Новинарот Љупчо Златев остро реагира и ги демантира изјавите на поранешниот директор на Агенцијата за национална безбедност, Виктор Димовски, велејќи дека Димовски ги оштетил неговите чест и углед давајќи лажни информации во интервју за медиумот 360 степени. Златев побара медиумот да го објави неговиот демант и да ги исече деловите од објавеното интервју.

Во продолжение во целост го објавуваме демантот на новинарот Златев:

„Во вчерашната емисија на „360 степени“ емитувана на Јутјуб, беа изнесени низа на целосно неточни информации од страна на поранешниот директор на Агенцијата за Национална Безбедност, Виктор Димовски, кои имаат тенденциозна намера да штетат на моите чест и углед.

Имено, по 19. минута и 50 секунда од емисијата, моето име беше тема на разговор. Откако новинарот Васко Попетревски го спомена моето име, како пример за новинар кој бил пријавен во ОЈО од страна на АНБ под водство на Димовски, затоа што објавил наводно класифицирани информации,  Виктор Димовски тенденциозно и со намера да наштети на моите чест и углед изнесе неколку целосно неточни информации.

– Да, се работи за тој случај и тој беше соодветно процесуиран и ако добро се сеќавам изречена е пресуда во првостепена постака. Тоа можеби… по наша пријава за објавување на класифицирана информација, оддавање на службена тајна во медиуми. – рече Димовски.

Оваа изјава е целосно неточна, од три причини кои секој може да ги провери во Основниот суд „Скопје 1“, „Управниот суд“ и на веб страницата на Стејт Департментот на Соединетите Американски Држави:

1. Вистината е дека до денеска, 07.10.2025, повеќе од 5 години по почнувањето на судскиот процес против мене, во наведениот случај, врз мене не е изречена никаква првостепена пресуда. Виктор Димовски тенденциозно изнесува неточна информација, иако како сведок во случајот совршено добро знае дека никаква пресуда нема, во ниту една истанца. Имено, тој е сведок во судскиот процес и на десетици рочишта одбива да се појави и да се соочи со мене и со мојот адвокат Драган Пешевски иако од судот има уредна покана да се појави како пријавител и како одговорен за злоупотребите во АНБ за кој јас пишував во новинарската објава.

Значи, никаква пресуда нема и јас сум со години заглавен во судските лавиринти со огромни трошоци и огромен стрес за моето пошироко семејство. Судскиот процес против мене е обично злосторничко здружување на Зоран Заев, Виктор Димовски и Гаврил Бубевски за да престанам да пишувам критички за претходната влада на СДСМ. Толку беше тенденциозно, што надвор од судската пракса од ОЈО беше предложено во име на Виктор Димовски да сведочи „овластен сведок“, по што јас побарав да најдам „овластен обвинет“. Во 2022 година, Зоран Заев ми испрати емисари кои ми нудеа да ми го повлечат обвинението доколку за возврат почнам да работам за СДСМ. Чинам дека имаше и други слични случаи на новинари, проверете ги што прават денес.

2. Целосна лага е дека јас како главен уредник на lider.mk сум објавил класифицирани информации. Споменатата безбедносна проверка која јас ја објавив е поништена од Управниот суд на Република Северна Македонија. Кога еден документ е ништовен, тој не може да биде класифициран и да предизвика било какво правно дејство.

3. Доколку го отворите извештајот од 2020 година на Стејт Департментот на САД за човековите права во Македонија, ќе видите дека мојот случај е нотиран како еклатантен пример за кршење на човекови права.

Понатаму, во следниот дел од интервјуто, алудираќи дека јас сум нечесен Виктор Димовски вели:

– Никогаш некој кој што чесно си ја врши работата не бил таргет во мое време во АНБ, меѓутоа доколку некој дошол во судир со законот за Класифицирани информации, доколку дошол во судир со прашања поврзани со загрозување на националната безбедност, тогаш не е исклучена да агенцијата провери од каде… во дадениот случај истекле дадените… – вели Димовски.

Човек кој објавил декласифицирана безбедносна проверка во која има злоупотреби од страна на Виктор Димовски, е етикетиран како нечесен и како закана за националната безбедност. Ова е јасна клевета која има единствена намена да им штети на моите чест и углед без никаков доказ. Виктор Димовски во интервјуто за 360 со оваа изјава потврди дека јас сум бил незаконски следен.

Вознемирен сум од тоа што по изнесувањето на овие податоци, пред емитувањето на емисијата, согласно професионалните и етичките стандарди на новинарската професија не бев прашан од медиумот за мојата страна од приказната. Се надевам дека од тимот на 360 степени оваа неправда ќе биде исправена.

За да се спречи штетата на моите чест и углед, од продукцијата „360 степени“ барам да го објави овој демант во целост на иста насловна позиција на вашиот вебсајт (www.360stepeni.mk) и демантот да стои на оваа позиција исто толку долго колку и клеветничкото интервју на Димовски.

Во исто време, барам од Јутуб видеото да бидат исечени деловите во кои се зборува за мене, за лажната вест да не биде редистрибуирана“.

The post ВИКТОР ДИМОВСКИ ГО КЛЕВЕТИ ЉУПЧО ЗЛАТЕВ Новинарот остро ги демантира обвинувањата на поранешниот директор на тајната полиција appeared first on plusinfo.mk.

„Претставката е во однос на воведувањето на МКарта, со која се дискриминираат околу 2 милиони граѓани по бројни основи“, напишал Златев во својата објава, а потоа го објаснува својот потег.

