Германскиот министер за надворешни работи, Јохан Вадефул, повика на укинување на принципот на едногласност во Европската Унија во областа на надворешната и безбедносната политика и негова замена со принципот на гласање со мнозинство, карактеристичен за демократиите.

– Во една демократија принципот на мнозинство е норма, а едногласноста исклучок – изјави Вадефул за време на заедничката прес-конференција со неговата ирска колешка Хелен Мекенти во Лондон.

Ирска го презема претседателството со Советот на ЕУ во јули.

– Ние мораме демократската норма да ја претвориме во норма и во Европската Унија – истакна Вадефул, додавајќи дека само така Европа може да остане способна да дејствува.

Вадефул оцени дека по изборите во Унгарија на 12 април и поразот на Виктор Орбан, сега постои поволен „временски прозорец“ кој мора да се искористи. Тој потсети дека Орбан, кој важеше за наклонет кон Русија, ги попречуваше гласањата во ЕУ во текот на 16-те години додека ја водеше земјата.

– Секој месец е важен, па дури и секоја недела – предупреди Вадефул, нагласувајќи дека „блокадите на кои бевме сведоци во минатото веќе не се нешто што ЕУ може да си го дозволи во овој сериозен светски контекст“.

Кратко пред да биде поразен, Орбан на крајот на март го блокираше заемот од 90 милијарди евра од ЕУ за Украина, што предизвика гнев кај германскиот канцелар Фридрих Мерц, кој тоа го нарече „акт на груба нелојалност“.

Земјите од ЕУ вчера се договорија да го одблокираат заемот и да воведат нови санкции кон Русија, откако Унгарија се откажа од повеќемесечното противење.

The post ГЕРМАНИЈА БАРА ДЕЛУМНО УКИНУВАЊЕ НА ВЕТОТО ВО ЕУ За одбрана и за надворешна политика да се решава со мнозинство appeared first on plusinfo.mk.

Германскиот министер за надворешни работи Јохан Вадефул денеска изјави дека САД и Иран одржале индиректни разговори и дека претставници од двете страни планираат наскоро да се сретнат во Пакистан.

– Според информациите што ги имам, имало индиректни контакти и се направени подготовки за директна средба, која би можела наскоро да се одржи во Пакистан – изјави Вадефул.

Според него, се чини дека почетните позиции на Вашингтон и Техеран веќе се разменети писмено преку посредници, објави списанието „Дер Шпигел“.

– Ова е позитивен знак – коментираше Вадефул и ја нагласи важноста на самиот факт што двете страни во конфликтот разговараат.

The post САД И ИРАН ДОГОВАРААТ ДИРЕКТНА СРЕДБА ВО ПАКИСТАН? Информација од шефот на германската дипломатија appeared first on plusinfo.mk.