Безживотното тело на 75-годишна македонска државјанка било извлечено од морскиот дел во Неа Каликратија на Халкидики, со возило на брза помош жената била пренесена во здравствен центар, каде што била констатирана смрт, јави МИА.

Од Крајбрежната служба на Грција соопштија дека во попладневните часови вчера, крајбрежната управа на Неа Муданија била информирана дека „75-годишна странска државјанка (државјанка на Република Северна Македонија) била извлечена без знаци на живот од морската област „Неа Каликратија“ во општина Неа Пропонтида, Халкидики“.

– Со амбулантно возило на брзата помош 75-годишната беше пренесена во Здравствениот центар во Неа Муданија, каде што беше констатирана смртта, информираа од грчката крајбрежна служба.

Надлежната управа, која ја спроведува предистражната постапка, наредила да се изврши обдукција во Институтот за судска медицина во Солун. 

The post МАКЕДОНСКА ДРЖАВЈАНКА СЕ УДАВИ НА ХАЛКИДИКИ Била на 75-годишна возраст appeared first on plusinfo.mk.

Тело на женско лице рано утрово е пронајдено на заштитната решетка од десниот магистрален канал на хидросистемот „Брегалница“, на влезот во кочанската населба Оризари.

Вработените на водостопанската подружница од Кочани веднаш излегле на терен и го намалиле дотокот на вода од браната Калиманци, за да може телото на удавената жена да се извлече од каналот.

Според сè уште непотврдени информации се работи за постара жена од Оризари, а случајот го пријавил
нејзиниот син.

На местото на настанот увид прават стручни екипи од полицијата и од Основното јавно обвинителство од Кочани, кои треба да го потврдат идентитетот на настраданата жена.

The post НАЈДЕНО ЖЕНСКО ТЕЛО ВО ХИДРОСИСТЕМОТ „БРЕГАЛНИЦА“ Се задржало кај заштитните решетки appeared first on plusinfo.mk.