Пред средбата со францускиот претседател Емануел Макрон во средата во Париз, бугарскиот премиер Румен Радев откри дека прашањето за внесувањето на Бугарите во Уставот на Македонија го поставил уште во 2021 година.

– Ми требаше една година да ги убедам европските лидери зошто тоа треба да се случи. Му оддавам признание на претседателот Макрон, кој прв ја согледа оправданоста на оваа идеја и со заеднички напори таа беше вклучена во преговарачката рамка во јули 2022 година. Верувам дека на денешната средба ќе обезбедиме поддршка од Франција, за овој консензус да се спроведува во целост – ја пренесоа бугарските медиуми изјавата на Радев.

Деновиве Радев престојува во официјална посета на Париз и Брисел, каде што на агендата има средби со повеќе европски лидери. По посетата на Франција, Радев ќе патува за Брисел, каде што има средба со белгискиот премиер Барт де Вевер, а утре бугарскиот премиер се среќава и со генералниот секретар на НАТО, Марк Руте. На агендата се и разговори со претседателката на Европската комисија, Урсула фон дер Лајен, како и со претседателот на Европскиот совет, Антонио Кошта.

На прес-конференцијата во Париз Радев рече дека Европа мора да ја преиспита својата досегашна политика кон војната во Украина и да преземе поактивна улога во мировните преговори со Русија. Тој оцени дека дипломатијата треба повторно да стане клучен инструмент за решавање на конфликтот, додавајќи дека приоритет за бугарската влада е безбедноста и животниот стандард на бугарските граѓани, а не носење одлуки за дополнителна финансиска помош за Украина. Тој се осврна и на енергетската политика, нагласувајќи дека нуклеарната енергија треба да биде признаена како зелена и стратешки важна за Европа, при што ја потенцираше и соработката меѓу Бугарија и Франција во областа на нуклеарната енергетика и железничката инфраструктура.

The post МИ ТРЕБАШЕ ЕДНА ГОДИНА ДА ГИ УБЕДАМ ЕВРОПСКИТЕ ЛИДЕРИ ЗА УСЛОВОТ „БУГАРИ ВО УСТАВ“! Румен Радев се пофали како ја изблокирал Македонија на патот кон ЕУ appeared first on plusinfo.mk.

Планираното признавање на Палестина од страна на Франција нема да вклучува отворање амбасада сè додека палестинското движење Хамас не ги ослободи заложниците што ги држи во Газа, изјави францускиот претседател Емануел Макрон.

Тој во интервју за американската телевизија Си-Би-Ес изјави рече дека ослободувањето на заложниците е „јасен услов пред да биде отворена амбасада“.

Макрон, исто така, се изјасни против какви било планови за раселување на Палестинците од Газа, додавајќи дека земји како Франција и САД не можат да си дозволат нивниот авторитет на меѓународната сцена да биде поткопан со одобрување на таков развој на настаните.

Се очекува Франција официјално да ја признае независноста на Палестина утре на седницата на Генералното собрание на Обединетите нации (ОН) во Њујорк.

Независноста на палестинската држава ја поддржуваат 150 земји во светот, на кои денеска им се придружија Велика Британија, Канада и Австралија.

Овој потег предизвика силно негодување од Израел, кој е под интензивен меѓународен притисок поради војната против Хамас во Газа и тешката хуманитарна ситуација во опколената енклава.

The post ФРАНЦИЈА ИМА УСЛОВ ЗА ОТВОРАЊЕ АМБАСАДА ВО ПЕЛАЕСТИНА Макрон кажа дека Хамас треба да ги ослободи заложниците appeared first on plusinfo.mk.

Tретата рунда разговори со Киев би можела да се одржи до крајот на месецот, но само ако Украина престане да напаѓа воздушни бази во кои се сместени руски стратешки бомбардери, изјави високиот функционер на руската Дума, Алексеј Чепа. Аналитичарите го толкуваат новото руско барање како загриженост на Москва по неодамнешните украински напади.

Барањето доаѓа само два дена по големиот украински напад со беспилотни летала врз воените аеродроми низ Русија, вклучувајќи ги и базите во Сибир, во кој беа погодени бомбардерите Ту-95, Ту-160 и Ту-22М3, клучни носачи на руските ракетни напади врз Украина.

