Самиот Жерновски го објави указот објавен во Службен весник на 14 февруари 2025 година. Указот влегува во сила на денот на донесувањето, а министерот за надворешни работи е задолжен да го изврши.

Жерновски на својот профил на Фјесбук денеска објави дека од Службен весник дознал дека е отповикан од должноста амбасадор без, како што вели, никаква претходно добиена информација.

„По 192 дена откако ме вратија на ‘консултации’ во државата, при што брутално е погазен Законот за надворешни работи, оваа одлука ја дознав сосема неофицијално“, напиша Жерновски.

The post ЖЕРНОВСКИ ОТПОВИКАН ОД АМБАСАДОР ВО РОМАНИЈА Указот потпишан од Сиљановска Давкова е објавен во Службен весник appeared first on plusinfo.mk.

Ниту сум имала намера, ниту некогаш ќе направам такво нешто да употребам вето за да навредам некој јазик, ниту пак сум се водела од партиски совети, изјави денеска претседателката Гордана Сиљановска-Давкова во врска со ветото што го стави на Законот за заштита на децата.

Во изјава за медиумите дадена денеска по литургијата во Соборниот храм во Скопје, Сиљановска-Давкова рече е должна да ги почитува Уставот и законите.

– Објаснив дека не сум законодавец, нема да предложам решение, не сум Уставен суд, значи нема да го оценувам преку ветото, само упатив повик уште еднаш да се разгледаат членовите 9 и 10 и уште еднаш да се размисли дали ваквиот начин на полагање и добивање лиценца нема да внесе или да отвори простор за дискреционо овластување. Не сум јас пристрасната, туку партиите кои посегаат по квалификации. Јас само тргнав од еден ноторен уставен и правен факт дека најпрво во самиот закон има одредба во која се вели дека меѓу останатото начинот на полагањето и начинот на издавањето на лиценците се уредува со акти на министерот. Во членовите 9 и 10 има одредби што мислам дека треба парламентарниот состав да ги преобмисли – изјави Сиљановска-Давкова.

Она на што укажува, како што појасни, е и тоа што во предложеното законско решение, формулацијата најмалку 20%, не е како што е во Уставот и во законите.

– Ако пратениците одлучат да го задржат ова решение, јас ќе морам да го потпишам законот, но не мислам дека ова е намерно, претпоставувам дека дошло до превид – изјави Сиљановска-Давкова.

За нејзината постапка, како што рече, ја информирала Владата и надлежните министри.

По непотпишувањето на указот од страна на претседателката, од Владата информираа дека законот ќе се доработи и ќе се достави во Собранието во закониските ркови.

Денеска и премиерот Христијан Мицкоски во изјава за медиумите го потврди ова.

– Како што сум информиран, станува збор за членовите 9 и 10 и тие така што се формулирани се спротивни на Уставот и на Законот за јазиците така што мислам дека е рутина и формалност. Ќе бидат корегирани и ќе бидат согласно Уставот и Законот за јазици и очекувам дека успешно ќе бидат усвоени. Мислам дека малку несмасно е тоа направено. Тоа е една формулација којашто ќе се надмине. Инаку се знае дека службен јазик на целата територија на државата е македонскиот јазик, но сите оние кои ќе побараат и на албански да биде формуларот за полагање, тоа сега ќе биде прецизно формулирано согласно Уставот и законите и ќе биде овозможено – изјави Мицкоски пред Соборниот храм во Скопје.

СИЉАНОВСКА НЕ СТАВИ ПОТПИС, СЕ ОГЛАСИ ВЛАДАТА Законот за заштита на децата ќе биде доработен

The post НЕМА ДА УПОТРЕБАМ ВЕТО ЗА ДА НАВРЕДАМ НЕКОЈ ЈАЗИК Спорни се членовите 9 и 10 во Законот за заштита на децата appeared first on plusinfo.mk.

Како што може да се види од објавените укази, станува збор за повлекување на амбасадорите на Северна Македонија во НАТО, Дане Талески, на Данчо Марковски од Албанија, на Фатон Бејта од Данска, на Сали Лимани од Казахстан и од Катар на амбасадорот Шабан Јашари.

Отповикани се и амбасадорката Теута Агаи Демјаха, која е шефица на Постојната мисија на Северна Македонија во ОН во Женева и амбасадорката при Светата Столица во Ватикан, Марија Ефремова.

Согласно указите, мандатот на Талески во Постојаната делегација на Република Северна Македонија при НАТО, со седиште во Брисел престанува заклучно со 14 јануари, 2025 година, а на останатите амбасадори заклучно со 30 ноември, годинава.

