На отворањето присуствуваше кандидатот за градоначалник на Општина Карпош, Душко Весковски, кој претстави дел од проектите и визијата за урбан Карпош.

– Нашиот Карпош не е само територија, нашиот Карпош се вредностите што ги граделе многу генерации во изминатите четири и пол децении. Нашиот Карпош е симбол на развојот на постземјотресно Скопје, симбол на солидарноста, заедништвото и хуманоста. Ние, карпошани, имаме обврска да продолжиме да ги развиваме тие вредности и гордо да ги пренесуваме на идните млади поколенија. Нашиот Карпош е интелектуален, економски, социјален и еколошки двигател на Градот Скопје. Одлучни сме целосно да го искористиме овој потенцијал преку поставување и одржување на уште повисоки стандарди на хумано и планско урбано живеење – рече Весковски.

Визијата за наредните четири години, додаде тој,  е Карпош да се развие во општина со највисок степен на дигитализација на јавните услуги, со хумана и планска урбанизација што го штити јавниот интерес, ја почитува приватната сопственост и придонесува за економскиот развој, со највисок процент на
зелени површини во Градот и Републиката, со чисти улици по кои ќе се движат повеќе велосипеди, а помалку автомобили, со развиена социјална и културна инфраструктура.

Штабот лоциран на улица Македонија (поранешно Кафе-бар Гнездо) е постојано отворен за сите прашања и одговори на граѓаните кои сакаат да го одберат најдоброто за својата иднина.

The post ОТВОРЕН ГРАДСКИ ШТАБ СО ВИЗИЈА Весковски ќе воведе планско урбано живеење во Карпош appeared first on plusinfo.mk.