Денес е извршен нов напад на Кримскиот мост, во кој, според украинската безбедносна служба СБУ, биле употребени 1.100 килограми подводен експлозив.

Мостот бил затворен и повторно отворен неколку пати во текот на денот, а сообраќајот накратко бил целосно прекинат.

Директорот на Украинската безбедносна служба (СБУ), Генерал-полковник Васил Малиук изјави дека Кримскиот мост е легитимна мета.

– На територијата на нашата земја нема место за никакви нелегални руски објекти. Затоа, Кримскиот мост е апсолутно легитимна цел, особено имајќи предвид дека непријателот го користеше како логистичка артерија за снабдување на своите трупи – наведе Малиук.

СБУ провела нову унікальну спецоперацію і втретє вразила Кримський міст — цього разу під водою!

Операція тривала декілька місяців. Агенти СБУ замінували опори цього незаконного об’єкта.

https://t.co/Rf4fR7QDXk pic.twitter.com/wgsS4HoCbc

— СБ України (@ServiceSsu) June 3, 2025

The post РУСИЈА ИМА НОВ УСЛОВ ПО НАПАДОТ НА КРИМ? Третата рунда преговори виси во воздухот appeared first on plusinfo.mk.

Тоа значи дека Русија практично бара укинување на санкциите за нејзините банки, производителите на храна, извозниците и осигурителните компании вклучени во извозот на храна пред да стапи во сила примирјето во Црното Море.

Претходно, Белата куќа соопшти дека САД постигнале договор со Украина и Русија да се обезбеди безбедно поморство во Црно Море и да стапи во сила забраната за напади врз енергетската инфраструктура во двете земји.

Во соопштението се наведува дека САД ќе помогнат да се врати пристапот на Русија до глобалниот пазар за извоз на земјоделски производи и ѓубрива, да се подобри пристапот до пристаништата и до платежните системи.

Одговорот во врска со можниот прекин на  огнот во Црното Море пристигна и од Украина. Министерот за одбрана на Украина Рустем Умеров изјави дека Киев ќе поддржи двата договора за прекин на огнот со Русија што ги објави Белата куќа.

Тој наведе дека Украина ја поздравува идејата трета страна да го следи спроведувањето на договорите за прекин на огнот во Црно Море и да не се напаѓа енергетската инфраструктура.

Умеров на Икс објави дека Украина секое движење на руски бродови надвор од источниот дел на Црно Море ќе го смета како кршење на духот на договорите и оти во таков случај ќе има право на самоодбрана.

The post РУСИЈА СЕ СОГЛАСИ НА ПРИМИРЈЕ ВО ЦРНОТО МОРЕ, НО ПОСТАВИ УСЛОВ Американците ќе помогнат за укинување на санкциите за извоз на храна appeared first on plusinfo.mk.

„Искажав многу јасна оцена и уште еднаш подетално ја запознав г-ѓа Сиљановска Давкова со Преговарачката рамка и општиот европски консензус од јуни 2022 година, прифатен и со согласност на тогашната влада на Северна Македонија. Исто така, ја запознав и со нашиот Договор за пријателство, добрососедство и соработка и, што е многу важно, со вториот протокол според овој Договор“.

Вака изјави денеска бугарскиот претседател Румен Радев коментирајќи ја вчерашната изјава на македонската претседателка дека излезното, соломонско решение за спорот со Бугарија се уставни измени со одложено дејство, пренесе бугарската агенција БГНЕС.

– Гордана Сиљановска Давкова, како добар правник, многу добро знае дека обврските преземени со меѓународни договори едноставно мора да се почитуваат – изјави Радев

Радев, како што јавува агенцијата, го демантирал тврдењето на македонската претседателката дека на нивната средба во Баку тој не го коментирал предлогот за уставни измени со одложено дејство.

– Уште еднаш ја истакнав нашата подготвеност да помогнеме за побрзо да се достигнат условите поставени во овие меѓународни документи, за да се отвори вратата за почеток на преговорите – додал бугарскиот претседател.

