Велибор Манев ги однел полицајците до местото Кула каде што било закопано телото на убиениот Панче Жежовски, рече Ристе Самарџиев, началник СВР Велес на денешното сведочење во случајот за убиствата на 14-годишната Вања Ѓорчевска и 74-годишниот фризер од Велес.

– Веднаш по пријавата за исчезнувањето на Панче Жежовски, ги гледавме камерите на сите бензински и јавни места. Кога се јавија од Скопје дека возилото е пронајдено запалено, сфативме дека Панче е убиен – рече началникот од СВР Велес и додаде дека обвинетиот Велибор Манев им кажал на полицајците каде е закопано телото на Панче.

• „АКО ДОЗНАЕ ПАЛЧО, ЌЕ МЕ УБИЕ“ Кешишев ги однел полицајците до местото каде што била закопана Вања

Колегите од Скопје им јавиле на велешките полицајци дека Манев е осомничен и дека треба да се уапси.

– Колеги го уапсија. Колеги од Скопје го обавуваа разговорот со него, јас само слушав. Манев ни го посочи местото каде е закопан Панче. Призна дека се убијци и на Вања. Со возило нѐ однесе до местото каде е закопан Панче, месност Кула, се оди по земјен пат. Тоа е дупка и тешко ќе ја најдете ако некој не ја посочи, оти е обрасната со дрвја. Таму ни кажа дека сите четворица таму го убиле и го закопале, а дека пукал Палчо. Дупката беше околу три метра. Не можевме да копаме ние, викнавме Пожарна служба која ни помогна да го извадиме телото – рече Самарџиев и додаде дека бил извршен увид на местото на кое е пронајдена чаура.

Сведокот рече дека парче од мобилниот телофон на Вања било пронајдено во возилото на Панче. Телефонот на Панче веднаш го лоцирале, зашто не бил исклучен и зрачел во близина на бензиската пумпа кај Велес. Но, телефонот бил пронајден по два-три дена, во грмушки од капини високи два-три метра, бидејќи бил непристапниот терен прво требало да се расчисти.

Првообвинетиот за двете убиства Љупчо Палевски Палчо го праша началникот дали на камерите кај хотелот „Романтик“ се гледаат три лица во две возила, дали е запознаен дека се гледаат три лица, а не четири, како што стои во обвинението, на што Самарџиев рече дека не е запознаен.

Дента кога колегите од Скопје побарале да ги лишат од слобода Манев и Видевски во велешката полиција сфатиле дека се поврзани исчезнувањата на Вања и на Панче.

Телефонот на Панче бил најден 3 до 4 дена по пријавувањето на исчезнувањето. Самарџиев рече дека лично не ја видел снимката од бензинската во Велес каде Панче точи гориво, туку дека колеги му раскажале, зашто нему како началник работа му е да ги координира дејствата.

• ТАТКОТО НА ВАЊА ИМ БИЛ ЧУДЕН НА ПОЛИЦАЈЦИТЕ Кумот Гоце ја набавил снимката од бензинската во Велес на која се гледа возилото на Панче

The post ВЕЛИБОР МАНЕВ ОТКРИЛ КАДЕ Е ЗАКОПАНО ТЕЛОТО НА ПАНЧЕ Тој кажал во полиција дека Палевски пукал во Жежовски appeared first on plusinfo.mk.

Со пиштол со калибар од 9 милиметри и преку перниче кое го нашол на местото на убиството обвинетиот Љупчо Палевски Палчо пукал во главата на Вања Ѓорчевска, се наведува во обвинението за убиството на 14-годишното девојче што се случи лани во ноември во Скопје, а за кое судскиот процес почна денеска.

Обдукцијата покажала дека Вања во десната хемисфера од мозокот имала рана и огнострелен канал од 34 сантиметри кој минувал низ вратот до четвртиот пршлен од ѝрбетот.

Во Основниот кривичен суд Скопје денеска започна судењето за двојното убиство на 14-годишната Вања Ѓорчевска и на велешанецот Панче Жежовски.

Во судницата се спроведени првообвинетиот Љупчо Палевски Палчо заедно со обвинетите Боре Видевски, Велибор Манев, Влатко Кешишов, како и таткото на убиената Вања Ѓорчевска, Александар Ѓорчевски.

