Сите го бараме оној совршен баланс: да бидеме максимално ефикасни на работа, а истовремено да имаме уред кој ќе ни овозможи вистинско „бегство“ во светот на забавата кога денот ќе заврши. Во време кога канцеларијата е таму каде што сме ние, границата меѓу работата и приватното време станува сè побледа. Токму тука на сцена стапува Samsung Galaxy Tab S11. Овој таблет е еволуција на начинот на кој размислуваме за мобилноста. Да видиме како овој уред се трансформира според вашите потреби.

Хаотичен ден во канцеларија: Вашиот дигитален секретар

Замислете го вашиот најхаотичен работен ден. Состаноци еден по друг, важни информации кои летаат од сите страни и истражување на нови проекти. Наместо да балансирате со тешки лаптопи и расфрлани тефтери, го отворате Galaxy Tab S11.

Додека трае состанокот со меѓународните партнери, го вклучувате Transcript Assist кој автоматски го снима и транскрибира разговорот. Пред да излезете од канцеларијата, со само еден допир, AI Note Assist го претвора целиот тој материјал во краток, јасен извештај со клучни заклучоци. Повеќе не трошите часови на препишување белешки, туку ваше е само да носите одлуки.

Креативност без граници: Студио кое секогаш е со вас

Креативноста не се појавува секогаш пред работното биро. Најдобрите идеи често доаѓаат додека пиете кафе во парк или додека патувате. За архитектите, дизајнерите и маркетерите, Galaxy Tab S11 е моќно дигитално ателје.

Со усовршеното S Pen пенкало, кое лизга по екранот со речиси нулта латенција (исто како на хартија), можете да скицирате прецизни планови на самото место. Ако пак ви треба брза промена на некој визуелен материјал, Generative Edit функцијата ви овозможува да преместувате објекти на фотографиите или да ги пополнувате позадините со едноставни команди. Со апликациите достапни на Galaxy Tab S11, како Noteshelf 3, ArcSite, Sketchbook и Picsart, ќе имате беспрекорно работење и подобрено креативно искуство. Но најважно, вашата креативност повеќе не е врзана за една локација.

Супер-асистент дома: Командниот центар на вашиот мир

Кога конечно ќе се вратите дома, „втората смена“ и домашните обврски не мора да бидат исцрпувачки. Вашиот таблет тука добива нова улога: мозокот на вашиот паметен дом преку апликацијата SmartThings.

Додека се подготвувате за вечера, на големиот екран на вашиот Galaxy Tab S11 имате преглед на сè: ја пуштате паметната правосмукалка да ги исчисти трошките во дневната, ја прилагодувате јачината на светлата за попријатна атмосфера и добивате нотификација дека рерната е веќе загреана. Наместо да трчате од соба во соба, вие менаџирате со вашиот дом со еден допир, оставајќи си повеќе време за она што навистина го сакате.

Технологијата е повеќе од алатка. Таа е партнер. Со Galaxy Tab S11, вие не само што работите попаметно, туку и живеете поквалитетно.

Не заборавајте да се регистрирате за претстојниот Galaxy Unpacked настан на samsung.com/mk/unpacked и да погледнете како Samsung ќе го понесе на ново повисоко ниво квалитетот на живот. Воедно, со регистрација на линкот, добивате подарок – Samsung безжичен магнетен полнач од 25W при купување на некој од новите уреди.

The post ДИГИТАЛНО БИРО ВО ВАШИОТ РАНЕЦ Како Samsung Galaxy Tab S11 стана новиот центар на нашата продуктивност и релаксација appeared first on plusinfo.mk.

Со AI-телефонот, Телеком им ги отвора вратите на своите корисници кон светот на вештачката интелигенција (AI), и тоа по единствена цена, со што AI станува достапна за сите – не само за технолошките фанатици или ентузијасти.

AI-телефонот и AI-таблетот пристигнуваат на пазарот како нови модели во серијата T Phone: T Phone 3 и T Tablet 2 и се достапни во Телеком продавниците, од денес 14 август, 2025 година.

