Жители на југоисточниот дел на Московската област пријавија појава на „црн“ и мрсен дожд по најголемиот украински напад со беспилотни летала од почетокот на војната, во кој, според руските власти, биле лансирани речиси 200 дронови кон Москва.

По нападот, над погодената нафтена рафинерија се издигнаа густи столбови чад, а во Московската област повредени се 17 лица, изјави регионалниот гувернер Андреј Воробјов.

Жителите за Би-Би-Си изјавиле дека ситниот дожд оставал „непријатни црни дамки“ на облеката. Московските власти негираа дека станува збор за „нафтен дожд“, но официјалниот градски канал на Телеграм ги предупреди жителите на погодениот реон да ги држат прозорците затворени.

На семејствата со деца, постарите лица и астматичарите им е препорачано привремено да ја напуштат областа.

Руското Министерство за одбрана соопшти дека во рок од 24 часа биле пресретнати и уништени речиси 1.000 беспилотни летала и четири украински крстосувачки ракети низ целата земја.

Во јужната Ростовска област бил погоден склад за нафта, при што загина едно лице.

Украинскиот претседател Володимир Зеленски изјави дека нападот со дронови бил одговор на рускиот напад врз Киев минатата недела, во кој беше оштетена Печерската лавра.

– Ние не ја сакаме оваа војна и никогаш не сме ја сакале. Но, ако гори Украина, ќе гори и вашата Москва – изјави Зеленски.

Како одговор, рускиот министер за надворешни работи Сергеј Лавров најави „масовни“ руски удари врз Украина.

Пожарите избувнаа откако рафинеријата Капотња во југоисточна Москва беше погодена третпат во последниот месец и вторпат оваа недела. На снимките објавени на социјалните мрежи се гледаат силни експлозии, оштетени резервоари за нафта и густ црн чад.

Привремено беа затворени четири московски аеродроми, а повеќе од 500 летови се откажани или одложени.

И покрај забраната за објавување снимки од последиците од нападите, на социјалните мрежи се појавија десетици видеа на кои се гледаат дронови над Москва и експлозии во индустриските зони на периферијата на градот.

Украинскиот министер за надворешни работи Андриј Сибиха директно им се обрати на жителите на Москва преку платформата Икс.

– Ако се прашувате што се случува, одговорот е едноставен: вашата земја започна агресорска војна против нашата. Со години го убива нашиот народ. Сега кога знаете што се случува, прашајте го Путин кога има намера да ја заврши – напиша Сибиха.

The moment a storage tank at the Moscow oil refinery was hit: the blast blew the tank’s lid off. https://t.co/ibupq8ofJc pic.twitter.com/cptsVVywYP

— Anton Gerashchenko (@Gerashchenko_en) June 18, 2026

ДРОНОВИ ПРОБИЈА ВО СРЦЕТО НА РУСИЈА Гори Московската рафинерија по силен украински напад

The post ЦРН МРСЕН ДОЖД ЗАВРНА НАД МОСКВА ПО УКРАИНСКИОТ НАПАД Над погодената рафинерија се издига густ чад appeared first on plusinfo.mk.

Руското Министерство за транспорт денеска потврди дека украински поморски дрон нападна танкер за течен природен гас (LNG) под руско знаме во Средоземното Море.

Потврдата следуваше по претходните извештаи дека бродот се запалил во близина на Малта, објавува „Москва тајмс“ (The Moscow Times).

Според соопштението на Министерството, нападот се случил вчера во близина на малтешките територијални води, а целта бил танкерот за НЛГ – Arctic Metagaz.

„Танкерот превезувал товар од пристаништето Мурманск, а целата документација била во целосна согласност со меѓународните прописи“, се наведува во соопштението за медиумите.

Министерството тврди дека украинскиот поморски дрон што го нападнал танкерот бил лансиран од брегот на Либија. Тие го нарекоа инцидентот „чин на меѓународен тероризам и пиратство“.

