Без проблеми се одвива онлајн наставата за ученици од четири училишта во општина Гази Баба со цел тие и нивните наставници да се заштитат од штетни материи по големиот пожар во магацин за отпад што се случи во Трубарево во саботата.

– На мое големо задоволство, наставата тече без пречки. Околу 1.800 ученици од четирите училишта во Трубарево ја посетуваат наставата онлајн и досега немаме ниту една поплака – изјави министерката за образование и наука Весна Јаневска одговарајќи на новинарски прашања по настанот „Градиме нови мостови“ што се одржа во ОУ „Живко Брајковски“ во Општина Бутел.

Министерството за образование и наука (МОН) на 14 септември информираше дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“ во општина Гази Баба, од вчера 15 септември до петок 19 септември ќе се реализира без физичко присуство на учениците во училиштата, туку онлајн, поради настанатиот пожар во Трубарево. 

The post ОКОЛУ 1.800 ДЕЦА ВО ТРУБАРЕВО НЕДЕЛАВА УЧАТ ОНЛАЈН Нема ниту една поплака досега appeared first on plusinfo.mk.