The post НЕ ПОМИНА ИНТЕРПЕЛАЦИЈАТА ЗА МИНИСТЕРОТ ТРИПУНОВСКИ Продолжуваме со модернизација и реформи, истакна министерот appeared first on plusinfo.mk.

Сите економски показатели покажуваат дека имаме позитивен тренд и во делот на извоз и откупот на земјоделските производи, истакна министерот за земјоделство, шумарство и водостопанство, Цветан Трипуновски на денешната собраниска седница одговарајќи на повиците на опозициски пратеници за негова интерпелација.

Министерот нагласи дека позитивниот тренд се забележува и кај извозот на земјоделски производи, па така во 2025 извозот на земјоделски производи бележи раст за 85 милиони евра во однос на 2024 година и истиот во 2025 година достигна 417 милиони евра.

Тој истакна дека согласно податоците во 2025 година во однос на 2024 бележиме раст во откупот и тоа во четвртото тримесечје за 15%, во третото тримесечје за 10.4% итн. Од друга страна се поголем е бројот на индивидуални земјоделци кои својот род го пласираат директно на пазарите, трговските ланци, ресторани.

– Земјоделците се спокојни бидејќи имаат вистински партнер во министерството и во Владата, затоа што навистина оние штети што ги наследивме треба многу повеќе време да се санираат – појасни тој велејќи дека министерството ќе продолжи со работата на програмата и ветените остварувања.

Наводите на Трипуновски доаѓаат откако поранешниот министер за земјоделство од редовите на СДСМ Љупчо Николоски го прозва велејќи дека Трипуновски ќе остане запаметен само по корупциски скандали и злоупотреби.

Николовски посочи дека Трипуновски и Министерството во овие две години, наместо да бидат сервис на земјоделците, се симбол за скандали и криминал. Според поранешниот министер, се креираат коруптивни мерки кои одат на штета на целиот сектор.

Трипуновски одговори дека „дворот беше премногу валкан и презадолжен – таква ситуација наследивме од вашите седум години власт“.

– Да имавте барем малку доблест да работите домаќински и економски, денеска ќе беше многу поинаква ситуацијата – порача министерот.

Тој образложи:

– Денеска, за разлика од минатото, не гледаме како преспанските јаболка плутаат по Преспанско Езеро, не гледаме како струмичките зелки се тркалаат по улиците, не гледаме депонии со исфрлено овошје и зеленчук – тоа е извезено надвор од државата. Денеска не гледаме протести и сериозно незадоволство. Денеска имаме поинаква слика. Денеска имаме инвестиции во водостопанството, имаме отворени врати на Министерството за земјоделство, отворени нови подрачни единици, нови подрачни канцеларии, помала бирократија за поголема ефикасност. Тоа што во време на СДСМ беше зголемена бирократија, сега е обратен процес. Во делот на корупцијата, не знам дали еден од вас ќе најде храброст, ќе се одважи, ќе собере сила да пофали дека се бориме со корупцијата. Дали е некој сегашен, поранешен или иден функционер, има нулта толеранција за кршењето на законите. Мислам дека треба да прифатите дека тоа е реалност. Ние така ќе продолжиме – дали некој сегашен директор се огрешил или некој иден, секој ќе одговара пред законите. Наместо да пофалите, вие критикувате. Ако некој од претходните биде обвинет за некое дело, вие велите дека тоа е политички реваншизам. Тоа се двојни аршини. Треба да се одлучите – или сте за корупција и криминал или сте против тоа. Кажете јасно и гласно пред македонската јавност, нека знае. Ќе се борите против корупција или сакате да продолжи корупцијата во Македонија? Сите обвинувања што ги расфрлате како пердуви во јавноста, не се поддржани со аргументи, подвлече Трипуновски.

Според него, комуникацијата со земјоделците е секојдневна, а Министерството не било поотворено никогаш.

– Отворете го Фејсбук профилот на претходниот министер. Тој нема одржано средби со земјоделските производители колку што јас имам одржано за два месеца. Нема крај што не сум го посетил. Ако толку сте убедени дека имате поддршка и дека толку Трипуновски лошо менаџира, одберете село, време и медиум што ќе го поканите, кажете каде сакате, ќе дојдам со вас. Да видиме како ќе поминете вие, а како ќе поминам јас. Ви давам отворена покана, рече Трипуновски.