Указите стапуваат во сила со нивното објавување во Службен весник, а ќе ги изврши министерот за надворешни работи и надворешна трговија.

The post ОТПОВИКАНИ 7 АМБАСАДОРИ Меѓу нив е и амбасадорот во НАТО, Дане Талески appeared first on plusinfo.mk.

Рускиот претседател Владимир Путин потпиша закон за легализација на активностите за ископување криптовалути во Русија од 1 ноември 2024 година, објавија руските медиуми.

Законот ги дефинира термините како рударство, рударски базен и оператор на рударска инфраструктура, објави Интерфакс.

Руската агенција наведува дека се предлага ископувањето на дигитални валути да се разбере како активност на вршење математички пресметки преку работа на технички средства за внесување во информацискиот систем.

Условите за активностите на физичките и правните лица кои се занимаваат со ископување дигитални валути ќе ги утврди Владата на Руската Федерација во договор со Централната банка.

Владата ќе може да забрани ископување дигитални валути во одредени региони на Русија.

The post РУСИЈА ГО ЛЕГАЛИЗИРА РУДАРЕЊЕТО КРИПТОВАЛУТИ Путин го потпиша указот на законот appeared first on plusinfo.mk.

Во објава на Фејсбук, Сиљановска-Давкова појаснува дека се работи за закон кој се носи со двотретинско мнозинство којшто претседателот, согласно членот 75, став (4) е должен да го потпише, односно на кој нема право да стави вето.

„Законот е реформски и со него прво ќе се анулира паралелизмот на надлежностите на многу министерства, со што ќе се обезбеди функционалност и одговорност, второ ќе се (дис)лоцираат надлежностите во соодветните министерства, со што ќе се рационализира и ефектуира нивната работа (Министерство за надворешни работи и надворешна трговија, Министерство за економија и труд, Министерство за енергетика, рударство и минерални суровини, Министерство за социјална политика, демографија и млади, Министерство за култура и туризам, трето ќе се институционализираат нашите стратешки приоритети преку формирање соодветни министерства (Министерство за европски прашања, Министерство за дигитална трансформација) и четврто, ќе се подигне нивото на општествената грижа за физичкото и менталното здравје на нацијата (Министерство за спорт)“, стои во објавата на Фејсбук.

Законот беше донесен доцна вечерта во петокот со двотретинско мнозинство. Поддршка дадоа 88 пратеници, а 22 беа „против“. За измените на Законот гласаа пратениците на ВМРО-ДПМНЕ, коалицијата „Вреди“, партијата ЗНАМ, како и пратеници на Европскиот фронт предводен од ДУИ.

The post СИЉАНОВСКА ДАВКОВА ПОТПИША Указот за Законот за организација на државната управа треба да обезбеди функционалност appeared first on plusinfo.mk.

„Кабинетот на Претседателката укажува дека Законот за организација и работа на органите на државната управа е системски закон, односно се носи со двотретинско мнозинство, па согласно член 75 од Уставот, Претседателот нема право на вето на истиот, односно е должен да го потпише указот“, соопштија денеска од Кабинетот на Сиљановска Давкова.

Собранието со 88 гласа „за“ и 22 „против“ ноќеска ги донесе измените и дополнувањата на Законот за организација и работа на органите на државната управа, со што, како што беше посочено, се создаваат услови за формирање нова влада која треба да биде предводена од мандатарот и лидер на ВМРО-ДПМНЕ Христијан Мицкоски.

За измените на Законот гласаа пратениците на ВМРО-ДПМНЕ и коалицијата, на Вреди и на паријата ЗНАМ, како и пратеници на Европскиот фронт предводен од ДУИ.

ВМРО-ДПМНЕ и Европскиот форнт синоќа објавија дека постигнале договор за поддршка за измените, како и за формирање на ад хок комисија во Собранието за правична застапеност.

The post НЕМАМ ПРАВО НА ВЕТО Сиљановска Давкова ќе го потпише указот на Законот за реорганизација на министерства appeared first on plusinfo.mk.

Како што информира Кабинетот на претседателот Пендаровски, во Законот јасно е дефинирано што претставува државна кампања од јавен интерес, на државно или на локално ниво. Измените на Законот го лимитираат буџетот, односно висината на средства кои од државниот буџет ќе можат да се потрошат за кампањи на државно или на локално ниво.

