Министерот за здравство, Сашо Клековски денеска се вакцинираше протов сезонски грип во  Институтот за јавно здравје, кој е еден од пунктовите за имунизација.

– Вакцинацијата против сезонски грип е најдобра и најефикасна мерка за превенција на ова заболување. Токму затоа денеска со личен пример укажав на важноста од навремената заштита на здравјето, посебно кај ризичните групи население. Вакцинацијата докажано спречува појава на потешки форми, компликации и смртен исход од ова заболување – рече Клековски.

Охрабрува што за само една недела над 55.000 граѓани се пријавија за вакцинација, додава тој.

– Денеска стартуваше вакцинацијата во сите пунктови низ државата, така што апелирам доколку граѓаните од ризичните групи сè уште не се пријавиле за бесплатна вакцинација на сајтот vakcinacija.mk, да го сторат тоа што поскоро – апелира Клековски.

Од 14 октомври, кога беше отворена формата за пријавување, до денеска за бесплатна вакцинација против сезонски грип се пријавени 55.535 граѓани. Над 60% од пријавените се лица постари од 65 години, а околу една третина се граѓани со хронични заболувања. Најмногу граѓани се пријавиле во Скопје, Битола, Прилеп, Струмица и Тетово, информира Министерството за здравство.

Со пополнување на формата на сајтот за пријавување, граѓаните се регистрираат за вакцинација директно во системот Мој Термин. Потоа, согласно распоредот предвиден во планот за вакцинација, ќе добијат СМС порака со информација за точниот датум и час кога треба да се вакцинираат на пунктот што ќе го изберат при регистрацијата.

Бесплатната вакцинација против сезонски грип е наменета за следните ризични групи: лица над 65 години, лица со хронични заболувања, здравствени работници, бремени жени, како и деца на возраст од 6 месеци до 5 години, информираат надлежните.

The post КЛЕКОВСКИ СЕ ВАКЦИНИРАШЕ ПРОТИВ СЕЗОНСКИ ГРИП Имунизацијата почна, досега се пријавени 55.535 граѓани appeared first on plusinfo.mk.

Се очекува во среда (21 октомври) да почне вакцинацијата против сезонски грип, најави министерот за здравство, Сашо Клековски.

Тој рече дека ќе му биде задоволство да биде вакциниран како пациент од ризична група.

Клековски посочи дека Комисијата за имунизација денеска одржала состанок и ги одредила приоритетите.

– Во основа со 1.000 вакцинации дневно ќе стасаме до 15 ноември, кога ќе пристигне втората количина. Приоритет прво имаат возрасните над 65 години згрижени во институции, заради институцискиот карактер и поголемиот ризик за епидемија во микро-услови. И другите ризични групи ќе бидат опфатени според проценката на Комисијата. Значи, во основа сите активности што се организирани во минатото ќе бидат организирани и сега. Нема да има никаква отстапка во начинот на работа и методологијата – рече Клековски.

The post МИНИСТЕРОТ ЌЕ СЕ ВАКЦИНИРА КАКО ПАЦИЕНТ ОД РИЗИЧНА ГРУПА Клековски ја најави вакцинацијата против грип од среда appeared first on plusinfo.mk.

The post РЕЧИСИ 25.000 ЛУЃЕ СЕ ПРИЈАВИЛЕ ЗА ВАКЦИНАЦИЈА ПРОТИВ ГРИП Министерството ќе обезбеди доволно вакцини appeared first on plusinfo.mk.

Четирите случаи на остеитис/остеомиелитис по БСЖ-вакцинација во Хрватска отворија две различни можни објаснувања: хрватските здравствени власти сметаат дека појавата на четири вакви случаи во една година, по повеќегодишен период без ниту еден регистриран случај, е доволна причина за вонредна контрола на вакцината, додека бугарскиот производител „Бул Био“ посочува дека во два од случаите во документацијата стои дека била дадена дури десеткратно поголема доза од пропишаната! Во меѓувреме, над проблемот виси и друга околност – долготрајните проблеми во производството на „Бул Био“, поради кои компанијата годинава се најде под сериозен надзор.

Четири случаи, но сè уште нема доказ дека причината е вакцината

Хрватската агенција за лекови и медицински производи ја прекина дистрибуцијата и употребата на БСЖ-вакцината од „Бул Био“ откако во 2026 година беа пријавени четири сомневања за остеитис/остеомиелитис кај мали деца. Хрватскиот завод за јавно здравство посочува дека во претходните десетина години во земјата немало ниту еден ваков случај.

