Општина Карпош, во соработка со Црвен крст на Град Скопје, ја спроведува услугата „Итно копче“, наменета за жители на Општина Карпош на возраст над 65 години кои живеат сами или со брачен партнер со нарушена здравствена состојба.

Преку аларм-уредот, корисниците имаат брз и лесен пристап до помош во секое време. Со едно притискање на копчето, се воспоставува контакт со обучен оператор кој ја проценува ситуацијата и дава соодветни насоки. Доколку е потребно, се обезбедува и тим за прва помош во домот, како и транспорт до соодветна здравствена или друга институција.

Заинтересираните лица кои ги исполнуваат условите од Јавниот повика, може да се пријават на 02/15330.

Поради ограничениот број на уреди, корисниците се избираат по принципот „прв дојден – прв услужен“.

The post УСЛУГА „ИТНО КОПЧЕ“ ЗА ЖИТЕЛИТЕ НА КАРПОШ Итна помош за постари лица appeared first on plusinfo.mk.

„Flex Pay“ потпиша ексклузивен договор за соработка со „Capital transfer doo“ претставник на „Ria Money Transfer“, една од водечките глобални мрежи за парични трансфери.

Со потпишувањето на овој договор, клиентите сега ќе можат да испраќаат и примаат пари преку „Ria“ – една од најбрзорастечките мрежи за парични трансфери во светот, присутна во над 190 земји и со повеќе од 500.000 локации глобално.

Услугата ќе биде достапна преку „Flex Pay“, а активностите за исплата и уплата ќе се реализираат во филијалите на „Flex Credit“, со што се овозможува максимална достапност и практичност за граѓаните низ целата држава преку широко распространета продажна мрежа.

„Со оваа соработка ‘Flex Credit’ овозможува уште поголема практичност за своите клиенти. ‘Ria’ е глобално препознатливо име во трансферот на пари, а ‘Flex Pay’ преку ексклузивно партнерство како единствена финансиска институција која ја застапува ‘RIA’ ги носи нивните услуги директно до клиентите низ цела Македонија. Оваа стратешка соработка претставува чекор напред во дигиталната трансформација на услугите кои ги нуди ‘Flex’ Групацијата, со што на клиентите им се нуди едноставно, брзо и безбедно решение за испраќање и примање средства од странство“, информираат од компанијата.

Мисијата на „Ria“ е да ги поврзува семејствата низ целиот свет на сигурен и достапен начин. Преку ова партнерство со „Flex Pay“, ќе бидат уште поблиску до корисниците, токму таму каде што им е најпотребно.

Со оваа ексклузивна соработка, „Flex Pay“ ја зацврстува својата позиција како нов клучен играч во финтек сегментот, а „Flex Credit“ ја проширува својата улога како најдостапна и доверлива финансиска мрежа во земјата.

The post ЕКСКЛУЗИВНА СОРАБОТКА ПОМЕЃУ „FLEX PAY“ И „RIA MONEY TRANSFER“ Брзи и сигурни парични трансфери сега достапни и во филијалите на „Flex Credit“ appeared first on plusinfo.mk.

„Продавачот може да креира линк за плаќање и да ја испрати до купувачот преку е-маил, или други електронски комуникациски канали кои овозможуваат транспарентно информирање и безбедно купување. Следејќи ја својата стратегија за дигиталално банкарство, НЛБ Банка воведува нова функционалност за онлајн плаќање која, во динамичниот и дигитален свет, уште повеќе ги олеснува трансакциите за клиентите и трговците. ‘PayByLink’ е особено погоден за малите e-трговци кои сакаат да се присутни во online продажбата, но не се во можност да развијат сопствена web продавница и истата да ја интегрираат со банка. Практично, со оваа услуга, банката му овозможува на трговецот ‘виртуелен’ начин за прифаќање на платежни трансакции засновани на картичка, за кој не е потребно техничко знаење за користење, а самиот процес на креирање на линкот е брз и едноставен“, велат од банката.

Оттаму додаваат дека кога трговецот креира линк за плаќање, обезбедува информации за производот или услугата за која се плаќа, количината и цената, и тој веќе ја има подготвено нарачката за клиентот. Клиентот го отвора линкот, ја проверува содржината на нарачката и, доколку е се во ред, ги внесува деталите за својата картичка и го комплетира плаќањето.

