укаинска војска Archives - plusinfo.mk

ПОЛИЦИЈАТА СЕ ВРАТИ ВО ОСЛОБОДЕНИОТ ХЕРСОН Украинската војска ја стабилизира безбедноста на градот

МИА — Sat, 12 Nov 2022 15:55:45 +0000

Украинската армија денеска спроведе „мерки за стабилизација” во близина на градот Херсон на југот на земјата, откако руската армија се повлече по осуммесечна окупација.

Жителите на Херсон, единствениот регионален главен град заробен од руската армија за време на инвазијата, синоќа ја прославија веста на Кремљ дека неговите војници се повлекле на другата страна на реката Днепар.

Генералштабот на украинските вооружени сили соопшти дека Русите ги зајакнале борбените линии на источниот брег на реката по напуштањето на главниот град.

Околу 70 отсто од регионот Херсон останува под руска контрола. Украинската разузнавачка агенција вчера објави дека мисли дека некои руски војници во цивилна облека останале во градот.

Украинскиот претседател Володимир Зеленски изјави дека непријателот иако уште е присутен во градот, жителите на Херсон веќе ги отстрануваат руските симболи и сите траги од окупацијата од улиците и зградите.

Најавата на Москва дека руските сили планираат да се повлечат преку реката Днепар, која ги дели Херсонската област и Украина, уследи по засилената украинска контраофанзива на југот на земјата.

Украинската полиција и јавниот сервис се вратија во неодамна ослободениот град Херсон.

Началникот на националната полиција на Украина, Ихор Клименко, денеска напиша дека околу 200 полицајци се на терен во градот, поставувајќи контролни пунктови и документирајќи докази за можни воени злосторства.

-Се работи и на деминирање на површината, а еден деминер е повреден додека работел во управната зграда – напиша Клименко.

Украинската служба за следење на комуникациите соопшти дека во градот повторно емитуваат украинскиот јавен сервис и радио.

Советникот на градоначалникот на Херсон, Роман Холовња, изјави дека хуманитарната помош почнала да пристигнува од соседната област Николаев.

Тој ја нарече ситуацијата во градот „хуманитарна катастрофа”. Како што изјави, луѓето кои останале во градот немаат вода, лекови и храна.

The post ПОЛИЦИЈАТА СЕ ВРАТИ ВО ОСЛОБОДЕНИОТ ХЕРСОН Украинската војска ја стабилизира безбедноста на градот appeared first on plusinfo.mk.