Градоначалникот на Скопје, Орце Ѓорѓиевски информира дека се почнати активности за уредување на паркот „Македонија“ 1, 2 и 3 во Карпош, каде се поставува нова урбана опрема – клупи, корпи за отпадоци, како и уредување на летниковците кои секојдневно ги користат голем број граѓани.

„Го уредуваме еден од најубавите паркови во Скопје. Парковите се белите дробови на градот. Таму децата растат, семејствата создаваат спомени, младите се дружат, а повозрасните наоѓаат мир, сенка и простор за одмор. Токму затоа, започнавме со уредување на паркот „Македонија“ 1, 2 и 3 во Карпош, каде поставуваме нова урбана опрема – клупи, корпи за отпадоци, како и уредување на летниковците кои секојдневно ги користат голем број граѓани“, објави Ѓорѓиевски на Фејсбук.

Нашата обврска, додаде тој, е парковите да бидат чисти, уредени, безбедни и достојни за сите посетители.

„Затоа редовно ги одржуваме зелените површини кои се под надлежност на Град Скопје, но истовремено упатувам и апел до сите граѓани – да ги чуваме парковите како свој дом. Само со совесен однос можеме да имаме поубав, почист и позелен град“, нагласи градоначалникот.

The post 📷 СЕ ДОТЕРУВА ЕДЕН ОД НАЈПОСЕТУВАНИТЕ ПАРКОВИ ВО КАРПОШ Нови клупи, корпи и летниковци во „Македонија“ appeared first on plusinfo.mk.

Општина Карпош изрази сериозна загриженост поради зачестените случаи на вандализам и уништување на урбаната опрема и детските игралишта на целата нејзина територија, предупредувајќи дека ваквите постапки не претставуваат само материјална штета, туку и сериозна опасност за безбедноста на граѓаните.

Од локалната самоуправа информираат дека во изминатиот период биле евидентирани бројни оштетувања на јавниот имот, меѓу кои клупи, корпи за отпадоци, паркинг-држачи за велосипеди, детски и спортски реквизити, како и друга урбана опрема.

„Во изминатиов период е евидентирано оштетување на клупи, корпи за ситен отпад, паркинг држачи за велосипеди, детски и спортски реквизити и останата урбана опрема. Последниот случај на кршење на канделабра, на највандалски начин, од страна на малолетни деца, дополнително ја отвора потребата од поголема грижа, одговорност и превенција. Покрај нанесената материјална штета, овде станува збор и за сериозно загрозување на безбедноста по сите граѓани на јавниот простор“, соопштија од Општина Карпош.

Од Општината посочуваат дека сите досега регистрирани случаи биле пријавени во Полициската станица Карпош, од каде добиле уверување дека ќе има засилено полициско присуство на терен и активности за расчистување на инцидентите.

„Апелираме до сите граѓани за совесно и одговорно однесување кон урбаната опрема и јавниот простор како наш заеднички имот и навремено пријавување на секој случај на вандализам до надлежните служби. Апелираме и до родителите за поголема информираност за движењето и однесувањето на нивните деца, како и разговори за значењето од зачувувањето на јавниот простор и последиците од несоодветното однесување. Да го чуваме заедничкиот простор затоа што јавниот имот е одговорност на сите нас“, порачаа од Општина Карпош.

Реакцијата на локалната самоуправа следува откако синоќа жител на Карпош објави видео на социјалните мрежи, на кое се гледа како група малолетници насилно уриваат канделабри во еден од парковите во општината.

Случајот предизвика бројни реакции кај граѓаните, кои бараат поголема контрола и санкции за ваквото однесување, особено кога станува збор за уништување на јавниот имот што секојдневно го користат децата и семејствата.

 

View this post on Instagram

 

A post shared by Plusinfo.mk (@plusinfo.mk)

The post 📽️ ВАНДАЛИ ВО КАРПОШ ДЕМОЛИРАЛЕ КАНДЕЛАБРИ, КЛУПИ… Малолетници дивееле во парк, Општината бара одговорност appeared first on plusinfo.mk.

Кејот на Вардар добива нов лик и нова градска плажа, отворена за сите генерации, напиша градоначалникот на Скопје Орце Ѓорѓиевски споделуваји слики од градежните работи.

