Пациентите во Србија би можеле да ја примат новата вакцина против рак развиена во Русија до крајот на 2026 година, доколку навреме се потпише договорот за соработка меѓу министерствата за здравство на двете земји.

Ова го изјави српскиот министер задолжен за меѓународна економска соработка Ненад Поповиќ, кој најави дека Србија би можела да биде меѓу првите држави каде што ќе се применува оваа нова терапија базирана на mRNA технологија.

Според него, темата била разгледувана на состанокот со рускиот министер за здравство Михаил Мурашкo во февруари 2026 година, кога се разговарало за можностите за примена на најсовремените руски терапии за лекување онколошки пациенти.

Поповиќ изјави дека руската страна планира првите пациенти во Русија да почнат да ја примаат вакцината уште оваа година. Доколку тоа се случи во мај и договорот со Србија биде брзо потпишан, тогаш првите пациенти во Србија би можеле да ја примат вакцината веќе до крајот на годината.

Тој нагласи дека не се работи само за поединечни случаи на примена на вакцината, туку за воспоставување поширока медицинска соработка меѓу двете земји.

– Целта е да се создаде систем на медицинска соработка меѓу Русија и Србија во интерес на сите граѓани на Србија – изјави Поповиќ за руската новинска агенција РИА Новости.

Според него, пред реализацијата потребно е да се потпише меѓудржавен договор, што претставува сложен процес кој се одвива во неколку фази.

Во рамки на подготовките, во првата половина од 2026 година делегација од српското Министерство за здравство, Владата и водечки медицински институции ќе ги посети руските научни центри „П.А. Херцен“ и „Н.Ф. Гамалеј“

Целта на посетата е српските експерти одблиску да се запознаат со процесите на дијагностика, лекување и производство на персонализирани mRNA вакцини против рак.

The post НОВА НАДЕЖ ЗА ОНКОЛОШКИТЕ ПАЦИЕНТИ ВО СРБИЈА Руската вакцина против рак ќе пристигне до крајот на годината appeared first on plusinfo.mk.

Експериментална мРНК-вакцина ја засили борбата против тумори кај животински модели, поточно кај лабораториски глувци, покажувајќи дека сме чекор поблиску до целта – развој на универзална вакцина што ќе го „разбуди“ имунолошкиот систем против ракот, објави Универзитетот на Флорида.

Студијата, објавена во списанието Nature Biomedical Engineering од страна на Универзитетот на Флорида, откри дека комбинацијата на тест-вакцината и на вообичаени имунотерапевтски лекови, познати како „инхибитори на имунолошки контролни точки“, предизвикала силен антитуморски одговор – како двоен удар.

Изненадувачки, истражувачите постигнале вакви резултати не преку насочување кон специфичен туморски протеин, туку преку едноставно засилување на имуниот систем, правејќи го да реагира како да се бори со вирус. Тоа го направиле така што ја поттикнале експресијата на протеинот PD-L1 во самите тумори, правејќи ги поприемчиви за терапија. Истражувањето било поддржано од повеќе американски федерални агенции и фондации, вклучително и од Националниот институт за здравство (NIH).

Педијатрискиот онколог и професор по истражување на детски рак при UF Health, Д-р Елиас Сајур, вели дека резултатите покажуваат можен нов правец на третман – алтернатива на хирургија, радијација и хемотерапија – со потенцијал за широка примена кај различни, тешко излечиви тумори.

– Овој труд опишува неочекувано и возбудливо откритие: дури и вакцина што не е насочена кон одреден тумор или вирус – доколку е мРНК – може да има ефекти специфични за туморот. Ова откритие е доказ за концептот дека ваквите вакцини можат да се комерцијализираат како универзални вакцини против рак, кои ќе го чувствителизираат имуниот систем против индивидуалниот тумор кај секој пациент – рече Сајур, водечки истражувач во Лабораторијата за РНК-инженеринг при Центарот за терапија на тумори на мозокот „Престон А. Велс Џуниор“.

Вакцина без таргет, но со силен одговор – нов пристап во борбата против тумори

Досега постоеле 2 главни приоди во развојот на вакцини против рак: едниот е пронаоѓање заедничка мета што ја имаат многу пациенти со рак; другиот е создавање персонализирана вакцина базирана на специфичните цели во туморот на поединецот.

– Ова истражување покажува трета, нова парадигма. Откривме дека со вакцина која не е специјално насочена кон рак, туку кон создавање силен имунолошки одговор, можеме да поттикнеме многу силна антикарциномска реакција. Тоа значи дека оваа метода би можела да се користи на широк круг пациенти – па дури и да доведе до т.н. „вакцина за рак што ја има на рафт – вели д-р Дуане Мичел, коавтор на трудот.

