Централниот окружен суд во Сеул го осуди поранешниот јужнокорејски претседател Јун Сук-јеол на доживотен затвор, по обвинението за поттикнување бунт поради неговата краткотрајна воена состојба во декември 2024 година.

Судот, кој првично го прогласи Јун за виновен за бунт, ја донесе првата пресуда во случајот. Во пресудата се вели дека тој имал цел да го распушти парламентот со испраќање војници во зградата на законодавниот дом.

Канцеларијата на специјалниот обвинител препорача смртна казна.

The post ДОЖИВОТЕН ЗАТВОР ЗА ПОРАНЕШНИОТ ПРЕТСЕДАТЕЛ НА ЈУЖНА КОРЕЈА Прогласи воена состојба и поттикна бунт, обвинителството бараше смртна казна appeared first on plusinfo.mk.

Поранешниот претседател на Јужна Кореја, Јун Сук Јеол, наводно осмислил таен план за испраќање беспилотни летала во срцето на Пјонгјанг со цел да предизвика воен одговор од Северна Кореја. Целта, според обвинителите, била да се оправда прогласување вонредна состојба и преземање контрола врз државата, јави Си-Ен-Ен.

Меморандуми пронајдени на телефонот на висок функционер за одбрана содржат детали за операција која требала да создаде „нестабилна ситуација“ на Корејскиот Полуостров. Во документите се наведува дека акцијата требала да ги насочи беспилотните летала кон резиденциите на Ким Јонг Ун во Самџијон и Вонсан.

Обвинителите објавиле дека доказите ги потврдуваат севернокорејските обвинувања за повреда на воздушниот простор во октомври 2024 година. Тие веруваат дека Јун и двајца високи воени претставници подготвувале провокација што би предизвикала вооружен одговор од Пјонгјанг.

– Се верува дека со испраќање беспилотни летала во срцето на Северна Кореја и фрлање летоци со кои се критикува Ким Јонг Ун, целта била да се предизвика воен одговор од Северот – изјави пензионираниот генерал Ким Бјунг-џу, сега пратеник на Демократската партија.

Тој вели „беше како да им се држи нож на грло“.

Во белешките од 18 октомври минатата година пишува:

„Мора да создадеме нестабилна ситуација или да ја искористиме можноста што е создадена“. Друга белешка споменува „насочување кон место каде што Северна Кореја го губи угледот до тој степен што нема друг избор освен да одговори“.

Во запис од 5 ноември се додава: „Непријателската акција мора да дојде на прво место. Мора да има воена ситуација“.

Адвокатот на Јун, Ју Џонг-хва, го нарекол обвинението „еднострано гонење“ и „апсурдно“. Портпаролката на обвинителството, Парк Џи-јанг, изјавила дека истражителите се „згрозени“ од откритието.

Аналитичарите предупредуваат дека ваквите летови би можеле да бидат протолкувани како чин на војна и да доведат до директен судир меѓу двете Кореи. Професорот Леиф-Ерик Изли од Универзитетот Евха во Сеул нагласил дека ваквите потези „претставуваат опасна интеракција меѓу домашната и безбедносната политика“.

Според Виктор Ча од Центарот за стратешки и меѓународни студии, акцијата би го прекршила договорот за прекин на огнот, потсетувајќи дека „во демократија, како Јужна Кореја, за вакви потези се сноси политичка одговорност“.

The post ПЛАНОТ БИЛ ДА СЕ ИСПРАТАТ ДРОНОВИ ВО СРЦЕТО НА ПЈОНГЈАНГ Шокантно признание, Северна и Јужна Кореја биле на раб на војна appeared first on plusinfo.mk.

Суспендираниот јужнокорејски претседател Јун Сук Јеол денеска е приведен поради тоа што накратко воведе воена состојба во декември, јави официјалната новинска агенција Јонхап.

Полицајците и персоналот од канцеларијата за борба против корупцијата на Јужна Кореја утрово го придружуваа Јун од неговата резиденција за да го одведат до канцеларијата на јавниот обвинител во нивниот втор обид да го сторат тоа, информира Јонхап.

Операцијата изгледаше мирна и покрај сериозните безбедносни грижи, пренесе ДПА.

Јонхап ја цитира Канцеларијата за истраги за корупција за високи функционери (ЦИО), која соопштила дека налогот за притвор бил извршен во 10.33 часот (01.33 по Гринич).

Ова е првпат во историјата на земјата да биде уапсен актуелен претседател на Јужна Кореја.

Јун бил виден како влегува во седиштето на ЦИО на испрашување. Според Јонхап, истражителите ќе бараат налог за формално апсење на претседателот во рок од 48 часа.

