Најмалку едно лице загина, а 13 се повредени во ноќните руски напади врз Киев, извршени со балистички ракети, соопшти украинската Државна служба за вонредни состојби. Нападот следува само еден ден откако во украинските удари врз цели во Русија беше пријавен поголем број жртви.

Експлозиите се слушале дури и во внатрешноста на противвоздушните засолништа, а една од нив била толку силна што ги активирала алармите на паркираните автомобили во центарот на градот. Украинските воздухопловни сили потврдија дека станува збор за координиран напад со балистички проектили.

Според итните служби, нападите погодиле пет градски реони. Од јуни годинава Киев редовно е цел на руски балистички ракети, кои се значително побрзи и потешко се пресретнуваат во споредба со беспилотните летала и со крстосувачките ракети.

Градоначалникот на Киев, Виталиј Кличко, објави на апликацијата Телеграм дека во реонот Десњански се запалиле повеќе автомобили и дека се издигнувал густ чад во близина на голем трговски центар. Во Шевченковскиот реон, паѓањето на остатоци од соборен проектил предизвикало голем пожар во станбена зграда. Истовремено, во реоните Соломјански и Свјатошински беа запалени станбен објект, супермаркет и приватна куќа.

Воената администрација на главниот град соопшти дека во Днипровскиот реон се запалиле трговско-забавен центар и повеќе возила. Спасувачите извлекле четири лица од запалена приватна куќа во Свјатошински, а од трикатна зграда во Шевченковскиот реон итно биле евакуирани станарите, каде што подоцна под урнатините било пронајдено и телото на загинатиот маж.

Жестоките напади врз Киев следуваа по вчерашниот украински удар со беспилотни летала врз два логистички центри во Русија, каде што загинаa најмалку осум лица, а беше запален и нафтен склад во Московската област. Украинскиот претседател, Володимир Зеленски, изјави дека погодените објекти во Московската и во Тамбовската област биле користени за испорака на компоненти под санкции наменети за производство на беспилотни летала и на навигациска опрема.

Од друга страна, градоначалникот на Москва, Сергеј Собјанин, изјави дека руската престолнина во текот на ноќта била нападната со повеќе од 370 дронови, од кои „повеќето биле соборени“.

Овој напад врз Киев се случува во исклучително чувствителен политички момент за Украина. Во земјата трет ден по ред се одржуваат масовни протести поради ненадејното разрешување на популарниот министер за одбрана, Михајло Федоров. Дополнително, украинската престолнина се соочува со сериозен недостиг од ракети за американските системи „Патриот“, кои се клучни за одбрана од балистички проектили.

Во врска со ова, американскиот претседател, Доналд Трамп, неодамна најави дека Вашингтон ќе ѝ овозможи на Украина сопствено производство на ракети за системите „Патриот“. Зеленски истакна дека ова сојузничко производство би можело да започне до крајот на 2026 година, со цел долгорочно да се зајакне противвоздушната одбрана на земјата.

The post КИЕВ ПОД ЖЕСТОК УДАР НА РУСКИ БАЛИСТИЧКИ РАКЕТИ Има загинати и повредени во ноќниот напад appeared first on plusinfo.mk.

Германскиот канцелар Фридрих Мерц денеска изрази умерен оптимизам во однос на напорите за завршување на војната во Украина, пред неговото заминување на самитот на Групата седум (Г7) во Франција.

Тој истакна дека глобалната политичка состојба е „особено турбулентна“, но додаде дека во исто време се отвораат и нови можности за дипломатски решенија.

– Украина сега е во нова позиција на сила. Русија нема да може воено да победи во војната – изјави Мерц, додавајќи дека руската економија се наоѓа во сериозна кризна состојба.

Според него, за првпат се создава „простор за дипломатија“ кој би можел да води кон идни мировни преговори.

Мерц потсети дека на 7 јуни во Лондон се сретнал со британскиот премиер Кир Стармер, украинскиот претседател Володимир Зеленски и францускиот претседател Емануел Макрон, каде се разговарало за стратегии за притисок врз Русија и за зајакнување на одбранбените капацитети на Украина.

Тој додаде дека на самитот во Евијан се очекува разговори со американскиот претседател Доналд Трамп, како и со други светски лидери, меѓу кои и Зеленски.

– Ова би можеле да бидат првите чекори во нова дипломатска иницијатива кон мировни преговори меѓу Украина, Русија, Европа и САД – истакна Мерц.

The post РУСИЈА НЕМА ДА МОЖЕ ДА ПОБЕДИ, ТВРДИ МЕРЦ Германија најавува нов мировен притисок за Украина appeared first on plusinfo.mk.