Претходно, Јована Тренчевска од СДСМ во дискусијата по интерпелацијата, го нарече Трипуновски најнеспособниот министер и праша – колку скандали се потребни за да се понесе политичка одговорност.

The post ИЗВОЗОТ ВО ЗЕМЈОДЕЛСТВОТО ВО 2025 СЕ ЗГОЛЕМИЛ ЗА 85 МИЛИОНИ ЕВРА „Веќе не гледаме како се тркалаат преспански јаболка и струмички зелки…“ appeared first on plusinfo.mk.

Постојат сериозни индиции и докази за злоупотреби во доделувањето на грантови, при што бил заобиколен системот на Платежната агенција, вели министерот за земјоделство, шумарство и водостопанство, Цветан Трипуновски.

Тој нагласи дека како функционер по промената на власта имал обврска да постапи по доставените информации од свиркачи и да иницира проверка на сите сомнителни случаи. Посочи дека неколкупати ја информирал јавноста и го повикал Јавното обвинителство да покрене постапки за наводните злоупотреби.

– Ова не е реваншизам, туку потреба да се утврди одговорност таму каде што има прекршување на законите. Случајот се однесува на заобиколување на законскиот систем за доделување грантови, при што тогашниот министер за земјоделство, Љупчо Николовски формирал сопствена комисија и делел средства без соодветна контрола и следливост. Во Комисијата бил еден поранешен нивен близок сопартиец, член на една политичка комисија – рече министерот Трипуновски во гостување на Алфа.

Тој потенцираше дека со ваквиот пристап граѓаните биле доведени во заблуда, а одлуките биле носени со висок степен на субјективност.

– Станува збор за распределба на над 800.000 евра, за која постои сомнеж дека е извршена спротивно на законските процедури – додаде тој.

Трипуновски рече дека актуелното раководство не ги укинало програмите, туку ги вратило во законски рамки односно преку Платежната агенција, со јасни правила и контрола.

Магласи дека очекува институциите да постапат и да се расчисти случајот до крај.

НИКОЛОВСКИ СЕ ГОНИ ЗА НЕЗАКОНСКО ДЕЛЕЊЕ 820.000 ЕВРА НА МИКРО-ВИНАРИИ На распит се викнати и двајца бивши членови на комисија

The post ЉУПЧО НИКОЛОВСКИ ПОДЕЛИЛ НАД 800.000 ЕВРА БЕЗ СООДВЕТНА КОНТРОЛА И СЛЕДЛИВОСТ Трипуновски очекува расветлување на случајот appeared first on plusinfo.mk.

Љупчо Николовски се јави, навистина се јави, кој за што, Љупчо за менее, објави министерот за земјоделство, шумарство и водостопанство Цветан Трипуновски на Фејсбук, откако Николовски соопшти дека СДСМ поднесе интерпелација за него во Собранието.

„Нејсе, да му одговорам. Политички не постоиш, а партијата во која си само обичен инвентар, полека ја снемува. Рејтингот ви паѓа толку ниско што го пробивте секое дно! Интерпелацијата за мене што си ја поднел е толку нелегитимна, како што ти си нелегитимен во СДСМ“, порача министерот Трипуновски.

Интерпелацијата ќе биде исто толку неуспешна како твојот мандат како министер за земјоделство и како антикорупционер, додаде Трипуновски.

„Толку безначајна како што беше безначајна и твојата заплената на дури 30 килограми путер“, објави Трипуновски.

Николовски денеска рече дека СДСМ поднесе интерпелација за министерот Цветан Трипуновски поради, како што наведе, корупција, скандали и штетни политики во земјоделието.

The post НИКОЛОВСКИ ПОЛИТИЧКИ НЕ ПОСТОИ, А ИНТЕРПЕЛАЦИЈАТА Е БЕЗНАЧАЈНА КАКО ЗАПЛЕНАТА НА 30 КИЛОГРАМИ ПУТЕР Министерот Цветановски му одговори на СДСМ appeared first on plusinfo.mk.

