Драматични сцени доаѓаат од Шангај, каде што дел од коловозот ненадејно пропаднал и создал огромна дупка на прометна сообраќајница. Настанот се случил на улицата „Qixin Road“, во близина на градилиште за новата метро линија „Jiamin Line“.

Според локалните медиуми, асфалтот почнал да пука, по што за неколку секунди целиот дел од патот се урнал во земјата. Снимките од безбедносни камери и видеата споделени на социјалните мрежи го покажуваат моментот кога тлото попушта и создава огромна дупка (sinkhole).

BREAKING:

A massive sinkhole suddenly opened in Shanghai, China swallowing a large section of roadway. pic.twitter.com/90RrKh6aJf

— Current Report (@Currentreport1) February 12, 2026

Инцидентот се случил во Минханг дистрикт, урбана област во југозападниот дел на градот.

Првичните информации укажуваат дека можно е да дошло до истекување на вода и ослабување на почвата за време на ископите поврзани со изградбата на новата метро линија. Подземната ерозија најверојатно довела до тоа површината да остане без стабилна потпора, по што тежината на асфалтот и сообраќајот предизвикале колапс.

Експертите објаснуваат дека вакви појави се можни во урбани средини каде што се изведуваат големи инфраструктурни зафати, особено ако има подземни води или нестабилна почва.

Според извештаите што ги пренесува „Channel NewsAsia“, засега нема информации за загинати или повредени лица. Властите веднаш го обезбедиле просторот и го запреле сообраќајот во погодената зона.

Екипи на службите за итни интервенции и градежни инспектори извршиле увид, а во тек е проценка на стабилноста на околната инфраструктура.

Feb 12: the leakage at the construction site for the Qixin Road (七莘路) subway station of Jiamin Line (嘉闵线) in Shanghai the previous night ended up as a massive collapse of a large swathe of road surfaces… https://t.co/LMldO8V7hl pic.twitter.com/8PBMWqF8cK

— Byron Wan (@Byron_Wan) February 12, 2026

Метро-проектот „Jiamin Line“ е дел од пошироката стратегија на Шангај за проширување на градската железничка мрежа, со цел да се намали сообраќајниот метеж и загадувањето. Сепак, ваквите инциденти отвораат прашања за безбедносните протоколи и геотехничките анализи при изведба на големи урбани проекти.

Локалните власти најавија детална истрага за причините за пропаѓањето на патот и можна одговорност доколку се утврдат пропусти.

The post 📽️ ОГРОМНА ДУПКА ЗА СЕКУНДА СЕ ОТВОРИ СРЕДЕ РАСКРСНИЦА Страшна сцена во Шангај, коловоз пропадна во земја appeared first on plusinfo.mk.

Скелето од бамбус допринело пожарот во облакодерите во Хонг Конг молневито да се рашири, анализира Би-Би-Си, пишувајќи дека допрва е покрената истрагата за пожарот кој досега однесе 36 жртви и 29 повредени, од кои седум се во критична состојба.

Властите во Хонг Конг велат дека е речиси под контрола силниот пожар кој прогола седум од осумте кули во станбениот комплекс Ванг Фук Корт во Таи По, северно од Хонг Конг. Огнените јазици се ширеле неверојатно брзо преку бамбусовата скела која целосно ги опфаќала фасадите, обвиени со зелена градежна мрежа.

Станарите изјавиле дека противпожарните аларми не се огласиле, што дополнително ја влошило трагедијата.

Противпожарната служба на Хонг Конг го класифицираше пожарот како тревога од петто ниво – највисока по сериозност. Во рок од 40 минути од првото пријавување, беше прогласен за трето ниво, но до 18:22 часот (10:22 GMT), околу три и пол часа подоцна, нивото повторно беше покачено.

More video of the horrific fire in Hong Kong. At least 13 people have died and 15 others injured after flames swept through multiple blocks of a Tai Po housing estate today.

The buildings are still burning.pic.twitter.com/qXoVr0uyTI

— Volcaholic (@volcaholic1) November 26, 2025

Главниот извршен директор на Хонг Конг, Џон Ли, изјави дека е формирана заедничка истражна група на полицијата и противпожарната служба за да се утврди причината за катастрофата. Притоа, државните институции започнале ревизија за да се испита дали материјалите за заштита од пожар во зградите биле соодветно сертифицирани.

– Материјалите од објектите и од скелето ќе бидат тестирани за усогласеност со стандардите – нагласи Ли.

Министерот за безбедност Крис Танг изјави дека ширењето на пожарот било „невообичаено брзо“ и дека доколку се користеле пропишани материјали, пламенот не би можел да ги зафати сите згради толку експлозивно.

Пожарот избувнал во 14:51 часот по локално време (06:51 GMT) во средата, во момент кога дел од станбите биле празни поради реновирање. Комплексот, изграден во 1983 година, се состои од осум кули високи по 31 кат, со речиси 2.000 станови во кои живеат околу 4.600 жители.

Бамбусовото скеле, симбол на хонконшката традиција во градежништвото, одамна се користи поради леснотијата и отпорноста на материјалот. Но, токму неговата висока запаливост сега се покажала како фатален ризик. Локалните медиуми потсетуваат дека владата уште во март најавила постепено исфрлање на бамбусовите конструкции, откако повеќе работници загинале во несреќи со скелиња.

Теренс Лам, портпарол на Бирото за развој во земјата, тогаш предупреди дека бамбусот има „вродени слабости“, нерамномерни механички својства, стареење и висока запаливост, што претставува сериозна безбедносна закана.

Во случајот, бамбусовото скеле било обвиено со зелена заштитна ограда.

The post СКЕЛЕТО ОД БАМБУС, ПРИЧИНА ШТО СЕ ПЕПЛОСАА 7 ОБЛАКОДЕРИ ВО ХОНГ КОНГ? Бројот на жртви порасна, станарите не ги слушнале противпожарните аларми appeared first on plusinfo.mk.