Лидерот на Алијанса за Албанците Арбен Таравари да одговори со што го уценија ДУИ, и тој како СДСМ се претопи во нивната криминална шема, обвинува ВМРО-ДПМНЕ во соопштение до јавноста.

„Ова негово неразумно однесување може да се случи само како резултат на уцена и под диктат на криминалното лоби, истото тоа кое СДСМ го клекна на колена и го претопи во партнерство и брак со мафијата на ДУИ“, порачуваат од ВМРО-ДПМНЕ.

Во написот се вели дека цената на таквата уцена треба да се бара во бизнис или друг вид на мотиви.

„Арбен Таравари треба да е искрен и да признае дека информациите кои сега ги лиферува за излегување од Владата, како на пример дека не биле третирани добро албанските прашања или дека имало застој на ЕУ интеграциите се само бледо алиби за неговото уценето делување. Арбен Таравари е уценет човек, цената на таквата уцена треба да се бара во бизнис или друг вид на мотиви. Тој се потврди дека не е стабилен партнер со кого може да се гради политика. Тој треба да објасни на своите гласачи како сега за него ДУИ е правата вистинска и единствена опција“, велат од ВМРО-ДПМНЕ.

The post ТАРАВАРИ ДА ОДГОВОРИ СО ШТО ГО УЦЕНИЈА ДУИ Лидерот на Алијанса за Албанците ќе се претопи во криминална шема? appeared first on plusinfo.mk.

Сите родители (или барем огромното мнозинство од нив) раѓаат деца со желба тие да имаат убав, исполнет, среќен живот. За жал, тоа не е секогаш така и има околности и ситуации на кои не можеме да влијаеме. На повеќето сепак, можеме.

Се чини дека Данците најдобро знаат како правилно да ги воспитуваат децата. А зошто тие и зошто постојано пишуваме за нив? Па, едноставно е. Повеќето истражувања (релевантни истражувања од сериозни универзитети) покажаа дека Данците се најсреќен народ на светот. Ова значи дека има нешто што тие го прават подобро од другите. Затоа што, на крајот од приказната, среќата е целта на секој човек.

Данското родителство е посебно по многу нешта, но денес ќе споменеме нешто што е болка на повеќето родители. Тоа се ултиматумите или, малку погрубо кажано, уцените.

Веројатно, да немаше уцени и поткупувања, повеќето од нас немаше да знаат како да ги воспитуваат своите деца. И веројатно сите ние сме се чувствувале така во одреден момент од животот.

И иако знаеме дека уцената не е добар стил на родителство, понекогаш тоа е едноставно најбрзиот и најлесниот начин, а бидејќи ги гледаме резултатите на краток рок и не ја гледаме веднаш негативната страна, почесто прибегнуваме кон тоа.

Повеќе за ова прочитајте ТУКА.

The post АКО ГО НАПРАВИШ ТОА ВЕЌЕ НИКОГАШ НЕМА… Како родителските уцени ја уништуваат поврзаноста со детето appeared first on plusinfo.mk.

Конфедерација на синдикални организации на Македонија (КСОМ) денеска на прес-конференција обвини дека им се нарушуваат правата на работниците кои сакаат да се отчленат од одреден синдикат од Сојузот на синдикати на Македонија и да се зачленат во друг синдикат, затоа што според статутот на синдикатот, отчленувањето работникот може да го направи после три години од денот на поднесување на барање за истапување, а во меѓувреме, членувањето ќе му биде во мирување и за него нема да важат правата и обврските на Синдикатот, освен обврската за плаќање членарина до истекот на периодот на мирување.

Како што посочи на прес-конференцијата претседателот на КСОМ, Марјан Ристески, работникот кој имал намера да се отчлени од синдикатот, се има обратено до Уставен суд, каде што уставните судии на 9.10.2024 година утврдиле дека не може некој со сила да го држи граѓанинот во одреден Синдикат согласно, Законот, Уставот и работните односи, но подоцна, на 11.12.2024 истите судии ја стопирале постапката за утврдување на неуставност.

Ристески рече дека Уставниот суд како највисока судска инстанца зазема страна во синдикалното делување и потенцираше дека за оваа ситуација ќе го известат премиерот на следниот состанок со Економско социјалниот Совет.

