Под мотото „Побарај ја забавата“ денеска почнува петнаесетото издание на Баскерфест – еден од најпрепознатливите улични фестивали во Македонија.

Како што најавија организаторите, фестивалот годинава е во форма на караван, односно, на 13 локации во 9 градови низ земјава, од 25 август до 6 септември, на уличните сцени ќе продефилираат преку 20 интернационални артисти од сите краеви на светот.

Фестивалскиот караван ќе започне во Кисела Вода, а потоа ќе продолжи во Велес, Кавадарци, Прилеп, Битола, Охрид и во Тетово.

Од 1 до 4 септември, Баскерфест повторно ќе биде пред скопската публика, во општините Бутел, Аеродром, Гази Баба и во Ѓорче Петров. Последните две фестивалски вечери ќе се одржат во Куманово и во Гевгелија. Сите претстави ќе започнуваат во 19 часот.

Меѓу учесниците се Plucie Ogniem од Полска со огнен спектакл, Hiram Meza од Чиле со театарско-циркуски настап, Mr. Mostacho со уницикл-шоу „Equilibrium“, Edu Boneco од Бразил со куклите Carolina и Maria Beijoqueira, Sean Rooney од Канада со балон-уметност, како и македонскиот артист Кристијан Бенито. Уличната магија ќе ја збогатат и The Beat Killers Academy од Албанија, статуите од Србија и DJ MartiAn со музички перформанси.

Баскерфест е еден од најзначајните улични фестивали во Македонија, кој веќе 15 години ја претвора секојдневната урбана средина во сцена за уметност, радост и спонтаност. Се одржува на отворено, без сцена и без билети, директно меѓу луѓето – на улиците, плоштадите и на јавните простори.

The post СПЕКТАКЛ СО УЛИЧНА МАГИЈА, ЦИРКУС И СО ЧУДНИ ИЗВЕДБИ Почнува Баскерфест, 20 светски артисти ќе настапуваат во 9 македонски градови appeared first on plusinfo.mk.

Најпознатиот и најпосетуван уличен фестивал во земјава Баскерфест ќе се одржи од 25 август до 6 септември, на 13 локации во 9 градови. Овој фестивал 15 години по ред внесува боја, смеа, радост и автентична уметност под отворено небо.

Под слоганот „Побарај ја забавата“, инспириран од шпанскиот збор buscar (барај), Баскерфест и годинава ќе го претвори секојдневието во нешто волшебно и неочекувано, секојдневие на мигови што се паметат, што се случуваат на улица, без најави, без сцена, без билет. Улиците ќе станат сцени за акробати, жонглери, кловнови, музичари, танчери, илузионисти и улични артисти од целиот свет, кои го задржуваат вниманието, предизвикуваат смеа, шират позитивна енергија и умеат само за миг да го „украдат“ аплаузот на публиката.

Годинава Баскерфест ќе обедини повеќе од 20 артисти од целиот свет, таленти од Полска, Србија, Албанија, но и од далечните Чиле, Бразил и Канада, чие присуство ќе му даде на фестивалот посебна димензија. Тие доаѓаат од континенти со различни култури, јазици и традиции, но со иста мисија, да споделат радост, креативност и енергија што го буди секое место низ кое минуваат, секој од нив ќе понуди по нешто непредвидливо, нешто што се доживува со сите сетила.

Секоја вечер на фестивалот ќе биде збогатена со музичка програма, што ќе го надополни визуелното доживување со звук, ритам и уште поголема блискост меѓу артистите и публиката.

The post БАСКЕРФЕСТ ОД 25 АВГУСТ ДО 6 СЕПТЕМВРИ Доаѓаат уметници од Бразил и од Чиле appeared first on plusinfo.mk.