• ПАЛЧО СЕДНА ВО СУДНИЦА, ВЕЛИБОР МАНЕВ СЕ КРИЕШЕ ОД КАМЕРИТЕ Започна судењето за двојното убиство на Вања и Панче

Судењето против петмината обвинети во процесот за двете убиства почна денеска со читање на Обвинението. Обвинителите го нарекоа процесот еден од најтешките кривични настани во нашата земја.

На товар на обвинетите се две убиства и две грабнувања, што довело до смрт на Вања и на Панче.

Според обвинението, секој од обвинетите имал своја улога со детално однапред планирани дејства.

„Таткото помогнал со информации кога Вања оди на школо. Обвинетите се познавале меѓу себе и сковале план за грабнување со цел да присилат член на семејството да даде откуп. Знаеле дека секој петок Вања оди од прв час на школо, а помалата сестра Миња од втор час. Во петокот се обиделе да ја грабнат, но не успеале во планот, зашто имало гужва. Во неделата знаеле дека во понеделникот на 27 ноември Вања ќе оди сама на првиот час, што било исклучок. Со штрафцигер ја отвориле вратата од влезот на зградата, влегле внатре, застанале кај сутеренот кој води кон подрумите, го чекале детето, па кога излегла од лифтот, Боре Видевски ја фатил за половината и за устата, обвинетиот Велибор Манев ја држел за нозете. Ја однеле до сутеренот каде Велибор ѝ ставил селотејп лента на устата. Боре Видевски ѝ се заканил да не вика инаку ќе пукаат, ја ставиле во вреќа за спиење со подотворен патент ја свртиле на стомак и додека Боре Видевски ѝ ги држел рацете, Велибор ѝ ставил пластични стеги на рацете и на нозете и откако ја затвориле вреќата, Велибор ѝ ги врзал нозете со селотејп преку вреќата“, се вели во обвинението.

Откако ѝ се закниле по втор пат Видевски со помош на Манев ја ставил преку рамо и ја однеле во „цитроенот“ во гепекот. Велибор возел, Влатко бил совозач, а Боре седел на задното седиште. Според обвинението, Велибор претходно го зел телефонот „ајфон 8“ на Вања, а Боре додека се возеле со чеканче го скршил за да нема сигнал. Според инструкциите на Палевски, тргнале кон Качанички пат, до надвозникот на село Визбегово каде се сретнале со Палчо. Тој ги чекал со „рено канго“ ,и двете возила се упатиле кон селото Бразди, кај местото Дупки.

„Откако застанале таму Палчо, Велибор, Боре и Влатко околу 9.30 часот со умисла го лишиле од живот малолетното девојче. Изложувајќи ја на тешко психичко страдање со силен интензитет, во врзана состојба и онеспособена за отпор ѝ било предочено дека ќе биде убиена така што по налог на обвинетиот Љупчо Палевски обвинетиот Велибор Маневски го извадил оштетеното дете од гепекот по што обвинетите ја доближиле и ја ставиле во претходно ископана дупка од нивна страна со димензии од околу 180 см должина, 85 см ширина и 60 см длабочина каде обвинетиот Љупчо Палевски со огнено оружје калибар 9мм преку перниче кое го пронашол во близина, испукал еден куршум во пределот на главата на оштетеното дете нанесувајќи ѝ огнострелна повреда на мозокот. По ова настапила смрт, па откако обвинетиот Палевски ја извадил вреќата за спиење обвинетите го закопале телото во дупка“, се вели во обвинението.

• ЈАВНОСТА БУДНО ЌЕ ГО СЛЕДИ СУДЕЊЕТО Одбиено барањето на мајката на Вања процесот да се води зад затворени врати

Нема присутни роднини на оштетените.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

The post ВО ГЛАВАТА НА ВАЊА БИЛО ПУКАНО ПРЕКУ ПЕРНИЧЕ Куршумот пробил 34 сантиметри низ вратот на девојчето appeared first on plusinfo.mk.

Судењето поврзано со убиството на малолетната Вања Ѓорчевска и велешанецот Панче Жежовски треба да започне денеска во Основен кривичен суд Скопје.