Македонската претседателка Гордана Сиљановска Давкова во вчерашното интервју за МРТ 1 рече оти е оптимист дека работите може да се придвижат во скоро време и земјава да ги почне преговорите со Европската Унија и дека според неа излезното, соломонско решение за спорот со Бугарија е решението за уставни измени со одложено дејство.

За ваквото решение, како што рече таа, разговарала и со бугарскиот претседател Румен Радев, но и со сите други претставници на земји од ЕУ, како и други земји пријатели и поддржувачи, кај кои наишла на разбирање.

– Не можам да не кажам дека и покрај инцидентот со знамето, и во Софија со бугарскиот претседател Радев имавме плодни разговори, меѓутоа повеќе од еден час разговаравме и во Баку. Заклучокот е дека самопочитта раѓа и почит, тоа е мојот прв заклучок. Се разбира дека во разговорите ние секогаш си ги одмеруваме зборовите и овој пат беше така. Соопштенијата се дипломатски, иако нашето беше подипломатско, но јас сакам да ги информирам граѓаните дека од прва рака му го објаснив нашиот став на Радев за којшто има консензус меѓу Владата и мене. Реков дека е најдобро јас да му го соопштам тоа што им го соопштувам и на останатите претставници и ЕУ и останатите земји, наши пријатели… бидејќи тоа е решението за кое мислам дека е многу разумно, добронамерно, решението со одложено дејство – рече претседателката во интервјуто.

Таа посочи дека од бугарскиот колега немало коментар и нагласи дека ја разбира состојбата во Бугарија, неможноста за формирање влада и за институционализирање на дијалогот меѓу Владите, односно македонското и бугарското МНР. Но, како што рече, мисли дека Радев ќе се обиде да ги разбере и нашите позиции кои се најдобронамерни.

Сиљановска Давкова кажа и оти смета дека за понуденото решение мора да има општ консензус во државата, за да не се случи нешто како она кога минатата власт прифатила договор и француски предлог без вклученост и согласност на тогашната опозиција.

Сиљановска Давкова и нејзиниот бугарски колега Радев се сретнаа на маргините на Конференцијата за климатски промени – ЦОП 29 во главниот град на Азербејџан, Баку.

На средбата, што се случи на 13 ноември, како што информираат тогаш од претседателскиот кабинет, Сиљановска-Давкова, ја подвлекла важноста од продолжување на билатералниот политички дијалог на сите нивоа. Посочила дека треба да се почитуваат позициите и интересите на обете страни и оти решавањето на билатералните спорови треба да е во рамките на основните вредности и принципи на Европската Унија.

Радев, пак, по состанокот ги повтори позициите на Софија дека очекува Владата и Собранието на Северна Македонија што поскоро да го спроведат она што е предвидено во Преговарачката рамка и во Договорот за добрососедство, со цел државата да не губи историско време за членство во Европската Унија.

Бугарскиот претседател тогаш изјави дека комуникацијата со Сиљановска Давкова е отворена, конструктивна и прагматична, пример, што како што кажа, треба да го следи го следи и македонската влада.

Рече дека двете претседателски институции покажуваат дека дијалогот е можен и оти може да придонесе за развој на добрососедството меѓу двете земји.

– Не е проблемот само во навременото впишување на Бугарите во Уставот на Северна Македонија. Доколку државното раководство на РСМ навистина има желба за влез во Европската Унија, мора да ги исполни Преговарачката рамка и Договорот за добрососедство – рече тој.

The post НЕ САМО УСТАВНИТЕ ИЗМЕНИ, ТУКУ И ВТОРИОТ ПРОТОКОЛ Радев пак јасно кажа кои се условите Македонија да ги почне преговорите со ЕУ appeared first on plusinfo.mk.

– Кога станува збор за надворешната испорака на резултати, од странство како држава често добивавме само зборови, не дела. Резултатите недостигаат, имаме само обврски. И како минуваше времето, меѓу народот се зголемуваше фрустрацијата зошто сега повторно имаме повторен услов, повторно ограничување. И се прашуваме, во ред, треба да се исправиме како политичари. И сега, треба да застанам пред моите граѓани и да речам: видете, драги сограѓани, мои студенти, мора повторно да го промениме Уставот – посочи премиерот Мицкоски.