„’PayByLink% е сигурен сервис и на исто безбедносно ниво заштитен како и класичниот виртуелен ПОС терминал. За да ја користат услугата, трговците треба да имаат сметка во НЛБ Банка, да потпишат договор со Банката, врз основа на кој им се овозможува пристап до порталот за користење на оваa услуга и креирање линкови, кои понатаму можат да ги споделуваат со своите купувачи преку соодветните канали за комуникација. До 25 мај, 2025 година, клиентите можат да ја искористат промоцијата на НЛБ Банка, да активираат ‘PayByLink’, пришто ќе добијат 6 месеци бесплатно користење на услугата од датумот на активација на истата. Повеќе информации за услугата и начинот на активирање, клиентите можат да добијат на www.nlb.mk, во експозитурите на Банката или преку Контакт центарот на 02/15600 – информираат од банката.

The post НЛБ БАНКА ЈА ПРЕТСТАВИ УСЛУГАТА „PayByLink“ Прва банка со онлајн сервис за плаќање преку линк appeared first on plusinfo.mk.

Од вчера ЈСП „Скопје“ воведе нов начин на плаќање на билети за едно возење со вртење на бројот 185 при што ќе се добие СМС порака. Цената на билетот останува непроменета, 40 денари со вклучен ДДВ. Со цел да се подобри корисничкото искуство, истовремено ќе биде лансирана и новата мобилна апликација „Skopjebus“, која ќе ја замени старата “Skopska”.

Според новиот систем за плаќање, патниците само треба да повикаат бројот 185, по што ќе слушнат „бип“ сигнал и говорна порака потврдувајќи дека купиле билет.

„Нема потреба телефонот да се приближува до валидаторот, а наплатата се врши веднаш по повикувањето на бројот. Патниците добиваат потврдна СМС порака со детали за купувањето“, информираат од ЈСП.

Во случај на проблеми со телефонската сметка, корисниците можат да добијат различни пораки, како што се „немате доволно средства“ или „трансакцијата е неуспешна поради технички причини“.

Паралелно, старата апликација „Skopska“ ќе биде исклучена, а новата „Skopjebus“ ќе биде достапна од 30 октомври 2024 година преку „Play Store“ и „App Store“.

„Со инсталирањето на новата апликација, средствата од паричникот на корисниците автоматски ќе се префрлат на новата сметка. Упатствата за користење на апликацијата може да се најдат со скенирање на QR кодови кои се поставени во сите автобуси за градски превоз“, соопштија од претпријатието.

The post НОВ НАЧИН НА КУПУВАЊЕ БИЛЕТ И НОВА АПЛИКАЦИЈА Подобра услуга со двата новитети на ЈСП appeared first on plusinfo.mk.

Денес општина Гази Баба во соработка со Црвениот крст на Градот Скопје отпочнува со реализација на заедничкиот проект Итно копче.

– Со овој проект овозможуваме 24 часовна помош за лица над 65 годишна возраст кои живеат сами и се болни и изнемоштени. Заедно со тим од Црвениот крст ја посетивме тетка Ленче од Ченто која ја користи услугата Итно копче – изјави Стефковски при посетата.

Црвениот крст на Град Скопје оваа услуга ја реализира со поддршка на општина Гази Баба која ги обезбедува финансиските средства за граѓаните да можат услугата да ја користат бесплатно.

Корисникот на оваа услуга ќе го поседува уредот Итно копче и со неговото притискање веднаш ќе биде контактиран од контакт центарот на Црвениот крст и по утврдена потреба се испраќа тим за прва помош во домот на корисникот.

– Оваа услуга од Црвениот крст за корисниците од општина Гази Баба ќе биде бесплатна. Финансиските средства за нејзината реализација целосно ги обезбедува општината. Договорот за реализација на овој проект со Црвениот крст го склучивме во јули и веќе 8 граѓани ја користат оваа услуга. Со реализација на овој проект, како одговорна локална самоуправа уште еднаш на дело ја покажуваме својата грижа кон ранливите категории на граѓани – заклучи градоначалникот Стефковски.

Ленче Џингова која е корисник на услугата ја искажа својата благодарност за професионалниот пристап на тимовите на Црвениот крст на Град Скопје кон неа како корисник на услугата.

– Најголема благодарност до градоначалникот Бобан Стефковски кој како млад човек има високо развиена свест за помош и поддршка кон сите категории на граѓани во општината без разлика на нивната возраст. Ова е услуга која е од големо значење за нас кои живееме сами и сме соочени со повеќе болести, но истата без финансиската поддршка од општината ние сами како граѓани неможеме никогаш да ја имаме – рече Џингова.