Практичен помошник во секојдневниот живот

AI телефонот помага при многу различни задачи во секојдневниот живот на корисниците со што станува практичен помошник во секојдневниот живот. Со Perplexity асистентот, следува и вграден AI-придружник што одговара на прашања од секаков вид. Сето ова го прави телефонот:

– Личен асистент: прави записи во календарот, пишува е-пошта до контактите и сумира обемна содржина

– Јазичен гениј: помага со преводи на менија во ресторани, документи или во разговори

– Ексклузивна туристичка агенција: планира патувања, делува како градски водич, прави резервации во ресторани

– Нутриционист и тренер: дава совети за готвење, наведува состојки, обезбедува планови за тренинг и за исхрана

– Експерт за купување: препорачува стилски додатоци, ги наоѓа најдобрите понуди и подароци за најблиските

– Забавувач: ги наоѓа најдобрите концерти, книги и филмови што одговараат на личниот вкус на корисникот

– Тутор: решава математички проблеми, објаснува комплицирани теми на лесно разбирлив начин

AI асистентот обезбедува информации за барања, содржина на екранот и предмети пред камерата. Прашањата можат да бидат поставени како говорно, така и во писмена форма. Покрај интернет истражувањето, асистентот извршува и разни задачи (на пример, записи во календарот, е-пошта, повици, пораки, навигација, видеа) преку интерфејси до претходно инсталирани апликации.

– Заедно со доверливи партнери, го носиме AI-телефонот до луѓето низ цела Европа. Тој се грижи за секојдневните задачи и брзо наоѓа сигурни информации, заштедувајќи ви време и енергија. Така можете да се фокусирате на она што ви е навистина важно – каде што вашите идеи, креативност и личен печат прават вистинска разлика – изјави Доминик Лерој, член на Управниот одбор на Дојче Телеком за Европа.

AI-телефонот и AI-таблетот се лансирани во: Македонија, Австрија, Хрватска, Чешка, Германија, Грција, Унгарија, Црна Гора,  Полска и Словачка.

Какви перформанси има?

AI-телефонот и AI-таблетот пристигнуваат на пазарот како нови модели во серијата T Phone: T Phone 3 и T Tablet 2. Телефонот е моќен уред по неспоредлива цена. Со своите големи димензии и технологија на екран прилагодена за очите, овозможена од TCL NXTPAPER, и со три вградени режими на екран (Ink paper (хартија со мастило), Colour paper (хартија во боја) и стандарден режим), AI-таблетот е дизајниран за продуктивни и креативни моменти како што се читање, учење, работа.

Уредите импресионираат со брзите перформанси благодарение на надградениот чипсет и пократкото време на полнење. Покрај тоа, AI-телефонот вклучува модерни AI-алатки коишто се интегрирани во камерата. Преку партнерството со Picsart, може да се креираат AI-аватари, а позадините на сликите лесно можат да се уредуваат. На пример, ако некој предмет во позадината ја нарушува сликата може да се отстрани или селфито може да се трансформира како да е направено во Париз.

Друг позитивен елемент е одржливоста на уредите. T Phone 3 ја доби ознаката #GreenMagenta и одлична оценка од 90/100 во Еко-оценката на смарт телефони. T Tablet 2 е добар пример за циркуларна економија: 75% од неговиот заден дел се состои од рециклирана пластика по потрошувачката.

AI е иднината на смарт телефоните

IDC предвидува дека до 2028 година, испораките на смарт телефони со генеративна вештачка интелигенција ќе достигнат 912 милиони единици, што резултира со годишна стапка на раст од 78,4% од 2024 до 2028 година. Се предвидува дека смарт телефоните GenAI ќе сочинуваат 70% од пазарот до 2028 година (извор: IDC). Canalys го објаснува предвидениот бум со растечката побарувачка на потрошувачите за функции поддржани од вештачка интелигенција, паралелно со брзиот напредок во технологиите за чипсет (извор: Canalys).

Меѓу европските потрошувачи мотивирани од функциите на вештачката интелигенција, најпосакуваните функционалности вклучуваат: превод во реално време, подобрувања на камерата и функционалноста за пребарување Circle to Search (извор: Kantar Worldpanel ComTech) – сите три се достапни на AI-телефонот на Дојче Телеком.