Децата биле вакцинирани во различни здравствени установи, а пријавите се однесуваат на две серии – 683-1 и 807-1. Во периодот во кој тие серии биле користени, биле дадени околу 60.000 дози. Токму невообичаено високата зачестеност била причина за привремено запирање на употребата додека трае вонредната контрола.

Но, и хрватските институции и производителот се согласуваат во една клучна работа: самото пријавување на четири случаи не докажува дека вакцината го предизвикала остеомиелитот. Тоа треба да го утврди истрагата.

Дополнително, хронологијата покажува дека случаите се пријавени во 2026 година, но вакцинациите се случиле порано. Во еден од нив, детето било вакцинирано на 23 ноември 2024 година, а остеомиелитот бил утврден околу година и половина подоцна. Во примерок од коскено ткиво во април годинава било потврдено присуство на *Mycobacterium bovis* BCG.

„Бул био“: во два случаи е дадена десет пати поголема доза

Производителот денеска излезе со својата верзија на случувањата. Според проверката на „Бул Био“ во европската база за пријави на несакани реакции EudraVigilance, во два од четирите случаи во документацијата е наведено дека на децата им била дадена доза од 0,5 милилитри, што според производителот е десет пати повеќе од дозата наведена во информацијата на производот.

И двата случаи се однесуваат на вакцинации во 2024 година, а пријавени се на 29 јуни 2026 година. Сепак, и самиот производител нагласува дека податокот за количината на дадената вакцина допрва треба да биде проверен во истрагата.

Во третиот случај, според „Бул Био“, подоцна била отфрлена поврзаноста со вакцинацијата. Станува збор за настан од 2023 година, пријавен во април годинава.

Четвртиот случај е оној кај кој во коскеното ткиво е потврден БСЖ-сојот на Мycobacterium bovis. Производителот вели дека токму овој случај бил директно пријавен до него, по што бил внесен во EudraVigilance.

„Бул Био“ затоа смета дека засега нема основа да се извлече заклучок за дефект на производот. Компанијата посочува дека ризикот од вакви реакции може да зависи и од дозата, начинот на апликација, имунолошката состојба на детето и искуството на медицинскиот персонал.

Погрешната техника или предозирањето можат да ги зголемат компликациите од БСЖ. Во медицинската литература и во информациите за БСЖ-вакцините се опишани предозирањето и неправилната интрадермална апликација како фактори што можат да придонесат за несакани реакции.

Хрватските власти не признаваат грешка при вакцинацијата

Од хрватска страна, пак, се посочува дека четирите деца биле вакцинирани во различни здравствени установи, што според ХЗЈЗ ја намалува веројатноста сите случаи да се должат на една иста грешка при апликацијата. Токму затоа, според хрватските власти, не може едноставно да се објасни појавата со неправилно давање на вакцината.

Хрватските власти спроведуваат контроли кои треба да дадат одговор на прашањето дали станува збор за независни грешки при вакцинацијата или за проблем што има врска со самата вакцина, односно со одредени серии од вакцината.

Какво е влијанието на проблемите што го тресат „Бул био“

Случајот добива дополнителна тежина поради проблемите со кои бугарскиот државен производител „Бул био“ се соочува уште пред да се појават овие сомнежи.

Вработени во „Бул Био“ во текот на летото протестираа поради состојбата во компанијата и тврдеа дека производството на БСЖ-вакцината било запрено поради проблеми со новата производствена линија. Според нив, реновираните простории и опремата не ги исполнувале современите стандарди, поради што производствениот погон не ја поминал последната проверка на Светската здравствена организација.

Станува збор за сериозни наводи, но фактот дека производителот има проблеми со производството сам по себе не докажува дека вакцината е неисправна. Тука е и аргументот за временскиот распоред на проблемите во компанијата и времето на производство и аплицирање на вакцината, меѓу кои имма околу две години. Имано, конкреатната серија вакцини е произведена пред повеќе од две години, кога компанијата не се соочувала со такви проблеми.

„Бул Био“ во меѓувреме продолжува со сопствена истрага, а заклучокот за квалитетот на вакцината треба да произлезе од проверките.

Што всушност е остеитисот и колку е опасен?