The post ИТНО КОПЧЕ И ЗА ЖИТЕЛИТЕ НА ГАЗИ БАБА Црвен крст ќе им помага на болните и изнемоштените од оваа општина appeared first on plusinfo.mk.

Ова напредно дигитално решение во реално време ги детектира потенцијалните закани и инциденти поврзани со информатичката безбедност. Покрај детекција, системот овозможува и превенција на потенцијалните безбедносни ризици и пропусти во системите, следење, анализа и нивно соодветно отстранување. Услугата ги заштитува компонентите од ИТ инфраструктурата, како што се персонални компјутери, лаптопи и сервери, коишто се потенцијално изложени на сајбер напади.

– Спречувањето на безбедносните ризици во дигиталниот свет е еден од најголемите предизвици на денешнината, имајќи предвид дека, покрај материјалната штета, овие напади предизвикуваат и голем репутациски ризик за компаниите и институциите. Како лидери за дигитализација, континуирано работиме и на креирање решенија за намалување на ваквите ризици кај нашите деловни корисници. Нашата услуга за Безбедносен оперативен центар е токму тоа – напредно решение за сајбер заштита и сигурност – изјави Марјан Богатиновски, Главен комерцијален директор за деловни корисници.

„Оваа услуга е идеална за мали и средни компании, како и институции, коишто имаат ограничена експертиза и ресурси за ИТ безбедност. Системот претставува единствена платформа преку која се открива ранливоста на информатичките системи со постојан надзор и брза реакција од страна на тим од сертифицирани инженери за сајбер безбедност. Платформата е креирана според безбедносните стандарди на Дојче Телеком и користи размена на искуства со другите центри за безбедност во рамки на Групацијата“, велат од Македонски Телеком.

The post МАКЕДОНСКИ ТЕЛЕКОМ ВОВЕДУВА ДЕЛОВНА УСЛУГА ЗА САЈБЕР-БЕЗБЕДНОСТ Напредно решение кое нуди највисоко ниво на заштита appeared first on plusinfo.mk.

Услугата е бесплатна за корисници физички лица и правни лица во промотивниот период, лесна за користење, достапна е 24/7 независно од работното време на експозитурите, а депонираните средства се на располагање на сметката/ дебитната картичка, во најкраток можен рок.

Уплати може да се вршат со сите типови на картички, кредитни и дебитни, издадени од страна на Банката. Средствата се уплаќаат на трансакциска сметка на физичко или правно лице ако се уплаќа со дебитна картичка, или на кредитна партија врзана за кредитна картичка ако се врши уплата со кредитната картичка.

Новина за нашите клиенти, правни лица, кои поседуваат дебитни бизнис картички е тоа што уплатата на дневен промет, која досега ја вршеа на шалтерите на банката, сега ќе може да ја вршат на банкоматите, сопственост на Банката. Затоа за сите клиенти правни лица, кои не поседуваат бизнис картичка им препорачуваме да аплицираат за истата во најблиската експозитура, без трошоци за членарина во првата година.

Самата трансакција – уплата на готовина на банкомат на Стопанска банка а.д. Битола се реализира за период не подолг од 2 минути, а може да се усплаќаат банкноти од : 10 МКД, 50 МКД, 100 МКД, 200 МКД, 500 МКД, 1.000,00 МКД и 2.000,00 МКД.

Услугата – Уплата на готовина за нашите клиенти сега е достапна на следните локации на банкоматите на Стопанска банка а.д. Битола:

– Експозитура Централа, Битола (на двата АТМ уреди), ул. Добривоје
Радосавлевиќ бр.21
– Екпозитура Болница, Битола, ул. Партизанска бб
– Нов Пазар, ул.Васко Карангелевски, Битола
– Екпозитура Систина Скопје, ул. Скупи бб
– Екпозитура Лептокарија, Скопје, ул.Никола Русински 3 б
– Екпозитура ул.Македонија, Скопје, улица Македонија бр.20
– Експозитура Бисер ,Скопје, Бул.Јане Сандански 1/1
– Експозитура Велес, ул. Архиепископ Михаил бр. 2
– Екпозитура Тетово, ул. Маршал Тито Илирија
– Екпозитура Охрид, ул. Цар Самоил бр.16
– Екпозитура Струмица, Бул. Маршал Тито бр.20
– Екпозитура Прилеп, ул. Сотка Ѓорѓиоски 14/5
– Казино Фламинго, Скопје, Плоштад Македонија
– Стоковна куќа Јавор, ул.Филип Втори Македонски б.б.