AI-телефонот и AI-таблетот се во продажба од денес, 14 август 2025 година, во продавниците на Телеком или онлајн на следниот линк . Тие се достапни под имињата T Phone 3 и T Tablet 2.

The post ПРИСТИГНА AI ТЕЛЕФОН НА ТЕЛЕКОМ Тоа ќе биде практичен асистент во секојдневниот живот на луѓето appeared first on plusinfo.mk.

Откако ја освои престижната европска награда за дизајн на производи во 2024 година, иновативниот GLO уред на БАТ (British American Tobacco) го обезбеди своето место меѓу лидерите во дизајнерската индустрија.

Секоја година, Европската награда за дизајн на производи, собира стотици апликации од целиот свет, а победници се оние кои носат револуционерни идеи и ги редефинираат стандардите во дизајнот. Оваа награда, која ја препознава извонредноста во дизајнот на производите, ја потврдува посветеноста на БАТ за иновации и супериорно корисничко искуство.

Европската награда за дизајн на производи е основана за да го истакне најиновативниот и најкреативниот дизајн на производи на глобално ниво. Жирито, составено од реномирани дизајнери, архитекти и експерти од индустријата, ги оценува производите врз основа на нивната функционалност, естетика и придонес во секојдневниот живот на корисниците. Оваа награда претставува еден од најпочитуваните стандарди во светот на дизајнот, обединувајќи ги најдобрите иновации од различни индустрии.

Уредот за загревање на тутун GLO e дизајниран да им понуди на корисниците модерна алтернатива на традиционалните производи. Неговиот уникатен дизајн и технолошки решенија го издвоија како победник во категоријата индустриски дизајн на производи. Ова признание е потврда за континуираните напори на БАТ да создава производи кои не само што се иновативни, туку и дизајнирани според потребите на корисникот.

Важно е да се нагласи дека во изминатите три години БАТ инвестираше повеќе од 1,4 милијарди евра во развојот, комерцијализацијата и науката зад портфолиото на тутунски и никотински производи со намален ризик. Стратешката цел на компанијата е да ги префрли пушачите од цигари на алтернативни производи со намален ризик и да стане бизнис без чад до 2035 година.

– Оваа награда е признание за сите нас во Бритиш Американ Тобако. Тоа ни значи многу, бидејќи е потврда за нашата посветеност на извонредност во дизајнот, но и за нашата крајна цел да ја трансформираме индустријата преку помалку штетни производи, кои комбинираат врвна технологија и естетика. Признанието за GLO доаѓа како резултат на визијата и напорите на целиот тим на БАТ и дополнително не мотивира континуирано да ги подигаме границите на иновациите – потенцира Саше Николовски, генерален менаџер за Албанија, Северна Македонија и за Косово.

На почетокот на јуни минатата година, БАТ го лансираше уредот GLO HYPER PRO на македонскиот пазар, со што стана првата компанија од индустријата присутна со сите категории производи без чад, вклучувајќи електронски цигари, никотински кесички и загреани тутунски производи. GLO HYPER PRO носи комбинација од технолошки иновации и софистициран дизајн, вклучително и HeatBoost технологија за поинтензивен вкус и EasyView LED дисплеј за полесно управување со поставките и контрола на користењето.

Покрај уредот HYPER PRO, БАТ го претстави на пазарот и подостапниот GLO HYPER, кој нуди компактна големина, лесно користење и модерен дизајн, идеален за секојдневна употреба. Овој производ дополнително го проширува иновативното портфолио на БАТ и придонесува за глобалната цел да се создаде свет без чад од тутун.

Производителот напоменува дека овие производи не се без ризик и предизвикуваат зависност.

The post УРЕДОТ ЗА ЗАГРЕВАЊЕ ТУТУН GLO ГИ ПОМЕСТУВА ГРАНИЦИТЕ Добитник е на престижна европска награда за дизајн на производи appeared first on plusinfo.mk.

„Њузвик“ пишува дека ова е доказ дека САД не успеале да го ограничат извозот на овие технологии кон своите најголеми ривали.

Еден извор открил дека техничкиот товар на балонот, освен ексклузивната технологија за прислушкување, дури вклучувал  и обичен, евтин пренослив фрижидер – истиот вид што може да се купи на бензинска пумпа.

