Се очекуваат многу обилни врнежи од дожд, со над 100 литри дожд на метар квадратен, со ризик од урбани поројни поплави. На повисоките планини се очекува да наврне и до половина метар многу влажен и тежок снег.
Невремето што ја зафати Црна Гора е проследено и со силен ветар кој на Јадранот создава и повеќеметарски бранови што удираат на крајбрежните области.

Многу силното јужно струење донесе и големи количини песок од Сахара, па врнежите во Црна Гора денеска се валкани и калливи.

Надлежните служби издадоа предупредување до возачите да бидат крајно внимателни во сообраќајот.

Обилни врнежи денеска ги зафатија и западните и југозападните делови на Србија каде исто така се регистрирани обилни дождови.

Вечерва се очекува постепено смирување на невремето, но нестабилното време во регионот ќе се задржи и во наредните денови.

Претходно циклонот донесе многу обилни врнежи и силни грмотевици во Италија, Хрватска и Словенија, а во Далмација имаше обилни врнежи од дожд, локални поплави, особено во поширокото подрачје на Задар.

Повеќе од половина метар снег наврна на Алпите на северот на Италија, каде е издадено предупредување за опасност од лавини.

The post СИЛНО НЕВРЕМЕ ЈА ПОГОДИ ЦРНА ГОРА Врне каллив дожд поради воздушните струења кои носат песок од Сахарa appeared first on plusinfo.mk.