БСЖ-остеитисот или остеомиелитисот е ретка инфекција и воспаление на коската предизвикано од БСЖ-сојот на бактеријата Mycobacterium bovis. За разлика од многу акутни инфекции, може да се развива бавно – првите знаци често се појавуваат неколку месеци до неколку години по вакцинацијата, а во просек околу една година подоцна. Детето може да има долготраен оток или болка околу коска или зглоб, ограничено движење, да почне да куца или да избегнува да се потпира на раката или ногата, без нужно да има висока температура. Ако се открие навреме, се лекува со антитуберкулозни лекови и по потреба со хируршка интервенција; ако не се препознае и лекува, може да остави трајни промени на коската, нарушен раст или деформитет.

Сепак, станува збор за многу ретка компликација. Хрватскиот завод за јавно здравје ја наведува очекуваната зачестеност според повеќето епидемиолошки студии на околу еден до три случаи на милион дози, со напомена дека постојат и студии со повисоки проценки.

Македонија ја паузираше вакцинацијата – колку долго може да трае паузата?

И Македонија превентивно ја запре БСЖ-вакцинацијата по случувањата во Хрватска, бидејќи во земјата се користи вакцина од истиот производител. Во Македонија, според досега објавените информации, нема пријавен случај на БСЖ-остеомиелитис како оние во Хрватска.

Паузата, сепак, не е без последици. БСЖ е задолжителна примовакцинација за сите новороденчиња во Македонија, а официјалната програма предвидува една доза против туберкулоза.

СЗО препорачува во земји или средини со висока зачестеност на туберкулозата БСЖ да се дава на сите здрави новороденчиња „при раѓањето или што е можно поскоро потоа“. Причината е што вакцината особено штити од најтешките форми на туберкулоза кај малите деца, вклучително и туберкулозен менингитис и милијарна туберкулоза.

Затоа, ако проверката покаже дека спорните серии не се безбедни, решението би било да се обезбеди друга безбедна серија или соодветна алтернатива, наместо паузата неопределено да се продолжува. Ако, пак, се утврди дека проблемот бил во начинот на апликација или во поединечни случаи, вакцинацијата би требало да продолжи што е можно побрзо.

За Македонија сега е важно здравствените власти брзо да обезбедат сигурна БСЖ-вакцина за новороденчињата, зашто СЗО јасно предупредува дека во средини со поголем ризик од ТБ вакцинацијата не треба непотребно да се одложува.

The post ДАЛИ Е ВИНАТА ВО БУГАРСКАТА ВАКЦИНА ИЛИ ВО ХРВАТСКАТА ВАКЦИНАЦИЈА? Спротивставени тези за несаканите ефекти на БСЖ кај четири хрватски дечиња appeared first on plusinfo.mk.

Обезбедени се 450.000 вакцини против сипаници кај овците и козите од Европската Унија и е добиена дозвола за нивна употреба, а следната недела Министерството за земјоделство ќе одржи средба со претставниците на сточарите за да се договорат наредните чекори и можноста за спроведување вакцинација на добитокот – изјави денеска министерот за земјоделство, шумарство и водостопанство Борче Серафимовски.

– Остварив контакт со претседателот на Сојузот на сточарите и побарав итна средба во врска со новите информации што ги добивме од Европската комисија. Средбата беше планирана за утре бидејќи требаше да ги соопштиме позитивните информации што ги добивме, односно обезбедувањето 450.000 вакцини од Европската Унија и дозволата за нивна употреба и аплицирање. Но поради оправдано отсуство на претставниците на Сојузот и нивна посета на Молдавија, состанокот е одложен за наредната недела.

Одговарајќи на новинарско прашање за состојбата со сипаниците кај овците, тој оцени дека состојбата се стабилизира и дека засега ширењето е ограничено на Источниот Регион.

– Источниот Регион е еден од најпогодените, а за среќа, засега е единствениот во кој е регистрирано ширење на сипаниците. Во другите региони немаме појава на нови случаи. Според информациите што моментно ги добиваме од Агенцијата за храна и ветеринарство, бројката се стабилизира. Сточарите постапуваат во согласност со сите пропишани мерки за заштита и чување на добитокот, односно спроведуваат изолација на стадата, поради што се намалува бројот на заболени грла – изјави министерот.

Серафимовски најави дека во координација со сточарите ќе се разгледуваат следните чекори во справувањето со болеста.

