Ричард Гренел, пратеникот на американскиот претседател за специјални мисии, изјави дека „милијарди долари се дадени на левичарски невладини организации“ за спроведување на политиките во други земји, пренесува Анадолија.

Гренел на Х пренесе објава на локален медиуми за тоа колку пари наводно потрошила американската Агенција за меѓународен развој (УСАИД) во земјите од Западен Балкан, нарекувајќи го „непромислено трошење“.

„Вредните Американци плаќаат даноци – политичарите во Вашингтон непромислено ги трошат тие пари. Милијарди долари дадени на левичарски невладини организации за да водат радикални политики во други земји“, напиша тој, споделувајќи објава во која се спомнуваат наводните трошоци на УСАИД во Западен Балкан.

Во објавата што ја сподели Гренел, се шпекулира за речиси две милијарди долари биле дистрибуирани од УСАИД во земјите од Западен Балкан од 2020 до 2024 година, што се совпаѓа со поголемиот дел од мандатот на поранешниот американски претседател Џо Бајден.

Наводно, во период од четири години, повеќе од 500 милиони долари биле дадени на Косово, околу 400 милиони на Босна и Херцеговина, речиси 300 милиони долари на Северна Македонија, повеќе од 200 милиони на Србија, повеќе од 180 милиони на Албанија и повеќе од 70 милиони за Црна Гора.

Администрацијата на американскиот претседател Доналд Трамп има намера да го спои УСАИД со Стејт департментот, со цел да ја намали администрацијата и да ги усогласи трошоците со приоритетите на Трамп.

По неговата инаугурација на 20 јануари, Трамп потпиша извршна наредба за суспендирање на американската помош за развој во странство на 90 дена. Тој рече дека „никаква натамошна американска помош во странство нема да биде исплатена на начин што не е целосно во согласност со неговата надворешна политика“.

The post 300 МИЛИОНИ ДОЛАРИ ДАЛА ЗА МАКЕДОНИЈА Гренел оцени дека УСАИД непромислено трошела пари во Западен Балкан appeared first on plusinfo.mk.