Сите 30 члена на екипажот на танкерот биле спасени од малтешки и руски спасувачи, објави Министерството за транспорт.

Британските медиуми пренесуваат дека завчера вооружените сили на Малта добиле повик за помош од бродот Arctic Metagaz, што е под американски и британски санкции. Екипажот подоцна беше пронајден во чамец за спасување во либиската зона за пребарување и спасување.

Снимки, на кои се гледа како бродот гори во текот на ноќта, се појавија на социјалните мрежи, но нивната автентичност не можеше независно да се потврди. Досега нема коментари од Украина за овој инцидент.

В Средиземном море горит российский газовоз Arctic Metagaz https://t.co/TuVXeiWxG9 pic.twitter.com/bvjka1EL7j

— The Insider (@the_ins_ru) March 3, 2026

The post 🎥 ГОРИ РУСКИ ТАНКЕР ВО БЛИЗИНА НА МАЛТА! Украинците го погодиле со поморски дрон appeared first on plusinfo.mk.

Рускиот министер за надворешни работи Сергеј Лавров изјави дека Украина извршила напад со беспилотни летала врз државната резиденција на рускиот претседател Владимир Путин во регионот Новгород во текот на ноќта, објавија руските медиуми.

Лавров изјави дека Русија ќе ја ревидира својата преговарачка позиција за да го земе предвид, како што изјави, „конечниот премин на режимот во Киев кон политика на државен тероризам“.

Рускиот министер за надворешни работи изјави дека целите и времето на одмаздата на Русија веќе се утврдени, но нагласи дека Москва нема намера да се откаже од учеството во преговарачкиот процес поврзан со мировниот план.

Лавров рече дека во моментот нема информации за жртви или материјална штета предизвикана од наводниот напад врз резиденцијата на Путин.

Украинскиот претседател Володимир Зеленски изјави дека обвинувањето е лага, додавајќи дека Москва го подготвува теренот за напад врз владини згради во Киев.

Сè уште не е јасно дали Путин бил во резиденцијата во тој момент.

The post УКРАИНЦИТЕ НАПАДНАЛЕ РЕЗИДЕНЦИЈА НА ПУТИН? Лавров го обвини Киев за „државен тероризам“ appeared first on plusinfo.mk.

Москва никогаш нема да ја заборави поддршката на севернокорејските војници кои откриваат мини во Курск, изјави портпаролот на Кремљ, Дмитриј Песков.

– Работата е опасна и тешка, но нашите корејски пријатели навистина ни помагаат и тоа многу го цениме – додаде тој.

Во видеоматеријал на руското Министерство за одбрана се гледаат војниците како демонстрираат опрема за откривање мини, вежбаат и пеат патриотски песни.

Според воениот весник „Краснаја Звезда“, многу од уредите се со потекло од земјите на НАТО.

– Тие се одлични момци, учат брзо и внимателно, и си запишуваат белешки – рече руски командант.

Според јужнокорејските извори, 6.000 од испратените 14.000 војници на Ким Јонг Ун во Русија загинале.

North Korean deminers are participating in the demining of the Kursk area after training in Russia. pic.twitter.com/YcZlt6Hpws

— The world is patriots. (@bertalanzoli) November 14, 2025

North Korean military personnel clearing mines in parts of Russia’s Kursk region. pic.twitter.com/mzK3uecRnu

— DD Geopolitics (@DD_Geopolitics) November 14, 2025

The post 📽️ ЕВЕ КАКО СО ПЕСНА РАБОТАТ СЕВЕРНОКОРЕЈСКИТЕ ВОЈНИЦИ ВО КУРСК Москва нема да ја заборави помошта appeared first on plusinfo.mk.

– Остатоците од еден од дроновите оштетиле недовршен објект во село Криница. Вториот дрон удрил во дрвја во селото Џанхот, а пожарот е изгаснат. Првите извештаи покажуваат дека нема жртви – изјави Вениамин Кондратиев, гувернер на Краснодарската област.

