Две државјанки на Република Бугарија се осомничени за повеќе кражби во Скопје, при што на нивна сметка се украдени паричници со пари, банкарски картички и документи, а од картичките се обиделе да подигнат дополнителни износи од банкомати.

Првата од осомничените во пет наврати, од кои последниот заедно со другата, крадела паричници од различни лица. Најзначајниот случај се случил на 4 април 2025 година во автобус на ЈСП, на релацијата од поликлиника „Букурешт“ до „Рекорд“. Тогаш од паричникот биле украдени 2.600 денари, банкарска картичка и документи, а од банкомат потоа биле подигнати дополнителни 30.000 денари.

Во август лани во еден скопски трговски центар, осомничената три пати крадела паричници, со што првично прибавила противправна имотна корист од 39.000 денари. Од картичките се обидела да повлече дополнителни пари, а кај една оштетена успеала да подигне вкупно 60.000 денари.

Последниот случај се случил на 4 јануари 2026 година, кога двете осомничени заедно во трговски центар украле паричник со предмети во вредност од 3.000 денари. Потоа два пати се обиделе, но безуспешно, да повлечат пари од сметката на оштетената.

Полицијата истражува дали при двата успешни обиди за повлекување пари осомничените го злоупотребиле ПИН-кодот што жртвите, повозрасни лица, го имале запишано во паричниците. Случајот се испитува и за можни елементи на кривично дело – оштетување и неовластено навлегување во компјутерски систем. За двете бугарски државјанки предложена е мерка притвор.

The post УКРАДЕНИ ПАРИЧНИЦИ, ПОДИГНАТИ ИЛЈАДНИЦИ ДЕНАРИ ОД БАНКОМАТИ Две Бугарки „оперирале“ во автобуси и во трговски центри appeared first on plusinfo.mk.

34-годишната А.П. била ограбена од непозната жена во нејзиниот стан на подрачјето на Центар во Скопје. Инцидентот се случил околу 15:45 часот на 30 септември 2025 година, кога непознатата жена влегла во станот кој не бил заклучен.

Според пријавата, сторителката одземала два паричника – еден со пари, а другиот со лични документи и пари.

„Секојдневно апелираме до граѓаните да ги заклучуваат своите домови и да бидат внимателни со своите лични предмети. Дури и момент на невнимание може да доведе до вакви непријатни ситуации“, велат од полицијата, која презема мерки за расчистување на случајот.

The post Ѝ УКРАЛЕ ДВА ПАРИЧНИКА СО ПАРИ И ДОКУМЕНТИ Непозната жена крадела во незаклучен стан во Центар appeared first on plusinfo.mk.