Единицата за внатрешни работи Ѓорче Петров при СВР Скопје до ОЈО Скопје поднесе шест кривични пријави по член 201 став 1 од КЗ (запуштање и малтретирање дете) против Е.А и А.М, Е.С., Р.С. и Р.Г., С.А., В.И. и Ѓ.И., А.Т. и Т.Т., поради тоа што малолетните деца на пријавените лица извршиле кривично дело по чл. 386 од КЗ односно поради физички напад врз 13-годишната малолетничка во Ѓорче Петров.

Во врска со овој случај, на 29.04.2026 ЕВР Ѓорче Петров до ОЈО Скопје поднесе и кривична пријава против четири малолетнички.

КРИВИЧНИ ЗА ЧЕТИРИТЕ МАЛОЛЕТНИЧКИ ОД ЃОРЧЕ По насилството врз 13-годишното девојче, ќе одговараат и родителите

The post КРИВИЧНИ И ЗА РОДИТЕЛИТЕ НА НАСИЛНИТЕ МАЛОЛЕТНИЧКИ ОД ЃОРЧЕ Ќе одговараат за запуштање и малтретирање дете appeared first on plusinfo.mk.

Сто шеесет и пет ученички загинаа во напад врз женско училиште во градот Минаб, Иран, објавија иранските државни медиуми, повикувајќи се на официјални извори.

Според истите информации, во нападот се повредени уште најмалку 96 лица.

Иранските власти тврдат дека училиштето било погодено во израелски напад, оценувајќи го инцидентот како тежок удар врз цивилни цели.

Од друга страна, Израел ги отфрли обвинувањата и соопшти дека не извршил напади во таа област.

Засега нема независна потврда за околностите под кои се случил нападот, а случајот дополнително ги зголемува тензиите во регионот.

The post МАСАКР ВО УЧИЛИШТЕ ВО ИРАН Во крвавиот напад загинаа 165 ученички, Техеран го обвини Израел appeared first on plusinfo.mk.

Мета се соочи со жестоки критики од родителите во Велика Британија откако фотографии од девојчиња во училишни униформи – дури и на возраст од само 13 години – биле користени во промотивни објави за Threads, новата социјална мрежа на Марк Закерберг.

Родителите тврдат дека не биле свесни дека нивните приватни објави можат да се користат на овој начин, додека експертите предупредуваат на ризиците од сексуализација и злоупотреба на деца на интернет. Приказната првпат ја објави британскиот весник The Guardian.

37-годишен корисник од Лондон забележал дека рекламите за Threads биле вметнати во неговиот профил на Инстаграм, прикажувајќи слики од девојчиња во училишни униформи – со тоа што нивните лица и имиња биле јасно видливи. Фотографиите претходно биле објавени од нивните родители за да го означат почетокот на учебната година, но биле користени како дел од промотивната содржина без нивно знаење.

Една мајка рекла дека нејзиниот профил бил поставен на приватен, но објавите автоматски биле преместени во Threads, каде што станале јавни. Друга рекла дека ја споделила фотографијата на јавен профил, но немала поим дека Инстаграм ќе го користи за маркетиншки цели.

Повеќе за ова на порталот „Мајка и дете“.

The post МЕТА КОРИСТЕЛА УЧЕНИЧКИ ВО УНИФОРМИ КАКО МАМЕЦ ВО РЕКЛАМИ ЗА МАЖИ Британските родители се згрозени од злоупотребата на слики од малолетнички appeared first on plusinfo.mk.

Македонските ученички-информатичарки, трета година по ред се оние коишто го најавуваат успешното учество за Македонија на меѓународните олимпијади по информатика. На петтата по ред Европска олимпијада по информатика за девојки (ЕОИД 2025), која од 14 до 20 јули се одржува во Бон, Германија, нашите ученички остварија уште еден одличен резултат, освојувајќи еден бронзен медал, соопшти Здружението на информатичарите на Македонија.

Бронзениот медал за Македонија на ова значајно меѓународно натпреварување го освои Сара Стефановска од Крива Паланка, а достоен резултат постигна и Антонела Владева од Свети Николе, освојувајќи олимписка пофалница. И останатите 2 членки на македонскиот тим, Елена Трифуноска од Тетово и Јагода Панова од Струмица, имаа солидно претставување. Вклучувајќи го и овој бронзен медал, македонските ученички на досегашните 5 изданија на ЕОИД имаат освоено вкупно 1 сребрен и 7 бронзени медали.

