

На снимката се слуша како Поповиќ ги прашува дали го оштетувале инвентарот, додека едно од децата одговара дека не кршело ништо.

Сепак, градоначалникот на Општина Аеродром Дејан Митески денеска соопшти дека по увидот на терен било утврдено оти игралиштето било мета на вандализам.

„Станува збор за едно од најубаво уредените детски катчиња во Општина Аеродром. За жал, токму ова место беше мета на несовесно и недозволиво однесување, при што е причинета штета која според првичните проценки изнесува повеќе илјади евра“, напиша градоначалникот на Фејсбук.

Тој информираше дека случајот е пријавен во полиција и дека се поднесени соодветни пријави против сторителите.

Општината најави целосна санација на штетите и замена на оштетените реквизити со нови.

„За жал, вакви случаи не се случуваат само во Аеродром, туку и во многу други општини и населени места. Затоа е потребна поголема општествена одговорност, повеќе грижа и јасна осуда на секој обид за уништување на заедничкиот простор“, напиша Митески повикувајќи ги граѓаните веднаш да пријават во полиција ако забележат вандализам.

The post 📽️ МАЛОЛЕТНИЦИ НАПРАВИЈА ШТЕТА ОД ПОВЕЌЕ ИЛЈАДИ ЕВРА НА „ПАТРИК“ ВО АЕРОДРОМ Градоначалникот го осуди чинот и најави целосна санација appeared first on plusinfo.mk.

Полицијата го расчисти случајот со оштетувањето на канделабрите во парк на подрачјето на Општина Карпош, откако утврди дека зад вандалскиот чин стои 13-годишно момче од Скопје.

Од Министерството за внатрешни работи информираа дека на 12 јуни, во 21:30 часот, во Полициската станица Карпош бил извршен службен разговор со 48-годишен скопјанец, татко на малолетникот.

Според информациите, по преземените мерки и постапувањето по претходна пријава поднесена од Општина Карпош, полициските службеници од СВР Скопје – Полициска станица Карпош утврдиле дека на 11 јуни, околу 21:30 часот, на улицата Волгоградска, во близина на фитнес-игралиштето, 13-годишникот оштетил и откорнал канделабри за улично осветлување.

Случајот предизвика реакции во јавноста откако на социјалните мрежи беше објавено видео на кое се гледа како малолетници вандалски се однесуваат кон урбаната опрема во еден од парковите во Карпош.

Од МВР посочуваат дека по целосното документирање на случајот ќе бидат поднесени соодветни пријави согласно законските процедури.

 

View this post on Instagram

 

A post shared by Plusinfo.mk (@plusinfo.mk)

The post 📽️ 13-ГОДИШНИК ГИ ОТКОРНА КАНДЕЛАБРИТЕ ВО КАРПОШ Полицијата го повика родителот во станица, следат санкции appeared first on plusinfo.mk.

Општина Карпош изрази сериозна загриженост поради зачестените случаи на вандализам и уништување на урбаната опрема и детските игралишта на целата нејзина територија, предупредувајќи дека ваквите постапки не претставуваат само материјална штета, туку и сериозна опасност за безбедноста на граѓаните.

Од локалната самоуправа информираат дека во изминатиот период биле евидентирани бројни оштетувања на јавниот имот, меѓу кои клупи, корпи за отпадоци, паркинг-држачи за велосипеди, детски и спортски реквизити, како и друга урбана опрема.

„Во изминатиов период е евидентирано оштетување на клупи, корпи за ситен отпад, паркинг држачи за велосипеди, детски и спортски реквизити и останата урбана опрема. Последниот случај на кршење на канделабра, на највандалски начин, од страна на малолетни деца, дополнително ја отвора потребата од поголема грижа, одговорност и превенција. Покрај нанесената материјална штета, овде станува збор и за сериозно загрозување на безбедноста по сите граѓани на јавниот простор“, соопштија од Општина Карпош.

Од Општината посочуваат дека сите досега регистрирани случаи биле пријавени во Полициската станица Карпош, од каде добиле уверување дека ќе има засилено полициско присуство на терен и активности за расчистување на инцидентите.

„Апелираме до сите граѓани за совесно и одговорно однесување кон урбаната опрема и јавниот простор како наш заеднички имот и навремено пријавување на секој случај на вандализам до надлежните служби. Апелираме и до родителите за поголема информираност за движењето и однесувањето на нивните деца, како и разговори за значењето од зачувувањето на јавниот простор и последиците од несоодветното однесување. Да го чуваме заедничкиот простор затоа што јавниот имот е одговорност на сите нас“, порачаа од Општина Карпош.