Дали Зоран Заев и Љупчо Николовски склучувале договори во 4 очи за местење на тендери, праша денеска Валентин Манасиевски од ЦК на ВМРО-ДПМНЕ.

– Кога се спомнува зборот корупција, првата асоцијација се СДСМ, Зоран Заев, Венко Филипче и Љупчо Николовски. Власта на Заев, Филипче и на Николовски меѓу јавноста е позната како најкорумпираната и најкриминалната власт во историјата на Македонија. Љупчо Николовски своевремено, освен министер за земјоделие, беше и вицепремиер за борба против корупцијата – рече Манасиевски.

Но, наместо да се бори против истата, тој по насока на неговиот ментор Заев, ја создавал и бил активен чинител на истата, додаде Манасиевски.

– Дека станува збор за корупција, додава тој, се јавува фактот што по отписот на 2.000 тони жито од стоковите резерви на државата во вредност близу 800.000 евра, кое е подарок од Заев и Филипче кон Љупчо Николовски, веќе следната година, тој му возвраќа на Заев со грант од Агенцијата за ИПАРД во вредност од 1,4 милион евра. Добитник на овој европски грант е фирмата „Тргопродукт“ на Заеви, односно познатиот бренд „Мамас“. Уште посомнително е тоа што во тоа време, овој грант од 1,4 милион евра, бил втор најголем грант во историјата на ИПАРД програмата – рече Манасиевски.

Ова не е единствен ваков случај, додаде тој, и затоа го повикуваме обвинителството да го истражи ова до крај.

– Сега е шансата на Обвинителството да се покаже, да почне постапка по допрен глас и да ги провери сите овие сомнежи. А додека Филипче ги разрешува сите околу него, освен него самиот, нека одговори до кога ќе ја држи функцијата претседател на СДСМ, само за да му удоволи на Заев и на нивните бизнис интереси – рече Манасиевски.

The post „МАМАС“ НА ЗАЕВ ЛАПНАЛА ЕВРОПСКИ ГРАНТ ОД 1,4 МИЛИОН ЕВРА Николовски му вратил услуга на експремиерот за отпишаното жито, ВМРО-ДПМНЕ бара истрага appeared first on plusinfo.mk.

Зоран Заев му помогнал со отпишување на жито за 800.000 евра, Љупчо Николовски возвратил со грант за „Мамас“ од 1,4 милиони евра, наведува ВМРО-ДПМНЕ во соопштение.

„По камуфлирањето на кусокот на 2.000 тони жито вреден 800.000 евра на владина седница од страна на Заев и Филипче, Љупчо Николовски веќе следната година му возвраќа за услугата на кланот Заеви со грант од 1,4 милиони евра. Во 2022 година компанијата ‘Тргопродукт’, која е во сопственост на кланот Заеви, добила грант вреден 1,4 милиони евра. Тоа е истата фирма на кланот Зaеви препознатлива под брендот ‘Мамас’“, се наведува во соопштението на ВМРО-ДПМНЕ.

Вредноста на грантот е близу 87 милиони денари или 1,4 милиони евра, и овој грант во тој момент бил втор најголем грант во историјата на Македонија откако се работи со ИПАРД програмата.

„Колку вакви криминални шеми имаат издејствувано Заев, Филипче и Николовски за своето владеење и колку народни пари се злоупотребени? Дали Љупчо Николовски како тогашен министер интервенирал и им ја возвратил услугата на кланот Заеви за да добијат неповратен грант од ИПАРД програмата вреден 1,4 милиони евра? Дали ова е меѓусебен дил на Заев и Николовски и колку вакви злоупотреби со тендери и грантови во нивната коруптивна шема постојат?“, прашува ВМРО-ДПМНЕ.

Партијата бара Јавното обвинителство да отвори постапка и да ги истражи случаите.

The post „МАМАС“ НА ЗАЕВ ДОБИЛ 1,4 МИЛИОНИ ЕВРА ГРАНТ КАКО НАГРАДА ЗА ОТПИШАНОТО ЖИТО?! Од ВМРО-ДПМНЕ бараат Обвинителството да отвори постапка appeared first on plusinfo.mk.

