Претседателот на Велосипедската федерација пријавил сомнеж за повеќе кривични дела извршени од поранешни членови на управното тело на организацијата.

Од Министерство за внатрешни работи информираат дека во Сектор за внатрешни работи Куманово, Е.Ц. (45) од Куманово, кој е претседател на Велосипедската федерација, пријавил дека неколку членови сториле кривични дела како фалсификување службена исправа, злоупотреба на службена положба и затајување.

Според пријавата, тие биле отповикани од функцијата членови на Управниот одбор на седница одржана на 11 март 2026 година. По нивното разрешување, наводно неовластено го употребиле печатот на федерацијата, кој им бил ставен на располагање од поранешниот секретар, и покренале иницијатива за свикување собрание на Велосипедската федерација.

Полицијата соопшти дека се преземаат мерки за расчистување на случајот и утврдување на сите околности.

The post НЕОВЛАСТЕНО ГО КОРИСТЕЛЕ ПЕЧАТОТ Пријава за фалсификат во велосипедската федерација appeared first on plusinfo.mk.

Управниот одбор на АЛКАЛОИД АД Скопје на седницата одржана на ден 26.02.2026 година донесе Предлог-Одлука со која му предлага на Собранието на акционери исплата на дивиденда за 2025 година во износ од 720,00 денари бруто односно 648,00 денари нето по акција, што во однос на исплатената дивиденда по акција за претходната година од 630,00 денари бруто односно 567,00 денари нето е поголема за 14,3%.

За исплатата на дивиденда и персонален данок на личен доход компанијата ќе издвои над 1 милијарда денари.

Во согласност со предлог одлуката, исплатата на дивидендата ќе започне од 13.05.2026 година.

АЛКАЛОИД АД Скопје објави дека седницата на годишното Собрание на акционери на Друштвото ќе се одржи на ден 30.03.2026 година со почеток во 08:00 часот во деловните простории на Друштвото, Бул. Александар Македонски бр. 12, Скопје, Република Северна Македонија.

The post АЛКАЛОИД АД ЌЕ ИСПЛАТИ ЗА 14,3% ПОГОЛЕМА ДИВИДЕНДА ОД ЛАНИ За исплатата на дивиденда и данок на доход се предвидени над милијарда денари appeared first on plusinfo.mk.

Српскиот кошаркарски клуб Партизан објави дека не ја прифаќа оставката на тренерот Жељко Обрадовиќ, која самиот стратег ја поднесе по поразот од Панатинаикос во Евролигата. Иако Обрадовиќ ја дефинираше оставката како „неотповиклива“, Извршниот одбор на клубот едногласно одлучил да му даде безрезервна поддршка и да го задржи на клупата, јави порталот Нова.

Клубот соопштил дека се одржала итна седница на која претседателот Остоја Мијајловиќ предложил да се одбие оставката и да се даде нова шанса на Обрадовиќ да го промени резултатскиот курс, jaвува Б92.

„Се чини дека претседателот на клубот Мијаиловиќ и другите членови на Управниот одбор се согласуваат со добар дел од ваквите констатации, па ‘апсолутната доверба’ нема да биде само фраза, туку на Обрадовиќ ќе му се каже дека, доколку ја повлече оставката, ќе има одврзани раце и целосна поддршка (во секоја смисла) да му се заблагодари за соработката на секој за кого смета дека не ја оправдал довербата со своите претходни игри и напори, па дури и да го замени целиот тим, доколку е потребно“, објавува „Моцарт Спорт“.

Меѓутоа, и покрај оваа декларативна поддршка, правно и симболички останува дилемата. Дали оставката што самиот тренер ја означил како „неотповиклива“ може да биде поништена од управата, или решението зависи исклучиво од неговата лична одлука?

Според белградските медиуми, Обрадовиќ засега не се изјаснил дали ќе ја повлече одлуката, но извори блиски до клубот велат дека се очекува конечниот збор во наредните часови.

The post ПАРТИЗАН НЕ МУ ДАВА НА ОБРАДОВИЌ ДА ЗАМИНЕ! „Смени го целиот тим ако сакаш, имаш одврзани раце“ appeared first on plusinfo.mk.

Управниот одбор на ЈП „Комунална хигиена“ ја повика градоначалничката Данела Арсовска итно да назначи нов в.д. директор на претпријатието и дека ако не го стори тоа во најкус можен рок одговорноста за алармантната состојба со одржувањето на хигиената во Скопје ќе биде исклучиво нејзина.

Управниот одбор на ЈП „Комунална хигиена“ ѝ пиша итна ургенција на Арсовска во која наведува дека само таа има ингеренции и надлежности да назначи нов директор на претпријатието.

Оттаму ја потсетуваат Арсовска дека во изминатите 4 години назначила 5 и разрешила 4 директори.