– Во наредната фаза, која треба заеднички да ја договориме со Сојузот, ќе ја разгледаме можноста за вакцинација на добитокот во согласност со препораките на европските експерти – рече тој.

Одговарајќи на прашање колку овци досега се уништени поради појавата на болеста, министерот изјави дека бројката се движи кон 10.000 грла и дека веќе се подготвува обесштетување за погодените сточари.

– Досега приближно 10 илјади грла се уништени за кои е направена методологија и веќе е разговарано за моделот за обесштетување на самите сточари. Инаку, во согласност со правилата, кои се во АХВ, на истото место најмалку шест месеци нема да може повторно да се чува добиток. Така што, ние ќе гледаме максимално што можеме да извршиме исплата кон сточарите за да може да се подготват за повторно набавување нови овци – рече Серафимовски.

The post СТОЧАРИТЕ ЌЕ БИДАТ ОБЕСШТЕТЕНИ, ОВЦИТЕ ВАКЦИНИРАНИ Обезбедени 450.000 вакцини против сипаници кај овците и козите appeared first on plusinfo.mk.

Граѓаните на трети земји, при продолжување на привремениот престој во Хрватска, ќе мора да се подложат на здравствен преглед за откривање на акутни и хронични заразни болести. Во зависност од утврдениот статус на вакцинација, тие ќе мора да се вакцинираат доколку е потребно, соопшти хрватското Министерство за здравство, објавија хрватските медиуми.

Одлуката се однесува на граѓани на земји на кои им е потребна виза за влез во Хрватска, односно Шенген зоната. Меѓу нив се граѓани на Индија, Непал, Бангладеш, Пакистан, Филипините и Египет кои имаат одобрена дозвола за привремен престој во Хрватска и бараат нејзино продолжување.

Здравствените прегледи ќе се вршат во јавните здравствени установи според местото на живеење или во Хрватскиот институт за јавно здравје. Прегледот ќе мора да се направи во рок од 90 дена пред да се поднесе барањето за продолжување на привремениот престој.

Странските работници ќе доаѓаат на преглед врз основа на упат пополнет од работодавачот. Прегледот вклучува епидемиолошка историја, физички преглед и утврдување на статусот на вакцинација. Мора да се исклучи активна туберкулоза, бактериите што предизвикуваат тифус и паратифус, како и ХИВ, хепатитис Б и инфекција со хепатитис Ц.

Доколку наодите потврдат заразна болест или покренат сомневање за друга болест што претставува ризик за јавното здравје, лицето ќе биде упатено на дополнителна дијагностика и третман.

Одлуката, исто така, предвидува вакцинација на државјани на трети земји под 35 години кои немаат доказ за пропишана вакцинација против мали сипаници, детска парализа, дифтерија и тетанус. Граѓаните на трети земји вработени во здравствената заштита и во здравствениот и социјалниот систем, исто така, ќе мора да се вакцинираат против хепатитис Б.

По прегледот, ќе се издаде потврда, која државјанинот на трета земја ќе мора да ја чува во текот на целиот престој во Хрватска. На барање, ќе мора да ја покаже на инспектор од Државниот инспекторат, службено лице на Министерството за внатрешни работи или за време на кој било медицински преглед.

Трошоците за здравствениот преглед на странските работници ќе ги сносат работодавачите, додека другите државјани на трети земји кои го продолжуваат својот привремен престој ќе мора сами да го платат прегледот. Трошоците за вакцинација ќе се финансираат од средствата на Хрватскиот институт за здравствено осигурување.

The post ДЕЛ ОД СТРАНСКИТЕ РАБОТНИЦИ ВО ХРВАТСКА ЌЕ МОРА ДА СЕ ВАКЦИНИРААТ Кога е тоа задолжително? appeared first on plusinfo.mk.

Оваа година, Русија планира да одобри две вакцини против глиобластом, еден од најагресивните тумори на мозокот. Веста ја потврди во интервју за државната новинска агенција РИА Новости Вероника Скворцова, раководителка на Федералната медицинско-биолошка агенција (FMBA).

Скворцова објави дека се надева дека наскоро ќе дојде одобрението за првата онколошка вакцина.

– Се надевам дека во текот на 2026 година ќе добиеме одобрение за употреба на онколошка вакцина против глиобластом. Првата ќе биде пептидната вакцина Gliopept, а до крајот на годината ќе добиеме одобрение и за mRNA вакцината против глиобластом – Gliorna“, рече таа.

