Индустриското производство во јуни 2026 година е зголемено за 6,5% во однос на јуни 2025 година, објави Државниот завод за статистика.

Растот, според податоците, го обезбедила преработувачката индустрија која за една година обезбедила раст од 7,9%.

Спротивно, производство во секторот „рударство и вадење камен“ во јуни на годишно ниво бележи опаѓање од 3,8%, додека, пак, секторот „снабдување со електрична енергија, гас, пареа и климатизација“ опаѓање од 8,2%.

Најголемо влијание врз порастот на индустриското производство во јуни 2026 година, во однос на јуни 2025 година, има зголемувањето на производството во одделите: „производство на други неметални минерални производи“ со раст од 35,6%, „производство на моторни возила, приколки и полуприколки со 15,9% и  „производство на електрична опрема“ со раст од 3,8 %

Според главните индустриски групи, производството во јуни 2026 година, во однос на јуни 2025 година, бележи пораст кај Интермедијарни производи, освен енергија за 11,7%, Капитални производи за 8,6%, Трајни производи за широка потрошувачка за 8,6% и Нетрајни производи за широка потрошувачка за 2,0%, додека опаѓање бележи кај Енергија за 11,1%.

Индексот на индустриското производство во периодот јануари – јуни 2026 година, во однос на периодот јануари – јуни 2025 година, изнесува 100.9.

The post ИНДУСТРИСКОТО ПРОИЗВОДСТВО ВО ЈУНИ ПОРАСНА ЗА 6,5% Преработувачката индустрија го носи растот appeared first on plusinfo.mk.

Инфлацијата мерена преку индексот на трошоците на животот во јуни во однос на мај 2026 година, бележи намалување од 0,5%, а цените на мало од 0,8%. На годишно ново инфлацијата се зголеми за 3,4 %, а цените на мало за 3,6 %, објави Државниот завод за статистика.

Во јуни 2026 година, во однос на мај 2026 година, намалување на трошоците на животот е забележано во групите „транспорт“ за 1,6% и „храна и безалкохолни пијалаци“ за 1,1%.

Зголемување на трошоците на животот е забележано во следните групи: „рекреација, спорт и култура“ за 1,4%, „лична нега, социјална заштита и разновидни стоки и услуги“ за 0,5%, „покуќнина, опрема за домаќинствата и редовно одржување на домаќинствата“ и „ресторани и услуги за сместување“ за 0,3 %, „здравствена заштита“ и „информации и комуникации“ за 0,2%, „облека и обувки“ за 0,1 %.

Трошоците на животот во групите „алкохолни пијалаци, тутун и наркотици“, „домување, вода, електрична енергија, гас и други горива“, „услуги за образование“ и „осигурување и финансиски услуги“ остануваат на исто ниво како и во претходниот месец.

The post ИНФЛАЦИЈАТА ВО ЈУНИ СЕ НАМАЛИ ЗА 0,5% На годишно ниво изнесува 3,4% appeared first on plusinfo.mk.

Денешното утро во Македонија донесе претежно ведро и невообичаено свежо време за овој период од годината, со температури пониски од просекот за месец јуни. На повеќе места низ државата утринските температури се спуштија под 10 степени Целзиусови.

Во текот на денот времето ќе биде претежно сончево и стабилно, со појава на мала локална облачност.

Дневните температури ќе се движат во интервал од 21 до 29 степени, додека во Скопје и околината максималната температура ќе достигне околу 27 степени Целзиусови.

И покрај свежиот почеток на денот, граѓаните ќе можат да уживаат во пријатно и стабилно време, без најава за врнежи и позначителни временски промени.

Повеќе детали од метеопрогнозата на Славчо Попоски на следниот ЛИНК.

The post СВЕЖО УТРО ВО СРЕДИНА НА ЈУНИ Македонија се разбуди со температури под просекот appeared first on plusinfo.mk.

Подготовката на физибилити-студијата за проектот за брза пруга е во тек и конечната верзија треба да биде готова во јуни.

– Подготовката на студијата трае 270 дена и мора да помине мај за да биде комплетно изработена. Во јуни би требало да ја имаме – рече денеска премиерот Христијан Мицкоски во одговор на новинарско прашање.

И министерката за финансии Гордана Димитриеска-Кочоска посочи дека студијата е во подготовка.

– Сето тоа е во подготовка. Физибилити-студија не може да се изработи за неколку месеци, треба да помине одреден период. Дополнително, се прави ревизија на физибилити-студијата – изјави Димитриеска-Кочоска.

The post ПРИ КРАЈ Е СТУДИЈАТА ЗА ЕКОНОМСКАТА И ЗА ФИНАНСИСКАТА ИСПЛАТЛИВОСТ НА БРЗАТА ПРУГА Во јуни владата ќе ја има на увид appeared first on plusinfo.mk.

