Обезбедивме средства од Европската банка за обнова и развој со кои ќе набавиме најмалку 5 нови електрични локомотиви, модернизирање на Македонски Железници со кои ќе можеме да го опслужиме целиот карго превоз во земјава, истакна на денешната седница за пратенички прашања во Собранието, заменик претседателот на Владата и министер за транспорт, Александар Николоски.

– Во соработка со Европската банка за обнова и развој, обезбедивме средства во висина од речиси 21 милион евра со кои треба да купиме најмалку 5 нови електрични локомотиви. Знаете дека минатата година кога беше формирана оваа Влада, имавме за жал нула активни локомотиви, а сега имаме 11, од кои што 4 се понови, а 7 постари. Со 9 локомотиви кои би биле електрични, ќе можеме целокупниот карго превоз да го опслужиме, се надевам веќе од 2028 година, затоа што рок на испорака на овие локомотиви е во 2 години, а она што го имаме најава од ЕБОР е дека март месец следната година веќе ќе можеме да го видиме повикот објавен – истакна од собраниската говорница вицепремиерот Николоски.

Карго од Пиреа до Виена, бенефит за Македонски Железници

Вицепремиерот соопшти уште една новина, а тоа е потпишување на договор помеѓу Железници Транспорт и железници на Австрија, соработка која ќе донесе огромен финансиски бенефит за МЖ Транспорт.

– Македонски железници-транспорт и Желзници Австрија се пред потпишување на договор со кој наши локомотиви ќе се користат за карго превоз кој што треба да оди од Пиреа, Атина до Виена. Тоа го договоривме со претставниците на Владата на Австрија, а сега веќе комуницираат двајцата директори – додаде Николоски.

Единствено решение за Коридор 10

За изградбата на брзата пруга на Коридорот 10, Николоски вели дека, ќе се оди со единствено решение што ќе опфаќа проектирање и градба во исто време, така што целокупната одговорност ќе биде на оној што ќе биде избран за изведувач и државата нема да има ризик од одлагање на роковите и од непотребни додадени трошоци.

Одговарајќи на прашање од пратеникот Благој Бочварски од СДСМ кои се роковите за изградбата на брзата пруга на Коридор 10, Николоски рече тоа што дополнително е многу битно е што услов во однос на изборот на финансиска куќа што ќе го поддржува проектот е кредитот да почне да се враќа во моментот кога проектот ќе биде предаден, односно грејс периодот да биде најмалку ист со рокот за градба.

– На тој начин финансиската инстутуција, која што ќе го прати проектот, да врши притисок на изведувачот побрзо да ја заврши работата, што мислам дека е многу битно да немаме одлагања, кои што се, инаку многу чести во големите инфраструктурни проекти – изјави Николоски.

Избрана е компанија што ќе го подготви проектот

Во однос на активностите, Николоски рече дека по препорака од Институтот за финансиска поддршка на Обединетото Кралство веќе е одбрана компанија ИРМ која што веќе активно работи на терен на подготовка на проектот.

– Активности како булдожери на терен, очекувам тоа да биде зависно од динамиката, помеѓу летото и есента следната година. И, од тој момент пет години ќе е рокот за завршување, така што, очекувам летото 2031 година да биде целосно завршен – изјави вицепремиерот и министер за транспорт, посочувајќи дека станува збор за дупла пруга, и наша цел е едната линија за карго транспорт да биде готова до 2028 година.

The post МАКЕДОНИЈА ЌЕ НАБАВИ НАЈМАЛКУ 5 ЕЛЕКТРИЧНИ ЛОКОМОТИВИ ЗА КАРГО ПРЕВОЗ Николоски откри и уште една важна новост appeared first on plusinfo.mk.

Патници во германски воз биле замолени да го напуштат, откако персоналот проценил дека вагоните се премногу валкани за патувањето да продолжи, соопшти националната железничка компанија Дојче бан.

