На предлог на ВМРО-ДПМНЕ беше изгласана резолуција за црвени линии дека Република Македонија како држава нема да преговара за идентитетот, јазикот, културата и за историјата, која што само за некој месец СДСМ ја прегази со оној договор за добрососедство со Бугарија, рече Валентин Манасиевски, портпарол на ВМРО-ДПМНЕ.

Во врска со барањето за внесување на Бугарите во Уставот нагласи дека ВМРО-ДПМНЕ има јасен став за тоа прашање, односно, како што рече, државата нема да преговара во делот на идентитетот, јазикот, културата и историјата.

Тој нагласи дека СДСМ водеше погрешна политика и направи низа отстапки.

Посочи дека ВМРО-ДПМНЕ останува единствена партија која што се грижи за Македонија.

– Сметам дека СДСМ води политика која што не му оди на добро, води политика која што не му носи гласови. Граѓаните ги имаат прочитано, граѓаните знаат дека во изминативе 35 години ВМРО-ДПМНЕ е единствената партија која што се грижи за Македонија. За идентитетот, за јазикот, за културата. СДСМ го промени два пати името, го промени знамето, ги менуваше банкнотите, го менуваше Уставот, што уште треба да направи СДСМ, за да биде поголема предавничка партија – рече Манасиевски во гостување на Алфа.

Влезот во ЕУ ќе биде со крената глава, порача портпаролот на ВМРО-ДПМНЕ.

The post ГО ДАДЕ ИМЕТО, ЗНАМЕТО, УСТАВОТ, ШТО УШТЕ ДА НАПРАВИ СДСМ ЗА ДА Е ПОГОЛЕМА ПРЕДАВНИЧКА ПАРТИЈА Во ЕУ ќе влеземе со крената глава appeared first on plusinfo.mk.

Билатералниот спор со Бугарија треба да се решава врз база на реципроцитет, а не врз база на потчинување како што сакаат Венко Филипче и СДСМ, рече на денешната прес-конференција Валентин Манасиевски, портпарол на ВМРО-ДПМНЕ.

– Времето кога Македонија водеше потчинета и понижувачка политика предводена од Филипче, неговиот ментор Зоран Заев и СДСМ заврши. Граѓаните во најголема мера даваат недвосмислена поддршка на Македонија кон европскиот пат, но исто така сличен процент на граѓани сметаат дека државата не треба да прави повеќе отстапки за да стане дел од ЕУ – рече Манасиевски.

Тој повтори дека Владата предводена од ВМРО-ДПМНЕ цврсто стои на ставот дека европскиот пат на Македонија не треба да е еднонасочна улица, туку дека Бугарија треба да ги испорача нејзините обврски, како што се пресудите од Европскиот суд за човекови права.

– Секако, оваа државничка политика, во која не прифаќаме уцени и диктати од официјална Софија, не им се допаѓа на Бугарија и на специјалниот бугарски пратеник во Македонија, Венко Филипче, кои имаат добро координирани ставови и тези кои ги пласираат во јавноста.

Ваквата мекотелна политика на Филипче и СДСМ со потчинувачки изјави и отворени симпатии кон Бугарија нема да му донесе добро нему, но не ѝ носи добро и на државата. Така беше и со Заев така беше и со Ковачевски, а сега истото и со Венко Филипче. ВМРО-ДПМНЕ нема да дозволи нови понижувања во евроинтегративниот процес на Македонија – рече портпаролот на ВМРО-ДПМНЕ.

The post РЕЦИПРОЦИТЕТ, А НЕ ПОТЧИНУВАЊЕ ПО РЕЦЕПТОТ НА СДСМ И ВЕНКО ФИЛИПЧЕ Манасиевски ја објаснува политиката на ВМРО-ДПМНЕ кон Бугарија appeared first on plusinfo.mk.

Специјалниот бугарски пратеник Венко Филипче, нека му пренесе на новиот бугарски премиер Румен Радев дека додека не видиме испорака на пресудите од Стразбур, Македонија нема да се помести ниту милиметар од својата политика.

Вака на прес-конференција денеска изјави портпаролот на ВМРО-ДПМНЕ, Валентин Манасиевски.

