Сeлма Хајек повторно ги привлече сите погледи за време на Ролан Гарос во Париз, каде што се појави во друштво на својот сопруг, Франсоа-Анри Пино.

Познатата актерка и францускиот милијардер не ја криеја својата нежност на трибините, а нивните заеднички фотографии брзо го привлекоа вниманието на јавноста.

Хајек, која наскоро ќе го прослави својот 60-ти роденден, за тенискиот спектакл избра црн топ со длабоко деколте што ја нагласуваше нејзината фигура, а модната комбинација ја комплетираше со кожно здолниште, сандали на платформа и големи очила за сонце. Нејзиниот сопруг се одлучи за полежерен стил – кожна јакна, бела маичка и светло сиви фармерки.

Двојката разменуваше нежни погледи и разговараше за време на натпреварите, покажувајќи дека нивната врска е исто толку силна по 15 години брак како што беше на почетокот. Селма и Франсоа-Анри се венчаа во 2009 година во Венеција, а заедно имаат ќерка, Валентина, која минатата година го прослави својот 18-ти роденден.

Потоа актерката сподели ретки фотографии со својата ќерка на социјалните мрежи и ѝ посвети емотивна честитка за роденден. Во објавата, таа откри како го прославиле целиот викенд со танцување, смеа и семејни собири. Валентина, која сè повеќе привлекува внимание од медиумите, претходно призна дека би сакала еден ден да ги следи стапките на својата мајка и да се обиде да се занимава и со глума и со режија.

Мајката и ќерката се појавија заедно на бројни црвени теписи во последните години, вклучувајќи ги и Оскарите, а во 2022 година заедно ја красеа насловната страница на мексиканскиот Вог.

Франсоа-Анри Пино е еден од највлијателните луѓе во светот на луксузната мода. Тој е на чело на групацијата „Керинг“, која поседува модни куќи како „Гучи“, „Сен Лоран“, „Баленсијага“ и „Александар Меквин“. Тој ја презеде компанијата во 2005 година и ја трансформираше во еден од водечките луксузни конгломерати во светот.

Според британската листа на најбогати луѓе, вкупното богатство на Салма Хајек и Франсоа-Анри Пино се проценува на околу 7,7 милијарди долари. Актерката изгради своја кариера благодарение на бројни филмски успеси, вклучувајќи ја и улогата во филмот „Фрида“, кој ѝ донесе номинација за Оскар, како и бројни ангажмани во модната и козметичката индустрија.

Пред да се ожени со Селма, Пино беше во брак со Дороте Лепер, со која има две деца, Франсоа и Матилда. И покрај нивните деловни обврски и животот под очите на јавноста, Селма и Франсоа-Анри со години се познати како еден од најстабилните и најхармоничните парови на светската сцена, што повторно го демонстрираа со нивното појавување во Париз.

The post ДЕКОЛТЕ КОЕ БЕШЕ НЕВОЗМОЖНО ДА СЕ ИГНОРИРА Фотографиите на Сeлма Хајек од Ролан Гарос го обиколија светот appeared first on plusinfo.mk.

Еден од најбогатите луѓе во светот, францускиот бизнисмен Франсоа-Анри Пино, уште еднаш привлече внимание појавувајќи се со семејството во Венеција.

На гала вечерта на Фондацијата „Чини“, одржана на островот Сан Џорџио Маџоре, тој пристигна во друштво на сопругата Селма Хајек, нивната ќерка Валентина Палома и неговата постара ќерка од првиот брак, Матилда.

Настанот се одржа само неколку дена пред отворањето на 61. Меѓународно биенале на уметноста, кое семејството Пино со години финансиски го поддржува.

Додека јавноста често има можност да ги види Валентина и Огистен – синот што Пино го има со супермоделот Линда Евангелиста – неговите деца од првиот брак ретко се појавуваат во јавноста. Токму затоа присуството на 25-годишната Матилда привлече особено внимание.

Ќерката на Селма Хајек и Пино, Валентина Палома, која во септември ќе наполни 19 години, речиси ја достигна мајка си по висина, додека Матилда веќе одамна го надминала својот татко. Двете млади дами беа меѓу најзабележаните вечерта.

Сите членови на семејството беа облечени во црно, во комбинации што зрачеа со минимализам и префинета елеганција. Селма Хајек блескаше во тесен црн фустан со едно откриено рамо и суптилни светкави детали. Матилда носеше сатенска креација со изрез кај половината, додека Валентина се одлучи за впечатлив модел со висок шлиц.

Островот Сан Џорџо Маџоре е едно од најзначајните историски места во Венеција, познат по величествената базилика од 16 век и спектакуларниот поглед кон лагуната.

Франсоа-Анри Пино, директор на модниот конгломерат Керинг, во Венеција има и две значајни уметнички локации – Palazzo Grassi и музејот Punta della Dogana. Со поранешната сопруга Дороте Лепер има син Франсоа и ќерката Матилда, која денес успешно се занимава со моделинг.

Иако ретко се појавуваат заедно во јавност, ова семејно излегување уште еднаш покажа колку се блиски односите во семејството Пино, а добро е познато дека Селма Хајек има одличен однос и со децата од претходните врски на својот сопруг.

The post СЕМЕЈНА ГАЛА ВЕЧЕР ВО ВЕНЕЦИЈА Селма Хајек блесна со сопругот, но Валентина и Матилда го украдоа шоуто appeared first on plusinfo.mk.