Србија лани склучи договор за набавка на оружје и воена опрема во вредност од една милијарда и 318 милиони долари, што претставува сума поголема од вкупната вредност на сите набавки од крајот на 2016 година, кога почна процесот на модернизација на Војската на Србија, пренесе Бета.

Според порталот Балканска безбедносна мрежа, висината на договорените набавки е наведена во извештајот за работењето на јавното претпријатие Југоимпорт-СДПР за минатата година. Таму е наведено дека се потпишани 287 поединечни договори со 31 земја.

„Податоците не се прецизирани кога се работи за делот од висината на тие договори наменети за вооружените сили, но се релевантни за проценката бидејќи Југоимпорт-СДПР е задолжена за сите набавки на стратешки важни средства за воени цели, а тој список го вклучува практично целото оружје и воената опрема“, се наведува во текстот.

Порталот додава дека дел од договорите се склучени за домашно производство во фабриката Борбени сложени системи, и други кои се во 100 отсто сопственост на Југоимпор-СДПР.

„Драматичното зголемување на набавката на оружје подразбира нови големи договори. Важен партнер беше Русија, од која се купени четири борбени хеликоптери Ми-35М, три транспортери Ми-17В-5, две батерии на системот за противвоздушна одбрана Панцир-S1M, системи за противелектронски акции и борба против беспилотни летала…“, се наведува во извештајот.

Во текстот се потсетува дека практиката во големи зделки е дел од парите да се даваат како аванс, но не е јавна информација колку е платено на Русија за оружје кое сега не може да се добие поради меѓународните санкции и блокадата на руската економија.

The post СРБИЈА КУПУВА ОРУЖЈЕ ОД 31 ЗЕМЈА Модернизацијата на војската чини 1,3 милијарди долари appeared first on plusinfo.mk.

Како што дознаваат српските медиуми, пушката ќе има ефикасен домет од два километра, а максимален од четири километри. Направена е со калибар од 200 милиметри, со изглед на противавионска пушка со три цевки М55.

Оваа пушка ја тестираат најдобрите снајперисти на српската војска  и на полицијата.

ВИДЕОТО  е на Србија данас

The post СРБИЈА НАПРАВИ НАЈНОВ МОДЕЛ НА СНАЈПЕР Дострелот е до четири километри (ВИДЕО) appeared first on plusinfo.mk.