Веќе 8 години Сајур развива напредни вакцини против рак преку комбинирање липидни наночестички и мРНК (месенџер РНК) – молекула што служи како шаблон за создавање протеини во сите клетки, вклучувајќи ги и туморските.

Оваа студија е надградба на нивниот минатогодишен пробив: прва клиничка студија кај луѓе што покажа дека мРНК вакцина може брзо да го пренасочи имуниот систем да напаѓа глиобластом, агресивен тумор на мозок. Во тој случај, со персонализирана вакцина направена од сопствени клетки на пациентот, се добил моќен имун одговор.

Со ковид-технологија до лек за рак

Во новата студија, тимот тестирал „генерализирана“ мРНК вакцина – која не е насочена кон специфичен вирус или кон мутирани туморски клетки, туку едноставно дизајнирана да предизвика силен имун одговор. Направена е со технологија слична на онаа што се користи кај мРНК вакцините против КОВИД-19, но не била насочена кон спајк-протеинот на вирусот.

Кај глувци со меланом, комбинацијата на мРНК вакцината и имунотерапевтскиот лек познат како PD-1 инхибитор (моноклонално антитело што му помага на имуниот систем да препознае туморот како туѓ) дала добри резултати.

Одејќи понатаму, при тестирање на различна мРНК вакцина како самостоен третман кај модели на рак на кожа, коска и на мозок, се покажале позитивни ефекти – во некои случаи, туморите целосно исчезнале.

Истражувачите забележале дека мРНК вакцината може да го активира имунолошкиот систем дури и ако првичниот одговор не е директно поврзан со ракот – но ако е доволно силен, може да активира Т-клетки што претходно не функционирале, да се размножат и да го уништат туморот.

– Ова потенцијално би можело да биде универзален начин за будење на имун одговорот кај пациентот против рак. И ако тоа се покаже применливо кај луѓе, тоа би било навистина голема промена – вели Мичел.

Сега, тимот работи на подобрување на формулациите и на што поскоро започнување клинички испитувања кај луѓе.

The post НАУЧНИЦИТЕ СЕ БЛИСКУ ДО УНИВЕРЗАЛНА ВАКЦИНА ЗА РАК?! Новиот лек го поттикнува телото само да уништува тумори и без да знае против што се бори appeared first on plusinfo.mk.

The post 9 ПАЦИЕНТИ ВО РЕМИСИЈА ОТКАКО ЈА ПРИМИЛЕ ВАКЦИНАТА ПРОТИВ РАК Охрабрувачки наоди за светот на онколошките истражувања appeared first on plusinfo.mk.

– Ракот не доаѓа од никаде. Секогаш замислувате дека ќе бидат потребни околу една или две години за да се развие во вашето тело, но, всушност, сега знаеме дека на карциномите може да им се потребни до 20 години, понекогаш дури и повеќе, за да се развијат – како нормална клетка преминува во канцерогена – рекла таа во емисијата Today на BBC Radio 4.

Таа додава дека повеќето видови карциноми се невидливи кога поминуваат низ овие фази, а тоа е она што сега го нарекуваме предканцерозна фаза.

– Значи целта на вакцината не е да се вакцинира против веќе развиениот рак, туку да се вакцинира против тој предканцероген стадиум.

Универзитетот Оксфорд веќе има некои од водечките истражувачи кои идентификуваат протеини специфични за туморот кои би можеле да бидат мети на вакцините кои го спречуваат враќањето на болеста кај луѓето кои веќе имале рак.

Но, оваа најнова фаза на истражување ќе ги помести границите на медицинската наука понатаму и потенцијално ќе ги вакцинира луѓето против рак пред да го добијат.

– Ова партнерство претставува чекор напред во истражувањето на ракот. Нашата цел е да го отклучиме потенцијалот на вакцините за рак и да им донесеме надеж на пациентите ширум светот – рекла професорката на Универзитетот Оксфорд, Ајрин Трејси.

Секретарот за наука и технологија Питер Кајл рекла дека можеме да ги искористиме науката и иновациите за да го трансформираме она што е можно кога станува збор за дијагностицирање и лекување на оваа болест.

Вештачката интелигенција ќе се користи за поблиску да се анализираат новите „микроскопски“ слики на клетките за да се обидат да се бараат обрасци во раните промени до кои може да дојде. Ќе се искористат и неодамнешните откритија во генетското секвенционирање на една клетка.