– Станува збор за брз воз на националната железничка компанија „Дојче бан“ кој во вторникот сообраќал од Минхен кон Хамбург. Персоналот, при рутинска проверка, утврдил дека состојбата со чистотата е недозволива за натамошно патување – изјави портпаролка на компанијата за агенцијата ДПА.

На патниците им било наложено да го напуштат возот во Нирнберг, околу 155 километри северно од Минхен.

– Жал ни е за оваа ситуација. Очекуваме возовите на долги релации, што сообраќаат низ цела Германија, да ги исполнуваат високите стандарди за квалитет. За жал, тоа не беше случај со ова патување – изјави портпаролката.

Таа не даде детали за степенот на валканост на вагоните, ниту прецизираше колку патници се наоѓале во возот.

– Отприлика еден час по запирањето, на патниците им беше понуден алтернативен превоз, а добија и информации како да побараат обештетување – додаде портпаролката.

The post ГЕРМАНСКИ ВОЗ БИЛ ЗАПРЕН ПОРАДИ ПРЕМНОГУ ВАЛКАНИ ВАГОНИ Патниците морале да заминат сред патување appeared first on plusinfo.mk.

Како што изјави Николовски по денешната посета на „Железници Транспорт”, момнентно во земјава се активни пет возови за патнички сообраќај, пет локомотиви за товарен сообраќај и четири локомотиви кои се изнајмени.

– Од нула возови и локомотиви минатиот јули, сега имаме вкупно 14 на македонските пруги. Кога бевме избрани во јули лани Македонија немаше железница, немаше оперативни возови и локомотиви. По само шест месеци резултатите се гледаат. Депото низ кое прошетавме денеска во јули минатата година беше запуштено, во него не влегуваше никој, имаше темна слика, а денес вредни луѓе ги одржуваат и поправаат возовите. Споредено со четвриот квартал во 2023 година, четвртиот квартал во 2024 година во делот на товарот има зголемување за 75 проценти. Тоа е срцето на „Македонски железници – Транспорт“ зашто најголем дел од приходите доаѓат токму преку карго сообраќајот, а исто така во делот на патничкиот сообраќај, споредено, пак, трет квартал 2023 со трет квартал 2024 година, има зголемување за 36 отсто. Тоа се огромни бројки и огромни разлики – рече Николовски.

Тој претходно најави дека денеска попладне, во 16:30, ќе тргне првиот воз од Скопје за Куманово.

The post СЕ ВРАЌААТ ВОЗОВИТЕ ДО ТЕТОВО, ГОСТИВАР, ШТИП И ДО КОЧАНИ Николовски најави повторно пуштање и на линијата до Кичево appeared first on plusinfo.mk.

Пожарот во депото на „Македонски железници-Транспорт“ е изгаснат, се работи на расчистување на теренот, вели командантот на Единицата за противпожарна заштита на Град Скопје, Звонко Томески.

Тој истакна дека е интервенирано со 10 противпожарни возила и 30 пожарникари.

Како што претходно информираше Плусинфо од лице место првата пријава за пожар во депотот пристигнала во 1 часот по полноќ, а интервенцијата траела до 3:30 часот.

„Од 01.20 часот на ул. Трета Македонска Бригада (Опш.Аеродром) со 20 пожарникари и 8 ПП возила интервенирале на стари и неисправни Вагони од Железници на РСМ Транспорт АД – Скопје“, соопштија од Пожарната служба.

• ПОЖАР БЕСНЕЕ ВО МАГАЦИН НА ЖЕЛЕЗНИЦИ, ГОРАТ СТАРИ ВАГОНИ Црн чад се издигна над Кисела Вода

Утрово нешто пред 9 часот пожарот повторно се разгорел, при што биле повикана противпожарната единица за да интернвенира.

„Во 03.30 часот пожарот бил локализиран од екипа на Бригата за противпожарна заштита Скопје, а повредени лица нема. Во 09.00 часот во СВР Скопје било пријавено дека пожарот повторно се активирал“, велат од МВР.

Присутни се и инспектори од МВР, ќе се прегледуваат надзорните камери за да се утврди што се случило.