Портпаролката на руското Министерство за надворешни работи, Марија Захарова остро реагираше на одлуката на Романија за затворање на рускиот генерален конзулат во Констанца и протерување на конзулот, најавувајќи „соодветни мерки“ од Москва.

Захарова изрази „огорченост“ поради потегот на романските власти и порача дека реакцијата од руската страна нема да доцни.

– Соодветните мерки во врска со прогласувањето на рускиот генерален конзул за персона нон грата и затворањето на Генералниот конзулат нема долго да чекаат – изјави Захарова, пренесуваат руските медиуми.

Таа претходно ги отфрли обвинувањата за наводни руски беспилотни летала што летаат над Европа, оценувајќи ги како неосновани и недокажани.

Одлуката за затворање на конзулатот ја соопшти романскиот претседател Никушор Дан по седница на Советот за национална безбедност.

Тој изјави дека генералниот конзул на Русија во Констанца е прогласен за персона нон грата, а конзулатот ќе биде затворен, по инцидентот во градот Галаци, каде што, според романските власти, руски дрон удрил во станбена зграда и предизвикал експлозија и пожар.

– Синоќа се случи сериозен инцидент во кој беа повредени двајца граѓани, а целата одговорност за тоа е на Русија – изјави Дан, додавајќи дека безбедносните служби биле веднаш ангажирани.

Тој информираше и дека разговарал со генералниот секретар на НАТО, Марк Руте, при што инцидентот бил оценет како еден од најсериозните безбедносни случаи во Романија од почетокот на војната во Украина.

Романските власти нагласуваат дека остануваат во координација со НАТО и дека безбедносните мерки се засилени по последниот инцидент.

The post ЗАХАРОВА СО ОСТРА ЗАКАНА ДО РОМАНИЈА „Соодветни мерки“ по протерувањето на рускиот дипломат appeared first on plusinfo.mk.

Романија побара дополнителна поддршка за својата воздушна одбрана откако во текот на ноќта руски дрон се урна врз станбена зграда во источниот град Галаци, јавуваат странски агенции.

Романското Министерство за надворешни работи соопшти дека за инцидентот бил информиран генералниот секретар на НАТО, Марк Руте, и дека е побарано забрзување на испораката на опрема за заштита од дронови.

Од Букурешт најавуваат и дипломатски мерки како одговор на, како што велат, сериозно нарушување на меѓународното право и воздушниот простор на државата.

NATO has reacted to a Russian drone striking a residential building in Romania.

“Early this morning, an apartment building in Romania was struck by a drone as Russia attacked Ukrainian infrastructure near the border. NATO Secretary General is in contact with the Romanian… https://t.co/d7MMbF6Mlg pic.twitter.com/EJbzQCcMk3

— Anton Gerashchenko (@Gerashchenko_en) May 29, 2026

„Руската Федерација сноси директна одговорност за оваа тешка и неодговорна акција“, се наведува во соопштението на романското МНР.

Според тамошното Министерство за внатрешни работи, дронот предизвикал пожар на 10-тиот кат од станбена зграда во Галаци. Две лица се здобиле со полесни повреди и им била укажана помош на лице место.

На терен бил испратен специјализиран истражен тим за експлозивни уреди, кој работи на утврдување на околностите на инцидентот.

– ROMANIA

Another angle shows the moment a drone reportedly struck a residential building in Galați, Romania. https://t.co/CWSPX9yXmY pic.twitter.com/zKBsRW1XBe

— NEXUSx (@Nexus_osintx) May 29, 2026

Галаци се наоѓа на реката Дунав, во близина на границата со Молдавија и Украина.

Инцидентот доаѓа во период на зачестени руски напади врз Украина, при што повеќе пати е регистрирано прелевање на беспилотни летала во воздушниот простор на земји членки на НАТО. Во одредени случаи, и украински дронови и ракети навлегуваат во соседни територии.

The post 📽️ РУСКИ ДРОН ПАДНА ВРЗ ЗГРАДА ВО РОМАНИЈА Букурешт бара помош од НАТО appeared first on plusinfo.mk.

Американскиот претседател Доналд Трамп изјави дека разговарал со својот руски колега Владимир Путин за војната во Украина и за состојбата на Блискиот Исток.

Трамп синоќа им рече на новинарите дека претходно во текот на денот имал „многу добар разговор“ со Путин.

– Има огромна омраза меѓу претседателот Путин и (украинскиот) претседател Володимир Зеленски. Двајцата не можат ни да се погледнат, но сметам дека разговорот на оваа тема беше позитивен – рече Трамп.