„Во прилог, интегрално ви ја пренесувам содржината:

Со воведувањето на МКарта, директно се дискриминираат стотици илјади граѓани на нашата земја, вклучително и јас.

Имено, министерството предводено од господинот Бујар Османи донесе одлука според која носителите на оваа картичка ќе поминуваат забрзано на граничните премини.

Овие лица не се службени лица и не се носители на дипломатски или високи јавни функции, што значи дека немаат службени или дипломатски патни исправи. Оттука, секое нивно привилигирање во однос на останатите граѓани претставува дискриминација.

Дополнително изборот на „истакнати личности од земјата кои живеат во странство” е целосно нетранспарентен без јасно дефинирана методологија и единствено и со ексклузивно право на вработени во МНР да одлучуваат кој ќе добие ваков статус.

Се прави дискриминација врз основа на личен или општествен статус, имотен статус и социјално потекло, со тоа што на листата на привилигирани носители на МКарта се наоѓаат лица кои само затоа што се богати ќе поминуваат побрзо на граничните премини како успешни бизнисмени или индивидуалци во странство. На сметка на тоа, обичните граѓани ќе чекаат ред и ќе бидат дискриминирани.

Ред ќе чекаат и бремените жени, болните и изнемоштените и лицата со попреченост кои исто така се дискриминирани поради нивната здравствена состојба.

Во исто време, на листата од 69 носители носители на МКарта која беше објавена евидентно е дека не се опфатени бројни научници и интелектуалци кои според мене се изоставени само затоа што се Македонци и Православни христијани, што значи дека министерството и министерот Бујар Османи, дискриминираат и по основ на етничка припадност и религија“, објави Златев.

The post СО М-КАРТАТА СЕ ДИСКРИМИНИРААТ СТОТИЦИ ИЛЈАДИ ГРАЃАНИ Љупче Златев поднесе претставка до МНР и до Османи appeared first on plusinfo.mk.

„Насилството врз новинари е неприфатливо и доколку имало таков случај го повикувам МВР да го расчисти. Тоа што во моментов се прави е реализација на уште една хајка против мене, преку медиумите под контрола на Христијан Мицкоски. Во изминативе две години Мицкоски нарачуваше десетици измислени и неточни текстови само за да ја покрие сопствената неспособност да ја води партијата и да понуди визија која што ќе ги привлече граѓаните. Измислуваше дека тестовите за ковид-19 коишто беа донирани биле неквалитетни, а се најдобрите во светот. Измислуваше дека сум добивал тендери во здравство, а немам никаков допир со тој бизнис. Вчера измисли дека сум имал стан во Охрид, а денес измисли дека моето обезбедување учествувало во физички напад и за тоа ги злоупотребува медиумите блиски до партијата“, пишува Мијалков на Фејбук.

Тој му порачува на Мицкоски да се занимава со она што му е работа.

„Затоа ќе ти порачам, Христијан занимавај се со тоа што ти е работа. Три години времето го трошиш на мене, наместо да работиш на програма и понуда. Три години го трошиш просторот во медиумите кои се критички кон власта за пласирање лаги за мене, наместо да го искористиш за обединување на членството и жесток и конструктивен напад кон власта. Видовме до каде те доведе тоа. Наместо сигурна победа, сега секој член на ВМРО-ДПМНЕ е во исчекување дали ќе направиш Влада. Малку време ти остана, а ти наместо да преговараш со потенцијални партнери за коалиција и да обезбедуваш меѓународна поддршка, повторно се занимаваш со мене. Твој е изборот, но да знаеш дека и јас и останатите членови на ВМРО-ДПМНЕ очекуваме да успееш да го исполниш последното ветување да составиш влада, и ќе бидам еден од првите којшто ќе ти честита, но доколку не успееш, тогаш очекуваме да имаш доблест и да си стоиш на зборот дека ќе си поднесеш оставка“, напиша Мијалков.

The post Сашо Мијалков: Христијан, не шири измислици, моето обезбедување не нападнало никого и немам стан во Охрид appeared first on plusinfo.mk.

„Според Златев, тој бил физички нападнат од лице, подоцна идентификувано од нападнатиот, кое се обидело да го исфрли од локалот при што му биле нанесени повеќе лесни телесни повреди. Нападот е пријавен во полиција и ССНМ очекува брзо откривање на сторителите и нивно изведување пред лицето на правдата. Слободата на говор и плурализмот во медиумите се основи на секоја демократија и без основна безбедност на новинарите и медиумските работници, не е можно практикување на оваа професија. Ги повикуваме институциите, МВР и Основното јавно обвинителство итно да постапуваат во ваквите случаи и тие да не се оставаат нерешени, бидејќи неказнивоста значи и еден вид охрабрување на идните престапници. Уште еднаш потсетуваме дека е потребна итна измена на Кривичниот закон, при што нападот врз новинари и медиумски работници ќе се третира како напад врз службено лице, односно институциите ќе мора по службена должност да преземаат дејствија за расчистување на ваквите напади“, се вели во соопштението.

Осуда за нападот пристигна и од Агенцијата за аудио и аудивизуелни медиумски услуги (АВМУ).

„Нападите врз новинарите претставуваат загрозување на слободата на медиумите и на слободата на информирање. Секој вид на притисок води кон уназадување на демократските процеси и е спротивно на европските вредности, кон кои се стремиме. Агенцијата во повеќе наврати апелираше дека безбедноста на медиумските работници мора да биде загарантирана, затоа што само така ќе можат непречено да ја вршат нивната општествено одговорна професија“, наведено е во соопштението.

The post ССНМ и АВМУ го осудија нападот врз новинарот Љупче Златев appeared first on plusinfo.mk.