Разликата помеѓу овие две земји и нашата е тоа што ние ја контролираме целата држава и немаме такви проблеми какви што имаат тие и кај нив опозицијата не работи против своите граѓани и против својата влада, не ја кодоши сопствената влада и не работи за интересите на туѓи влади кои имаат поинакви интереси, како што е случајот кај нас, изјави денеска премиерот Христијан Мицкоски, одговарајќи на новинарско прашање по свеченото отворање на фабриката „Бреинчајлд“ во врска најавата дека од јули ЕУ почнува преговори за сите области од пристапниот процес со Украина и со Молдавија.

– И поранешните власти во овие две држави обезбедувале консензус кога станува збор за стратешки прашања и за надворешни предизвици. Тоа не го направи претходната влада, која беше во една, би рекол, прилично очајна состојба тогаш и беше подготвена да коленичи и да прифати бел лист хартијa за да остане на власт. Граѓаните тоа го препознаа, ги казнија и ги испратија во опозиција, на следните избори ќе ги испратат и на политичките маргини, а за нив брзо ќе избледи политичката меморија и никогаш повеќе нема да ни се повторат – рече Мицкоски.

Тој истакна дека Владата ќе продолжи да работи и да испорачува реформи, согласно Планот за раст.

– Ќе продолжиме да ја градиме македонската економија. Резултати преку ноќ нема. Ние никогаш не сме ветувале чуда и не сме чудотворци. Секој што ветува чуда не ја говори вистината. Ние само ветуваме дека напорно ќе работиме, и работиме. Ќе го добиеме заслуженото. Македонија забрзува и Македонија ќе победи, како што многупати победувала во минатото – истакна Мицкоски.

Во врска со најавената реконстуркција на Владата, премиерот уште еднаш повтори дека во моментов тој лично и партијата што ја предводи се насочени кон одбележување на 36. роденден на ВМРО-ДПМНЕ, кој ќе се одржи на Градскиот стадион во Струмица на 17 јуни со почеток во 20 часот.

Тој рече дека не би сакал да навлегува во големината на реконструкцијата и оти повеќе би се задржал на нејзината содржина, но додаде дека за тоа ќе говори по партискиот роденден.

– Веќе од следниот ден ќе почнеме разговори со владините партнери околу реконструкцијата. Но, повторно ќе кажам повеќе би се задржал на содржината отколку на обемот на реконструкцијата. Бидете трпеливи. Станува збор за денови. Да ги отпочнеме разговорите, а потоа ќе можеме да зборуваме и за повеќе детали – изјави Мицкоски.

The post ОПОЗИЦИЈАТА ВО УКРАИНА И ВО МОЛДАВИЈА НЕ РАБОТИ ПРОТИВ СВОИТЕ ГРАЃАНИ Коментар на Мицкоски за почнувањето на преговорите со ЕУ на овие две земји appeared first on plusinfo.mk.

Европската Унија е подготвена од јули да почне преговори за сите области од пристапниот процес со Украина и со Молдавија, изјави денеска еврокомесарката за проширување Марта Кос, пред почетокот на состанокот на министрите за надворешни работи на ЕУ во Луксембург.

Во врска со денешното отворање на суштинските пристапни преговори со Киев и со Кишињев, Кос оцени дека тоа е првиот голем чекор откако двете земји добија кандидатски статус пред 3 години.

– Беше време да го направиме тоа – рече таа.

Според Кос, до крајот на годинава може да завршат пристапните преговори со Црна Гора.

– Во последните месеци постигнавме повеќе во процесот на проширување на ЕУ отколку во изминатите 15 години – нагласи еврокомесарката.

Високата претставничка на ЕУ за надворешна политика и безбедност, Каја Калас соопшти дека на денешниот состанок е поканет и министерот за надворешни работи на Ерменија.

Според неа, Ерменија е изложена на сè поголем притисок од Москва, а ЕУ разгледува начини за поддршка на властите во Ереван.

Калас оцени дека синоќешните руски воздушни напади врз Украина, при кои беше погоден верски објект што се наоѓа на листата на светско наследство на УНЕСКО, претставуваат воено злосторство.

Таа потврди дека Унијата работи на дополнително проширување на санкциите против Русија.

Калас додаде и дека, според правните експерти на ЕУ, постои начин да се спроведе иницијативата за забрана за влез во Унијата на руските војници кои учествувале во војната против Украина.

The post ЕУ ЌЕ ГИ ОТВОРИ СИТЕ ПОГЛАВЈА ОД ПРЕГОВОРИТЕ СО УКРАИНА И СО МОЛДАВИЈА Унијата ќе ѝ даде поддршка и на Ерменија appeared first on plusinfo.mk.

Земјите членки на Европската Унија дадоа зелено светло за официјално отворање на првото поглавје од пристапните преговори со Украина и со Молдавија, соопшти украинската премиерка Јулија Свириденко.

Свириденко преку порака на социјалната мрежа Икс ја поздрави оваа одлука, оценувајќи ја како одлична вест со која двете земји значително се приближуваат до полноправно членство во Унијата.