Управниот одбор ја информира Арсовска дека при крај се резервите за нафта за возилата на Комунална хигиена кои го собираат отпадот и дека нафтата не може да се набави без потпис од в.д. директор.

The post АРСОВСКА ИТНО ДА НАЗНАЧИ НОВ ДИРЕКТОР НА „КОМУНАЛНА ХИГИЕНА“! Управниот одбор ја потсети дека само таа има такви ингеренции appeared first on plusinfo.mk.

Надзорниот одбор на НЛБ Банка Скопје, на денешната седница, донесе одлуки за ре-именување на постоечки член и именување на тројца нови членови на Управниот одбор. Со ова, Надзорниот одбор го утврди предлогот за зголемување на бројот на членови на Управниот одбор на Банката од досегашните четири, на пет члена во одборот.

Согласно наведените одлуки, Надзорниот одбор ја ре-именуваше Катерина Јанковиќ која е член на Управниот одбор на Банката, со нов 4-годишен мандат, почнувајќи од јануари 2026. Јанковиќ е докажан финансиски експерт со повеќе од две децении банкарско искуство во областа на корпоративното и малопродажното банкарство.

На истата седница Надзорниот одбор на Банката, со мандат од 4 години, ги именуваше Бојан Стојаноски, Драгиша Тадиќ и Кирил Бухов за нови членови на Управниот одбор, почнувајќи од јануари 2026. Членовите на Управниот одбор на Банката, Петер Зелен и Игор Давчевски ќе продолжат да ги извршуваат своите функции до истекот на нивниот мандат, односно до крајот на 2025 година.

Новоименуваните лица официјално ќе ги преземат функциите, членови на Управниот одбор на Банката, по добивање на согласност од Народната банка за именување на членови на Управниот одбор на НЛБ Банка Скопје.

Кои се новоименуваните членови на Управниот одбор на НЛБ Банка Скопје?

Бојан Стојаноски е банкарски експерт со над 20 години искуство на високо раководни позиции во банкарскиот сектор, во областа на корпоративното банкарство, управување со ризици, кредитирање, финансиски менаџмент и управување со средства. Во НЛБ Банка Скопје доаѓа од Стопанска банка АД Скопје, каде што од 2020 година е член на Управниот одбор и Генерален директор за управување со ризици. Во периодот од 2012 до 2019 година, работи во Халкбанк АД Скопје, најпрво како Заменик генерален директор задолжен за продажба, финансиски пазари и средства, а подоцна како Заменик генерален директор за кредитни ризици и финансии. Стојаноски е магистер по економски науки при Економскиот институт – Универзитет „Св. Кирил и Методиј“ во Скопје и има диплома по економија на истиот универзитет.

Драгиша Тадиќ доаѓа од НЛБ Комерцијална Банка, Белград, од позицијата Извршен директор за кредитни ризици, која ја извршуваше и во периодот помеѓу 2015 и 2020 година во НЛБ Банка, Белград. Од 2020 до 2022 година, тој е помошник на Управниот одбор на Комерцијална банка, Белград. Неговото искуство е поврзано и со лизинг операции. Тадиќ моментално е член на Надзорниот одбор на НЛБ Leasing&Go, Белград, а до 2015 година работеше во ПроКредит Лизинг, Белград. Има диплома од универзитетот во Белград во областа на меѓународната економија и трговија, како и од универзитетот во Љубљана во областа на деловната администрација.

Кирил Бухов се приклучи на тимот на НЛБ Банка Скопје во јануари годинава како помошник на Управниот одбор. Професионалната кариера ја започнува во областа на телекомукациите во 2001, а во банкарството преминува во 2006 година. До 2017 година работи во Халкбанк АД Скопје каде напредува до позицијата Директор на сектор за информациски системи. Бухов е дипломиран инженер на Факултетот за електротехника и информациски технологии при Универзитетот „Св. Кирил и Методиј“ во Скопје, каде завршува и  магистерски студии по проектен менаџмент. Поседува богато искуство од областа на дигиталната трансформација, кибер безбедноста, банкарските операции и информациските технологии.

The post НОВИ ЧЛЕНОВИ ВО РАКОВОДСТВОТО НА НЛБ БАНКА Управниот одбор отсега ќе има 5, наместо 4 члена appeared first on plusinfo.mk.

Претседателката на Советот на јавни обвинители Душица Димитриевска денеска на прес-конференција рече дека не е донесена одлука за нејзино повлекување од функцијата член на Управен одбор на Академијата за судии и јавни обвинители.

На новинарско прашање дали е донесена одлука за нејзино повлекување од Управниот одбор на Академијата, откако Државната комисија за спречување на корупцијата донесе таква препорака, Димитриевска одговори дека одлуката ќе биде донесена на седница на Советот.