„Со засилено темпо течат работните активности за уредување на кејот на реката Вардар, простор каде секојдневно се рекреираат илјадници граѓани и кој претставува едно од најважните урбани јадра на Скопје. Кејот е меѓу моите клучни приоритети и уште од првите денови по преземањето на функцијата градоначалник, започнавме со темелно чистење, со што конечно Вардар повторно тече по своето природно и нормално корито“, вели Ѓорѓиевски.

Градоначалникот порачува дека кејот се уредува со јасна визија за функционален и жив јавен простор.

„Се реконструираат спортските терени за фудбал, одбојка на песок и баскет, се поставува нова урбана опрема и се создаваат модерни фитнес-зони на отворено. Во рамки на овој проект опфатени се и спортските терени во Маџир Маало, кои целосно ќе се унапредат и ќе се вратат во служба на заедницата.

На ова место градиме и современа градска плажа – безбедно, уредено и достапно катче за одмор, рекреација и дружење, кое ќе внесе нова енергија и живот покрај реката и ќе го доближи Скопје до европските урбани стандарди“.

Според Ѓорѓиевски инвестирањето во спортот е инвестирање во здрави навики, здрави млади и силно општество. Тој му упати благодарност на министерот за спорт, Борко Ристовски, за поддршката и партнерскиот пристап, кои овозможуваат ваквите проекти да се реализираат брзо, квалитетно и во интерес на граѓаните.

„Ова, почитувани, е само почеток. Нашата визија е да создадеме современи, уредени и достапни спортски терени во сите општини на Град Скопје.
Рамномерен развој, еднакви можности и активен, здрав живот за секој скопјанец, без разлика каде живее, остануваат наш врвен приоритет“, додава Ѓорѓиевски.

The post 📷 ИНТЕНЗИВНО СЕ РАБОТИ НА НОВИОТ ЛИК НА КЕЈОТ НА ВАРДАР Се реконструираат терени, се спрема градска плажа и се буди спортскиот дух appeared first on plusinfo.mk.

Општина Аеродром соопшти дека инспекциските служби веќе две недели работат на случајот со „Зимзоленд“, манифестација која беше поставена на приватно земјиште и предизвика реакции во јавноста. Од Општината велат дека постапката е започната на 28 ноември и дека сите околности околу одобрението за поставена урбана опрема темелно се проверуваат.

Иако „Зимзоленд“ секојдневно привлекува голем број посетители, од Општина Аеродром повторуваат дека тие не се организатори на настанот, ниту, пак, учествуваат во програмските активности. Во моментов, инспекциските екипи ја разгледуваат документацијата и утврдуваат дали има прекршувања.

„Нашите служби работат професионално и посветено, исклучиво во рамките на нашите надлежности. По завршување на инспекциската постапка, ќе бидат преземени мерки согласно законот, доколку се утврди основ за тоа“, соопштија од Општина Аеродром.

Надлежните уверуваат дека транспарентноста и безбедноста на граѓаните остануваат врвен приоритет. Додаваат дека внимателно ги следат сите активности околу манифестацијата и најавуваат дека јавноста ќе биде навремено информирана за секој следен чекор.

Откако вчера дел од медиумите објавија за потврдата на Општина Аеродром дека ќе се отстранува забавниот парк „Зимзоленд“, а скопскиот градоначалник Орце Ѓорѓиевски соопшти дека паркот две недели работел без дозвола од Град Скопје, реагираше организаторот на манифестацијата.

„Во последните часови на одредени медиуми се појавија неточни информации и шпекулации дека Зимзоленд ќе биде затворен. Ве информираме дека ова не е точно“, велат организаторите во објава на социјалните мрежи. Точно е дека во претходните денови имаше инспекциски надзори, но до надлежните служби беше доставена целосната и потребна документација. Нашата мисија останува иста – да создадеме магични моменти, радост и новогодишна атмосфера за сите деца и нашите драги семејства“, велат организаторите вечерва во објавата со содржина спротивна на она што денес го наведоа институциите.

The post ДВЕ НЕДЕЛИ ИНСПЕКЦИЈА, А „ЗИМЗОЛЕНД“ НЕ ЗАПИРА Општина Аеродром тврди дека само проверува документи appeared first on plusinfo.mk.