• ЕВРОПА МОРА ДА ГИ ОТВОРИ ВРАТИТЕ Посветеноста ја докажавме со бројни отстапки, порача Мицкоски од Салцбург

Тој истакна дека источниот сосед досега не почитува 14 пресуди од Судот за човековите права во Стразбур за регистрирање на здружение на Македонците кои живеат на тие простори, додека тие бараат внес на Бугарите во македонскиот Устав што покажува дека има отсуство на волја за приближување на работите.

Претседателот на Владата Мицкоски нагласи дека дури и да се внесат Бугарите во Уставот, никој не гарантира дека тоа е последен услов за исполнување на некоја обврска и дека за 6 месеци од сега нема да се бара нешто дополнително.

– Ние како Влада сме посветени на изнаоѓање на решение и активен дијалог. Едно од решенијата секако е да се примени формулата веќе применета во Преспанскиот договор за одложено дејство, поточно во моментите кога ќе влеземе во Европската Унија, тогаш тие одлуки во Уставот да станат активни, што секако претставува заштитен механизам од подоцнежни условувања – вели премиерот.

The post БАРАМЕ КОНСТРУКТИВНО РЕШЕНИЕ ПРИФАТЛИВО ЗА СИТЕ Мицкоски не прифаќа условувања од Софија appeared first on plusinfo.mk.

– Ако имам некоја медицинска состојба, ако лекарите дојдат и ми речат „го имате овој проблем… Но, направив сериозна грешка во целата дебата и, погледнете, кога првично се кандидирав, можеби се сеќавате на тоа, реков дека ќе бидам преоден кандидат. Мислев дека ќе можам да се оттргнам од ова, да му го префрлам на некој друг, но не очекував дека работите ќе станат толку, толку, толку поделени – рече Бајден.

Шефот на Белата куќа смета дека единственото нешто што доаѓа со годините е мудроста. Претходно изјави дека неговата здравствена состојба не бара дополнителни проверки, но дека е подготвен за нив доколку тоа го побараат лекарите.

Има сѐ повеќе повици меѓу демократите да номинираат друг кандидат за замена на Бајден по неуспехот на неговата дебата со Трамп. Теоретски, партијата ќе има таква можност на конгресот во август, но во пракса ќе биде тешко да се отстрани американскиот претседател од трката доколку тој самиот не одбие да учествува. Истовремено, дел од политичарите велат дека има намера да остане во трката и да оди до крај, стои во написите на медиумите во регионот.

Втората дебата Бајден-Трамп е закажана за 10 септември.

Претседателските избори во САД ќе се одржат на 5 ноември.

The post МИСЛЕВ ДЕКА ЌЕ СЕ ТРГНАМ ОД ОВА Бајден откри под кој услов би се повлекол од претседателската трка appeared first on plusinfo.mk.

Посетата на Орбан, отворен критичар на западната воена помош за Украина, доаѓа еден ден откако Унгарија го презеде ротирачкото претседателство со Советот на Европската унија.

„Најважната тема на разговорите е шансата да се создаде мир“, изјави шефот за печат на Орбан, Берталан Хаваси, во одговорот испратен по е-пошта, додавајќи дека двајцата лидери ќе разговараат и за унгарско-украинските билатерални односи.

Неименуван извор од Будимпешта рече дека плановите за патување биле изготвени по долготрајните преговори за правата на украинското малцинство кое зборува унгарски, кое живее на крајниот запад на Украина во близина на границата меѓу двете земји.

– Предуслов за средбата беше да се реши прашањето за националните права. Во изминатите недели беше постигнат договор. (Орбан) ќе може ова да го прогласи за успех – изјавил изворот запознаен со подготовките за посетата.

Иако прашањето за малцинството е еден од најгласните приговори на Будимпешта кога станува збор за Украина, скептиците на Орбан го обвинуваат дека го користи ова прашање како димна завеса за да го олесни промовирањето на руските ставови за конфликтот.

Орбан, најблискиот сојузник на рускиот претседател Владимир Путин меѓу лидерите на ЕУ, често се спротивставува на иницијативите на ЕУ за поддршка на Украина во нејзината одбрана од агресијата на Москва од инвазијата во февруари 2022 година.