„Законот предвидува постапка, во која централна улога има комисија која е составена од претставници на политичките партии и од власта и од опозицијата, на паритетна основа. Во Законот се прецизирани критериумите според кои можат да конкурираат радиодифузерите, а јасно е дефинирана и постапката за избор на радиодифузери на кои ќе се прикажуваат кампањи на државно или на локално ниво. Тоа значи дека, за разлика од порано кога Владата предводена од ВМРО-ДПМНЕ своеволно одлучуваше кому колку пари ќе даде, сега е прецизно регулирано како медиумите и колку средства ќе добиваат за кампањи на државно или на локално ниво“, се вели во соопштението.

Од Кабинетот на Пендаровски посочуваат дека Законот за изменување и дополнување на Законот за аудио и аудиовизуелни медиумски услуги во Собранието беше донесен без поднесени амандмани од опозицијата, што значи дека опозицијата нема забелешки за неговата содржина.

И во поголемиот број на земји-членки на Европската Унија постои регулатива со која се овозможува кампањи од јавен интерес во медиумите, посочуваат од Кабинетот.

Пендаровски изминатите денови остварил комуникација со сите засегнати страни, односно со тие што биле и „за“ и „против“ Законот. Во оваа насока, како што се наведува во соопштението, претседателот Пендаровски очекува дека во најскоро време ќе продолжи дијалогот меѓу релевантните институции и Здружението за заштита и унапредување на интернет медиумите со цел унапредување на положбата на онлајн медиумите во медиумската сфера, имајќи предвид дека во порталите работат голем дел од новинарите.

The post ПЕНДАРОВСКИ ГО ПОТПИША ЗАКОНОТ ЗА АУДИО-МЕДИУМСКИ УСЛУГИ Да продолжи дијалогот меѓу релевантните институции, порача претседателот appeared first on plusinfo.mk.

Одлуката, како што информира Кабинетот на претседателот Пендаровски, е донесена врз основа на детална анализа на текстот на Законот и на постапката во која што овој Закон е донесен, како и по спроведени консултации со Делегацијата на Европската Унија во Македонија, со заклучок дека е несоодветна употребата на европско знаменце.

Пендаровски детално ја образложува одлуката во дописот до претседателот на Собранието – Јован Митрески.

„Врз основа на член 75, став 1 од Уставот на Република Северна Македонија, а во врска со член 38, став 2 од Законот за Собранието на Република Северна Македонија, Ве известувам дека одлучив да не го потпишам Указот за прогласување на Законот за изменување и дополнување на Законот за игрите на среќа и за забавните игри, што Собранието на Република Северна Македонија го донесе на седницата одржана на 7 февруари 2024 година.

Мојата одлука да не го потпишам Указот за прогласување на Законот ја донесов врз основа на детална анализа на текстот на Законот и на постапката во која што овој Закон е донесен. Во таа смисла, во изминатите денови, како што ја информирав и јавноста, извршив бројни консултации со експерти и со засегнатите страни, а со цел да донесам исправна и информирана одлука, пред сè, во согласност со уставното начело на владеење на правото, системот на поделба на власта и со интересите на граѓаните.

Како Претседател на Републиката секогаш внимавам на мојата основна и најопшта уставна надлежност да ја претставувам Републиката, определена со член 79 од Уставот. Претставувањето на Републиката е одговорност во земјата, пред нашите граѓани, но и во странство пред другите држави и меѓународни организации. Многу повеќе од протоколарните обврски, претставувањето на Републиката вклучува грижа за остварување на стратешките интереси на нашата држава.

Граѓаните пред повеќе од три децении се определија за полноправно членство во Европската Унија и затоа оваа определба ја поставивме за наша стратешка определба. Во таа смисла, на нашиот пат кон полноправното членство ние сме обврзани да ги исполниме условите за членство што произлегуваат од Копенхагенските критериуми и од Преговарачката рамка за членство за која се согласивме и ние и Европската Унија и со која ги започнавме преговорите за членство. Незаобиколен елемент од овој долг пат кон полноправното членство се Извештаите за напредок на нашата држава кои долги години за нас ги подготвува Европската комисија. Извештаите за напредок не претставуваат критика, туку насоки според коишто треба да се движиме во реформите и нивното исполнување не е наметната обврска туку ни служи подобро да се подготвиме за членството, но и во процесот на подготовката да ја заокружиме трансформацијата на нашето општество и држава со цел да ја обезбедиме благосостојбата на граѓаните за која сите ние работиме.