Тој оцени дека државата во минатото платила „прескапа цена“ поради политиките на претходната власт и нагласи дека актуелната Влада нема да дозволи нови отстапки без конкретни гаранции за напредок во евроинтегративнионапрест процес.

– Овој пат уставни измени без јасни, цврсти и писмени гаранции во форма на заклучоци од ЕУ – нема да има – истакна Манасиевски.

Според него, Македонија и граѓаните немаат право повторно да бидат разочарани од процесот на европска интеграција.

– Нема повторно да се прават отстапки без гаранции, без заштита на националните интереси и без сигурност дека тие отстапки навистина ќе значат напредок во евроинтегративниот процес.

The post „БУГАРСКИОТ ПРАТЕНИК“ ФИЛИПЧЕ ДА ПРЕНЕСЕ ДЕКА ГИ ОЧЕКУВАМЕ ПРЕСУДИТЕ ОД СТРАЗБУР Нема уставни измени без силни писмени гаранции од Брисел appeared first on plusinfo.mk.

Промени на Уставот за внесување на Бугарите, без гаранции од ЕУ во форма на заклучоци – нема да има, рече денеска портпаролот на ВМРО-ДПМНЕ, Валентин Манасиевски.

– Сите се сеќаваме дека последните измени на Уставот за промена на уставното име ги направија Венко Филипче и Зоран Заев, откако претходно беа убедувани дека тоа е последниот чекор на Македонија и утредента ние влегуваме во ЕУ. Да ја потсетиме јавноста дека СДСМ и ДУИ тогаш промовираа уставни измени за промена на името, после кои уверуваа дека следуваат бесплатно здравство, бесплатни вакцини, стипендии, но наместо отворање на поглавјата и преговори со ЕУ, ние добивме слика од владин авион – рече Манасиевски.

Лековерноста на политичарите како Венко Филипче и Зоран Заев, додаде тој, доведе до тоа да го промениме државното име и наместо влез во ЕУ, да добиеме вето од Холандија, Франција, а подоцна и од самата Бугарија.

– Вчера Зоран Заев, денес Венко Филипче, ги лажат граѓаните дека Бугарите во Устав се рецептот за чекор кон ЕУ, односно за влез кон ЕУ. ВМРО-ДПМНЕ нема да дозволи волјата на граѓаните повторно да биде прегазена исто како во времето на СДСМ. Уставни измени без гаранции нема да има – рече Манасиевски.

The post ЗАЕВ И ФИЛИПЧЕ ГО СМЕНИЈА ИМЕТО, ПА НАМЕСТО ПРЕГОВОРИ СО ЕУ, ДОБИВМЕ ВЕТО ОД ФРАНЦИЈА, ХОЛАНДИЈА И ОД БУГАРИЈА Ќе нема уставни измени без гаранции од ЕУ appeared first on plusinfo.mk.

Само специјалниот бугарски пратеник Венко Филипче слепо му верува на Румен Радев кога вели дека уставните измени се последната препрека за влез на Македонија во ЕУ, рече денеска портпаролот на ВМРО-ДПМНЕ, Валентин Манасиевски.

– На сите им е јасно, па дури и на птиците, дека уставните измени за внесување на Бугарите во Уставот е само првиот од многуте чекори кои бугарските власти ги имаат кон нас, а се однесуваат на македонскиот јазик, историја, култура и идентитет – рече Манасиевски.

И ова не го говориме ние како ВМРО-ДПМНЕ, туку тоа го говори сегашниот премиер на Бугарија, додаде тој.

– Во видео од 2019 година, кое е повторно актуелно на социјалните мрежи, Румен Радев како тогашен претседател на Бугарија, пред голем аудиториум на конференција во Русија на којшто присуствува и Владимир Путин, говори за македонската историја, но во бугарски контекст. Румен Радев во своето обраќање говори дека Гоце Делчев е Бугарин и дека писменоста дошла од Бугарија, а не од Македонија. Од македонските власти во тоа време, предводени од Зоран Заев и Венко Филипче, немаше никаква осуда за конкретниот говор на Румен Радев – рече Манасиевски.

Со ова, потенцира Манасиевски, јасно се докажува дека на Бугарија и на Румен Радев не им е само до внесување на 2.000-3.000 луѓе во Уставот на Македонија кои се чувствуваат како Бугари, напротив тие сакаат комплетно да ја редефинираат македонската историја, македонскиот јазик, култура и идентитет.

