За време на сезоните за грип во 2020 и 2021 година, оваа болест беше навистина ретка, затоа што со превенцијата од коронавирусот, кога граѓаните речиси постојано носеа маски, како и со почестото миење раце и седењето дома, се направи брана за ширењето на сезонскиот грип.

Од Министерството велат дека и оваа година се набавени 40.000 дози четиритипни вакцини против сезонски грип.

– Оваа сезона е предвидено вакцинацијата за сезонски грип да започне порано од предвиденото, па така наместо на почетокот на ноември, како досега, би требало да стартува во средината на октомври. Набавените 40.000 дози четиритипни вакцини против сезонски грип се наменети за стари лица (над 65 години), лица со хронични заболувања, здравствени работници, бремени жени и за децата на возраст од 6 месеци до 5 години – ни одговорија од ресорното министерство.

Вакцинацијата е бесплатна, како што беше пракса и во минатото.

Што се однесува до вакцинацијата против ковид-19, од Министерството за здравство велат дека преку Комисијата за заразни болести „во континуитет ги следи препораките во однос на сите аспекти за ковид пандемијата, вклучувајќи ја и имунизацијата“.

– Вакцинацијата против коронавирусот се одвива непречено и месечно се реализираат околу 1.000 вакцинации. Повторно апелираме сите оние кои досега не се имунизирани, или треба да примат бустер доза, тоа да го сторат поскоро, затоа што не се знае како ќе се одвива пандемијата во периодот што следи – додаваат од МЗ.

Ланската сезона имаше над 3600 пријави со грип и околу 50 000 вакцинирани со бесплатни и комерцијални вакцини.

СЕ ПРЕГОВАРА ЗА НАБАВКА НА ВАКЦИНИ ЗА ОМИКРОН ВАРИЈАНТИТЕ НА КОРОНАВИРУСОТ

Повеќе земји од регионот почнаа да ги набавуваат ажурираните вакцини за омикрон варијантите, пред почетокот постудените месеци, за кога се очекува појава на нов бран на заболени со ковид-19, а кај нас Министерството сѐ уште е во преговори за набавка на овие дози.

– Во моментов сме во преговори за обезбедување на овие вакцини, а јавноста навремено ќе биде информирана по прецизирањето на останатите аспекти и за наредните чекори – велат од ресорот.

The post ИМА ВАКЦИНИ ЗА СЕЗОНСКИ ГРИП Ризичните на боцкање од средината на октомври appeared first on plusinfo.mk.

Затоа, некои инфектолози, како што е д-р Горан Стевановиќ, член на Кризниот штаб во Србија, предупредуваат дека истовремената инфекција со ковид и сезонски грип може да доведе до компликации кај невакцинираните луѓе и ги повикуваат граѓаните да се вакцинираат против грип.

– Во екот на вакцинацијата против ковид-19, нема причина да се плашиме од вакцинација против грип, имаме многу искуство, знаеме како функционира и што е грип. Овие две вакцини немаат допирни точки и можат да се применат во исто време или со која било временска разлика – изјави Елеонора Гвозденовиќ, инфектолог и професор на Медицинскиот факултет во Белград, за српскиот Би-Би-Си. 

Инфектолозите се плашат дека во текот на есента и зимата ќе има повеќе пациенти кои ќе бидат заразени и со коронавирусот и со сезонскиот грип, вели д-р Горан Стевановиќ, член на Кризниот штаб за сузбивање на ковид, во интервју за „Вечерње новости“.

Според него, најлошата можна варијанта е и двете инфекции да се појават кај оние кои не биле вакцинирани против ниту еден од овие два вируса. Меѓутоа, малку е веројатно дека некој ќе биде заразен со двата вируса истовремено.

Инфектологот додава дека лекарите немаат многу искуство во врска со манифестацијата на грип по ковид, но може да се очекува дека во тој случај пневмонијата ќе биде почеста, поизразена, бидејќи ковид-19 веќе се манифестира со пневмонија.