Основното јавно обвинителство Скопје најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција, за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

Основниот кривичен суд ги одобри во целост обвиненијата и на барање на Обвинителството ги спои во една постапка во која покрај Палевски, обвинети се и Боре Видевски, Велибор Манев и Влатко Кешишов, како и таткото на девојчето, Александар Ѓорчевски.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година. 

The post ПОЧНУВА СУДЕЊЕТО ЗА УБИСТВАТА НА ВАЊА И НА ПАНЧЕ Палевски и пријателите треба да кажат зошто направија такво злосторство appeared first on plusinfo.mk.

Со ова тече законскиот рок на одбраната да изврши увид во доказите. По истекот на овој рок и поднесување обвинение, јавниот обвинител ќе предложи спојување на судските постапки против вкупно петмина обвинети за овој кривично-правен настан, бидејќи постојат законските основи предвидени во член 28 од Законот за кривична постапка. Со цел да се овозможи единственост на постапката, обвинителството ќе побара одлагање на рочиштето закажано за 30-ти јули против четворицата претходно обвинети.

Истражната постапка е завршена и за уште едно лице осомничено за помагање по извршување на кривичното дело. Постапката против него ќе се води одвоено.

The post ЗАВРШИ ИСТРАГАТА ЗА ПАЛЧО Доказите се дадени на увид на неговата одбрана appeared first on plusinfo.mk.

Судот го прифати барањето на јавното обвинителство за определување мерка 30 дневен притвор на осомничените за грабнувањето и убиството на Вања Ѓорчевска и Панче Жежовски.

Претходно Основното јавно обвинителство Скопје донесе Наредба за спроведување истражна постапка против пет лица, од кои четворица како соизвршители сториле две кривични дела – Грабнување од член 141 од Кривичниот законик, како и две убиства на свиреп начин (едно на малолетно лице и едно од користољубие) заедно казниви по член 123 став 3 од Кривичниот законик.

Петтиот осомничен им помогнал при извршување на кривичното дело – Грабнување на малолетно лице.

„Постои основано сомнение дека на 22 ноември, четворица од осомничените, по претходен договор и заедно, извршиле грабнување на лице од неговиот дом во Велес со намера да го присилат да го даде неговиот автомобил Цитроен за тие да го искористат за грабнување на малолетно лице во Скопје. Откако влегле во неговиот дом, физички го нападнале, го врзале и со автомобил го однеле во близина на селото Рудник, каде со учество на дејствие на извршување и со друг особен придонес кон извршување на делото, од користољубие и на свиреп начин го лишиле од живот со истрел од огнено оружје од еден од осомничените. На 27 ноември четворицата осомничени, помогнати од петтиот, извршиле грабнување на малолетно лице со намера да присилат член на нејзиното потесно семејство да даде пари за откуп на детето. Притоа го искористиле и одземениот автомобил. Подоцна на свиреп начин и со умисла ја лишиле од живот жртвата, а со претходно купен бензин го запалиле автомобилот Цитроен“, соопшти Обвинителството.

Инаку претходно под силно полициско присуство и специјална единица во Кривичниот суд беа донесени четворицата осомничени за киднапирањето и убиството на 14-годишната тинејџерка Вања.

Со лисици на рацете, во посебна иста облека, дел од нив и шишани беа транспортирани од „Шутка“ во Кривичниот суд каде што требаше да им се продолжи мерката притвoр.

Претходно судија на претходна постапка при Основниот кривичен суд Скопје, постапувајќи по предлог на Основното јавно обвинителство Скопје, донесе решение со кое го прифати предлогот на обвинителството и на Љупчо Палевски – Палчо oд Скопје, и му определи мерка притвор од 30 дена од денот на неговото пронаоѓање и лишување од слобода, а поради постоење на основите од член 165 став 1 точка 1,2 и 3 од ЗКП односно опасност од бегство, ќе ја попречи кривичната постапка со влијание врз сведоци или ќе го повтори кривичното дело, информираат од Kривичниот суд.

ОБЛЕЧЕНИ ВО КОМБИНИЗОНИ И СО НОВИ ФРИЗУРИ Киднаперите и помагачите во убиството на Вања донесени во Кривичен суд

The post СУДИЈА ИМ ГО ПРОДОЛЖИ ПРЕСТОЈОТ ВО ШУТКА По 30 дена притвор за четворицата осомничени за убиството на Вања и Панче appeared first on plusinfo.mk.