The post Cash in – Нова услуга за депонирање готовина на Вашата сметка преку банкоматите на Стопанска банка а.д. Битола appeared first on plusinfo.mk.

„Подели сметка“ е едноставна и брза дигитална опција, со која само со избор на контакт во телефонскиот именик се дели сметка со пријател, колега, партнер… кој има платежна сметка во Комерцијална банка. Вкупната сума од сметката може да се подели на толку лица на колку што е потребно.

Постојат многу непишани правила за плаќање сметка во друштво, но често постојат исклучоци. Со „Подели сметка“ на Комерцијална банка тоа веќе не е важно. Важно е само да се помине добро и да се ужива во пријатното друштво.

„Подели сметка“ е достапна за секој корисник на мБанка кој има активирано вршење трансакции и ја користи услугата „Плати на пријател“, а потребно е само да симне најновата верзија на мобилната апликација.

А, со мобилната апликација мБанка на Комерцијална банка добива уште редица други привилегии, кои значат вршење финансиски трансакции 24/7 на брз, лесен и безбеден начин.

Повеќе информации за „Подели сметка“ и за мБанка се достапни на следниот линк.

The post УЖИВАЈ СО ДРУШТВОТО И ПОДЕЛИ СМЕТКА! Нова услуга на Комерцијална банка appeared first on plusinfo.mk.

Одржувањето се состои во чистење кое се спроведува со специјални машини и средства, а должината на рачките од над 9 метри им овозможува на операторите целосно сигурно и безбедно чистење на панелите со што може да се овозможи производството на електрична енергија да биде од 20% до 40% повисоко од моменталното.

Проект менаџерот за фотоволтаични проекти во Феро инвест, Крсте Илијески, им препорачува на сите оние кои имаат свои фотоволтаични електрични централи на кровови, често одржување на панелите за да се постигне повисока ефикасност.

– Сопствениците на фотоволтаици на кровови, особено оние кои се наоѓаат во индустриски зони или зони каде има поголема загаденост, интензивни градежни работи или дрвја во близина кадешто се гнездат птици, потребно е најмалку 2 пати во текот на годината да ги исчистат панелите, за да се зголеми нивното производство до 40%. Во места каде што има и потешка индустрија, панелите би можело да се исчистат и до 5 пати во текот на годината, за да нема загуби во производството – посочи Илијески.

Феро инвест е е првата компанија во Република Северна Македонија која почна со изградба на малите хидро електрани, како пионери во обновливите извори на енергија, а во своето портфолио нуди услуги „клуч на рака“ за изградба на мали хидро електрани, фотоволтаици, биогасни електрични централи и трафостаници.

The post ИСЧИСТЕТЕ ГИ КРОВНИТЕ ФОТОВОЛТАИЦИ ЗА ДА ДОБИЕТЕ ПОВЕЌЕ СТРУЈА Нова услуга од Феро инвест appeared first on plusinfo.mk.

Преку уникатната дигитална алатка, „А1 Видео поддршка“, за прв пат достапна во земјава, корисниците на А1 Македонија добиваат ексклузивна можност за визуелна помош и видео разговор со агент кој ќе им одговори на сите дополнителни прашања што ги имаат поврзани со дигитална телевизија, поврзување на опрема издадена за самоинсталација и помош при поврзување на опрема за интернет.

– Супериорно корисничко искуство преку иновативни понуди и услуги е приоритет за нас во А1 Македонија. Како компанија посветена на обезбедување дигитални решенија за секој дом, горди сме што воведуваме уште една дигитална алатка за нашите корисници со која добиваат уште поедноставен и побрз начин да ги добијат одговорите на сите дополнителни прашања поврзани со услугите што ги користат. Со ова, уште еднаш го потврдуваме партнерскиот однос што го имаме со нашите корисници – изјави Борче Ѓорѓески, раководител на Контакт центар за корисници во А1 Македонија.

Пристапувањето кон „А1 Видео поддршка“ услугата е бесплатно преку јавување во Контакт центарот за техничка поддршка или преку апликација на веб, по што корисникот добива СМС-порака со линк за воспоставување на видео повик. При повикот, за заштита на приватноста на корисникот се вклучува само задната камера од телефонот која е потребно да биде насочена кон опремата за на агентот да му се покаже и да може да даде точни насоки и упатства.

Повеќе информации можете да најдете на www.a1.mk

The post А1 ВИДЕО ПОДДРШКА Aлатка за разговор во живо со операторите appeared first on plusinfo.mk.