Нови детали испливаа за нападот во загрепското електротехничко училиште каде 15-годишник повредил ученик и чистачка што се обидела да го спречи во нападот.

Професорот Марио Божуриќ oд Електротехничкото училиште во Загреб помогнал да го совладаат напаѓачот, а потоа со рака му го запирал крварењето на другиот 15-годишен ученик кој бил избоден во нападот.

Божуриќ, професор на Електротехничкиот факултет во Загреб, пристигнал околу 7.55 часот. Пред зградата видел голем број ученици како трчаат надвор.

– Викаа „Бегај, бегај!“ Прашував што се случува, а тие ми рекоа дека некој има нож – раскажал Божуриќ.

Тој сепак втрчал во училиштето. Ја оставил чантата, а ходникот веќе бил речиси празен.

Двајцата повредени се стабилни и во моментот не се животно загрозени, соопштила министерката за здравство Ирена Хрстиќ. Повредниот 15-годишник и 59-годишната чистачка се оперирани, а можни се копмликации ја чистачката поради убодните рани.

Двајца лежеле на подот

Пред себе видел двајца луѓе на подот. Во првиот момент не знаел кој е напаѓачот, ниту каде е ножот.

– Прашав „Каде е тој нож?“ Лицето што беше горе се сврте и рече „Го фрли ножот“ – раскажал професорот.

Тогаш сфатил дека помлад колега од соседното училиште веќе го совладал напаѓачот. Божуриќ му помогнал на колегата да го држат напаѓачот на подот до доаѓањето на полицијата.

Го прашал момчето зошто го извршило нападот.

– Ми рече дека дошол да повреди некого, а и себеси – рекол Божуриќ.

Напаѓачот потоа му кажал дека веќе повредил ученик. Момчето било во тоалетот.

Со рака му го запирал крварењето

Божуриќ веднаш тргнал да го бара повредениот ученик. Зад една од вратите го пронашол 15-годишникот облеан во крв.

– Ја искористив раката за да се обидам да го сопрам крварењето и да одржувам контакт со него, да го држам буден додека не пристигна брзата помош – раскажал тој.

Под момчето забележал мобилен телефон. Од другата страна на линијата била неговата мајка.

Паниката во меѓувреме се ширела низ училиштето.

„Мамо, нешто навистина лошо се случи“

Мајка на друг ученик раскажала дека нејзиниот син го видел напаѓачот. Долниот дел од лицето му бил покриен, а во раката држел предмет што личел на нож или на мачета.

Учениците слушнале и наставници како му викаат да го остави ножот. Потоа се повлекле на вториот кат.

Набргу момчето ѝ се јавило на мајка си.

– Мамо, нешто навистина лошо се случи во училиште! – ѝ извикал.

Таа му рекла да остане на безбедно, да се држи подалеку и да ги слуша наставниците.

Нејзиниот син подоцна раскажал дека прво слушнал врескање. Кога се симнал да види што се случува, забележал човек со предмет што личел на нож.

Учениците потоа извесно време останале на вториот кат.

– Сите паничеа и бегаа. Некои дури зграпчија метла или нешто слично за да се одбранат. Сето тоа беше ужасно – раскажал ученикот.

Загреб повторно зборува за безбедноста

Нападот повторно го отвори прашањето за безбедноста во загрепските училишта. Градоначалникот на Загреб, Томислав Томашевиќ, изјавил дека во тој момент најважно е закрепнувањето на повредениот ученик и на чистачката.

Училишниот синдикат „Препород“ беше поостар. Оцени дека, и покрај мерките преземени по трагедијата во основното училиште „Пречко“, училиштата сè уште не се целосно безбедни.

„Денешниот настан покажува дека, за жал, сè уште сме далеку од тоа да ги направиме нашите училишта навистина целосно безбедни“, соопшти синдикатот.

Професорот Божуриќ, пак, за хрватските медиуми прашува:

– Како можете да му кажете на некого дека училиштето е безбедно место сега?

ХАОС ВО ЗАГРЕБ, ЧИСТАЧКА ТРГНАЛА ДА СПАСИ УЧЕНИК ОД МАСКИРАН НАПАЃАЧ Тој ја избодел и неа, децата избегале од училиштето

The post НОВИ ДЕТАЛИ ЗА НАПАЃАЧОТ ВО ЗАГРЕБ, ПРОГОВОРИЛ ДОДЕКА ГО ДРЖЕЛЕ „Дојдов да повредам некого, а и себеси“ appeared first on plusinfo.mk.

Ученик во фантомка со нож нападнал ученик во срендо училиште во загребската населба Волтино. Чистачката се вмешала за да му го одвлече вниманието, а завршила избодена. Полицијата сè уште го утврдува мотивот.

Чистачката во загрепското училиште не била случајна втора жртва на нападот, пишува хрватски Индекс.

Кога видела дека маскиран млад човек со нож нападнал ученик, се вмешала и се обидела да му го одвлече вниманието. Напаѓачот тогаш ја избодел и неа. Децата во паника бегале на улица, а пред зградата пристигнале вооружени полицајци и екипи на Брза помош.

Полицијата засега не ја потврдува возраста на напаѓачот. Според сведоштвата на учениците, нападнатиот ученик бил прва година. Меѓу децата се проширила и информација дека напаѓачот учел во истото училиште и исто така бил прва година.

Со фантомка и нож низ училиштето

Нападот се случил околу 8 часот во образовен комплекс на улицата Конавоска. Во зградата се сместени две средни училишта и една високообразовна институција.

Според неофицијалните информации, млад човек со фантомка се движел низ зградата вооружен со нож. Учениците исплашено им јавувале на родителите дека низ училиштето се движи маскиран напаѓач.

Дел од децата успеале да истрчаат од зградата и да побегнат на улица.

Тогаш се случил и инцидентот за кој раскажувале учениците пред училиштето.

Мотивот останува неразсјанет.

Според негофицијалните информации на „Индекс“, напаѓачот и нападнатиот ученик се скарале во четвртокот, 10 септември. За време на расправијата, напаѓачот отворено му се заканил на својот врсник, велејќи му „да се чува“.

Две носилки пред училиштето

Сликите пред училиштето ја покажале тежината на ситуацијата. Екипите на Брза помош изнеле најмалку две лица на носилки. Повредените веднаш биле префрлени во болница.

Пред комплексот пристигнале бројни полицајци, меѓу нив и припадници вооружени со долго оружје. Полицијата го опколила просторот со лента, а во и околу зградата почнал увид.

Напаѓачот бил ставен под полициски надзор.

„Денес, 11 септември, околу 8 часот наутро, се случи инцидент во образовна институција на улицата Конавоска во Загреб, во кој еден ученик повреди друг ученик и вработен во институцијата со остар предмет“, соопшти загрепската полиција.

За безбедноста била задолжена постара жена?

Нападот го отворил и прашањето за обезбедувањето во комплексот. 

Ученици пред зградата тврделе дека училиштето имало службеник за обезбедување. Според нив, станувало збор за повозрасна жена која не можела физички да му се спротивстави на вооружениот напаѓач.

И овој дел доаѓа од сведоштвата на учениците и не бил официјално потврден од училиштето или од полицијата.

Истражителите продолжиле да го обезбедуваат местото и да утврдуваат како напаѓачот влегол во зградата со балаклава и со нож.

The post ХАОС ВО ЗАГРЕБ, ЧИСТАЧКА ТРГНАЛА ДА СПАСИ УЧЕНИК ОД МАСКИРАН НАПАЃАЧ Тој ја избодел и неа, децата избегале од училиштето appeared first on plusinfo.mk.