– Но, тоа е паметен уред, лесен е, лебди и ги одржува работите суви – рекол изворот, додавајќи дека во него биле пронајдени хард дискови со собрани податоци, вклучително и фотографии.

Балонот што прелета над САД во 2023 година не бил единствен, а соседните земји на Кина пријавиле зголемена активност на слични летала. Џиновскиот балон кој со деноби лебдеше над САД преку Алјаска и Канада беше соборен од борбен авион Ф-22 на 4 февруари.

Се проценува дека балонот бил висок околу 60 метри, со темна висечка рамка со дијаметар од најмалку девет метри. Рамката содржела техничка носивост долга приближно три метри, вклучувајќи софистицирана опрема за надзор, дел од која бил сместен во пренослив рачен фрижидер, тврдат извори на Њузвик.

Пекинг тогаш објави дека станува збор за одвеан метеоролошки балон.

Што е пронајдено во кинескиот шпионски балон? Сепак, техничката носивост му овозможувала на балонот да врши набљудување, фотографирање и собирање разузнавачки податоци.

Технологијата идентификувана од изворите се совпаѓа со онаа во патентот доделен во 2022 година на научници од Институтот за истражување на воздухопловни иновации при Кинеската академија на науките во Пекинг. Оваа институција има врски со кинеската војска и нејзината одбранбена индустрија.

Патентот вклучувал модул за кратки пораки, наречен Иридиум 9602, произведен од Иридиум, глобален снабдувач на сателитски комуникации со седиште во Меклин, Вирџинија, на само пет милји од седиштето на ЦИА.

Модулот Иридиум 9602 може да се извезува во Кина без лиценца, освен ако не е наменет за забранета употреба или корисник. Сепак, компанијата не можела да утврди за што бил користен.

The post ПРЕСВРТ ВО ПРИКАЗНАТА СО КИНЕСКИТЕ БАЛОНИ Еве што најдоа Американците во едно од леталата appeared first on plusinfo.mk.

Британската кралица Камила не ја користи апликацијата ВатсАп бидејќи користи стар модел на телефон кој не е поврзан на интернет, изјави нејзиниот син Том Паркер Боулс.

Заради националната безбедност, малку се знае за мобилните телефони што ги користи кралското семејство, но синот на кралицата откри дека неговата мајка сè уште користи „старомодeн“ телефон Нокиа.

Тој за магазинот „Woman & Home“ изјави дека неговата мајка никогаш не одговара на повиците преку апликацијата бидејќи нема интернет на нејзиниот телефон и дека затоа е принуден да гледа вести за да дознае што прави и каде е , пренесува Тајмс.

На прашањето дали неговото семејство има група на апликацијата ВатсАп, Паркер Боулс одговори потврдно, но истакна дека неговата мајка, кралицата Камила, која сè уште користи старомоден телефон Нокиа не е во таа група.

– Затоа таа не може да биде дел од групата. Мислам дека тоа е за безбедност – заклучи Паркер Боулс.

Претходно, медиумите објавија дека кралицата Камила „се лути“ кога нејзините внуци ги изнесуваат телефоните на масата за вечера и ги замолува веднаш да ги остават.

The post КРАЛИЦАТА КАМИЛА СЀ УШТЕ КОРИСТИ „ЦИГЛА“ Нејзиниот син откри каков телефон има неговата мајка appeared first on plusinfo.mk.

– Преку создавањето на овој прототип на сувенир од биоотпад не само што ги следиме глобалните трендови каде што биоотпадот се третира многу повеќе од ресурс во индустријата, туку се размислува и за негова примена во уметноста. Ова истражување, чиј резултат го споделуваме денеска е меѓу првите обиди во светски рамки за користење на биоотпадот како суровина за изработка на сувенири. Се надеваме дека ќе најде примена и ќе биде пример за слични идеи понатаму – изјави постојаниот претставник на Програмата за развој на Обединетите Нации, Армен Григорјан.

Градоначалничката на Град Скопје, Данела Арсовска, истакна дека овој проект е од големо значење за градот.

