Уапсени се македонскиот државјанин А.А.(44) жител на Струга и албанските државјани А.Р.(21) жител на село Рајца, Либражд, Л.Д.(19) и М.Х.(23) и двајцата од село Радокал, Поградец.

– Четворицата соработувале и шверцувале моторни возила од Северна Македонија, ги дислоцирале на подрачјето на Струга, а потоа преку зелената граница, во атарот на селата Рајца-Шутај, кај Струга, ги пренесувале на албанска територија и ги демонтирале во градовите Елбасан или Тирана, за да ги продадат како резервни делови – се наведува во полициското соопштение.

Се додава дека 22 јули, А.Р. илегално влегол од македонска на албанска територија со украден автомобил „мерцедес“, кој штом забележал дека го гонат полициските сили, го напуштил и го оставил возилото кај селото Радокал, Поградец.

Продолжува истрагата за комплетирање на документацијата за криминалното дејствие на овие државјани во Северна Македонија и во Албанија, како и за идентификување и изведување пред лицето на правдата на другите лица вмешани во истата. Предметот е под надлежност на судот во Корча.

The post ВЛЕГУВАЛЕ ВО АЛБАНИЈА СО УКРАДЕНИ ВОЗИЛА И ГИ ПРОДАВАЛЕ ЗА ДЕЛОВИ Разоткриена шемата на четворица шверцери appeared first on plusinfo.mk.