Според информациите на повеќе медиуми, за ректорската позиција ќе се натпреваруваат: деканот на Филозофски факултет проф. д-р Ратко Дуев, потоа, проф. д-р Горан Ајдински исто така од Филозофскиот факултет, проф. д-р Христина Спасевска од Факултетот за електротехника и информациски технологии (ФЕИТ) и актуелна проректорка за настава, проф. д-р Димитар Ташковски исто така од ФЕИТ, проф. д-р Атанас Кочов од Машински факултет, како и актуелната проректорка за финансии, проф. д-р Билјана Ангелова.

Денеска (вторник, 2 мај) на полноќ истекува рокот за поднесување кандидатури за избор на нов ректор на најстариот универзитет во земјата „Св. Кирил и Методиј“ (УКИМ). Согласно роковникот објавен на веб-сајтот на универзитетот, ќе се гласа на 30 мај, во периодот од 14 до 16 часот, на сите 23 факултети и 5 институти.

Мандатот на новиот ректор ќе биде од 16 септември 2023 до 15 септември 2026 година.

Претседателката на Универзитетската изборна комисија, проф. д-р Родна Живковска, за МИА изјави дека Комисијата утре на состанок ќе ја утврди листата на кандидатите кои ќе влезат во трка за прв човек на најстариот и најголем универзитет во земјава и тие ќе бидат објавени на веб-страницата на УКИМ.

Според Роковникот за изборите за ректор, листата ќе им биде доставена на кандидатите и тие ќе имаат право на приговор во рок од три работни дена. По рокот за приговори ќе бидат објавени и програмите за работа на кандидатите за нов ректор.

Гласањето на факултетите ќе се спроведе на 30 мај кога се очекува да биде избран новиот ректор на УКИМ. Тој треба да го наследи актуелниот, проф. д-р Никола Јанкуловски, кој оваа функција ја извршуваше во два мандата.

The post ОВИЕ ШЕСТ КАНДИДАТИ ВЛЕГУВААТ ВО ТРКАТА ЗА РЕКТОР НА УКИМ Голема битка за наследник на Јанкуловски appeared first on plusinfo.mk.

– Платите на вработените на УКИМ се исклучително ниски и се неколкупати помали од платите на универзитетите во регионот. Никогаш во својата историја вработените на УКИМ не биле во потешка материјална состојба од денес – соопшти Сојузот на синдикати на вработените на УКИМ.

На 2 јуни Сојузот одржа предупредувачки протест пред Ректоратот на УКИМ, на кој беше побарано Владата да обезбеди зголемување на платите.

Во најавата за протестот пред Владата, Сојузот на синдикати на вработените на УКИМ ги повикува и граѓаните да им дадат поддршка за обезбедување подобри услови и квалитет во високото образование и враќање на угледот на УКИМ.

The post УКИМ ЌЕ ПРОТЕСТИРА НА 30 ЈУНИ Најавен е мирен протест пред Владата appeared first on plusinfo.mk.