Што е грип и кои се симптомите?

Грипот е најтешката вирусна болест на респираторните органи, се појавува сезонски и се пренесува преку капки. Оваа болест е предизвикана од вирусот на грип и може да потрае од еден до три дена од моментот на инфекција, до појава на симптоми.

– Карактеристично е тоа што постојано се менува малку, што остава имунитет само на видот на вирусот што ја предизвикал болеста – објаснува д-р Гвозденовиќ.

Пациентите може да имаат треска што може да се зголеми до 40 степени, особено во првите три дена од инфекцијата и вообичаено е температурата да остане покачена четири до шест дена. Замор, главоболка, болка во мускулите и зглобовите, слабост, гадење, поспаност, дезориентација и губење на апетит се исто така симптоми на грип. Респираторни симптоми како што се болки во грлото, затнат нос, сува кашлица или засипнатост обично се појавуваат по еден или два дена.

Најчеста компликација е пневмонијата, но грипот може да доведе и до срцева слабост, аритмија и невролошки проблеми. Фаталниот исход може да се случи поради инфекција на целите бели дробови, но ваквите случаи се ретки, вели Гвозденовиќ.

Како да се заштитиме од сезонскиот грип?

Активна имунизација против грип се препорачува за лица постари од шест месеци. Се администрира со една или две дози на вакцина пред почетокот на сезоната на грип, во зависност од возраста. Особено се препорачува за лица изложени на ризик од тешка клиничка слика и компликации, како што се бремени жени, лица постари од 65 години, лица со хронични бели дробови, малигни, кардиоваскуларни, метаболни и други болести и членови на нивните семејства.

– Сегашната вакцина против грип се користи во последните дваесет години и многупати беше прилагодена на сезонските промени во вирусот – вели Елеонора Гвозденовиќ.

Вирусот се менува од сезона во сезона, што е најголем предизвик за лекарите и научниците.

Покрај имунизацијата, општите мерки за превенција вклучуваат избегнување контакт со заразени лица, редовно миење раце, избегнување допир на очи, нос и уста, како и проветрување на просториите каде што престојуваме.

Во екот на пандемијата на коронавирусот, многумина се прашуваат дали е безбедно, покрај вакцините против ковид-19, да ја примат онаа против сезонски грип.

Меѓутоа, овие две вакцини „немаат допирни точки“, така што граѓаните можат да ги примат и двете, без да се грижат за временскиот интервал во кој ќе се извршат имунизации, тврди Гвозденовиќ.

– Многу луѓе постојано, или повремено, се вакцинираат против грип, затоа ги советувам да продолжат со таа практика – заклучува таа.

The post ШТО АКО ГРИПОТ И КОВИДОТ ГИ СПОЈАТ СИЛИТЕ Дали е безбедно да се примат двете вакцини во исто време? appeared first on plusinfo.mk.

Вакцините се производ на француската фармацевтска компанија „Санофи Пастер“.

Вкупно се набавени 40.000 дози на четири типни вакцини кои се наменети за бесплатна вакцинација на следните дефинирани ризични групи: стари лица на возраст над 65 години, лица со хронични заболувања, здравствени работници, бремени жени, деца на возраст од шест месеци до пет години.

Сезонската имунизација против грип во ЈЗУ Здравствен дом Скопје, ќе се одвива во шест поликлиники на територија на град Скопје и тоа во Ѓорче Петров, Букурешт, Чаир, Бит Пазар, Ченто и Јане Сандански.

Измунизацијата ќе биде со упатување од матичен лекар преку системот МојТермин, во периодот од 14 до 19 часот. Kомерцијалните вакцини против сезонски грип ги набавуваат центрите за јавно здравје, каде и ќе се врши вакцинирањето. Центарот за јавно здравје Скопје ќе набави 4000 вакцини, а цената ќе биде по 800 денари, потенцираат од Министерството за здравство.

The post Вакцинацијата против сезонски грип почнува идната недела appeared first on plusinfo.mk.