Просечната месечна исплатена нето-плата по вработен во јуни годинава изнесува 45.468 денари и е повисока за 8,4%, објави денеска Државниот завод за статистика (ДЗС).

Зголемувањето се должи, пред сѐ, на порастот на просечната месечна исплатена нето-плата по вработен во секторите: Образование за 14,7 %, Дејности на здравствена  и социјална заштита за 12,7% и Рударство и вадење камен за 12,2%.

Намалување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување за 7,5%, Трговија на големо и трговија на мало; поправка на моторни возила и мотоцикли за 4,3 % Транспорт и складирање за 2,1 %

Во јуни годинава просечната месечна исплатена бруто-плата изнесува 68.340 денари.

The post ПРОСЕЧНАТА НЕТО-ПЛАТА ПОРАСНА ЗА 8,4% Сега изнесува 45.468 денари appeared first on plusinfo.mk.

Јуни беше месец на добитници. Видеолотарија Касинос Австрија им исплати фантастични 67.805.636 денари на своите играчи на ВЛТ терминалите – што е над еден милион евра! Оваа импресивна бројка уште еднаш ја потврдува среќата и довербата што играчите ја имаат во видеолотариските игри на среќа.

 Јуни донесе нова радост за играчите на ВЛТ. Среќните статистики од овој месец покажуваат:

• 3 СУПЕР МИЛИОНЕР џекпот добитници – заедно поделија 18.945.367 денари
• 17 МИЛИОНЕР џекпот добитници – вкупно исплатени 25.756.557 денари
• 1816 добитници на МИНИ џекпот – со добивки од вкупно199.006 денари
• Премиум џекпот добитникот од Охрид – Б.Б. на 07.06.2025 освои ексклузивен Mercedes AMG

Овие бројки не се само статистика – тие се нови среќни приказни што се создаваат секојдневно на ВЛТ терминалите ширум државата.

Видеолотарија Касинос Австрија веќе 10 години успешно работи во согласност со сите законски регулативи и меѓународни стандарди. Во овој период, исплатени се повеќе од 3 милијарди денари на среќни играчи низ Македонија – доказ за транспарентност, стабилност и доверба.

Компанијата работи согласно важечката законска регулатива и светските стандарди за организирање на игри на среќа, што ни овозможи лидерска позиција на полето на електронските игри на среќа.

#ИграјЗаЗабава #ИграјОдговорно #СуперМилионерЏекпот #МилионерЏекпот

The post ПОВЕЌЕ ОД ЕДЕН МИЛИОН ЕВРА ИСПЛАТЕНИ ДОБИВКИ ВО ЈУНИ Видеолотарија Касинос Австрија за 10 години исплати 3 милијарди денари на среќни играчи appeared first on plusinfo.mk.

Министерот за дигитална трансформација Стефан Андоновски очекува Предлог законот за сајбер безбедност до крајот на месецов да ја помине владината процедура и на почетокот на јуни да влезе во собраниска процедура.

Тој очекува новото законско решение да биде поддржано од сите пратеници.

-Имајќи во вид колку сајбер нападите сега се насочуваат кон критичната инфраструктура и колку на удар може да бидат системите за производство и снабдување со електрична енергија од исклучително значење е ваквиот самит на кој ќе се дискутираат политиките на дигитализација во смисла на енергетиката – изјави Андоновски пред почетокот на Националниот самит за дигитална енергетска и безбедна критична инфраструктура.

Тој нагласи дека македонските енергетски капацитети се безбедни.

-Граѓаните треба да бидат спокојни. Електропреносниот систем е безбеден. Поради некои случки од пред година до година и половина во соработка со нашите стратешки партери се направени некои сериозни напори за обезбедување на мрежата  и во моментов може да кажам дека станува збор за безбеден систем што не значи дека тоа е дадено еднаш за секогаш. Ќе треба дополнително да се работи на нивна заштита. Мислам дека со Законот за сајбер безбедност ќе обезбедиме патоказ како да се заштитуваат институциите и електропреносниот систем – посочи Андоновски.

Министерката за енергетика, рударство и минерални суровини Сања Божиновска потсети дека лани во МЕПСО имаше сајбер напад кој траеше многу месеци.

-Тоа е критична инфраструктура за целата држава и мора да дадеме голем акцент, односно да се заштитени далноводите и целото наше производство и комуникација со хидро и термо централите. Тоа е од национално значење како и секаде во светот. Работиме на тоа во соработка со министерот за дигитална трансформација и со законот ќе има и новитети – потенцира Божиновска.

Процесот на заштита на енергетските објекти, како што рече, ќе го води Министерството за дигитална трансформација, а Министерството за енергетика ќе биде вклучено во тоа.

