Турскиот министер за внатрешни работи, Мустафа Чифчи објави дека над четири петтини од животните-скитници во Турција се веќе згрижени. Веста дојде по презентацијата на мобилната апликација за контактирање на бројот за итни случаи, објави Турската државна телевизија „ТРТ хабер“.

– Вкупно 81 отсто од животните-скитници се згрижени во сите 81 округ на Турција. Од нив, 19 отсто остануваат вон прифатилиштата. Нивното згрижување е важно и за безбедноста на граѓаните и за здравјето на самите животни – рече турскиот министер, уверувајќи дека животните ќе бидат сместени во модерни прифатилишта.

Покрај скитниците, новата мобилна апликација ќе овозможи и пријавување на повредени животни.

Најновите статистички податоци за бројот на згрижени бездомни животни Чифчи ги претстави во април, кога изјави дека 75 отсто од нив се згрижени. Исто така, ќе може да се пријават незгрижени животни со испраќање фотографии од нив.

Во Турција беше донесен закон, според којшто милиони кучиња скитници ќе бидат сместени во прифатилишта. Така, нивното отстранување од улиците почна пред речиси две години. Градот Истанбул во тоа време наложи животните-скитници во метрополата да бидат примени до крајот на мај 2026 година.

Според турското Министерство за земјоделство и шумарство, бројот на кучиња-скитници во земјата е околу четири милиони, но според Здружението на ветеринари, тие надминуваат осум милиони единки.

The post ТУРЦИЈА ЗГРИЖИЛА ПОВЕЌЕ ОД 80% ОД УЛИЧНИТЕ КУЧИЊА Во земјата има околу 8 милиони кучиња-скитници appeared first on plusinfo.mk.

Општина Карпош потврдува дека бројот на бездомни кучиња на територијата на оваа општина навистина е зголемен во последно време, како што претходно алармираше Здружението за заштита на животните „Анима Мунди“, и исто така побара интервенција на надлежните служби.

„Општина Карпош Ве известува дека будно ја следи состојбата со зголемениот број на улични кучиња на наша територијата и од тие причини веднаш реагиравме до Град Скопје и ЈП Лајка со барање за заедничка соработка и решавање на овој проблем. Екипите од ЈП Лајка веќе се на терен на повеќе локации во општината при што се врши заловување и хуман третман на кучињата согласно процедурите и стандардите за благосостојба на животните“, се вели во соопштението на Општина Карпош објавено на социјалните мрежи.

Претходно „Анима Мунди“ јавно побара „итна, темелна и независна истрага“ поради сериозни индиции дека во тек е организирано внесување и дислоцирање на кучиња во град Скопје, од други градови, па дури и од соседни земји. Според невладината организација, кај некои од уличните кучиња во Карпош биле забележани ушни маркички од Албанија.

ВО СКОПЈЕ ОТКРИЕНИ УЛИЧНИ КУЧИЊА СО УШНИ МАРКИЧКИ ОД АЛБАНИЈА!? „Анима Мунди“ бара да се спречи нелегалниот прекуграничен транспорт на кучиња

The post ИМА МНОГУ УЛИЧНИ КУЧИЊА, ГИ ЗАЛОВУВАМЕ НА ХУМАН НАЧИН Општина Карпош признава дека има проблем со бездомните животни appeared first on plusinfo.mk.

На денешниот, шести координативен состанок на ЦУК, на владини институции и невладини организации за решавање на проблемот со бездомните кучиња, директорот на ЦУК, Стојанче Ангелов направи сублимат од досегашните разговори и истакна дека договорените процедури треба да се започнат во најбрз можен период.

– Секаде онаму каде што имаме кучиња за коишто ќе има пријава дека се агресивни, дека напаѓаат, истите треба да добијат приоритет при заловување, потоа тие треба да бидат прочистени, вакцинирани, стерилизирани, чипирани и да се обидеме за нив да најдеме сопственик.  Откако ќе најдеме човек којшто ќе ги прифати овие кучиња, тие ќе бидат предадени, но во краен случај кога некој нема да сака да вдоми одредено агресивно куче, со претходно утврдено вештачење од страна на овластен вештак, истите ќе бидат евтанизирани и нема да бидат вратени на улица. Се работи за мал број на детектирани агресивни кучиња – истакна Ангелов.