– Првиот еко сувенир направен од био разградлив материјал со примена на нови иновативни технологии, има свој уникатен белег, креиран е во првата биотехнолошка лабораторија, која Град Скопје со поддршка на УНДП и УНИЦЕФ ја отвори во средното училиште на Град Скопје, „Марија Кири Склодовска“. Биотехнолошката лабораторија во која со нашите средношколци отпочнавме процеси кои водат кон рециклирање и реупотреба со примена на методи за трансформација на биоотпад, е од големо значење за креирање одржливи решенија со цел заштита на животната средина – рече градоначалничката Данела Арсовска.

Сувенирот е изработен од отпаден материјал од оризова слама и талог од кафе.

На него е прикажан часовникот на старата железничка станица, чии стрелки се застанати во пет часот и 17 минути, означувајќи го катастрофалниот земјотрес во Скопје, од 26-ти јули 1963-тата година. На локацијата каде сега се наоѓа Музејот на град Скопје, овој часовник стана и симбол на обновата на градот и на светската солидарност.

Целиот процес на дизајнирање, од избор на материјали до производство е изведен во согласност со правилата на одржливост и циркуларната економија. Амбалажата за сувенирот исто така е направена од биоотпад а во неговата изработка учествуваше тим од биотехнолози, професори и други стручни лица.

– Проектот може лесно да се повтори од ученици за поттикнување на креативни и одржливи практики во образованието – вели Натали Ристовска, експертка која работеше на изработката и дизајнот на сувенирот.
Според експертите, вакви сувенири, на едноставен начин ќе може да изработуваат и лица кои не се биотехнолози, како учениците и студентите кои ја користат отворената градска биотехнолошка лабораторија.

The post БИОТЕХНОЛОШКИ СУВЕНИР ОД СРЦЕТО НА СКОПЈЕ Ученици направија часовник од оризова слама и талог од кафе appeared first on plusinfo.mk.

Македонски Телеком ја носи на пазарот новата генерација 5G паметни телефони на Дојче Телеком: T Phone 2 и T Phone 2 Pro. Уште со првите верзии на T Phone идејата беше да се овозможат 5G телефони за сите со одлична цена и перформанси, што ќе биде основа на дигиталната инклузија ширум Европа. Секој треба да има можност со максимална брзина да се поврзе со сè она што му е важно во животот – во духот на нашиот слоган „Connecting Your World“. T Phone 2 моделите го одат токму овој пат.

Новите уреди нудат големи подобрувања и оптимизирано корисничко искуство, вклучувајќи моќен процесор, извонредна одржливост и пристапни цени. T Phone 2 и T Phone 2 Pro се втората генерација на модели коишто се развиени во партнерство со Google.

Спој на одржливост и перформанси: T Phone 2 и T Phone 2 Pro поставуваат нови стандарди

Новите уреди се доказ дека еко дизајнот и извонредната цена и перформанси не се исклучуваат меѓусебно. T Phone 2 и T Phone 2 Pro се издвојуваат во однос на одржливоста. Тие постигнаа одлични еко рејтинг резултати. Со оцена 88/100 за T Phone 2 и 84/100 за T Phone 2 Pro, двата уреди котираат високо во рангирањето.

Двата модела се стекнаа и со ознаката „Green Magenta“ на Дојче Телеком, којашто се доделува на производи што придонесуваат во заштитата на животната средина и одговорното користење на ресурсите.

Уредите се карактеризираат со натпросечна можност за рециклирање и доаѓаат во мали пакувања изработени од одржливи материјали што не содржат пластика. Оптимизираната употреба на полупроводници ги намалува емисиите на стакленички гасови во текот на производствениот процес.

Во однос на корисниците, одржливото користење е потпомогнато од фактот што новите T Phone уреди добиваат месечни софтверски и безбедносни ажурирања од Телеком, како и ажурирања на системот на Google во период од три години. Во четвртата и петтата година, ажурирањата на софтверот ќе бидат достапни секое тримесечје. Двата модела ќе добијат по две надградби на оперативниот систем.

Силни перформанси за сечиј животен стил

Срцето на новите модели на T Phone е процесорот Snapdragon® 6 од првата генерација − важен пробив во овој ценовен сегмент. Чипсетот овозможува висококвалитетно искуство − без разлика дали станува збор за видео повици, стриминг или мобилни игри.