Тој нагласи дека руските единици за противвоздушна одбрана ги уништиле сите беспилотни летала што ги лансирале Украинците. Руското Министерство за одбрана соопшти дека во текот на ноќта биле уништени четири дронови во Краснодарската област.

Токму во близина на селото Џанхот се наоѓа имот и палата кои се поврзуваат со Путин. Во јануари 2021 година, починатиот руски опозициски лидер Алексеј Навални и неговите соработници објавија документарен филм за палатата. Извештајот и двочасовниот документарец објавени од Антикорупциската фондација на Навални (ФБК) понудија опширен увид во палатата.

Од ФБК тврдат дека од подизведувачот добиле детални градежни цртежи, како и список на купен мебел и фотографии од примероци од подот. Со помош на собрани документи и фотографии направиле 3Д модел на ентериерот.

Истрагата на Навални тврди дека имотот има површина 39 пати поголема од онаа на Монако. Според нацртите, замок има површина од 17.691 квадратни метри и се состои од 11 спални соби, неколку дневни соби и сали, приватен театар, кино, казино, две бањи, турски бањи, пекара и „валкани соба“ со непозната намена.

The post ОПАСНО БЛИСКУ ДО ПУТИН Украински дронови синоќа погодиле цели недалеку од фамозната палата на рускиот лидер appeared first on plusinfo.mk.

-Нема сериозни разурнувања, не е нарушен технолошкиот процес на компанијата. За жал, во Јелабуга има објекти кои се оштетени како резултат на експлозијата. Се обезбедува сета потребна помош. Сега е исклучително важно да останеме смирени и да не се предадеме на паниката што одговорните за ова злосторство намерно се обидуваат да ја посеат – рече Миниханов.

Шефот на Татарстан потврди дека службите се во готовност. Оперативните служби за државната новинска агенција ТААС потврдија дека најмалку седум лица се повредени во Јелабуга.

Ukrainian drone strike in Yelabuga, Tatarstan, where Russia built a facility to make Shahed drones. It is the longest range strike so far, some 700 miles away. pic.twitter.com/ruAJDTUOld

— Yaroslav Trofimov (@yarotrof) April 2, 2024

– Досега е утврдено дека седум лица се повредени како резултат на нападот со дрон – изјави изворот на ТААС.

Тој истакна дека во нападот се искршени стаклата на три згради од студентски домови. Претходно беше соопштено дека шрапнели повредиле возрасен и двајца тинејџери.

Според извештаите, местото на ударот е на повеќе од 1.200 километри од украинската граница. Се наведува дека беспилотните летала Шахед камиказе се произведуваат во Јелабуга, додека во Нижнекамск има голем петрохемиски комплекс. Дел од медиумите известуваат дека била погодена рафинерија за нафта во Нижнекамск.

Two drones attacked the city of Yelabuga in Russian Tatarstan, more than 1,000 km from Moscow, — rosZMI

The explosions occurred on the territory of the Yelaz-Naftoprodukt oil refinery.

russian bastards. pic.twitter.com/Sam46rIJMg

— Jürgen Nauditt (@jurgen_nauditt) April 2, 2024

Тоа беше еден од најдлабоките напади со беспилотни летала на Украина на руска територија.

Рафинеријата за нафта Танеко е една од најголемите и најновите во Русија. Нејзиниот производствен капацитет изнесува околу 360.000 барели дневно.

The post 🎥 НАПАД СО ДРОН НА 1.200 КИЛОМЕТРИ ВО ВНАТРЕШНОСТА НА РУСИЈА Погодена една од најголемите и најсовремени рафинерии appeared first on plusinfo.mk.

„Луѓето од една станбена зграда беа евакуирани во блиското училиште откако остатоците од дрон предизвикаа мал пожар и искршија прозорци на зградата“, напиша Кстенин на Телеграм.