Тој наведе дека за останатите бездомни кучиња е планирана акција која би траела околу шест месеци.

– Во една масовна акција со ангажирање на сите лица, сите институции, невладини организации да бидат заловени, потоа прочистени, стерилизирани, вакцинирани и чипирани и вратени назад на улица. На тој начин може најквалитетно да се постави контрола на растот на популацијата на бездомните кучиња – посочи Ангелов.

Директорот на ЦУК, осврнувајќи се на проблемот со наводните лажни пријави за напади од бездомни кучиња, нагласи дека е побарано од Министерството за внатрешни работи и Јавното обвинителство да вршат засилена контрола на вистинитоста на нападите, бидејќи, како што наведе, често се случува да имаме лажни пријави за напади од кучиња при тоа мотивите можат да бидат парични, луѓе кои што пријавуваат дека се каснати од каче прават фиктивни повреди и на тој начин добиваат одредена материјална корист.

Тој посочи дека една од причините да се верува во таа појава е тоа што откако Град Скопје почна да исплаќа надомест на штета за нападнати лица, се зголемил бројот на пријави за напади.

Ангелов рече дека на состаноците се зборувало и за сомнителни стерилизации на бездомни кучиња, односно дека на улица можат да се забележат уредно обележани кучиња коишто имаат и чип дека се стерилизирани, но позади нив одат по пет-шест нивни кутриња.

– Имаме случаи кога одредени општини ги собираат кучињата во комбиња и ги носат на територијата на друга општина. Побаравме МВР да посвети поголемо внимание на возила коишто носат бездомни кучиња. Ваквата појава постои можност да е раширена на територијата на цела држава – истакна Ангелов.

Тој, го нагласи и проблемот со сопствениците кои ги напуштаат кучињата што ги чувале и рече дека истите треба да бидат пријавени.

– Друг проблем е бришењето на еден од законите за прекршоци којшто предвидуваше казни на сопствениците на кучиња којшто несовесно се однесуваат кон своите кучиња, односно ги пуштаат да се движат небезбедни на улица и претставуваат закана за безбедноста на граѓаните – потенцираше директорот на ЦУК.

Тој посочи дека Кинолошкиот сојуз дал предлог и побарал да им се обезбеди плац каде што тие самите ќе изградат прифатилиште за кучиња коишто личат на расни кучиња, но не се расни кучиња бидејќи немаат педигре.

The post АГРЕСИВНИТЕ КУЧИЊА КОИ НЕМА ДА БИДАТ ВДОМЕНИ ЌЕ БИДАТ ЕВТАНАЗИРАНИ Стојанче Ангелов го откри планот на ЦУК за уличните кучиња appeared first on plusinfo.mk.

Бројот на граѓани каснати од бездомни кучиња од година во година расте. Во 2020 година имало 1.062 напади од бездомни кучиња врз луѓе, во 2021 година има 1.315 пријавени напади, во 2022 година до крајот на октомври 1.283 напади на кучиња, или, вкупно 3.660 напади за последните три години, покажуваат податоци на МВР кои ги побарал Центарот за управување со кризи.

Од овие напади во Скопје се случиле 1.853, во Кичево – 439, Велес – 250, Струга – 177, Тетово – 170, Битола – 149, во Прилеп – 122, Гостивар – 98, Куманово – 75, Охрид – 50.

– За да биде состојбата посериозна, од овие нападнати 498 се деца. Ако на тоа додадеме дека има одредена бројка на напади кои ги немаме во систем, тогаш состојбата е уште поалармантна – рече директорот на Центарот за управување со кризи (ЦУК) Стојанче Ангелов .