Тој изјави дека се предал на сослушување за да избегне какво било насилство, откако повеќе од 3.000 полицајци марширале кон неговата резиденција за да го уапсат во рано утринава.

– Иако се работи за незаконска истрага, решив да се согласам да се појавам во ЦИО со цел да се спречи грдото крвопролевање – рече Јун во снимена видео порака објавена по неговото апсење.

BREAKING: CIO says they executed the warrant to detain impeached South Korean President Yoon Suk Yeol to question him over his botched martial law decree pic.twitter.com/SRSkWkZgV7

— Joseph Kim (@josungkim) January 15, 2025

Уставниот суд на Јужна Кореја вчера го одложи првото рочиште во постапката за импичмент против Јун (64) бидејќи тој не беше присутен. Тој преку својот адвокат изјавил дека не присуствувал поради безбедносни причини.

На 3 декември, Јун накратко прогласи воена состојба за време на спор околу буџетот со опозицијата.

Во средината на декември, пратениците го сменија од функцијата до понатамошно известување по обвиненијата за злоупотреба на власта и бунт, а Уставниот суд моментално ја разгледува одлуката.

Јун ја бранеше својата одлука со изјавата дека прогласил воена состојба за да ја заштити нацијата од „антидржавните сили“ – што значи неговите политички противници.

Засега со државните работи раководи поранешниот министер за финансии и вицепремиер Чои Санг Мок.

The post 🎥📷 УАПСЕН Е ЈУЖНОКОРЕЈСКИОТ ПРЕТСЕДАТЕЛ 3.000 полицајци маршираа кон неговата резиденција appeared first on plusinfo.mk.

Јужнокорејскиот суд денеска го одобри налогот за апсење на претседателот, Јун Сук Јеол, кој беше отповикан и суспендиран поради неговата одлука да воведе вонредна состојба на 3 декември, објави агенцијата Јонхап.

Канцеларијата за истраги за корупција (ЦИО), која го истражува Јун за неочекуваното воведување на воена состојба, потврди дека Окружниот суд во Сеул го одобрил налогот за апсење.

ЦИО не ги коментираше причините на судот за одобрување на наредбата за апсење, а самиот суд одби да коментира.

Не е познато кога и како ќе биде извршен налогот за апсење на Јун.

Безбедносната служба на јужнокорејскиот претседател денеска соопшти дека по налогот за апсење ќе се постапи во согласност со законската процедура.

Судот одобри и налог за претрес на резиденцијата на Јун, објави ЦИО.

Полицијата претходно неуспешно се обиде да ја претресе претседателската канцеларија како дел од истрагата бидејќи службата за безбедност на претседателот им забранила пристап.

Ова е прва потерница издадена во Јужна Кореја за актуелен претседател, јавуваат локалните медиуми.

Јужнокорејските власти вчера побараа налог за апсење на Јун кој се соочува со кривична истрага поради можни обвиненија за бунт.

Обвинението за бунт е едно од ретките за кои јужнокорејскиот претседател нема имунитет.

Привремениот лидер на владејачката Партија на народна моќ (ППП), Квеон Сеонг Донг, денеска изјави дека обидот за апсење на актуелниот претседател е несоодветен, пренесе Јонхап.

Бирото за истраги за корупција вчера соопшти дека Јун игнорирал три покани да се појави на сослушување.

Неуспешниот обид на Јун да воведе воена состојба ја шокираше нацијата, но тој беше отфрлен само неколку часа подоцна по големите реакции на јавноста.

Јужна Кореја оттогаш е во политичка криза. Националното собрание гласаше за импичмент на Јун на 14 декември, а Уставниот суд отвори постапка за да донесе конечна одлука дали гласањето на собранието е уставно или не.

Чои Санг Мок од петокот ја извршува функцијата претседател на земјата, откако пратениците гласаа за импичмент на вршителот на должноста претседател Хан Дак Су, едвај две недели откако Јун беше соборен од претседателската функција.

The post ПРЕТСЕДАТЕЛОТ НА ЈУЖНА КОРЕЈА ЌЕ ЗАВРШИ ЗАД РЕШЕТКИ?! Судот го одобри налогот за апсење на Јеол appeared first on plusinfo.mk.

Jужнокорејскиот претседател Јун Сук Јеол, кој се соочува со смена откако се обиде да воведе вонредна состојба пред една недела, рече дека „ќе се бори до последен момент“, обвинувајќи ја опозицијата дека предизвикува национална криза.

– Парламентот стана чудовиште што го уништува уставниот поредок на либералната демократија. Ќе се борам со народот до последен момент – додаде тој, потврдувајќи дека „нема да бега од правна и политичка одговорност за прогласување вонредна состојба“.