Тој додаде дека Путин „сака да биде од корист“ во решавањето на конфликтот со Иран.

– Му реков: Можеш да бидеш покорисен ако ставиш крај на војната меѓу Украина и Русија. Тоа би било покорисно – изјави Трамп на прес-конференција во својот голф-клуб во Флорида.

Советникот на Кремљ за надворешна политика Јуриј Ушаков разговорот го оцени како „многу суштински“, додавајќи дека „веројатно ќе има практично значење за идната работа меѓу двете страни“.

Според него, Путин изнел неколку идеи насочени кон брзо политичко и дипломатско решавање на конфликтот во Иран, вклучително и врз основа на контактите што ги имал со лидери од земјите од Персискиот Залив, со иранскиот претседател и со лидери на други држави.

Ушаков рече дека Трамп, исто така, ја изнел својата оценка за развојот на американско-израелската операција.

– Се одржа многу суштинска и, без сомнение, корисна размена на идеи – нагласи тој.

Ушаков додаде дека Трамп смета оти „брзото решавање на конфликтот во Украина со прекин на огнот и долгорочно решение“ е во интерес на САД.

Тој истакна дека руските сили „доста успешно напредуваат“ на фронтот и дека тоа треба да го поттикне Киев да започне преговори за решавање на конфликтот.

Двајцата претседатели разговарале и за ситуацијата во Венецуела.

Специјалниот претставник на рускиот претседател за инвестиционо-економска соработка со странство Кирил Дмитриев соопшти дека телефонскиот разговор траел еден час.

„Беа разгледани можни решенија за Украина и за иранскиот конфликт“, напиша тој на социјалната мрежа Икс.

The post ПУТИН САКА ДА БИДЕ ОД КОРИСТ ВО КОНФЛИКТОТ СО ИРАН Трамп му порача да ја заврши војната со Украина appeared first on plusinfo.mk.

Украинскиот претседател Володимир Зеленски изјави дека оваа недела треба да се одржат нови мировни преговори меѓу Украина и Русија, и покрај ескалацијата на Блискиот Исток по американските и израелските напади врз Иран.

Зеленски посочи дека Киев веќе разгледува алтернативна локација за разговорите, кои првично беа планирани за 5 и 6 март во Абу Даби.

Според него, поради безбедносната состојба, можно е преговорите да бидат преместени во Турција или Швајцарија.

– Поради моменталните непријателства, не можеме да потврдиме дека состанокот ќе се одржи во Абу Даби, но и покрај ова, никој не го откажал состанокот – изјави украинскиот претседател.

Засега нема официјална одлука за новата локација, но подготовките за средбата продолжуваат.

The post МИРОВНИТЕ ПРЕГОВОРИ ВИСАТ ВО ВОЗДУХ Зеленски најави можна промена на локацијата appeared first on plusinfo.mk.

Претседателот на Украина, Володимир Зеленски, изјави дека ако се сретне со рускиот претседател Владимир Путин, нема да води историски дебати, туку ќе разговара за брзо завршување на војната.

– Постои безбедносен проблем. Против нас се води голема војна. Тоа се нашите животи. Единственото за што сакам да разговарам со него, според моето мислење, е дека мораме успешно да го решиме ова. Мислам дека бргу ќе ја завршиме оваа војна. Затоа сакам да разговарам само за такви работи – наведе Зеленски во интервју со британскиот новинар Пирс Морган.

Зеленски нагласи дека не се потребни „сите тие историски приказни за да заврши војната и да се премине на дипломатија“.

– Не сум прочитал помалку историски книги од Путин. И научив многу. Знам повеќе за неговата земја отколку тој за Украина. Едноставно, затоа што сум бил во многу градови во Русија. И познавам многу луѓе таму. Тој никогаш не бил толку многу пати во Украина. Тој бил само во големи градови. Јас бев во мали градови. Од север до југ. Насекаде. Го знам нивниот менталитет. Затоа не сакам да губам време на сите овие работи – наведе Зеленски.

The post ПОВЕЌЕ СУМ ШЕТАЛ ВО РУСИЈА ОТКОЛКУ ПУТИН ВО УКРАИНА Зеленски нема да дебатира за историја ако се сретне со колегата appeared first on plusinfo.mk.

The post ЗЕЛЕНСКИ МУ КАЖА „НЕ“ НА ТРАМП Годишнината од војната не е ден за избори appeared first on plusinfo.mk.