Тој рече дека се одржала координативната средба со претставници на МВР, АХВ, на ЗЕЛС, на Град Скопје, на Лајка, на Анима Мунди, Ветеринарна комора и Кинолошкиот сојуз, на која се разговарало за овој, како што рече, исклучително комплексен проблем кој бара интердисциплинарно решение.

Од неформални информации, како што посочи, во одредени општини бројот на напади е значително поголем од пријавените напади.

– Во Скопје сметаме дека аналитиката и статистиката се најпрецизни. Каснатите граѓани се поучени од страна на адвокати дека за секој напад на куче може да добијат одредена оштета што ги мотивира граѓаните да ги пријавуваат сите напади. Ги повикувам сите засегнати граѓани кои ќе бидат нападнати од улично куче да го пријават нападот на бројот 112. Од страна на МВР ќе бидат преземени сите соодветни мерки и на тој начин ќе воспоставиме и пообјективна контрола врз бројот на напади на улични кучиња врз граѓани на цела територија на државата – рече Ангелов.

Стратешки момент на кој треба да работиме организирано, рече Ангелов, е масовна стерилизација на уличните кучиња.

– Потребна е едновремена акција, а кога би била на идеален начин направена би можеле отприлика за три месеци околу 75 отсто од кучињата да ги стерилизираме. Со 75 посто стерилизација на уличните кучиња нивниот број нагло ќе падне бидејќи нема да можат да се размножуваат – смета Ангелов.

The post ЗА ТРИ ГОДИНИ 3.660 КАСНАТИ ОД КУЧИЊА, ОД НИВ 498 ДЕЦА! Поразителни статистики за жртвите на бездомни кучиња appeared first on plusinfo.mk.

„Ова не е глад, ова е нагон за убивање. Ве молиме секој кој сака нека сподели, па можеби надлежните ќе видат и конечно нешто ќе преземат. Ова нема смисла, до кога ќе бидеме заложници на уличните кучиња?“, наведено е во објавата заедно со фотографиите.

Ова не е првпат ваков инцидент да се случи во дворот на црквата во Автокоманда, бидејќи минатата година беше растргнат белиот паун Белан, пренесе Вечер.

The post ЛАНИ ГО ЗАДАВИЈА ПАУНОТ, А СЕГА КОКОШКАТА И ЗАЈАКОТ Кучиња-скитници ја „тероризираат“ црквата во Автокоманда (ФОТО) appeared first on plusinfo.mk.

– Некој донел мали кутриња и ги оставил овде. Тие пораснаа на улица и станаа многу агресивни. Со месеци имаме страв од нив. Влегуваат по дворови и ни ги земаат чевлите, патиките… Еве веќе три пара патики ми искинаа. Секој месец треба да купувам патики. Се јавивме во Град Скопје за да побараме помош, но ни рекоа дека не функционира шинтерската служба. Стравуваме дека ќе искасаат некого, некое дете – вели Габриел, жител на оваа улица кој се јави во редакцијата на Плусинфо за да се пожали на овој проблем.

Тој вели дека бројот на уличните кучиња расте, зашто тие непречено се размножуваат.

Градоначалникот на Град Скопје, Петре Шилегов, денеска на прес-конференција рече дека стационарот за вдомување кучиња скитници со кој ќе раководи новото Јавно претпријатие „Лајка“, се очекува официјално да биде отворен наредната недела.

Тој истакна дека утре Агенцијата за храна и ветеринарство ќе направи контрола на објектот. Таа треба да даде документ за „Лајка“ да почне со работа.

– И халата каде што требаше да се спроведе струјата е завршена. Јас мислам дека ќе се создадат услови за вдомување на кучињата, но да не прејудицираме. Агенцијата за храна и ветеринарство нека си ја заврши својата работа. После тоа, очекувам да биде позитивно мислењето, да може да функционира – рече Шилегов.

The post Глутница агресивни кучиња тероризираат жители во Ѓорче Петров appeared first on plusinfo.mk.