Јун Сук Јеол ја запрепасти земјата со тоа што ненадејно воведе вонредна состојба ноќта меѓу 3 и 4 декември, пред да биде принуден да ја укине шест часа подоцна под притисок на парламентот и немири на улиците во Сеул.

По одлуката на претседателот, народот почна да се собира пред парламентот, каде што дојде до судири. Армијата влезе и во зградата на парламентот. Пратениците го пробија полицискиот кордон, некои ја прескокнаа оградата за да влезат во парламентот и да побараат од Јун да ја укине воената состојба неколку часа откако беше прогласена.

Ситуацијата се смири по блокадата на прогласувањето вонредна состојба.

Јун сега е под кривична истрага за наводен бунт поради неуспешното прогласување на воена состојба, што ја предизвика најголемата политичка криза во Јужна Кореја во изминатите децении.

Тој избегна барање за разрешување од страна на Националното собрание во саботата, а беше спасен од неговата партија. Но, сега се соочува со второ гласање за импичмент во Парламентот, што се очекува в сабота.

Неговите коментари денеска, дојдоа откако лидерот на партијата на Јун рече дека претседателот не покажал знаци дека ќе поднесе оставка и дека мора да биде отповикан.

Парламентот на Јужна Кореја денеска усвои предлог за разрешување на началникот на националната полиција и министерот за правда поради нивната улога во спроведувањето на рестриктивните мерки за време на воената состојба, која неколку часа беше воведена минатата недела.

The post ЈУЖНОКОРЕЈСКИОТ ПРЕТСЕДАТЕЛ ЌЕ СЕ БОРИ ДО КРАЈ Јун Сук Сеол го очекува вториот импичмент в сабота appeared first on plusinfo.mk.

Лидерот на јужнокорејската владејачка партија, Хан Дак Су, денеска изјави дека е неопходно да се суспендираат уставните овластувања на претседателот Јун Сук Јеол, објавија јужнокорејските медиуми.

Хан рече дека за време на воената состојба, што Јун ја прогласи претходно оваа недела, претседателот наредил апсење истакнати политичари со образложение дека тие биле дел од „антидржавните сили“.

Коментарите на лидерот на Народната партија сугерираат дека неговата партија ќе го промени претходниот став за спротивставување на импичментот на претседателот Јун поради неговата воена состојба.

Главната опозициска Демократска партија и другите помали опозициски партии поднесоа заеднички предлог за импичмент во средата против Јун поради неговото прогласување воена состојба претходната вечер. Воената состојба траеше околу шест часа бидејќи Националното собрание бргу гласаше за поништување на одлуката на претседателот, принудувајќи ја неговата влада да ја укине истата пред зори во средата.

• ЈУЖНА КОРЕЈА ВЛЕЗЕ ВО ПОЛИТИЧКА КРИЗА Фрчат оставки, премиерот е спремен да му служи на народот „до самиот крај“

Сред политичката криза во државата, американскиот секретар за одбрана, Лојд Остин, не планира да патува во Јужна Кореја, изјавија американски претставници за локални медиуми, по неуспешниот обид на јужнокорејскиот претседател Јун Сук-Јол да изврши воен удар оваа недела.

Едно од официјалните лица, кое сакаше да остане анонимно, рече дека патувањето било планирано, но дека сега е одлучено дека не е вистинското време за тоа.

ПОВЕДЕНА ИСТРАГА ПРОТИВ ПРЕТСЕДАТЕЛОТ НА ЈУЖНА КОРЕЈА Јун се соочува и со гласање за отстранување од функцијата

The post ПРЕМИЕРОТ НА ЈУЖНА КОРЕЈА ПОВИКА НА БРЗ ПРЕКИН НА ОВЛАСТУВАЊАТА НА ПРЕТСЕДАТЕЛОТ Американскиот министер за одбрана го откажа своето патување во државата appeared first on plusinfo.mk.

Претседателот на Јужна Кореја, Јун Сук Jеол, денеска прогласи воена состојба со цел да се искоренат „просевернокорејските сили“ и да се одржи уставниот поредок.

Северна Кореја минатиот месец ги прекина електричните водови, инсталирани од Јужна Кореја за снабдување со електрична енергија на затворениот заеднички индустриски парк, и дигна во воздух делови од патишта што ја поврзуваат со Јужна Кореја, северно од воената демаркациска линија.

Претходно, Северна Кореја ги отстрани уличните светла и постави мини долж патиштата Џеонги и Донге, a и распореди војници на својата страна од демилитаризираната зона.

The post ЈУЖНА КОРЕЈА Е НА РАБ НА ВОЈНА? Претседателот прогласи воена состојба appeared first on plusinfo.mk.