Минатата година Орбан му кажа на Путин дека Унгарија никогаш не сакала да ` се спротивстави на Русија. На почетокот на 2024 година, на лидерите на ЕУ им требаа недели да го скршат ветото на унгарскиот премиер за продолжување на 50 милијарди евра (53,67 милијарди долари) нова помош за Украина.

Минатата недела ЕУ ги отвори преговорите за членство со Украина, давајќи ѝ на земјата политички поттик во средината на војната против Русија, иако се уште претстои долг и тежок пат пред да може да се приклучи на блокот.

I welcome Hungary’s Prime Minister @PM_ViktorOrban on his first visit to Ukraine in 12 years.

Today, we will discuss ways to bring a just and lasting peace closer. I thank Hungary for attending the Peace Summit and supporting its final communiqué. Our work in this format truly… pic.twitter.com/eLMfeC8hUn

— Volodymyr Zelenskyy / Володимир Зеленський (@ZelenskyyUa) July 2, 2024

The post ОД НИГДЕ НИКАДЕ Орбан неочекувано се појави во Киев, има услов за Зеленски? appeared first on plusinfo.mk.

Левица на денешната прес-конференција пред Собраниската седница ја потврди условната поддршка за предложените измени на Законот за организација и работа на органите на државната управа.

Реорганизацијата која ја предлага новото мнозинство може да наиде на широк консензус, само доколку биде спроведена заедничката програмска заложба за воведување на една изборна единица која патем е препорака на мисијата на ОБСЕ која со години е игнорирана од секоја власт.

– Затоа што препознаваме дека воведувањето на една изборна единица е приоритет за македонското општество, затоа што овој модел со шест изборни единици кои преку геримандеринг не ги уважува гласовите на македонските граѓани, потребно е веднаш да се донесе оваа измена – истакна портпаролот на Левица и народен пратеник од Левица, Амар Мециновиќ на денешната прес-конференција.

– Измената во една изборна единица е коментирана многупати од партиите и е на препорака на Мисијата на ОБСЕ во Р. Македонија во текот на многу години, во споредба со овие измени кои се прават без било каква дебата – додава Мециновиќ.

The post ЕДНА ИЗБОРНА ЕДИНИЦА, ПА ЌЕ РАЗГОВАРАМЕ ЗА МИНИСТЕРСТВАТА Левица го потвори условот за поддршка на законот предложен до ВМРО-ДПМНЕ appeared first on plusinfo.mk.

Палестинското милитантно движење Хамас на посредниците во преговорите им претстави контрапредлог за договорот за размена на заложници во индиректните разговори за постигнување прекин на огнот во војната во Газа, објави израелскиот весник Хаарец.

Предлогот предвидува ослободување на израелските заложници во замена за Палестинците од израелските затвори и постепено повлекување на израелската армија од Појасот Газа по 42-дневен прекин на огнот, објави во неделата израелскиот весник, повикувајќи се на палестински и арапски извори.

Хамас претходно го отфрли американскиот компромисен предлог за ослободување на 40 заложници во замена за 900 палестински затвореници за време на шестнеделното примирје.

„Хаарец“ наведува дека во контрапредлогот на Хамас се бара израелската армија да престане со борбите во првичниот шестнеделен прекин на огнот и да се повлече од урбаните центри. Во исто време, на бегалците би им се овозможило да се вратат на север од Појасот. Во овој период Хамас ќе ги пронајде сите заложници во борбените области и ќе ја утврди нивната здравствена состојба.

Во втората фаза израелската армија би се повлекла на територијата на Израел, па дури потоа би почнала размената на приведените, пишува израелскиот медиум.

За секој израелски цивил би биле ослободени 30 палестински затвореници, а за секој војник 50 Палестинци, од кои 30 отслужуваат доживотна казна. Израелските војници и загинатите заложници би биле предадени во третата и последна фаза, кога ќе заврши опсадата на Газа и ќе почне реконструкцијата на областа.

Израел претходно процени дека околу 100 од околу 130 заложници кои останаа во палестинската енклава се живи. Сега се стравува дека има уште повеќе мртви.

The post ХАМАС ИМА ПРЕДЛОГ ЗА ПРЕКИН НА ОГНОТ Еве што бара палестинското милитантно движење од Израел appeared first on plusinfo.mk.