Тој истакна дека од нападите предизвикани се оштетувања и на други згради во градот.

-Во градот е воведена вонредна состојба, која ќе овозможи брзо спроведување на мерките за санирање на штетите – изјави Кстенин.

And here are the UAVs that flew to the katsaps in #Voronezh #Russia to convey an ardent greeting from the Ukrainian people.

We hope that such news will get into the media space more and more often, it warms the soul. pic.twitter.com/U6Cd8Fvw8d

— Lew Anno Suport #Ukraine 24/2-22 (@anno1540) January 16, 2024

Гувернерот на регионот Александар Гушев на Телеграм каналот соопшти дека една девојка е повредена кога делови од дронот паднале врз станбената зграда во која се наоѓала.

Руското Министерство за одбрана соопшти дека уништило пет беспилотни летала и пресретнало уште три во текот на ноќта над регионот Воронеж, кој граничи со Украина.

The post 🎥 УКРАИНА НАПАДНА РУСКИ ГРАД Во Воронеж прогласена вонредна состојба, наредена евакуација appeared first on plusinfo.mk.

Украинските сили го гаѓаа речиси завршениот мост над реката Калмиус, што значително ги наруши руските напори за подобрување на логистичките линии кон Крим, пишува Форбс.

-Украинците штотуку ја разнесоа големата руска логистичка операција и го поништија речиси половина година сериозно руско планирање за снабдување – напиша Стефан Корша, висок дописник за одбрана за весникот Киев пост.

Руската војска користи три главни средства за транспорт на големи количества опрема на своите сили во јужна Украина: по морски пат до Крим, по пат и железница преку Кримскиот мост и со железница преку југоисточна Украина.

Од почетокот на војната во февруари 2022 година, Украинците ги нападнаа сите три линии. Украинските проектили и беспилотни летала оштетија или потопија бродови на руската флота, што ги прави кримските пристаништа крајно опасни. Цел на напади беше и мостот на Крим. Главната копнена железничка рута минува блиску до фронтот, ставајќи ја во домет на украинските хаубици, олеснувајќи ги нападите врз возовите и железницата. Поради овие напади, Русите започнаа со изградба на четврта линија за снабдување – крајбрежна железница, која иако е во дострелот на руската артилерија, не е постојано изложена на напади со хаубици.

Новата железница мора да ја премине реката Калмиус, која тече низ Хранитне и се влева во Азовското Море кај Мариупол, град под руска окупација од раните фази на војната. Работата на мостот започна во септември и веројатно беше речиси завршена кога Украинците го нападнаа овој викенд, користејќи американски ракетни системи ХИМАРС.

Puente ferroviario en construcción, tanques de combustible y transportes de ingeniería destruidos al Sur de Granitne\Hranitne. Ojo que a unos 20km hay otro Granitne (para entrar en la UE estas cosas hay que mirarlas). Por qué?
Porque el puente original que pasa por Granitne está… pic.twitter.com/nhkRe0S2Ly

— FONSEJ (@FONSEJ1) January 7, 2024

– Ако некој сака да се потсмева на одлучувањето во руската војска, веројатно ќе го најде ова како пример за помалку од брилијантно планирање: руската војска потроши многу инженерски напор за изградба на железнички мост преку река која е во цел дострел на украински ракети со прецизно наведување и блиску до украинскиот град врз кој Русите фрлаат гранати веќе осум години – пишува Корша.

– Ако не сте обожавател на Кремљ, можеби во ова ќе ја видите украинската смисла за хумор: тие чекаа цели пет месеци од почетокот на изградбата на мостот пред да го разнесат со еден потег и да ги вратат руските градители назад на нула – заклучува тој.

The post РУСИТЕ ГРАДЕА СТРАТЕШКИ МОСТ, УКРАИНЦИТЕ ИМ ГО РАЗНЕСОА Ракетен напад што претставува важен момент во војната appeared first on plusinfo.mk.