Минатата недела Антикорупциската комисија укажа дека назначувањето на членови на Советот на јавни обвинители и на Судскиот совет за членови на УО на Академијата за судии и обвинители е спротивно на Законот за спречување на корупција и судир на интереси.

– Одлука не е донесена со оглед дека одлуката на ДКСК е доставена на крајот од минатата недела. Таа треба да биде предмет на сите членови на Советот и на седница ќе донесеме одлука. Јас и уште еден член од Советот сме и актуелни членови на УО на АСЈО. Досега, доколку имало судир, ДКСК можела и морало да констатира, меѓутоа не констатирала. Не претставувало проблем нашето членување во Управниот одбор. Одлуката е донесена од страна на Советот согласно закон, каква одлука понатамошна ќе донесеме, ќе бидете известени – рече Димитриеска на денешната прес-конференција во Советот.

• НЕЗАКОНСКИ СЕ ОДЛУКИТЕ НА СУДСКИОТ И НА ОБВИНИТЕЛСКИОТ СОВЕТ Антикорупциска им наложи да ги повлечат своите членови од УО на Академијата за судии и обвинтели

ДКСК изминатата недела порача Судскиот совет и Советот на јавни обвинители да преземат мерки со кои ќе ги стават вон сила своите одлуки за назначување на членови на Управниот одбор на Академијата за судии и јавни обвинители (АСЈО).

Според нив, одлуките се спротивни на Законот за спречување на корупција и судир на интереси и Закон за АСЈО.

• АНТИКОРУПЦИСКАТА КОМИСИЈА ЌЕ ГИ ПРОВЕРИ ОДЛУКИТЕ НА СУДСКИОТ И НА ОБВИНИТЕЛСКИОТ СОВЕТ Постапка за новите членови на УО на Академијата за судии и обвинители

Оттаму истакнаа дека согласно членот 44 од Законот за спречување на корупција и судир на интереси, членовите на Судскиот совет и Советот на јавни обвинители не смеат да вршат функции во органи на управување кои располагаат со државен капитал. Судирот на интереси се јавува бидејќи Управниот одбор на Академијата одлучува по жалби на кандидатите за судии и јавни обвинители.

The post ЈАС И СЕГА СУМ ЧЛЕН НА УО НА АКАДЕМИЈАТА ЗА СУДИИ И ОБВИНИТЕЛИ, ПА АНТИКОРУПЦИСКА НЕ РЕАГИРАЛА Советот на обвинители допрва ќе одлучува за моето членство во управниот одбор, вели Димитриеска appeared first on plusinfo.mk.

Лaзо Узунчев, дипломиран машински инженер со претходно долгогодишно работно искуство на менаџерски позиции во приватниот сектор, е именуван за претседател на Управниот одбор и генерален директор на АД ЕСМ од Надзорниот одбор на АД ЕСМ, по препорака на Владата.

Како што соопшти денеска владината прес-служба, во состав на новиот Управен одбор на компанијата во државна сопственост, покрај Узунчев, именувани се и Реџеп Асани за заменик-генерален директор, како и членовите Ѓорѓи Ѓорѓиевски директор за правни и општи работи, Зоран Коњановски директор на производство, Виктор Јовановски директор за комерцијални работи, Иван Стојановски директор за финансиски работи и Владимир Пејоски директор на развој и инвестиции.

„Со изборот на новите членови на Управниот одбор, приоритет е енергетска стабилност на државата преку ефикасно управување, финансиска консолидација и зајакнување на капацитетите на компанијата на сите нивоа. Понатаму, меѓу целите на новото раководство се оптимизација на трошоците, реализација на развојни проекти со цел АД ЕСМ да стане компетитивна компанија која ќе ги задоволи потребите од електрична енергија за крајните потрошувачи, притоа професионално прилагодувајќи се на условите на пазарот и строгите барања за чиста животна средина“, посочуваат од Владата.

The post ЕСМ ДОБИ НОВ ДИРЕКТОР И НОВ УПРАВЕН ОДБОР Лазо Узунчев ќе биде на чело на оваа државна компанија appeared first on plusinfo.mk.

– Законот утврдува на кој начин се прави тоа, односно Управниот одбор е тој кој треба да го направи првиот чекор, пред документите да бидат доставени и разгледани во Градот, така што тоа го чекаме од Управниот одбор на институцијата – рече  градоначалничката на Скопје, Данела Арсовска, вчера одговарајќи на новинарско прашање.

В.д. директорот Зоран Попов го известил Градот за оваа ситуација и побарал итно да се изберат нови членови за да се овозможи нормално функционирање на Установата. Тој за „Фокус“ вели дека Арсовска не можела да знае дека двајца членови од ОУ ќе бидат назначени за директори на други установи, бидејќи нивното назначување се случило неколку дена откако бил распишан огласот за нов директор и дека не станува збор за никакви намерни опструкции.

