Руските вооружени сили со одобрение од претседателот Владимир Путин ќе можат да ослободуваат руски државјани приведени во странство, согласно законските измени што денеска беа усвоени.

– Рускиот парламент ги изгласа соодветните законски измени најавени во март – изјави претседателот на Државната дума, Вјачеслав Володин.

Западната правда се претвори во репресивна машина за пресметка со оние што не се согласуваат со одлуките наметнати од европските функционери, додаде тој, образложувајќи ја иницијативата.

– Во такви околности, важно е да направиме сè што е можно за да ги заштитиме нашите граѓани во странство – рече Володин.

Предуслов за воена операција за ослободување на руски државјанин ќе биде наредба од претседателот Путин.

Законот може да се толкува и како обид на Путин да си обезбеди подобра заштита во странство, со оглед дека Меѓународниот кривичен суд во Хаг покрена обвинение против него за воени злосторства во Украина. Доколку Путин или други руски државјани бидат неправедно приведени, осудени или затворени, според рускиот закон ќе биде можна воена операција за нивно ослободување.

Независни руски правни експерти сметаат дека измените имаат, пред сè, одвраќачки карактер и не очекуваат законот често да се применува во пракса.

Путин претходно потпиша и закон според кој пресудите на странските судови нема да се спроведуваат доколку се косат со интересите на Русија.

The post ПУТИН МОЖЕ СО ВОЕНА ИНТЕРВЕНЦИЈА ДА ОСЛОБДУВА РУСИ ПРИВЕДЕНИ ВО СТРАНСТВО Рускиот парламент го изгласа законот appeared first on plusinfo.mk.

Пратениците во рускиот парламент повикаа Москва да користи помоќно оружје за да ги постигне своите цели во Украина, изјави денес претседателот на долниот дом на парламентот, Вјачеслав Володин.

– Пратениците на Државната дума инсистираат на употреба на помоќно оружје, „оружје за одмазда“ и на постигнување на целите на специјалната воена операција – објави Володин на Телеграм.

Британски Телеграф објави дека Кина ѝ помага на Русија да развие моќна хиперсонична ракета што може да достигне брзина поголема од 12.800 километри на час. Според весникот, за изработка на боевите глави се користат специјализирани машини и алатки во вредност од повеќе од 7 милијарди фунти.

Русија веќе двапати ја употреби хиперсоничната ракета Орешник, која може да носи нуклеарно оружје, во Украина. Првиот напад е регистриран во 2024 година, а вториот претходно овој месец, кога беше погодена цел во Лвов, украински град на само 65 километри од границата со Полска, членка на НАТО.

Володин не прецизираше на какво „ помоќно оружје“ повикуваат руските пратеници.

The post РУСКИОТ ПАРЛАМЕНТ ПОВИКУВА ДА СЕ КОРИСТИ ПОМОЌНО ОРУЖЈЕ ВО УКРАИНА Пратениците инсистираат на „оружје за одмазда“ appeared first on plusinfo.mk.

„Во суштина Вашингтон ги координира и развива воените операции, затоа, директно учествува во воените дејствија против нашата земја“, напиша Володин на Телеграм.

Британските медиуми пренесуваат дека Вашингтон и европските партнери од НАТО го снабдуваат Киев со оружје за да се одбранат од руските напади, но САД и НАТО неколку пати соопштија дека самите нема да учествуваат во борбите, за да не влезат во конфликтот.

The post САД СЕ ДИРЕКТНО ВМЕШАНИ ВО ВОЈНАТА ВО УКРАИНА Русија тврди дека воените дејствија се координирани од Вашингтон appeared first on plusinfo.mk.