Штетата дополнително ќе се утврдува, а надлежните потврдија дека нема повредени лица при оваа интервенција.

The post 📷 📽️ ИЗГАСНАТ ПОЖАРОТ ВО ДЕПОТО НА ЖЕЛЕЗНИЦИ Интервенирале 10 противпожарни возила и 30 пожарникари appeared first on plusinfo.mk.

Најмалку 2 лица загинаа кога воз излета од шините на северот на Русија, а едно лице се води како исчезнато, соопшти денеска државната железничка компанија.

Воз со 14 вагони ноќеска излета од шините во северната руска република Коми, соопштија Руски железници, додавајќи дека 9 вагони излетале од шините.

Околу 50 луѓе се повредени, јави руската новинска агенција Интерфакс, повикувајќи се на претставници на службите за вонредни состојби, а пренесува Бета.

Возот со 232 патници се движел кон јужниот град Новоросијск од Ворутка, рударски град на северот на Република Коми, соопшти железницата. Оттаму додадоа дека обилниот дожд, кој однесе делови од железничките пруги, најверојатно е причината за излетувањето од шините.

Руската железница вети дека ќе плати 2 милиона рубљи (околу 22.900 долари) на семејствата на секој од загинатите, покрај 2.025 милионите рубљи (околу 23.100 долари) што ќе ги добијат од осигурувањето.

Повредените, кои морале да се лекуваат во болница, ќе добијат по 1 милион рубљи (околу 11.400 долари), а оние кои добиле болничка нега ќе добијат 500.000 рубли (околу 5.700 долари), објави компанијата.

Russia passenger train crash: A Vorkuta-Novorossiysk passenger train derailed in #Russia‘s Komi Republic.

At least 70 people were injured as nine out of the 14 wagons derailed. Reports indicate that there were 232 passengers onboard at the time of the accident.#TrainAccident pic.twitter.com/oztKb632hg

— Neha Bisht (@neha_bisht12) June 27, 2024

The post 🎥📷 ТРАГЕДИЈА ВО РУСИЈА, ВОЗ ИЗЛЕТА ОД ШИНИ Двајца загинаа, а 50-мина се повредени appeared first on plusinfo.mk.

Товарен воз кој превезувал фосфорна киселина утровол излетал од шините на железничката станица во Рума. Вагоните излетале од шните на 300 метри од железничката станица, пренесуваат српските медиуми.

Четири вагони од композицијата што превезувале фосфорна киселина од „Еликсир“ Прахово до Шабац  излетале од шините, но според првичните информации во инцидентот нема истекување на киселината кое може да биде опасно за околината.
Курир објави дека се чекаат експерти од Белград  да извршат увид и да ја проценат штетата, а се очекува киселината да биде префрлена во други цистерни.

Засега не е дозволено приближување до местото каде што вагоните излетале од шините.

The post ОПАСЕН ИНЦИДЕНТ ВО СРБИЈА Четири вагони со фосфорна киселина излетале од шините во Рума appeared first on plusinfo.mk.

Патниците кои го користат возот за да патуваат меѓу северниот дел на Швајцарија и нејзиниот најјужен дел ќе мора да бараат алтернативен превоз, пишува лондонски Гардијан.

Шеснаесет вагони кои излетаа од шините во тунелот „Алптранзит Готард“ долг 57 километри сѐ уште се заглавени во тунелот, нема повредени, но причинета е голема штета, соопшти Швајцарската железница.

The post 16 ВАГОНИ ИЗЛЕТАЛЕ ОД ШИНИТЕ ВО ТУНЕЛОТ ГОТАРД ВО ШВАЈЦАРИЈА Најдолгиот тунел во светот ќе биде затворен appeared first on plusinfo.mk.

Во соопштението наведуваат дека продолжуваат со бојкотот поради неисполнување на поставените барања и потенцираат дека „вчера од 08:00 часот на локомотивите и патничките гарнитури не е направен дневен преглед што значи дека сообраќајот не е безбеден“.