Реакцијата на локалната самоуправа следува откако синоќа жител на Карпош објави видео на социјалните мрежи, на кое се гледа како група малолетници насилно уриваат канделабри во еден од парковите во општината.

Случајот предизвика бројни реакции кај граѓаните, кои бараат поголема контрола и санкции за ваквото однесување, особено кога станува збор за уништување на јавниот имот што секојдневно го користат децата и семејствата.

 

View this post on Instagram

 

A post shared by Plusinfo.mk (@plusinfo.mk)

The post 📽️ ВАНДАЛИ ВО КАРПОШ ДЕМОЛИРАЛЕ КАНДЕЛАБРИ, КЛУПИ… Малолетници дивееле во парк, Општината бара одговорност appeared first on plusinfo.mk.

Полицијата трага по две малолетни лица кои во петокот вечерта се обиделе да предизвикаат пожар во Парк шумата Гази Баба.

Случајот во полиција го пријавил граѓанин, кој со помош на уште неколку лица успеал да го изгасне опожарениот дел од летниковецот.

„Денеска (15.05.2026) во 19:47 часот во СВР Скопје А.В. пријавил дека во парк шума Гази Баба од страна на две малолетни лица бил опожарен дел од летниковец. Пожарот е локализиран од страна на граѓани. Се преземаат мерки за пронаоѓање на сторителите“, соопшти МВР.

The post 🎥 МАЛОЛЕТНИЦИ ЗАПАЛИЛЕ ЛЕТНИКОВЕЦ Вандализам во Прак шумата Гази Баба appeared first on plusinfo.mk.

Фотографија од војник во униформа на Израелските одбранбени сили (ИДФ) како со чекан крши статуа на Исус Христос во јужен Либан брзо се прошири на социјалните мрежи вчера, предизвикувајќи масовна осуда.

ИДФ прво објави дека ќе го истражи инцидентот, а потоа синоќа потврди дека фотографијата е автентична.

„ИДФ го гледа овој инцидент многу сериозно и нагласува дека однесувањето на војникот е целосно спротивно на вредностите што се очекуваат од воениот персонал“, соопшти армијата.

„Инцидентот го истражува Северната команда и во моментов се справува преку командниот синџир. Ќе бидат преземени соодветни мерки против вклучените во согласност со наодите“, додаде ИДФ.

Армијата, исто така, соопшти дека ќе ѝ помогне на локалната заедница во реставрацијата на статуата и нејзиното враќање на нејзината оригинална локација.

Според членовите на христијанската заедница во селото Аин Ебел во централен јужен Либан, инцидентот наводно се случил во Дебел, маронитско христијанско село.

Вади Абунасар, координатор на Христијанскиот форум во Светата Земја, потврди дека ја добил фотографијата од повеќе извори и побара случајот да не се игнорира.

– Невозможно е да се молчи пред ваквите прекршувања – рече тој, повикувајќи на истрага на инцидентот и поднесување извештаи за да може сторителот да биде изведен пред лицето на правдата, доколку се потврди дека инцидентот навистина се случил.

The post ИЗРАЕЛСКИ ВОЈНИК СО ЧЕКАН ИСКРШИ СТАТУА ОД ИСУС ВО ЛИБАН Израелската армија вети дека ќе го казни appeared first on plusinfo.mk.

Општина Аеродром го осудува синоќешниот вандалски чин во паркот „Бановина“, каде е искршена урбаната опрема, оштетена е фонтаната, а обиена е и чуварската куќа.

Од Општината нагласуваат дека брутално е уништена заедничката сопственост на сите граѓани и додаваат дека ваквите постапки нема да бидат толерирани, а случајот е веќе пријавен во полиција.

„Апелираме до граѓаните: да го чуваме она што е наше, да пријавуваме вандализам и да покажеме дека сме зрела и одговорна заедница. Само така можеме да имаме уредена, безбедна и достоинствена општина“, се вели во соопштението.

Паркот „Бановина“ неодамна беше целосно обновен, со нова, современа урбана опрема за уживање на сите генерации. 

The post ОПШТИНА АЕРОДРОМ ГО ОСУДИ ВАНДАЛИЗМОТ ВО ПАРКОТ „БАНОВИНА“ Некој кршел клупи, ја оштетила фонтаната, ја обил чуварската куќа appeared first on plusinfo.mk.