6,6-инчниот FHD+ 120 Hz дисплеј (T Phone 2) или 6,8-инчниот FHD+ AMOLED 120 Hz дисплеј (T Phone 2 Pro) овозможува удобно користење – непречено и стабилно искуство благодарејќи на RAM меморијата од 6 GB (T Phone 2) и од 8 GB (T Phone 2 Pro).

Тројната камера од 50 мегапиксели и предната камера од 8 мегапиксели (T Phone 2) / четирите камери од 50 мегапиксели и предната камера од 16 мегапиксели (T Phone 2 Pro) овозможуваат прецизно фотографирање. Камерата со висока резолуција на T Phone Pro 2 вклучува оптичка стабилизација на сликата. Тоа значи дека острината на сликите е можна дури и при силно движење.

T Phone 2 нуди голем простор за складирање со 128 GB, додека кај T Phone 2 Pro тој е со 256 GB.
Двата уреди се опремени со слот за двојна SIM-картичка, којшто поддржува нано SIM картичка и eSIM картичка, со тоа што можноста за eSIM картичка е уште еден чекор напред во овој ценовен опсег.

T Phone 2 е достапен во арктичка сива боја, а T Phone 2 Pro во азурна сина боја.

Истовремена промоција во повеќе европски земји и САД

Од 23 мај, T Phone 2 и T Phone 2 Pro ќе бидат достапни на десет европски пазари: Австрија, Хрватска, Чешка, Германија, Унгарија, Црна Гора, Македонија, Полска, Романија и Словачка. Истовремено, T-Mobile US ќе ги пласира на американскиот пазар овие нови уреди под брендот REVVL.

Доминик Лерој, член на Управниот одбор за Европа во Дојче Телеком АД, изјави:

– Без разлика дали нашите корисници уживаат во нивните омилени серии во движење, водат видео разговори со саканите или споделуваат фотографии од одмор, со нашите T Phone 2 и T Phone 2 Pro постојаната поврзаност е лесно достапна во секој момент. Возбудени сме што ќе им понудиме на нашите корисници уште поголема вредност, додека истовремено ѝ помагаме на животната средина и се осигуруваме дека сè повеќе луѓе во Европа имаат пристап до дигиталните услуги.

The post ПРИСТИГНУВААТ T PHONE 2 И T PHONE 2 PRO Нова генерација 5G паметни телефони за сите appeared first on plusinfo.mk.

Божиновски го појасни функционирањето на полиграфот – систем со повеќе сензорни компоненти кој, меѓу другото, следи промени во дишењето, срцебиењето и психофизиолошка реакција кај испитаникот од одредени прашања (стимул) за одреден настан. Апелираше дека не треба да постои страв од тестирањето со детектор на лаги, кој е специфичен тактичко-методолошки процес, и дека тој ќе се применува по сите професионални и етички стандарди.

– Реакцијата е последица на автономниот нервен систем на секој човек што не можеме своеволно да го контролираме. Тој работи самостојно, без наша контрола, исто како што кога спиеме не го тераме нашето тело да дише, туку автономниот нервен систем му кажува да дише. Со помош на овој систем, сите што се искрени и работат согласно правилата на работење, не треба да стравуваат за своето работно место. Секој што е лојален кон институцијата во која работи, не треба да има сомнеж дека овој процес ќе му наштети. Затоа не гледам причина да не се прифати овој позитивен предлог кога сите сме свесни за штетноста од корупцијата – рече Божиновски.

Посочи дека во земјава има четворица лиценцирани испитувачи, од кои двајца се во приватен и двајца во јавен сектор, а нивната компанија „Полиграф центар“ е лиценцирана и за обука на идни полиграфисти доколку овој проект биде усвоен.

Денеска се одржа втората сесија од дебатата дали да се воведат полиграфи за службеници кои работат на високоризични работни места на граничната линија со цел се превенира можна корупција одржа денеска владиниот Национален координативен центар за гранично управување, а учествуваа претставници на невладин сектор, здруженија на автобуски и камионски превозници, стопански комори и полициски и царински синдикати.

Претставувајќи го проектот, националниот координатор за гранично управување, Владимир Пивоваров, укажа дека корупцијата е главен фактор за сивата економија која го спречува порастот на БДП и развојот на економијата, а подмитени службени лица на границите може да бидат и закана по безбедноста доколку пропуштаат дрога или оружје.