Од Кипар, кој во моментов претседава со ЕУ, исто така потврдија дека се почнати сите неопходни технички подготовки за формалното отворање на првата преговарачка фаза.

Кипарските власти нагласија дека ова претставува исклучително важен чекор во евроинтегративниот процес на Украина и на Молдавија, кој истовремено испраќа силна порака за единството и за одлучноста на ЕУ.

Првото преговарачко поглавје главно се фокусира на исполнувањето на економските критериуми, функционалноста на демократските институции и на сеопфатните реформи во јавната администрација.

The post УКРАИНА И МОЛДАВИЈА ЌЕ ГИ ОТВОРАТ ПРЕГОВОРИТЕ ЗА ЧЛЕНСТВО ВО ЕУ Украинската премиерка ја поздрави одлуката appeared first on plusinfo.mk.

– Европскиот совет одлучи да отвори пристапни преговори со Украина и Молдавиј – наведе Мишел.

Според него, Советот на ЕУ решил и да и додели статус на земја кандидат за членство на Грузија, додека во однос на БиХ останува условената препорака за старт на преговорите.

– ЕУ ќе ги отвори преговорите со Босна и Херцеговина, откако ќе се постигне потребниот степен на усогласеност со критериумите за членство и ја повикува Комисијата да поднесе извештај до март со цел да се донесе таква одлука  – додаде Мишел во објавата.

Според него, ваквите одлуки се јасен сигнал за надеж за народите на овие земји и за европскиот континент.

The post МИШЕЛ ЈА СООПШТИ ОДЛУКАТА НА ЕУ Пристапни преговори со Украина и со Молдавија appeared first on plusinfo.mk.

Европската комисија утре ќе предложи почеток на преговорите со Украина и Молдавија „откако ќе ги исполнат поставените услови“, а можно е и со Босна и Херцеговина, која е единствената земја од Западниот Балкан покрај Косово, која се уште го нема започнато преговарачкиот процес со Унијата.

Според дипломатски извори, препораките за Украина и Молдавија би значеле дека тие би можеле да ги почнат преговорите за членство уште во текот на следната година.

Како што јави дописникот на МИА од Брисел, што се однесува до БиХ засега има резерви кај дел од членовите на ЕК, но и кај некои европски дипломати, кои сметаат дека земјата бележи назадување во однос на владеењето на правото.

Европски дипломат во изјава за „Политико“ посочи дека на БиХ и беше доделен кандидатски статус под претпоставка дека тоа ќе ги поттикне реформите, но оттогаш има само влошување на состојбите со владеењето на правото и на севкупната политичката ситуација во земјата.

– Како можеме сега да решиме да ги започнеме преговорите со нив, а да очекуваме од другите земји кандидати ревносно да ги спроведуваат своите реформи – посочи неименуваниот дипломат.

Европската комисија утре треба да го усвои пакетот за проширување и да ги објави извештаите за напредокот на секоја од кандидатите за членство во ЕУ за 2023 година.

The post ДИПЛОМАТСКИ ИЗВОРИ НЕ ЈА ИСКЛУЧУВААТ И БИХ ЕК утре ќе предложи старт на преговорите со Украина и со Молдавија appeared first on plusinfo.mk.

– Мора да почнеме да размислуваме како овие земји да станат дел од ЕУ. Треба да размислиме како да ги донесеме овие одлуки, какви средства ќе бидат потребни. Тоа се принципиелни работи пред нас, ќе биде потребно време за да се дојде до решение – истакна Лајен.

По повод почетокот на шпанското претседателство со Советот на ЕУ на 1 јули таа изрази очекување дека до крајот на годината ќе бидат донесени одлуки за зголемување на помошта за Украина. Лајен истакна дека буџетот на ЕУ веќе му обезбеди на Киев дополнителни 30 милијарди евра. Според неа, до 2027 година се потребни 50

Лајен најави дека ЕК наскоро ќе предложи законски мерки за да се овозможи користење на запленетиот руски имот за поддршка на Украина.

– Важно е светот да види дека таквите страшни злосторства не можат да останат неказнети – наведе Лајен.

Таа посочи дека шпанското претседателство треба да работи на брз договор за заедничка јавна набавка на муниција за Украина. Лајен изрази надеж дека до крајот на годината или следната пролет ќе биде постигнат договор за измени на миграциското законодавство.

Премиерот Санчез како четири главни задачи за шпанското претседателство ги наведе поддршка за Украина, обезбедување на економската безбедност на ЕУ, продолжување на енергетската транзиција и миграциските прашања.

– Се надевам на мир што е можно поскоро. Ќе ја поддржиме Украина на секој можен начин на нејзиниот пат кон ЕУ. Ќе останеме со Украина до нејзината победа – изјави Санчез.

The post ЛАЈЕН НЕ ГО ЗАБОРАВИ И ЗАПАДЕН БАЛКАН Украина и Молдавија не смее да се надвор од ЕУ appeared first on plusinfo.mk.