СДСМ да расчисти со актуелниот претседател Венко Филипче и неговиот претходник Зоран Заев, бара ВМРО-ДПМНЕ, обвинувајќи дека најновиот скандал со отписот на  2.000 тони пченица и јачмен за време на претходната влада, како што велат, ги разобличува скандалите на партијата,

„Се разобличуваат скандалите од времето кога СДСМ беше власт, и сето тоа е показател за структурниот хаос, распаднатите институции и неодговорноста на СДСМ.

Случајот со стоковите резерви е само уште едно потсетување дека институциите под контрола на СДСМ функционирале само како импровизирани конструкции без механизми за одговорност.

Отписот на 2.000 тони пченица и јачмен од стоковите резерви, преку Трајан Димковски, тогашен заменик министер за земјоделство, па потоа истите количини најверојатно завршувале на црниот пазар во соседна држава, алудираат дека ова е организирана злоупотреба од страна на тогашната власт.

И покрај укажувањата дека пченицата постоела и била употреблива, направен е записник што го тврди спротивното, т.е документ со контрадикции, кој сепак е прифатен на владина седница. Тоа значи дека Заев, екс-министерот за земјоделие Николовски и актуелниот претседател на СДСМ во опозиција, Венко Филипче, како дел од тогашната владина структура, формално легитимирале документ што не кореспондирал со фактичката состојба на терен.

А сега Филипче, преку развлечени прес излагања се обидува да се позиционира како опозициски коректив?

Не може некој кој лично учествувал во систем што дозволил вакви пропусти да биде коректив.

Ако СДСМ има намера да се реформира и да стане релевантен политички субјект во земјава, мора да покаже зрелост и да се огради од сите функционери на минатата власт.

Тоа подразбира дистанца од Заев, Николовски, а и од Филипче, бидејќи тоа се фигури кои го спречуваат секој обид за вистински реформи во партијата“, велат од ВМРО-ДПМНЕ.

Претходно ВМРО-ДПМНЕ обвини дека Заев, Венко Филипче иНиколовски дозволиле 2.000 тони пченица и јачмен во вредност близу 800.000 евра од државните стокови резерви да се најдат на црн пазар на една соседна држава

The post СДСМ ДА РАСЧИСТИ СО ФИЛИПЧЕ И СО ЗАЕВ Знаеле дека пченицата била употреблива и дале амин за криминалот? appeared first on plusinfo.mk.

Трајан Димковски, поранешен министер и заменик министер за земјоделие од редовите на СДСМ, како и шеф на кабинет на Љупчо Николовски, во периодот од 2019-2021 година заедно со други 4 службени лица, направиле отпис на 2.000 тони пченица и јачмен од државните стокови резерви, во вредност од близу 800.000 евра – рече на денешната прес-конференција Викторија Андоновска од ВМРО-ДПМНЕ.

– Пченицата е отпишана, иако постоела и била употреблива. Димковски поднел записник до Владата дека има кусок на 2.000 тони јачмен и пченица од стоковите резерви за период од 2007 до 2021 година, а Филипче, Заев и Николовски без никакви проверки го донеле заклучокот на владина седница.

Јавноста заслужува да знае каде завршиле овие 2.000 тони јачмен и пченица? Дали е точно дека завршиле на црниот пазар во една соседна држава? Дали и Љупчо Николовски, покрај Димковски и останатите, се нафатирале од овој криминал? Дали Николовски изминатиот период е толку гласен во јавноста затоа што е вмешан во овој случај па е исплашен од одговорност?

Граѓаните заслужуваат правда и одговорност, а СДСМ треба да престане да ги брани криминалците од своите редови. Тоа време заврши – рече Андоновска.

The post ОТПИШАНАТА ПЧЕНИЦА ЗАВРШИЛА НА ЦРНИОТ ПАЗАР ВО СОСЕДСТВОТО? Криминалот со Стоковите резерви остави неодговорени прашања appeared first on plusinfo.mk.

Креаторот на сите проблеми и коруптивни дејанија во времето додека беа на власт, не можат да бидат дел од решенијата кои што ги нудат, истакна министерот за земјоделство, шумарство и водостопанство, Цветан Трипуновски при гостување во „Тема на денот“ на Сител телевизија.