Федералната медицинско-биолошка агенција објави во ноември минатата година дека претклиничките испитувања на вакцините против оваа болест се во завршна фаза.

Инаку, глиобластомот се смета за една од најопасните форми на тумор на мозокот. Се јавува како резултат на неконтролирана делба на глијалните клетки, помошните клетки што ги опкружуваат невроните во мозокот.

The post НОВИ РУСКИ ВАКЦИНИ ПРОТИВ РАК НА МОЗОК Русија се подготвува за примена на вакцини против глиобластом appeared first on plusinfo.mk.

Во последно време на социјалните мрежи и порталите се појавуваат тврдења дека американски научници развиле „универзална вакцина против рак“ која може да делува на сите видови канцер, односно, може да го научи имунолошкиот систем да ги препознава и уништува сите типови канцер.

Иако звучи како револуционерно откритие, научните докази покажуваат дека реалноста е многу сложена и дека оваа бомбастична вест е далеку од вистината.

Научниците навистина работат на нова генерација mRNA вакцини против рак, инспирирани од технологијата што се користеше за ковид-вакцините. Овие вакцини имаат за цел да го „научат“ имунолошкиот систем да ги препознава и напаѓа канцер-клетките.

Истражувањата покажуваат дека вакцините можат да предизвикаат силен имунолошки одговор, можат да се користат кај различни типови тумори, a се тестираат во клинички испитувања за меланом, рак на белите дробови, панкреас и други видови рак. Сепак, клучно е дека повеќето од овие вакцини се персонализирани, односно направени за конкретен пациент, а не „универзални“.

Од каде доаѓа приказната за „универзална вакцина“?

Неколку понови студии навистина даваат повод за оптимизам. На пример, истражување објавено во 2025 година покажало дека експериментална mRNA вакцина може значително да го засили ефектот на имунотерапијата – но засега само кај животни (глувци).

Научниците велат дека ова е „чекор поблиску“ до идејата за вакцина што би делувала пошироко, односно на повеќе видови рак.

Сепак, засега станува збор за рана лабораториска фаза, без потврда кај луѓе во големи студии и далеку од клиничка употреба.

Зошто „една вакцина за сите“ е толку далеку од реалноста?

Ракот не е една болест, туку стотици различни заболувања со различни генетски мутации.

Иако научниците се обидуваат да најдат „заеднички маркери“ на канцер-клетките, тоа е огромен предизвик. Затоа, најголем напредок во моментов има токму кај

персонализираните вакцини и комбинираните терапии (вакцина + имунотерапија).

Ова има резултати кај луѓе, но не со „универзална вакцина“.

Во клинички испитувања персонализирана mRNA вакцина за меланом значително го намалила ризикот од враќање на болеста. Исто така, и други вакцини покажуваат подобрување кога се комбинираат со имунотерапија.

Дополнително, некои студии покажуваат дека mRNA вакцините можат да го засилат имунолошкиот одговор и да ја подобрат ефикасноста на постојните терапии.

Што значи ова за иднината?

Вакцините против рак се една од најперспективните насоки во медицината и во следните години се очекуваат првите пошироки одобренија. За жал, „универзална вакцина за сите видови рак“ сè уште не постои.

Идејата за вакцина што ќе го спречи или излекува секој вид рак е една од најголемите цели на современата медицина. Но, моменталните научни докази покажуваат дека сме на почетокот на тој пат, а не на крајот.

Напредокот е реален и охрабрувачки – но сензационалните тврдења дека „ракот веќе има универзален лек“ засега не се потврдени.

The post УНИВЕРЗАЛНА ВАКЦИНА ПРОТИВ РАК? Нова надеж од лабораториите , но не и готов лек appeared first on plusinfo.mk.

Aнатеми со кои се проколнувани лекарите, противниците на власта и вештачката интелигенција, изрекол јеромонахот Спиридон при богослужба во манастирот „Успение на Пресвета Богородица“ во преспанското село Јанковец.

На профилот на Фејсбук на самиот манастир е објавена видео снимка од службата на игуменот на манастирот, наречена Синодиконот на православието. Тоа е текст што се чита еднаш годишно, на првата недела од великиот пост. Во него се осудуваат ересите и оние што ја прогонувале црквата.

