Млад мотоџија, на возраст од 34 години вчера загина во сообраќајна несреќа во Валандовско, откако се судри со трактор со кој управувал 75-годишна возраст.

„На 5.9.2025 околу 14 часот во ОВР Валандово било пријавено дека на регионалниот пат од селото Јосифово кон селото Пирава, Валандовско, кај место викано Железен мост се случила сообраќајна несреќа помеѓу трактор „имт“ со приколка, со валандовски регистарски ознаки, управуван од В.Т.(75) од село Пирава, и мотоцикл „сузуки“ со валандовски регистарски ознаки, управуван од С.К.(34) од селото Јосифово, Валандовско. Во несреќата со тешки телесни повреди се здобил мотоциклистот, констатирани во болницата во Валандово, од каде поради сериозноста на повредите бил пренесен во Градската општа болница „Св. Наум Охридски“ во Скопје, каде во 17.30 часот починал“, соопшти полицијата.

По наредба на јавен обвинител телото е дадено на обдукција, а увид на местото на настанот извршила увидна екипа на ОВР Валандово.

The post МЛАД МОТОРЏИЈА СЕ СУДРИ СО ТРАКТОР И ЗАГИНА Трагедија во Валандовско appeared first on plusinfo.mk.

Интензивна нестабилност проследена со пороен дожд, грмежи и засилен ветер го зафати Валандовскиот регион, соопшти Управата за хидрометеоролошки работи (УХМР).

Се издвојува една многу силна грмотевична клетка во реонот на Валандово, која што укажува на екстремно силни врнежи, многу голем град и силни ветрови, се наведува во објавата на Управата на Фејсбук.

Според УХМР, општата метеоролошка активност во Македонија покажува тренд на слабеење и поместување кон југоисток.

The post НЕВРЕМЕ ГО ЗАФАТИ ВАЛАНДОВСКИОТ РЕГИОН Заканата слабее и се поместува кон југоисток appeared first on plusinfo.mk.

Пожарот кој избувна попладнево околу 14 часот во непосредна близина на валандовско Грчиште и се закануваше да ги зафати првите куќи во селото, е ставен под контрола, но пламените јазици досега проголтаа неколку штали, а пожарот заради силниот ветар се шири кон Богданци.

Според информацијата од градоначалникот на Валандово, Перо Костадинов, нема повредени и изгорени куќи, но во гаснењето се ангажирани голем број пожарникари и технички средства.

– Во гаснењето покрај ТППЕ Валандово, екипи испратија и против пожарните друштва од Струмица, Дојран, Гевгелија, Радовиш и Кавадарци, а во гаснењето учествува и еден хеликоптер на МВР. Состојбата е сериозна и ги преземаме сите мерки да го ставиме под контрола големиот пожар и да не дозволиме негово ширење – изјави за МИА Костадинов.

Инаку, според видеа објавени од пожарникарите и локалните медиуми може да се види дека станува збор за голема огнена стихија, која во неколку наврати се закануваше да ги зафати првите куќи во Грчиште, а забележливо е и прусуство на амбулантно возило.

Гаснењето на пожарот ќе продолжи и во ноќните часови.

The post НЕКОЛКУ ШТАЛИ ИЗГОРЕА ВО ПОЖАРИТЕ ВО ВАЛАНДОВСКО ГРЧИШТЕ Пламенот е ставен под контрола appeared first on plusinfo.mk.