Затоа, а поаѓајќи од забелешките во последниот Извештај за напредок во однос на употребата на забрзаната процедура за усогласување на нашето законодавство со правото на Европската Унија, популарно позната како „процедура со европско знаменце“, во рамките на консултациите се обратив и до Делегацијата на Европската Унија во Република Северна Македонија, како наш најважен партнер во земјата во процесот на преговори. Во одговорот што го добив од нивна страна е наведено дека „тие нотирале дека Законот е усвоен во процедура што се базира на употребата на европското знаме. Во ситуација на отсуство на суштинско „аки“ (задолжително право на ЕУ) во областите што ги опфаќа овој Закон и фактот дека Законот не наведува дури ни лимитирано „ЕУ аки“ што може да биде релевантно, како и поради комплексноста и важноста на предметните прашања, тие сметаат дека употребата на процедурата со европско знаменце е несоодветна“.

Истовремено, во одговорот од Делегацијата на ЕУ нè потсетуваат на забелешката од Извештајот за напредок на нашата држава за 2023 година во кој е децидно наведено дека наведената процедура треба да се користи единствено кога се работи за усвојување на закони што се директно поврзани со задолжителното право на ЕУ, а не за да се скрати јавната дебата за важни прашања.

Свесен сум за важноста за сеопфатно регулирање на оваа област, но и за легитимните и оправдани грижи на граѓаните во однос на можното штетно влијание на игрите на среќа и забавните игри врз младите, особено врз нивниот психолошки развој. За опасноста од злоупотребата на игрите на среќа и забавните игри и за развојот на нездрава зависност од нив постојат бројни научни и стручни студии, но и секојдневни трагични примери. Токму затоа, сметам дека без одложување треба одново да почне дебата и постапка во Собранието за ова прашање, но во редовна законодавна постапка со широка и инклузивна дебата со сите засегнати страни, онака како што ѝ доликува на една зрела парламентарна демократија.

Во таа насока, апелирам до сите пратеници, независно од политичката припадност, а водејќи се од словото на Уставот и јавниот интерес, уште еднаш, да размислат пред повторно да одлучуваат за овој Закон“ – се наведува во обрзложението од претседателот Стево Пендаровски.

The post ПЕНДАРОВСКИ НЕ ГО ПОТПИША ЗАКОНОТ ЗА ИГРИ НА СРЕЌА Утврдена несоодветна употреба на процедурата со европско знаменце appeared first on plusinfo.mk.

Претседателот Пендаровски, како што соопшти неговиот Кабинет, ја поздравува одлуката на пратениците кои денеска ги ставија интересите на граѓаните над дневната политика и донесоа решение за возачките дозволи.

Собранието попладнево по итна постапка ги донесе законските измени согласно кои рокот за вадење нови возачки со ознаката „Република Северна Македонија“ наместо до вечерва на полноќ, се продолжува до 31 декември 2024.

The post ПЕНДАРОВСКИ ЈА ПОЗДРАВИ ОДЛУКАТА НА ПРАТЕНИЦИТЕ Потпишан указот за пролонгирано важење на возачките дозволи со „Република Македонија“ appeared first on plusinfo.mk.

Пендаровски истакна дека не може од сега да се знае во каква конечна верзија ќе бидат тие законски решенија, затоа што, како што посочи, можат да бидат изменети со амандмани.

-Да ја почекаме дебатата, да ја видиме конечната содржина на тие закони. Мојот тим правници и во Кабинетот и надвор од него се веќе ангажирани во следење на дебатата и на тоа што ќе излезе како конечен продукт. Во однос на процедурата мислам дека иако одат по скратена постапка, не се со европско знаменце и ќе има доволно време и за опозицијата да поднесе амандмани, да се вклучи во дебатата и да имаме аргументирана расправа како што доликува за овој важен сет закони – рече Пендаровски.

Во однос на реакциите на експерти и граѓански организации, Пендаровски посочи дека тие реагираат во оваа фаза, а станува збор за предлози на закони.

– Реагираат во оваа фаза, но станува збор за предлози на закони, влегуваат во Собранието и опозицијата и власта може да предложат амандмани. Важно е претседателот ја гледа конечната верзија на законот и само од тоа зависи. Ако ги повредуваат правата на граѓаните ако завлегуваат во правата на трети лица итн. се разбира дека дел, или барем дел од тие закони нема да поминат, но да ги видиме во конечна верзија – нагласи Пендаровски.

Измените и дополнувањата на девет закони поврзани со автопатските делници што треба да ги гради американско-турскиот конзорциум „Бехтел и Енка“ се на дневен ред на денешната 112-та собраниска седница. Сите закони се по скратена постапка, а предлагачи се група пратеници од владејачкото мнозинство.

The post ПЕНДАРОВСКИ ЌЕ МУ ЈА МИСЛИ ОТПОСЛЕ Претседателот сака да ги види конечните верзии на законите за да заземе став appeared first on plusinfo.mk.