Унгарскиот премиер Виктор Орбан вети поинтензивна соработка и помош за Република Српска, а претседателот на РС, Милорад Додик на посетата во Будимпешта најави дека ќе се воведе изучување на унгарски јазик во неколку училишта во Република Српска.

Унгарија со години е главниот европски столб на политиката на Додик, а Орбан е неговиот најголем и отворен заштитник, кој најавува дека ќе стави вето на повеќекратните најави за санкции на Европската унија против РС, пишува Klix.ba

„Унгарија е силно против употребата на санкции во случајот на БиХ и Србите во БиХ, бидејќи тие можат да доведат до ескалација на тензиите поради нивната контрапродуктивна природа“ – се наведува во соопштението од средбата.

Унгарија води многу поинтензивна политика со ентитетот на РС отколку со државата Босна и Херцеговина. Под владеењето на Орбан, Унгарија има интерес да инвестира во телекомуникациите, енергијата и финансискиот сектор во Босна и Херцеговина, а пред се во РС.

Додик потврди дека Унгарија ќе ги преземе проектите во Република Српска што ги откажа Германија како форма на санкции против Додик. Унгарија му вети на Додик и му даде одредена сума пари за да ги пополни дупките во буџетот, пишува Klix.ba

Вчера Додик најави дека ќе започне пилот проект за изучување на унгарскиот јазик во десетина училишта во Република Српска. Тој најави и дека унгарски професори ќе почнат да предаваат на факултетите во Република Српска.

Во речиси 30 училишта во Република Српска рускиот јазик се изучува како втор странски јазик, а во последните неколку години учениците имаат можност да учат и кинески.

The post ВО РЕПУБЛИКА СРПСКА ЌЕ СЕ ИЗУЧУВА УНГАРСКИ ЈАЗИК Орбан дава помош, Додик воведува образовен проект appeared first on plusinfo.mk.