– Пред околу три години составивме работна група научници во Оксфорд кои беа подготвени да го направат тоа. Имаме среќа затоа што има огромен број технички откритија што можеме да ги искористиме за да можеме всушност сега да започнеме да го откриваме „неоткриеното“. И од тоа, можевме да утврдиме какви карактеристики имаат тие клетки додека преминуваат во рак, за да можеме да дизајнираме вакцина посебно усмерена против тоа, рекла професорката Благден.

The post БРИТАНСКИТЕ НАУЧНИЦИ СОЗДАВААТ ВАКЦИНА ПРОТИВ РАК Револуционерниот изум ќе може да ја спречи болеста 20 години пред почетокот appeared first on plusinfo.mk.

Рускиот претседател Владимир Путин на технолошки форум во Москва вчера изјави дека научници од Русија се блиску до создавање вакцина против рак што наскоро би можела да биде достапна за пациентите.

– Руските научници се многу блиску до создавање вакцини за рак и имуномодулаторни лекови од новата генерација. Се надевам дека наскоро делотворно ќе се користат како методи за индивидуална терапија – изјави Путин.

Тој не појасни на кои видови рак ќе делува вакцината и на кој начин.

За време на пандемијата на Ковид – Русија разви и своја сопствена вакцина „Спутник V“ против коронавирусот и ја продаде во голем број земји, иако наиде на широко распространет јавен отпор против вакцинацијата во земјата. Самиот Путин изјави дека бил вакциниран со „Спутник“, обидувајќи се да ги убеди луѓето во безбедноста и делотворноста на лекот.

Бројни земји и компании во светот работат на вакцини против рак. Владата на Обединетото Кралство, на пример, лани потпиша договор со германската компанија „Бионтек“ за почеток на клинички испитувања поврзани со персонализираниот третман за рак.  10.000 пациенти до 2030 година треба да добијат третман.

И фармацевтските компании „Модерна“ и „Мерк“ развиваат експериментална вакцина против рак. Испитувањата засега покажуваат дека вакцината наполу ја намалува шансата по 3 години третман да се врати меланомот, кој е најсмртоносниот рак на кожата. Во мигов инаку има 6 лиценцирани вакцини против хуман-папиломавирусот (ХПВ), којшто предизвикува неколку видови рак, вклучувајќи го и ракот на грлото на матката. Има и вакцина против хепатит Б (ХБВ) што предизвикува рак на црниот дроб.

The post ПУТИН ТВРДИ ДЕКА РУСИЈА Е БЛИСКУ ДО СОЗДАВАЊЕ ВАКЦИНА ПРОТИВ РАК Наскоро ќе им биде достапна на пациентите, најави рускиот претседател appeared first on plusinfo.mk.

The post ДАЛИ ВО ВАКЦИНАТА ПРОТИВ КОВИД СЕ КРИЕ ЛЕКОТ ЗА РАК? Завршено е клучното тестирање на МРНА вакцината кај пациенти appeared first on plusinfo.mk.

Професорот Туречи тврди дека методологијата со РНК може да се пренасочи во зајакнување на имунолошкиот систем и за напаѓање на клетките на ракот, следејќи го истиот принцип како кај коронавирусот.

„Бионтех“ веќе работеше на РНК-вакцини против ракот и пред пандемијата, но потоа компанијата го префрли својот фокус на создавање ковид-вакцини.

Германската компанија се надева дека ќе може да развие третмани за рак на дебелото црево, на кожата и на некои други видови рак, иако постојат големи пречки во тоа. Клетките на ракот коишто создаваат тумор може да се полнат со широк спектар од различни протеини, што го отежнува создавањето вакцина којашто ќе ги таргетира сите канцерогени клетки.

Говорејќи во неделата за Би-Би-Си, професорот Туречи објасни дека mRNA делува како план и ви овозможува да му кажете на телото да го произведе лекот или вакцината.

– Кога користите mRNA како вакцина, тоа е план за „посакуван постер“ на непријателот, во овој случај канцерогени антигени кои ги разликуваат клетките на ракот од нормалните клетки – рече тој.

Искористувањето на моќта на mRNA за производство на вакцини не беше докажано до пронаоѓањето на вакцината против ковид. Но, успехот на mRNA вакцините во пандемијата ги охрабри научниците да работат на технологијата на производство на вакцини против рак.

– Секој чекор, секој пациент што го третираме во нашите испитувања за рак ни помага да дознаеме повеќе за тоа што сме против и како да се справиме со тоа – рече Туречи, главен медицински директор на „Бионтех“.

The post ВАКЦИНИ ПРОТИВ РАК ДО 2030 ГОДИНА? Успехот на вакцината против ковид ги охрабри првите луѓе на „Бионтех“ appeared first on plusinfo.mk.