Првиот вицепремиер и министер за животна средина, како и кандидат на Вреди за градоначалник на Општина Чаир, Изет Меџити денеска ги посети инфраструктурните работи на улицата Ахмет Хајдари (поранешна Стојна Стефкова) во населбата Гази Баба.

Меџити нагласи дека на оваа улица се врши целосна реконструкција на патот во должина од 170 метри, со што, како што рече, се зголемува безбедноста и се олеснува движењето на граѓаните по овој пат.

– Инвестицијата е околу 3 милиони денари. Реконструкцијата е проект финансиран од Програмата на Владата за финансирање на капитални проекти на општините – рече тој.

Меџити истакна дека ова покажува кога е одлична соработката меѓу локалната и централната власт, се реализираат проекти во интерес на граѓаните.

The post РЕКОНСТРУКЦИЈА НА УЛИЦАТА АХМЕТ ХАЈДАРИ ВО ГАЗИ БАБА Ќе се олесни движењето на граѓаните appeared first on plusinfo.mk.