Пожарот на депонијата во Радовиш и натаму не е целосно ставен под контрола, а чадот што се шири над градот ги натера локалните власти да издадат сериозни препораки до граѓаните.

Градоначалникот на Радовиш и командант на Кризниот штаб, Љупчо Почивалец, во консултација со лекарите од Центарот за јавно здравје, апелира граѓаните да избегнуваат непотребен престој на отворено, особено во периодите кога чадот е најгуст.

Според информациите од Општината, на терен постојано работи механизација која со земја ги покрива запалените делови од депонијата за да се спречи понатамошно ширење на пожарот.

Од Кризниот штаб препорачуваат прозорците и вратите во домовите да се држат затворени, а да се исклучат и клима-уредите и системите за вентилација кои внесуваат воздух однадвор.

Граѓаните се советуваат да престојуваат во затворени простории, да избегнуваат спортски и рекреативни активности на отворено и да користат заштитни маски, особено од типот FFP2, FFP3 или N95.

Посебен апел е упатен за заштита на децата, постарите лица, бремените жени и лицата со хронични заболувања.

– Доколку се појават симптоми како кашлица, печење во очите, вртоглавица или отежнато дишење, веднаш да се побара медицинска помош – се наведува во препораките.

На работодавците им се препорачува, доколку има можност, да овозможат работа од дома за ризичните категории вработени.

Од Општина Радовиш велат дека сите надлежни служби се постојано на терен и работат на локализирање и целосно гаснење на пожарот.

Истовремено, апелираат граѓаните да останат смирени и да ги следат официјалните информации и препораки преку медиумите и надлежните институции.

The post АЛАРМ ВО РАДОВИШ, ДЕПОНИЈАТА ГОРИ ПЕТТИ ДЕН Граѓаните предупредени да седат дома и да носат маски appeared first on plusinfo.mk.

Љупче Почивалец, кандидатот на ВМРО-ДПМНЕ за градоначалник на Радовиш во видео вети изградба на прифатилиште за кучиња скитници во градот, доколку ја добие довербата од согрaѓаните.

– Се наоѓаме на локација покрај пречистителната станица во Радовиш. Овде е планирано да се изгради прифатилиште за кучињата скитници. Тоа е едно од најгорливите прашања на нашите сограѓани. Со тоа ќе обезбедиме поголема безбедност на граѓаните, подобрување на јавното здравје и секако хуман пристап кон животните – вели Почивалец.

The post ЉУПЧЕ ПОЧИВАЛЕЦ ВЕТУВА ПРИФАТИЛИШТЕ ЗА КУЧИЊА ВО РАДОВИШ Време да се реши горливиот проблем, вели кандидатот на ВМРО-ДПМНЕ appeared first on plusinfo.mk.