Трипуновски изјави дека има процесуирано постапки до ОЈО за незаконското работење на Љупчо Николовски, но нема никаква реакција.

– Гледам дека во изминатите денови е многу гласен во јавноста и се обидува да манипулира. Сакам да кажам дека станува збор за можеби за најкриминогениот министер во минатото. Ова, го говорам затоа што јас како министер по влегувањето во Министерството преземав низа на активности за проверка на неговото работење – посочи тој.

Јас имам поведено неколку постапки до Јавното обвинителство кои што повеќе од година дена не се процесуирани. Значи станува збор за постапки за сериозни злоупотреби на буџетски средства итн, додаде министерот.

Тој го повика Јавното обвинителство да презеде активности и да ги испитаат случаите.

– Овие поднесени документи и пријави не се единствени, изминатиот период фокусирани во работата на Министерството, враќање на довребата кон институциите, кон земјоделците, рабитевме и на дополнителни проверки. Овој министер кој што сега се обидува да се појави како спасител, во минатото ја заобиколил Платежната агенција како тело за спроведувач на програмите кои што ги носи Министерството и формирал тричлена комисија надвор од процедурите и поделил грантови по 10.000 евра за т.н. мали семејни винарии, се работи за над 800.000 евра буџетски средства – посочи министерот Трипуновски.

Тој додаде дека во процесот на делење на тие грантови бил и претседателот на партиската комисија за земјоделство, кој што по доаѓање на новата Влада даде отказ.

И ова како предмет, кој што е во завршна фаза ќе биде доставен до Јавното обвинителство, најави министерот.

– За министерот кој што се јавува како спасител, за него имаме уште еден предмет, а тоа е злоупотребата на партиски вработувања и унапредувања во Министерството на лица кои што без согласност на Министерството за финансии и запазенаа процедура ги унапредувал и има штета по буџетот – додаде тој при своеото гостување.

The post КРИМИНОГЕНИОТ МИНИСТЕР ЗА КОЈ СЕ ПОВЕДЕНИ ПОСТАПКИ НЕ МОЖЕ ДА БИДЕ РЕШЕНИЕ Трипуновски бара да се истражи работата на неговиот претходник appeared first on plusinfo.mk.

Поарнешниот министер за земјоделство Љупчо Николовски тврди дека во петокот околу 16 часот, од страна на националниот координатор за авторизација, преку механизмот за суспендирање на плаќања, е донесена и дистрибуирана до македонските власти одлука за суспендирање на ИПАРД 3 програмата, односно одлука за суспендирање на плаќањата во ИПАРД 3.

– Одлуката стапила на сила веднаш, на неопределено време, се до исполнување на одредени услови и акциски планови. Оваа суспензија опфаќа целосен прекин на исплатите кон земјоделците и компаниите коишто веќе имаат склучени договори и веќе реализираат инвестиции од оваа програма, потпишување на нови договори и преземање на финансиски обврски од платежната агенција, како и објавувањето на нови јавни повици – тврди Николовски.

Според поранешниот министер од редовите на СДСМ, причината за ваквата одлука е скандалот со барање и примање на мито од страна на директорот на платежната агенција и уште четири други лица, вклучувајќи и блиска соработничка на министерот од Министерството за земјоделство. Минатата недела сите тие беа уапсени од полицијата, по налог на Обвинителството за гонење организиран криминал и корупција, а против четворица од нив судија на претходна посттапк израече мерки притвор.

Николовски јавно праша зошто владата не ја објавила оваа одлука во текот на викендот.

– Дали власта со премолчувањето на оваа одлука се обидува да ги заштити вмешаните во овој корупциски скандал? Земјоделците и сите корисници на оваа програма заслужуваат да ја знаат вистината. Оваа поддршка е наменета за нив, а не за профитирање и лични интереси на било какви функционери – рече Николовски.

The post НИКОЛОВСКИ ТВРДИ ДЕКА ПРОГРАМАТА ИПАРД 3 Е ПРЕКИНАТА Се запираат исплатите за земјоделците и за фирмите што склучиле договори appeared first on plusinfo.mk.