– Или попластично објаснето, доколку Филипче дојде на власт би им дозволил на Бугарите без задршка Гоце Делчев, Јане Сандански, Питу Гули, Даме Груев да бидат Бугари кои се бореле за бугарската држава, Кирил и Методиј да бидат Бугари кои ги описмениле словенските народи, секако по ова македонскиот јазик би бил од 1945 година па наваму, исто како и дека македонскиот идентитет е од по Втората светска војна, а сè пред тоа било бугарско. Венко Филипче и СДСМ за само еден ден би ја продале државата и око нема да им трепне, за власт, за амнестија од криминалите, за да можат да ја крадат државата и за моќ. ВМРО-ДПМНЕ тоа нема да го дозволи заедно со граѓаните кои ја ценат и ја поддржуваат нашата достоинствена политика која носи добробит на македонскиот народ – порача Манасиевски.

The post ФИЛИПЧЕ ЗА ЕДЕН ДЕН БИ ЈА ПРОДАЛ ДРЖАВАТА И ОКО НЕМА ДА МУ ТРЕПНЕ Бугарија сака комплетно да ги редефинира македонската историја, јазик и идентитет appeared first on plusinfo.mk.

Стигна потврда за она што веќе со недели го говориме, а тоа е соработката на Венко Филипче и на СДС со бугарските власти, со единствена цел – внесување на Бугарите во Уставот, што ќе биде првото од многуте барања кои потоа ќе ги има Бугарија, а се однесуваат на идентитетот, јазикот, културата и историјата, изјави денеска портпарлот на ВМРО-ДПМНЕ Валентин Манасиевски.

– На фотографијата зад мене, го гледаме Рубин Земон, членот на ИО на Филипче, кој вчеравечер и си поднесе оставка од истата функција, кој јасно на бугарски поткаст велеше дека Гоце Делчев е мит и дека не направил ништо за Македонија. Рубин Земон на фотографијата е на средба со Виктор Стојанов од Фондацијата „Македонија“. Станува збор за оспорена невладина организација којашто функционира во Македонија. Фондацијата има за цел ширење бугарска пропаганда во Македонија, а е позната по ксенофобски испади, и гледишта дека македонскиот народ и македонската историја се под бугарска историографија. Или во кратки црти, оваа фондација и нејзиниот претседател велат дека Македонија и Бугарија се еден народ во две држави, како што и велеше врховниот лидер на СДС, Зоран Заев. Оваа коалиција на Венко Филипче и Рубин Земон, односно на СДС со бугарски организации е спремна да го негира македонскиот идентитет, да го оспори нашиот македонски јазик, да ја избрише македонската историја и да ја уништи македонската култура. Ете, со овие луѓе соработува или коалицира уценетиот Венко Филипче и неговата СДС – рече Манасиевски.

Тој додаде дека од свиркачи дознале дека видни членови на СДСМ виделе дека работата е отидена предалеку и дека преку ова не смее да се помине, па му било сугерирано на Филипче да го тргне Рубин Земон од Извршниот одбор за да не му штети на СДСМ, а да продолжи во неговата работа.

– ВМРО-ДПМНЕ заедно со граѓаните нема да дозволи да се случи повторно предавство на македонските национални интереси. Доста е со понижувања, потклекнувања и потчинувања. Време е Македонија да биде горда, исправена и достоинствена – порача Манасиевски.

The post НА ФИЛИПЧЕ МУ БИЛО СУГЕРИРАНО ДА ГО ТРГНЕ ЗЕМОН ОД ИЗВРШНИОТ ОДБОР Свиркачи кажале што се случувало по скандалозната средба appeared first on plusinfo.mk.

Наместо да повикува Филипче на обединување за промена на Устав со цел внесување на Бугарите, може еднаш барем да застане на страната на Македонија, на македонската страна и да се приклучи на ВМРО-ДПМНЕ во одбрана на македонските интереси, рече Валентин Манасиевски, портпарол на ВМРО-ДПМНЕ на прес конференција.