„Директорот Сашко Ангеловски, кој е член на Управниот одбор самоволно локомотивите и патничките гарнитури ги изнесе од депо без извршен дневен преглед и ги однесе на железничка станица, врши притисок врз вработените кои бојкотираат и дели предупредувачки решенија пред отказ што не е во негова надлежност. Вработените револтирани од неговиот однос бараат оставка од него поради неговата неспособност“, се наведува во соопштението.

Барањата на вработените, кои се во бојкот, се зголемување на коефициентот на сложеност за 0,30 проценти, греење во работните простории, заштитна опрема, како и нови вработувања за да опстои фирмата.

Од ЖРСМ Транспорт велат дека засега бојкотот на вработените не се одразува на одвивањето на железничкиот сообраќај бидејќи се уште имаат возни средства за кои е извршен преглед. Доколку продолжи бојкотот подолго време тоа ќе влијае и на сообраќајот.

The post ВОЗОВИТЕ ВРВАТ, ПАТНИЦИТЕ НЕБЕЗБЕДНИ Втор ден бојкот на вработени во ЖРСМ Транспорт appeared first on plusinfo.mk.

Како што е наведено, гасот во резервоарите не истекувал и немало опасност по здравјето на луѓето. Областа на инцидентот е обезбедена. Возот се движел кон Нови Сад, а бил составeн од 23 вагон-цистерни.

На 12 јануари во вечерните часови од цистерна во населбата Топола во Панчево имало истекување на раствор од амонијак. Сопственикот и возачот на камионот-цистерна се уапсени под сомнение дека предизвикуваат општа опасност и ја оштетиле животната средина, а надлежните соопштија дека овој инцидент не предизвикал последици од опасна закана по здравјето и безбедноста на луѓето.

The post ТРИ ВАГОН-ЦИСТЕРНИ СО ПРОПАН ИЗЛЕТАЛЕ ОД ШИНИ Продолжуваат железничките инциденти во Србија appeared first on plusinfo.mk.

Информацијата дека повторно има струја ја потврдија од ЖРСМ Транспорт, од каде велат дека прекинот на напојувањето со струја не се одразил на одвивањето на железничкиот собраќај, иако постоеше  таква опасност со оглед дека струја им е потребна за пумпите за нафта.

Вицепремиерот за економски прашања Фатмир Битиќи, претходно во изјава за медиумите најави дека Железници ќе има струја и повтори дека долгот кон ЕВН за неплатените сметки на одредени државни институции ќе биде подмирен веднаш штом во Собранието ќе  помине најавената пренамената на средствата од Буџетот.

Според него, не треба никаква друга гаранција дека тоа ќе се исполни, бидејќи веќе го најавија и премиерот Димитар Ковачевски и други членови на Владата.

– Сметам дека веќе во овој  момент во „Железници Транспорт” има струја. Владата не е ниту договорна, ниту облигациска страна кон ЕВН и ако ЕВН не сфаќа дека Владата не е тука страна која дава гаранции, тогаш ЕВН има навистина проблем со толкување на нивното функционирање во нашата држава. Премиерот, вицепремиерот и министерот за финансии кажаа дека ќе се платат долгови кон ЕВН и тоа е сосема доволно за било кој економски оператор да сфати дека тоа е Влада и држава и оти не треба никакви други гаранции – рече вицепремиерот Битиќи во одговор на новинарско прашање зошто досега Владата не испратила гаранција до ЕВН дека ќе го подмири долгот, откако изутрина беше исклучена струјата во „Железници Транспорт”.

ЕВН има даде рок до 15 овој месец на повеќе институции да го платат долгот за потрошена електрична енергија, меѓу кои се и Клиничкиот центар и „ЖРСМ Транспорт” и други.

The post ВОЗОВИТЕ ПОВТОРНО ТРГНАА Откако државата вети дека ќе го плати долгот, МЖ-Транспорт доби струја appeared first on plusinfo.mk.