укриана Archives - plusinfo.mk

ПЛАТЕНИК ОД ЈАПОНИЈА ЗАГИНА ВО УКРАИНА Информацијата ја потврди владата во Токио

плусинфо — Fri, 11 Nov 2022 07:27:47 +0000

Јапонец, кој се бореше на украинска страна, загина во борбите против Русија. Тој е првата позната јапонска жртва во оваа војна, соопшти денеска Владата на Јапонија.

Како што појасни портпаролот на Владата, Хироказу Мацуно, се работи за момче во дваесеттите години, убиено во борба во средата.

Мацуно додаде дека јапонски дипломати се „во контакт со неговото семејство и ќе му ја пружат целата потребна помош”.

Јапонските власти не откриваат повеќе детали.

Јапонија со месеци ги повикува нејзините државјани да ја напуштат Украина и да не патуваат во земјата.

Украинскиот претседател Володимир Зеленски во февруари отворено ги повика странците од целиот свет да се приклучат на „меѓународната легија”, што се бори против Русија во неговата татковина.

Околу 20.000 меѓународни волонтери, мнозинството од европски земји, одговорија на повикот на Киев во март, информираше тогаш за Си-ен-ен, украинскиот министер за надворешни работи Дмитро Кулеба.

Москва, што овие борци ги нарекува платеници, во јуни оцени дека ги има 7.000 и утврди оти убиени се 2.000 од почетокот на конфликтот. Странски борци има и меѓу заробениците.

Минатата недела, властите на Тајпеј информираа дека во борба е убиен 25-годишен Тајванец, кој се борел во Украина против руските сили, што е прва позната жртва од Тајван.

The post ПЛАТЕНИК ОД ЈАПОНИЈА ЗАГИНА ВО УКРАИНА Информацијата ја потврди владата во Токио appeared first on plusinfo.mk.

УКРАИНА МОЖЕ ДА БИДЕ ДЕЛ ОД ЕУ Путин вели таа не е воена организација како НАТО

плусинфо — Fri, 17 Jun 2022 18:54:15 +0000

Русија нема против Украина да влезе во Европската унија, која не е воена организација или воено-политички блок, за разлика од НАТО. Секогаш сме зборувале и секогаш ќе кажам дека нашиот став е многу јасен по ова прашање. Немаме ништо против влезот на Украина, истакна рускиот претседател Владимир Путин на Меѓународниот економски форум во Санкт Петербург, пренесе „ТАСС“.

– Никогаш не сме биле против тоа (влезот на Украина во ЕУ). Отсекогаш сме биле против воениот развој на украинската територија, бидејќи тоа ја загрозува нашата безбедност. На тоа се спротивставивме. Но, кога станува збор за економската интеграција, тоа е нивен избор, рече Путин.

Истовремено, нагласи тој, целесообразноста на пристапот на Украина во Европската унија ќе ја определи и ЕУ.

– Тоа е суверена одлука на која било земја – да се приклучува или да не се приклучува на економските асоцијации, а работата на ова или она економска асоцијација е да прима нови членови или не. Дозволете им на земјите од ЕУ да одлучат колку тоа е можно и изводливо. Дали тоа ќе биде од корист или штета за Украина е целосно нивна работа, прашање на украинскиот народ и на украинското раководство денес – заклучи Путин.

The post УКРАИНА МОЖЕ ДА БИДЕ ДЕЛ ОД ЕУ Путин вели таа не е воена организација како НАТО appeared first on plusinfo.mk.

КОЈ ГИ ИМА ТОЧНИТЕ БРОЈКИ? Зеленски вели загинале 1.300 војници, Комесарјат на ОН избори вкупно 579 загинати и над 1.000 повредени

МИА — Sat, 12 Mar 2022 16:57:30 +0000

Претседателот на Украина, Володимир Зеленски денеска изјави дека околу 1.300 украински војници се убиени за 17-дневната руска инвазија врз Украина.

Претходно, Високиот комесаријат на Обединети нации за човекови права (ОХЦХР) соопшти дека најмалку 579 загинале во Украина, а над 1.000 се повредени.

Според податоците на ОХЦХР за време на руската инвазија врз Украина загинале 42 деца, а 54 се повредени.

Додека Канцеларијата на главниот украински обвинител денеска соопшти дека од почетокот на рускиот напад врз Украина загинале најмалку 79 деца.

Поголемиот број деца жртви се од регионот на Киев, Харков, Доњецк, Суми, Херсон и Житорим.

The post КОЈ ГИ ИМА ТОЧНИТЕ БРОЈКИ? Зеленски вели загинале 1.300 војници, Комесарјат на ОН избори вкупно 579 загинати и над 1.000 повредени appeared first on plusinfo.mk.