– Интересно е што оваа теза за поврзаност на Филипче со бугарските власти, се потврдува откако јасно говоревме дека чуварот на фотелјата на Заев, Венко Филипче е директно уценет од страна на бугарски политичари за да ги шири и спроведува нивните политики во Македонија. Филипче должи одговор, дали е дел од бугарските мисии во Скопје за кои говори отворено бугарската министерка Петрова Чамова? Доколку Венко Филипче го избегне ова директно прашање и не одговори, јасно е дека ВМРО-ДПМНЕ повторно е во право за неговите соработувања со бугарските власти – заклучи Манасиевски.

Тој повтори дека Филипче е најголем промотор на бугарските позиции во Скопје.

– Филипче и СДС, ден-денес имаат ист став по однос на уставните измени со бугарските власти, предводени токму од Румен Радев. Филипче и СДС имаат ист став со бугарските власти дека ние сме „северномакедонци“, дека Гоце Делчев е Бугарин, но кога ќе се дојде до темата уставни измени, тука Бугарија вели јасно и гласно дека тоа не е последниот чекор на Македонија кој треба да го испорача за да стане дел од европското семејство, додека уценетиот Филипче од негови познати причини ги лаже граѓаните дека ова е последниот чекор и дека утредента ќе станеме дел од ЕУ. Филипче и СДС кои немаат никаква визија, програма и концепт за тоа како треба да се води партија, а камо ли држава, одат со главата во ѕид и се ставаат на услуга на бугарските власти мислејќи дека со удоволување на нивните барања ќе дојдат на власт – вели Манасиевски.

The post ДАЛИ ФИЛИПЧЕ Е ДЕЛ ОД БУГАРСКИТЕ МИСИИ ВО СКОПЈЕ ЗА КОИ ЗБОРУВА ПЕТРОВА ЧАМОВА? Директно прашање од Манасиевски за лидерот на СДСМ appeared first on plusinfo.mk.

Синдикалната кошничка за месец мај е намалена за 54 денари, и покрај тоа што е креирана и одобрена од СДСМ преку ССМ, вели портпаролот на ВМРО-ДПМНЕ Валентин Манасиевски.

Манасиевски тврди дека ова е доказ дека лагите на СДСМ и на ССМ паѓаат во вода и дека ВМРО-ДПМНЕ се грижи за стандардот на граѓаните.

Тој истакнува дека самата пресметка е за просечна синдикална кошничка, што ја прави „далеку од релевантна“, но дека дури и по овие параметри

„Во услови на најголемата историски гледано енергетска и нафтена криза, ние имаме најниски цена на горивата во регионот, па и Европа, ММФ директно ја посочи Македонија како една од трите земји кои презела најдобри мерки за справување со кризата, цената на струјата не се поскапува ниту за денар, а во исто ова време, растат платите, пензиите, капиталните инвестиции се реализираат и се враќаат долгови кои неспособната власт на СДСМ и ДУИ ги создаде за да можат да си ги пикнат во џеб.

ВМРО-ДПМНЕ се грижи за стандардот на граѓаните!“.

ССМ во средата објави дека синдикалната минимална кошница за мај изнесува 68.743 денари и во споредба со вредноста од април кога изнесуваше 68.797 денари е намалена за 54 денари.

The post И ПО ЕСАПОТ НАРАЧАН ОД СДСМ, КОШНИЧКАТА ПАК ПОЕВТИНИЛА Паѓаат лагите дека ВМРО-ДПМНЕ лошо се справува со кризата appeared first on plusinfo.mk.

Филипче и натаму не го осудува говорот на бугарската министерка која нѐ нарече „северномакедонци“, напротив соработува со нашите негатори, изјави Валентин Манасиевски, портпарол на ВМРО-ДПМНЕ.

– Венко Филипче скоро две недели наоѓа изговори и не го осудува недостоинствениот говор на бугарската министерка Петрова Чамова која нѐ нарече „северномакедонци“, Филипче дури и се гордее на тие успеси со кои ја потчинија државата пред останатите. Венко Филипче не се огради ни од изјавите на неговиот член на ИО Рубин Земон кој за Гоце Делчев рече дека е мит и дека не направил ништо за Македонија. Со ваквите мекотелни политики, Филипче им дава простор на бугарските власти да нѐ уценуваат и да велат дека има мала група политичари во Македонија која ќе им ги исполни нивните барања – рече Манасиевски.

Според него, Филипче и натаму останува лојален кон Бугарија, од причини само нему познати.