Нагласи дека полиграфот е тест за да се утврди чесност и интегритет и професионалците што ги имаат овие одлики не треба да стравуваат од овој начин на проверка, која е планирана да се применува пред стапување на должноста и потоа еднаш годишно. Посочи за пример земји во светот, како Турција и Сингапур, кои ги напреднале значајно своите економии и неколкукратно го зголемиле БДП-то откако ја решиле корупцијата.

– Почетокот на секоја сива економија почнува на граничната линија. Полиграфот е изнудено, крајно решение за распространетата корупција зашто моралната свест кај нас е нула па и падната под нула. Ако продолжиме вака, корупцијата сите ќе не уништи, ќе отидеме во клептократија и затоа таа мора да се реши. Ова е благородна идеја и не треба никој да се плаши ако е чесен – истакна Пивоваров и додаде дека врз борбата со корупцијата негативно влијаат и долгите и лошо водени истраги и судските постапки со изречени условни казни за корумпираните службеници.

Предлогот предвидува полиграфот да се спроведува еднаш годишно задолжително за секој кој работи на ризично работно место на граница. Тестот ќе го прават лиценцирани професионалци со најсовремени апарати за детектирање лаги и доколку службеникот падне на тестот, ќе биде отстранет од работното место.

За учесниците на дебата идејата е прифатлива, но сметаат дека треба да се разгледаат и други аспекти за корупцијата.

Ѓино Шкријељ од секторот шпедиција смета дека потребен е осврт и на причините за корупцијата и да се разгледа што го мотивира коруптивното однесување. Рече дека неа ја зголемуваат и санкциите односно високите казни за прекршоци кои доколку не би биле толку драстични, не би имало подмитување.

– Причини за коруптивност се санкции и нефункционирање на системот. Затоа што институциите се неефикасни и за некој документ транспортерот мора да чека долго, се бара чаре во врски, во пријатели, зашто му трпи работата. Треба да се интервенира во казните за прекршоци, да не бидат толку драстични. Ако се високи, ќе има и подмитување. Фокусот да биде и на причините за корупција паралелно со последиците – истакна Шкријељ.

Гоце Делчев од Независниот синдикат на полицијата рече дека силно ја поддржуваат идејата за овој проект со кој смета дека треба да бидат опфатени и повисоки структури, како началници, помошници директори, помошници министри…

– На овој начин, кога парите ќе останат во буџетот, ќе дојдеме и до поголеми приходи за полицијата. Тие ќе бидат позадоволни и општеството ќе ни биде на повисоко ниво – рече Делчев.

Катерина Малетиќ од транспортен сектор смета дека идејата за полиграф е одлична за искоренување на корупцијата, но проблемот, според неа, е и во неказнивоста дури и кога корупцијата е докажана.

– Сме имале случаи и кога граничар е снимен како зема мито. Дури и при цврсти докази, нема завршница и така сѐ паѓа во вода – рече Малетиќ, според која вината во корупцијата е поголема кај тој што го примил митото зашто е официјално лице.

Владата во февруари на седница донесе одлука да се организира јавна дебата во пет сесии за иницијативата да се воведе полиграфско тестирање. Планот е до средина на април тие да завршат и Националниот координативен центар за гранично управување да достави извештај до Владата. Доколку Владата го усвои, извештај ќе биде пратен во Собранието.

The post 97 ОД 100 ЦАРИНИЦИ ЌЕ УЛОВИМЕ АКО ЗЕМАЛЕ МИТО Полиграфистите гарантираат висок процент на точност appeared first on plusinfo.mk.

Процесот на надградба на системот за ракување со багаж на Меѓународниот Аеродром Скопје и инсталацијата на новиот уред за скенирање почна на 9-ти октомври, а заврши на 28-ми ноември.

Целиот проект е завршен за помалку од 2 месеца, а во тој период активностите опфатија демонтирање на рендген уредот „Стандард 2“, инсталирање нов, уред за скенирање „Стандард 3“ и опрема и тестирање на најнова технологија пред пуштањето во употреба.