Фотографија исткната на ѕид во Белата куќа го привлече вниманието на новинарите. На неа заедно стојат шефот на САД Доналд Трамп и рускиот лидер Владимир Путин. Веднаш до неа е поставена уште една слика на која Трамп позира со едно од своите внучиња.

Фотографијата со Путин во централниот коридор што ги поврзува Западнот крило со резиденцијалниот дел ја забележа и ја сними дописничката на Пи-Би-Ес од Вашингтон, Елизабет Ландерс. Таа објави видео на мрежата Икс и напиша дека ваков експонат досега немала видено на тој ѕид.

Фотографијата со Путин потекнува од самитот во Алјаска одржан минатиот август. Таму Трамп и Путин разговараа во рамки на првата средба меѓу американски претседател и руски лидер по почетокот на руската инвазија врз Украина во 2022 година.

Also something I noticed in a vestibule area that connects the West Wing to the residence that I hadn’t see before: a framed photo of Presidents Trump and Putin at their summer summit in Alaska. Lower photo is President Trump with one of his grandchildren. pic.twitter.com/jabUEmZyay

— Elizabeth Landers (@ElizLanders) January 27, 2026

Неколку дена подоцна, Трамп ја покажа истата фотографија пред новинарите во Овалната соба.

– Ми ја испратија и мислев дека ќе сакате да ја видите – им рече Трамп тогаш на новинарите.

Тој ја опиша фотографијата како прекрасна и додаде дека нејзиното испраќање го доживеал како знак на меѓусебно почитување. Притоа нагласи дека почитта не значи и согласност за сите прашања.

Според проценка на „Њујорк тајмс“, бројот на убиени и ранети во Украина достигнал околу 2 милиони луѓе, вклучувајќи војници и цивили.

The post 📷 ФОТКАТА OД АЛЈАСКА БОДЕ ОЧИ НА ЅИД ВО БЕЛАТА КУЌА Трамп и Путин заедно, па Трамп заедно со внучето appeared first on plusinfo.mk.

Реториката меѓу Москва и Европа повторно се заострува, откако Дмитриј Медведев, заменик-претседател на Советот за безбедност на Русија, упати директни и заканувачки пораки кон европските лидери.

Преку објава на социјалната мрежа „Икс“, поранешниот руски претседател порача дека Европа, со зголемената поддршка за Украина, свесно се движи кон воен судир со Русија.

„Сакате војна? Ќе ја добиете“, напиша Медведев, додавајќи дека Москва ќе им покаже на европските политичари „токму што значи тоа“.

Објавата беше проследена со видео од балистичката ракета со среден дострел „Орешник“, која Русија ја претставува како хиперсонично оружје со исклучително голема брзина и способност за маневрирање во завршната фаза од летот.

The ruling European dimwits want a war in Europe after all. It’s been said a thousand times: Russia won’t accept any European or NATO troops in Ukraine, but no, Micron keeps peddling this pathetic bullshit. Well, come on then. This is what you’ll get: pic.twitter.com/6XqMMn2ILP

— Dmitry Medvedev (@MedvedevRussiaE) January 10, 2026

Заканите доаѓаат кратко по втората регистрирана употреба на ракета од типот „Орешник“ врз територијата на Украина. Овојпат цел беше западниот град Лвив, на само шеесетина километри од границата со НАТО преку Полска, што дополнително ја зголеми вознемиреноста во европските безбедносни кругови.

Во истата објава, Медведев жестоко го нападна и францускиот претседател Емануел Макрон, кого подбивно го нарече „Микрон“, обвинувајќи го дека ја турка Европа кон директна конфронтација со Москва.

Тој повтори дека Русија, како што рече, „јасно и безброј пати“ ставила до знаење дека нема да прифати распоредување европски или НАТО сили на украинска територија, но дека западните лидери продолжуваат со истата политика.

Медведев и претходно беше познат по радикална реторика. Од почетокот на војната во Украина, тој повеќепати предупредуваше дека директното вклучување на НАТО би можело да се смета како објава на војна против Русија, со сериозни последици по европската безбедност.

Острите пораки доаѓаат во период на ескалација на нападите и зголемени меѓународни тензии. Москва тврди дека последните ракетни удари се одмазда за наводен напад врз една од резиденциите на рускиот претседател Владимир Путин – обвинување што беше демантирано од Киев и западните сојузници, вклучувајќи ги и САД.

The post 📽️ „САКАТЕ ВОЈНА? ЌЕ ВИ ПОКАЖЕМЕ“ Медведев со видео од ракетата „Орешник“ испрати предупредување до ЕУ appeared first on plusinfo.mk.