Прво јеромонахот чита делови од текстот, го изговара зборот „анатема“, а верниците трипати го повторуваат тој збор.

Во врска со вакцинирањето, игуменот Спиридон вели:

– На гонителите на Христовата црква кои убиваат свештенослужители и разрушуваат храмови Божји, кои мачат браќа наши и ја сквернават нашата татковина и кои под присила, принуда и уцени ги присилуваа да се вакцинираат против ковид, нека е анатема.

Потоа, во хор, верниците одговараат: „Анатема! Анатема! Анатема!“

Во однос на вештачката интелигенција, тој вели:

– На оние што со магии ги повикуваат демоните и се поклонуваат и се надеваат на вештачката интелигенција, нека е анатема.

Игуменот Спиридон во изјава за весникот Вечер категорично тврди дека неговите зборови се искривено и тенденциозно пренесени.

– Целосно сум погрешно интерпретиран и тоа што е објавено е целосно извртување на вистината и на суштината на она што го кажав во проповедта. Тоа е намерно направено за одредени цели. Секој што изворно ќе го слушне изговореното и внимателно ќе го прочита изговорениот текст, ќе се увери во тоа. Ниту сум зборувал против вакцинирањето, против медицинските работници, ниту против вештачката интелигенција, ниту сум ја бранел власта. Она што сум го зборувал е тоа дека луѓето не треба да се вакцинираат против своја волја, дека не треба да се принудуваат присилно и со уцени да го прават тоа, дека никој не треба да влијае врз некого како да постапи, туку луѓето да имаат право на слободен избор, кој ќе се базира на нивната слободна волја. Тие што си зедоа за право да се мешаат во слободната волја на луѓето, што им ја одземаат слободната волја. Во тој контекст, јас и го изговарам зборот „анатема“. Јас никако не сум против докторите – вели овој јеромонах.

Тој додава дека не е против вештачката интелигенција.

– Јас немам ништо против вештачката интелигенција, туку сум против заблудувањето на луѓето, против извртувањето на вистината, против лажните вести што се шират преку неа. Сите добро ги знаеме лошите страни на ВИ, кои ги заведуваат луѓето – вели Спиридон.

Јеромонахот вели дека тоа што го користел зборот „анатема“ не значи дека праќал некого во пеколот и дека му фрлал проклетство.

– Анатемата е духовен лек што го даваме за да се покаат некои луѓе што прават такви работи и да се вратат на вистинскиот пат. Тоа е еден вид духовно лекарство за спасување на душите, а што е во суштина на христијанството – вели Спиридон.

Овие пораки доаѓаат неколку години по јавниот апел на поглаварите на МПЦ-ОА, ИВЗ и Католичката црква, кои во 2021 година заеднички ги повикаа граѓаните да се вакцинираат против ковид-19. Досега нема реакција од Светиот архиерејски синод на МПЦ-ОА во врска со оваа богослужба.

The post 🎥 ИГУМЕНОТ НА МАНАСТИРОТ ВО ЈАНКОВЕЦ ФРЛИ АНАТЕМИ ВРЗ ВЕШТАЧКАТА ИНТЕЛИГЕНЦИЈА И ВРЗ ВАКЦИНИТЕ Тој се правда дека анатемата е духовен лек за покајување appeared first on plusinfo.mk.

Центрите за јавно здравје низ земјава обезбедија 2.400 комерцијални вакцини. Од нив 1.000 дози има во Центарот за јавно здравје-Скопје. Примањето комерцијална вакцина ќе чини 700 денари, информираа за МИА од Министерството за здравство.

Министерството за здравство вчера соопшти дека почнува пријавувањето за бесплатна вакцинација против сезонски грип на ризичните групи население, кои може да се пријават со пополнување на апликацијата vakcinacija.mk на следниот линк: https://vakcinacija.mk/mk/registration-flu  или преку својот матичен лекар.

Со бесплатната вакцинација се опфатени ризичните категории население: повозрасни лица над 65 години, лица со хронични заболувања, здравствени работници, бремени жени, деца на возраст од шест месеци до пет години, како и лицата сместени во установи за социјална заштита на стари лица и вработените во овие установи.

The post ДОСТАПНИ СЕ 2.400 КОМЕРЦИЈАЛНИ ВАКЦИНИ ПРОТИВ ГРИП Една чини 700 денари appeared first on plusinfo.mk.