ТАВ како водечки аеродромски оператор, со задоволство го објавува завршувањето на големиот проект и значајната инвестиција во надградбата на системот за ракување со багаж на Меѓународниот Аеродром Скопје. Оваа голема инвестиција од 2,4 милиони евра на скопскиот аеродром и самиот проект за надградба на системот за ракување со багаж ќе резултира со оптимизација на внатрешните аеродромски операции и значително ќе придонесе за подобрување на целокупното патничко искуство за нашите патници. Со најновата технологија за безбедносна проверка, компјутерска томографија, капацитетот за проверка на багажот сега е зголемен за 30%, или 1.800 парчиња багаж на час.

Новата, врвна технологија на системот за ракување со багаж, напредното следење на багажот, зголемениот капацитет и намаленото време на обработка, се дел од нашата визија за иднината на воздушниот сообраќај и ја докажуваат нашата посветеност да обезбедиме беспрекорно патничко искуство, оперативна ефикасност и патничко задоволство. Затоа, скопскиот аеродром сега е подготвен да ги редефинира стандардите за ракување со багажот во регионот. Уверени сме дека ваквите подобрувања и обезбедувањето неспоредлива услуга за нашите патници и авиокомпании дополнително ќе ја зајакнат позицијата на скопскиот аеродром во регионот.“ – изјави Неџат Курт, генерален директор на ТАВ Македонија.

Сега патниците кои патуваат од скопскиот аеродром за да ги завршат сите аеродромски процедури, може да пристигнуваат на аеродромот 2 часа пред летот.

Системот за ракување со багаж на скопскиот аеродром претходно работеше со „Стандард 2“ опрема за рендген проверка на багаж или конвенционална технологија, а сега, со оваа значителна инвестиција за која беше потребно редизајнирање и повторно конфигурирање, системот за ракување со багаж беше надграден со помоќна, технологија – компјутерска томографија (КТ) или „Стандард 3“, што е највисок стандард на Европската конференција за цивилно воздухопловство (European Civil Aviation Conference – ECAC).

Генералниот директор на ТАВ Македонија, Неџат Курт, исто така додаде дека инвестицијата на ТАВ во „Стандард 3“ технологијата за безбедносен преглед на регистрираниот багаж е уште една капитална инвестиција на аеродромскиот оператор, по реновирањето на пистата на аеродромот во Скопје во 2022 година. Меѓународниот Аеродром Скопје сега управува со систем за ракување со багаж надграден со софистициран и најквалитетен уред за скенирање, произведен од реномиран бренд и е единствен од ваков вид во поширокиот регион.

ТАВ Македонија, подружница на ТАВ Аеродроми, ги заврши првите 10 месеци од 2023 година со 30% пораст на патничкиот сообраќај, достигнувајќи вкупно 2,6 милиони (2.647.816) патници на двата македонски аеродроми во Скопје и во Охрид, додека бројот на летови во истиот период изнесува 19.935 со годишен пораст од 20%.

The post (ГАЛЕРИЈА) ТАВ инсталираше нов врвен уред вреден 2,4 милиони евра за скенирање за системот за ракување со багаж на скопскиот аеродром appeared first on plusinfo.mk.

За ова информираше градоначалникот на општината Тимчо Муцунски преку својот Фејсбук профил, истакнувајќи дека со овој проект се создаваат услови за непречено одвивање на наставата, но и директна помош за учениците во совладувањето и правилното користење на новите технологии.

„Особена чест ми е што оваа мерка се реализира и оваа година, во услови кога владата не може да обезбеди учебници за почеток на учебната година, кога не гледаме никакви инвестиции во образовната инфраструктура и сведочиме на стагнација во образованието и науката. Од 1 септември, сите ученици во Општина Аеродром ќе ја почнат наставата во реконструирани објекти, со нови униформи, таблет уреди, како и најсовремени услови за спорт и рекреација“, напиша градоначалникот Тимчо Муцунски на својот профил на Фејсбук.

The post ТАБЛЕТ УРЕДИ ЗА СЕКОЈ УЧЕНИК ВО ЧЕТВРТО ОДДЕЛЕНИЕ Наставата во Општина Аеродром ќе почне во реконструирани објекти appeared first on plusinfo.mk.