Тимот е предводен од лидерите, д-р Миле Јованов и д-р Емил Станков од Факултетот за информатички науки и компјутерско инженерство (ФИНКИ), факултет кој со своите ресурси редовно ги поддржува активностите на Здружението на информатичарите на Македонија и организацијата на натпреварите по информатика. Оваа година се одржа 36-от циклус натпревари преку кој беа избрани и учесничките за оваа олимпијада. Натпреварите се одржуваат преку системот mendo.mk кој е достапен во текот на целата година за сите заинтересирани натпреварувачи.

Европската олимпијада по информатика за девојки (ЕОИД) е натпревар во програмирање, наменет само за ученички – средношколки од државите во Европа, кои се заинтересирани за изучување на компјутерските науки. Целта на ЕОИД е да ги поттикне учеството и присуството на девојките во областа на информатиката, овозможувајќи простор каде што талентираните ученички можат да ги демонстрираат своите способности и да се натпреваруваат на меѓународна сцена. Оваа олимпијада има значајна улога во мотивирањето на повеќе девојки да се одлучат за кариера во компјутерските науки и слични области, каде што жените сè уште се малку застапени. Преку создавање средина што нуди поддршка и предизвик, ЕОИД настојува да ги инспирира и да ги охрабри младите жени да напредуваат и да се истакнат во полето на информатиката.

Форматот на натпреварувањето на ЕОИД е налик на веќе востановените меѓународни олимпијади, како што е Интернационалната олимпијада по информатика (ИОИ). Како и на ИОИ, натпреварувачките треба во ограничен временски рок да решат серија алгоритамски и проблемски задачи. Централниот дел од натпреварот се одвива во текот на два натпреварувачки дена, за време на кои ученичките се соочуваат со комплексни задачи што бараат осмислување и примена на ефикасни алгоритми. Овој натпревар не само што ги развива техничките способности, туку и ги поттикнува тимскиот дух, аналитичкото размислување и креативниот пристап.

Секоја земја – членка на ЕОИД заедницата има право да учествува со свој тим составен од најмногу четири натпреварувачки под 20-годишна возраст, избрани преку националните натпревари во програмирање, како и лидер и заменик лидер на тимот. На ЕОИД 2025 учествуваат вкупно 138 учеснички од 38 европски држави, додека во неофицијална конкуренција учествуваат и 85 ученички од 22 држави надвор од Европа (меѓу кои Австралија, Канада, Египет, Индија, САД, Саудиска Арабија и др.). Со оглед на силната конкуренција, освоениот бронзен медал претставува значајно постигнување и потврда за успехот на македонскиот тим, достоен за почит.

Следната, шеста по ред, Европска олимпијада по информатика за девојки (ЕОИД 2026) ќе се одржи идната година, во Италија. Следен настан пак, кој им претстои на македонските ученици – информатичари, е централниот натпревар, односно Интернационалната олимпијада по информатика (ИОИ) во Сукре, Боливија, која ќе се одржи од 27 јули до 3 август.

The post НОВ УСПЕХ ЗА МАКЕДОНИЈА НА ЕВРОПСКАТА ОЛИМПИЈАДА ПО ИНФОРМАТИКА ЗА ДЕВОЈКИ Натпреварувачките освоија бронза и пофалница appeared first on plusinfo.mk.

Основното јавно обвинителство Кавадарци до надлежниот суд поднело Барање за поведување подготвителна постапка против шест деца во судир со законот за кои постои сомнение дека сториле продолжено кривично дело кое е санкционирано како Злоупотреба на лични податоци од член 149 став 2 во врска со став 1 од Кривичниот законик.

Малолетниците, сите ученици во деветто одделение во основно училиште, како соизвршители, неовластено преземале приватни фотографии од нивни соученички, ги монтирале и меѓусебно ги споделувале со врсници, со цел да ги навредат и исмеваат и да нанесат штета на угледот на оштетените.

Претходно, беше објавено дека Обвинителството добило вештачење за настанот со злоупотребени фотографии на малолетни девојчиња од страна на деветоодделенци во Кавадарци.

The post ЌЕ ОДГОВАРААТ МАЛОЛЕТНИЦИТЕ ШТО ПРИКАЖУВАЛЕ СОУЧЕНИЧКИ КАКО ПОРНО-АКТЕРКИ Фотомонтажите скапо ќе ги чинат appeared first on plusinfo.mk.

