Најбогатите Руси го зголемија своето богатство за 72 милијарди долари во 2023 година и вредат вкупно 577 милијарди долари, објави денеска Форбс. Вагит Алекперов, поранешниот претседател на нафтената компанија Лукоил, сега е најбогатиот човек во Русија.

Форбс го процени вкупното богатство на руските милијардери на 606 милијарди долари во 2021 година, пред руската инвазија на Украина. Високите цени на суровините во изминатите две години и економскиот раст на Русија фокусиран на војна, кој го намалува влијанието на западните санкции, помогнаа за закрепнување и враќање на таа сума.

Многу руски милијардери станаа цел на западните санкции додека Западот се обиде да го казни претседателот Владимир Путин и неговите блиски соработници поради војната во Украина. Нивното вкупно богатство падна на 353 милијарди долари во 2022 година.

Богатството на Вагит Алекперов порасна од 20,5 милијарди долари на 28,6 милијарди долари во 2023 година, објави Форбс. Првото место во Русија го презеде од сега веќе седморангираниот Андреј Мелниченко, кој се збогати со ѓубрива и чија вредност падна од 25,2 милијарди долари на 21,1 милијарди долари.

Леонид Микелсон, шеф на рускиот производител на природен гас Новатек, рангиран е на второто место на листата на Форбс. Неговото богатство порасна за 5,8 милијарди долари на вкупно 27,4 милијарди долари.

Форбс објави дека сега има повеќе милијардери во светот – 2.781. Првите 20 на листата го држат најголем дел од богатството, а Алекперов сега е 59-ти во светот.

„Тие се побогати од кога било, вкупно вредат 14,2 билиони долари, што е зголемување од 2 билиони долари од 2023 година“ – објави Форбс.

Путин повеќепати се пофали дека западните санкции не успеале да ја уништат руската економија и посочи дека руската економија се проширила побрзо минатата година, со раст на БДП од 3,6 %, отколку која било од земјите од Г7 кои се во голема мера одговорни за санкциите.

Руската економија нагло закрепна по падот во 2022 година, но растот во голема мера се потпира на државното производство на оружје и муниција за војната во Украина, прикривајќи ги проблемите што го спречуваат рускиот народ да го подобри својот животен стандард.

Меѓународниот монетарен фонд (ММФ) очекува рускиот БДП да порасне за 2,6% оваа година, но предвидува лоша прогноза за економијата во иднина поради одливот на луѓе и недостапноста на технологијата.

The post НАЈБОГАТИТЕ РУСИ СТАНАА УШТЕ ПОБОГАТИ Војната ништо не им може appeared first on plusinfo.mk.

Во последната година најмногу се збогатил косопственикот на Лукоил, Вагит Алекперов чие богатство пораснало за 9,14 милијарди долари. Додека, најбогат руски милијардер севкупно е еден од главните сопственици на Норилск никел, Владимир Потанин. Од почетокот на годината неговото богатство се зголеми за 2,11 милијарди долари, на вкупно 30,7 милијарди долари.

На второ место на листата на најбогатите Руси е косопственикот на НОВАТЕК, Леонид Микелсон. Неговото богатство годинава се зголеми за 2,71 милијарди долари, на 27,3 милијарди.

Вагит Алекперов и натаму е на трето место. Косопственикот на Лукоил во 2023 година е побогат за 9,14 милијарди долари, а неговото вкупно богатство сега изнесува 24,5 милијарди долари.

На четврто место е Владимир Лисин, претседател и мнозински сопственик на Новолипецк, една од четирите најголеми челични компании во Русија. Неговото богатство во 2023 година се зголемило за 3,07 милијарди долари и сега изнесува 22,9 милијарди долари.

Големата петорка на руските милијардери ја заокружува Алишер Усманов (Металоинвест и Мегафон). Тој во изминатава година го зголемил своето богатство за 1,87 милијарди долари, на 20,3 милијарди долари.

Според извештајот на UBS, од април 2022 година до април оваа година, бројот на милијардери во светот се зголемил за 7% на сегашните 2.376 поединци.

Нивното заедничко богатство, кое падна драстично една година претходно, сега е зголемено за 20% и изнесува 9 трилиони долари.

The post КОЈ Е НАЈБОГАТИОТ МЕЃУ НАЈБОГАТИТЕ РУСИ? Богатството на руските милијардери годинава е зголемено за 38 милијарди долари appeared first on plusinfo.mk.