Како што објави Мета, членката на УО на Зоолошка градина, Розета Влаховиќ била именувана за в.д. директор на Јавна установа Детски дом „11-Октомври“ Скопје, а претседателот на УО, Јовица Никчевски, дал оставка оти бил именуван за в.д. директор на НУ Универзитетска библиотека „Климент Охридски“ – Скопје.

Поранешениот директор, Ѓорѓи Галетановски, е единствен пријавен кандидат на конкурсот кој најверојатно ќе биде поништен.

Тој најави дека ќе се пријави и на следниот конкурс за директор на Зоолошката градина доколку се објави.

The post ЗООЛОШКА НЕ МОЖЕ ДА ИЗБЕРЕ ДИРЕКТОР ЗАШТО ОСТАНАЛА БЕЗ УПРАВЕН ОДБОР Кога го распишала Конкурсот Арсовска не знаела за тоа appeared first on plusinfo.mk.

Надзорниот одбор на НЛБ Банка Скопје на денешната седница го именуваше Тони Стојановски за нов претседател на Управниот одбор. Тони Стојановски ќе ја преземе функцијата претседател на Управниот одбор на НЛБ Банка Скопје по добиена согласност од Народната банка на Република Северна Македонија. Во меѓувреме ќе ја преземе функцијата помошник на Управниот одбор на НЛБ Банка Скопје. До добивање согласност од Народната банка за нов претседател на Управниот одбор на НЛБ Банка Скопје, функцијата ќе ја извршува актуелниот претседател на Управниот одбор, Бранко Грегановиќ.

Тони Стојановски доаѓа од Стопанска банка Скопје каде до неодамна, 15 години беше член на Управниот одбор на Банката. Од 2020 година, Стојановски е генерален директор за корпоративно банкарство, а во периодот помеѓу 2010 и 2020 година, тој беше и генерален директор за управување со ризици. Пред да се приклучи на менаџерскиот тим на Стопанска банка Скопје, Стојановски извршуваше високи раководни функции во Народната банка на Република Северна Македонија, вклучително и функцијата генерален директор на Секторот за супервизија, банкарска регулатива и финансиска стабилност.

Тони Стојановски е банкарски професионалец со повеќедецениско работно искуство во финансискиот сектор и долгогодишен член на релевантни одбори и организации: претседател на Управниот одбор на Македонска берза АД Скопје, ззаменик претседател на Македонската банкарска асоцијација и претседател на Надзорниот одбор на Стопанска Лизинг Скопје.

Тој е магистер на економски науки од областа на монетарната економија, сопруг и татко на две деца.

– Почестен сум од довербата да бидам именуван за Претседател на Управниот одбор на НЛБ Банка Скопје. Ја прифаќам оваа улога со благодарност и уште поголема одговорност. Посветеноста на тимот на Банката кон напорна работа и колективната посветеност за постигнување врвни резултати, доволно зборува за потенцијалот што оваа Банка го има за да ги постигне своите цели и да ја исполни својата мисија – истакна Стојановски по денешната седница на Надзорниот одбор.

Бранко Грегановиќ ја извршува функцијата претседател на Управниот одбор на НЛБ Банка Скопје од јануари 2022 година. Под раководство на Грегановиќ, НЛБ Банка Скопје постигна одлични деловни резултати, а истовремено реализирани се и бројни општествено одговорни проекти со значајно влијание во заедницата.

По именувањето на новиот претседател на УО на Банката, Грегановиќ истакна:

– Промените се дел од процесот на развој и составен дел од растот на Банката. Драго ми е што можам да кажам дека НЛБ Банка Скопје е добро подготвена да се соочи со идните предизвици. Би сакал да ја искористам оваа прилика да му честитам на Тони за именувањето и да му посакам многу деловни успеси и лично задоволство во новата улога.

The post ТОНИ СТОЈАНОВСКИ – НОВ ПРЕТСЕДАТЕЛ НА УПРАВНИОТ ОДБОР НА НЛБ Почестен сум од довербата, вели тој appeared first on plusinfo.mk.

Вработените покрај усогласувањето на платите со минималната плата, бараат да се донесе вредносен бод и да се зачуваат тие плати што ги имаат вработените и веднаш да се разреши целиот Управен одбор на Фондот, а новите членови веднаш да донесат одлука со која ќе се заштитат вработените во фондот за здравство.

Доколку не се исполнат нивните барања вработените најавуваат штрак и блокада на ФЗОМ.

The post ЧАШАТА СЕ ПРЕЛЕА И ВО ФЗО Вработените утре на протест ќе бараат да се разреши Управниот одбор и повисоки плати appeared first on plusinfo.mk.