Според првичните информации од СВР-Штип, едно од девојчињата се здобило со тешки телесни повреди и скршеница на карлицата. Со возило на Брзата помош, двете девојчиња се пренесни во штипската Клиничка болница, од каде што очекуваме подетални информации. Двете девојчиња се ученички во СОУ „Коле Нехтенин“, кои утринава преминувале на пешачкиот премин на булеварот „Гоце Делчев“ за да пристигнат до своето училиште.

Пред неколку години овој булевар пред регионалното електро-машинско училиште беше ризична сообраќајна точка. Постојано се случуваа несреќи во кои страдаа ученици и пешаци преминувајќи го булеварот, по смртниот случај на еден средношколец, општината го изгради кружниот тек и постави нов пешачки премин и сигнализација, за поголема безбедност на пешаците, бидејќи претходно возачите своите возила ги управуваа со голема брзина.

Повеќе детали околу оваа несреќа во текот на денот, најавуваат од СВР-Штип и Клиничка болница-Штип.

The post ПРЕГАЗЕНИ ДВЕ УЧЕНИЧКИ НА ПЕШАЧКИ ВО ШТИП Едно од девојчињата е со тешки телесни повреди и скршеница на карлицата appeared first on plusinfo.mk.

Полициски службеник вербално вознемирувал неколку ученички во средно училиште во Скопје.

По пријавата во полицијата веднаш се преземени соодветни мерки за расчистување на случајот и известен е јавен обвинител и Одделот за внатрешна контрола, криминалистички истраги и професионални стандарди, соопшти МВР.

Против лицето ќе биде поведена и постапка за утврдување на дисциплинска одговорност и суспендирање од работното место до донесување на решение во дисциплинската постапка.

The post ПОЛИЦАЕЦ ВОЗНЕМИРУВАЛ УЧЕНИЧКИ ВО СРЕДНО УЧИЛИШТЕ Пријавениот ќе биде суспендиран од работното место appeared first on plusinfo.mk.

Родителите се предупредени да внимаваат на своите ќерки. Имено, на ТикТок постојат голем број предатори кои трагаат по девојчиња и девојки кои позираат во училишни униформи, пишува Sunday Mirror.

Предаторите контактирале бројни тинејџерки со приватни пораки и ги замолиле да им ги испратат своите видеа, пренесуваат медиумите. Една 15-годишна девојка објавила видео на кое танцува во училишна униформа, додека друга добила низа пораки во кои ѝ кажувале дека е „секси“.

Во делот за коментари до видеото на една ученичка, има барање од анонимен маж да стави камера во својата соба.

Прочитајте повеќе на порталот „Мајка и дете“.

The post НА ТИК ТОК ХАРААТ ПРЕДАТОРИ Заштитете ги своите ќерки appeared first on plusinfo.mk.

Осомничениот како тренер по џудо, од април до ноември 2020 година, во Прилеп и на други места, заради задоволување на полови страсти, со злоупотреба на својата положба извршил полови дејствија врз деца кои наполниле 14 години – ученички кои му биле доверени заради тренирање и воспитување.

Против осомничениот надлежниот јавен обвинител поднесе предлог за определување на мерка притвор до судијата на претходна постапка при Основниот суд во Прилеп. Судот го прифати предлогот и со Решение на осомничениот му определи притвор во траење до 30 дена.​

The post Тренер по џудо од Прилеп силувал девојчиња кои ги тренирал​ appeared first on plusinfo.mk.

Астероидот во мигов е блиску до Марс и се очекува да ѝ се доближи на Земјата за околу еден милион години, објави Спејс Индија – приватен институт каде што учат 12-годишните девојчиња.

– Возбудена сум што добив шанса да го именувам астероидот – рече Вајдехи Векарија.

Таа додаде дека еден ден сака да стане астронаут, како и нејзината другарка Радика Лахани.

Астероидот е првично наречен ХЛВ-2514, но ќе биде формално именуван дури по потврдата на НАСА дека се работи за новооткриено вселенско тело.

Астероидите и кометите претставуваат потенцијална опасност за Земјата, а научниците откриваат илјадници секоја година. Астероид потежок од Ајфеловата кула, 2013 година експлодираше над централна Русија. Во несреќата беа повредени повеќе од 1.000 луѓе.

The post Индиски ученички открија астероид кој се движи кон Земјата appeared first on plusinfo.mk.