– Но, добро е да каже дека тие причини се уцена од група бугарски политичари поради неговото криминално минато со Зоран Заев. Филипче да престане со политиката на негирање на Македонија. Македонија има своја историја, култура, идентитет и јазик, а ВМРО-ДПМНЕ нема да дозволи преговарање за овие теми – порача Манасиевски.

The post ФИЛИПЧЕ СЀ УШТЕ НЕ ГО ОСУДИЛ ГОВОРОТ НА БУГАРСКАТА МИНИСТЕРКА Манасиевски оцени дека лидерот на СДСМ е лојален кон Бугарија од само нему познати причини appeared first on plusinfo.mk.

ВМРО-ДПМНЕ синоќа одржа Извршен комитет на кој беа донесени повеќе кадровски решенија за претседатели на општинските комитети на партијата. За нов портпарол на партијата e избран Валентин Манасиевски.

Од ВМРО-ДПМНЕ велат дека дел од претседателите на општинските комитети се нови лица кои ќе внесат свежина во местата од каде доаѓаат, а останатиот дел се актуелни и докажани претседатели кои донеле големи победи на изминатите изборни циклуси, но и големи позитивни промени во локалните самоуправи.

За новиот портпарол на партијата Манасиевски се наведува дека е долгогодишен активист на ВМРО-ДПМНЕ, кој својот партиски активизам го започнал во структурите на УМС на ВМРО-ДПМНЕ. Има завршено високо образование на Филозофскиот факултет при УКИМ, а моментално е на мастер студии на УГД во Штип.

– ВМРО-ДПМНЕ со овие кадровски решенија ја гради иднината на државата, како на локално, така и на централно ниво – велат од партијата.

Нови претседатели на општински комитети на ВМРО-ДПМНЕ:

ИЕ 1

1. ОК Карпош – Тони Јаревски

2. ОК Кисела Вода – Иван Живковски

3. ОК Македонски Брод – Бисера Златеска

4. ОК Аеродром – Дејан Митески

5. ОК Центар – Сергеј Попов

6. ОК Сопиште – Јане Мицевски

7. ОК Студеничани – Кенан Абди

8. ОК Сарај – Мартин Стојановски

ИЕ 2

1. ОК Чаир – Ѓоко Велковски

2. ОК Бутел – Дарко Костовски

3. ОК Чучер Сандево – Зоран Бајовски

4. ОК Гази Баба – Зоран Коцевски

5. ОК Куманово – Филип Филиповски

6. ОК Старо Нагоричане – Ивица Димковски

7. ОК Ѓорче Петров – Бојан Стојаноски

8. ОК Шуто Оризари – Ерџан Демир

ИЕ 3

1. ОК Зелениково – Дејан Димишковски

2. ОК Зрновци – Виктор Анакиев

3. ОК Чешиново Облешево – Славе Донев

4. ОК Илинден – Александар Ѓорѓиевски

5. ОК Петровец – Драгана Узелац

6. ОК Велес – Игор Здравковски

7. ОК Чашка – Трајче Мишкоски

8. ОК Градско – Александар Ѓорѓиевски

9. ОК Лозово – Стојан Пешевки

10. ОК Свети Николе – Бојан Митев

11. ОК Штип – Душко Иванов

12. ОК Карбинци – Гордана Барбашка

13. ОК Кочани – Александар Андов

14. ОК Виница – Александар Јованов

15. ОК Македонска Каменица – Љупчо Марков

16. ОК Делчево – Иван Гоцевски

17. ОК Пехчево – Миле Гошевски

18. ОК Берово – Столе Каракутовски

19. ОК Крива Паланка – Емил Спасовски

20. ОК Ранковце – Даниел Павловски

21. ОК Кратово – Љупчо Спиров

22. ОК Пробиштип – Тони Тоневски

ИЕ 6

1. ОК Тетово – Александар Велјановски

2. ОК Гостивар – Мартин Андоновски

3. ОК Теарце – Радица Ѓорѓевска

4. ОК Брвеница – Јовица Илиевски

5. ОК Јегуновце – Димитар Костадиновски

The post ВАЛЕНТИН МАНАСИЕВСКИ Е НОВ ПОРТПАРОЛ НА ВМРО-ДПМНЕ Партијата избра претседатели на општинските комитети appeared first on plusinfo.mk.