-За нас е најважно да бидеме безбедни бидејќи тоа е од национално значење. Не сме разговарале кој ќе врши сајбер безбедност – приватна компанија или тоа ќе се прави со државни ресурси, но ќе разговараме понатаму и ќе го избереме она што ќе биде најдобро за граѓаните – рече Божиновска.

The post ЗАКОНОТ ЗА САЈБЕР БЕЗБЕДОСТ ВО ЈУНИ ПРЕД ПРАТЕНИЦИТЕ Андоновски очекува поддршка од сите пратеници appeared first on plusinfo.mk.

Премиерот Христијан Мицкоски денеска рече дека, поради локалните избори, ребаланс на Буџетот ќе има најверојатно на крајот на јуни.

Одговорајќи на новинарски прашања во рамки на посетата на општина Штип, Мицкоски напомена дека се уште не е направена анализа, но ќе се направи по што ќе се излезе со предлог пред пратениците.

– Логично е да има прераспределба на средства во месецот што следи поради импликацијата врз буџетските средства како резултат на проектите што ги поднесоа општините на вториот повик, зашто се работи за вкупно 16 милијарди денари. Логично е најмалку еднаш во годината да има ребаланс. Лани тоа беше при крајот на јули, но годинава тоа ќе биде проблем зашто ќе се распишат локалните избори и затоа ќе биде најверојатно на крајот на јуни- изјави Мицкоски.

Тој дека треба да се направи анализа пред да се испрати предлог за ребаланс на буџетот пред пратениците.

– Важно е дека владините мерки даваат резултати, имаме дефлација два месеца по ред, раст на индустриското производство во првиот квартал единствени во регионот и едни од ретките во Европа, имаме позитивна бројка во делот на извозот во првото тромесечје, очекувам резултат што ќе ги натфрли проекциите на меѓународните институции во делот на растот на БДП. Има неколку параметри кои дават јасна слика на траекторијата во која макроекономски треба да се движиме и тие ќе бидат опфатени во ребалансот – истакна Мицкоски.

The post ЛОКАЛНИТЕ ИЗБОРИ ГО ПОМЕСТИЈА РЕБАЛАНСОТ НА БУЏЕТОТ Мицкоски најави дека ќе биде донесен до крајот на јуни appeared first on plusinfo.mk.

Kои домаќинства ќе добијат субвенции за електрична енергија ќе се знае во  јуни кога ќе биде објавен и конечниот список, информира Министерството за енергетика.

Досега се пристигнати и првично прегледани вкупно 745 апликации за двете категории. Вкупно 488 апликации се  од домаќинства со деца со попреченост. Од нив 344 ја имаат доставено потребната документација, а 144 се одбиени по различни основи.

За згрижувачки семејства, пристигнати се 257 апликации, од кои 110 се со уредна документација, а 102 се одбиени.

Според Министерството, по завршување на проверката на документацијата ќе следи дополнителна проверка на податоците со УЈП, Министерството за труд и социјална политика и ЕВН Хоум.

– Очекуваме во јуни 2025 година да бидат објавени конечните списоци за двете категории на домаќинства, по што ќе отпочне исплатата на субвенциите – велат од Министерството за енергетика.

Програмата за заштита на ранливи потрошувачи на енергија за 2025 година, предвидува секое домаќинство кое ги исполнува критериумите да добие субвенција од 1.000 денари месечно за покривање на дел од трошоците за електрична енергија, во траење од 12 месеци.

Оваа финансиска поддршка, како што се наведува, е дел од заложбата на Министерството за системска и правична помош за ранливите семејства, со јасно таргетирани мерки кои директно ги намалуваат енергетските трошоци на најзагрозените категории граѓани.

The post 745 ДОМАЌИНСТВА ПОБАРАЛЕ СУБВЕНЦИИ ЗА СТРУЈА Во јуни ќе се знае кои од нив ќе добиваат по 1.000 денари месечно appeared first on plusinfo.mk.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Финансиски дејности и дејности на осигурување (24,6 %), Административни и помошни услужни  дејности (22,9 %) и Јавна управа и одбрана; задолжително социјално осигурување (19,6 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување (21,1 %), Трговија на големо и трговија на мало; поправка на моторни возила и мотоцикли (5,4 %) и Административни и помошни услужни дејности (4,5 %).

Највисоки просечни нето плати и во овој месец се исплатени во секторот „информации и комуникации“ од  76.518 денари, а најнизок просек од 25.202 денари е исплатен во секторот „заштитни и истражни дејности“.

The post ПРОСЕЧНАТА НЕТО-ПЛАТА ВО ЈУНИ ИЗНЕСУВА 41.939 ДЕНАРИ Компјутерџиите и натаму се на врвот со просек од 76.518 денари appeared first on plusinfo.mk.