– Ние подолг период апелираме дека во Македонија нема демократија околу синдикалното движење. Не можат работниците да се зачленат во оние синдикати во кои сакаат. Еден синдикат од Сојузот на синдикати на Македонија и покрај тоа што се знае кое е нивното делување, се обидуваат на разни начини да не дозволат членовите да поминат во други синдикати. Кога еден работник ќе достави допис до нив да се отчлени од тој синдикат и да се зачлени во друг синдикат, тој добива дописи каде што кажуваат дека согласно нивниот статут, доколку сака работник да биде отчленет, мора три години да чека после поднесувањето на изјавата за отчленување. Овој апсурд го нема никаде – рече Ристески.

Како што додава, синдикатот на овој начин има за цел да ја уценува Владата, држејќи го со сила членството и на тој начин да покаже дека се репрезентативни синдикати.

– Сведоци сме, пратеници и градоначалници преминуваат од една во друга партија, а за жал работникот не може да премине во друг синдикат. Господата од Сојузот на синдикати на Македонија од еден гранков синдикат, кажува дека работникот користел право да го заштитуваат, користел право на К15, и затоа не му дозволуваат да се отчлени. Синдикатот по самиот основ треба да ги брани работничките права, а токму ние ја имаме најголемата заслуга што работниците земаат и К15 и јубилејни награди. Дали сега и ние треба да ставиме шатори пред Уставен суд, за истиот да суди? Очигледно судството во Македонија е катастрофа. Статутот на одреден синдикат се става над Законот, над Уставот и над меѓународните конвенции. Тоа е недозволиво – додаде Ристески.

На новинарско прашање што друго ќе биде темата на разговор на следниот состанок со Економско социјалниот Совет, Ристески одговори дека ќе се разговара и за покачување на минимална плата. Иако според законското усогласување, таа би се покачила за 1.800 денари, Ристески е на ставот дека треба повеќе да се зголеми.

– Ние за минималната плата бараме да биде покачена, се надеваме ќе биде и повеќе од она што го бара Сојузот на синдикати на Македонија. На состанокот присутна ќе биде и министерката за финансии. Таа минатиот пат таа рече дека буџетот е во добра кондиција и се надевам дека ќе најдеме заеднички јазик за покачување на минималната плата. Во однос на работа во недела, ние нашиот став сме го кажале. Има компании кои работат во недела и не смее да се прекине технолошкиот процес на работа. Да ги разгледаме аргументите и фактите, нашиот став е познат. Секаде во светот, ако една компанија кога ќе има добивка од 100 проценти на крајот на годината, 60 проценти оди за работниците, а 40 проценти останува за компанијата. Кај нас е обратно, 60 проценти земаат газдите, а само мал процент даваат на работниците – рече Ристески.

The post РАБОТНИЦИТЕ 3 ГОДИНИ СЕ СО ВРЗАНИ РАЦЕ Синдикатите со спорни правила ги држат членовите во „заложништво“ appeared first on plusinfo.mk.

Докази се пронајдени во затворската ќелија на Шон „Диди“ Комбс, што укажуваат дека тој влијаел на сведок во неговиот судски случај во Њујорк за сексуална злоупотреба и другите тужби. Се вели и дека американскиот рапер се обидува да уценува други.

Тие велат дека тој се обидел да контактира со надворешни лица со пристап до телефоните на другите затвореници и тн. тринасочни повици. Според федералните обвинители, новособраните докази „укажуваат на јасен заклучок дека целта на обвинетиот е да ги уценува жртвите и сведоците“, за тие да молчат или да сведочат во корист за неговата одбрана.

Адвокатите на музичкиот моќник, пак, тврдат дека она што истражителите го заплениле во затворот во Бруклин е „материјал доверлив во односот адвокат – клиент“, вклучително и рачно напишаните белешки од Диди.

Обвинителството, исто така, тврди оти Диди користел комуникациска услуга за брзи повици, со цел да стигне до неовластени лица. За повикот со „Сведок-2“ и личните белешки на раперот, наводите говорат дека „обвинетиот ѝ платил на ’Сведокот-2’, откако таа ја објавила својата изјава“, тврдат обвинителите.

The post ДИДИ ОБВИНЕТ ЗА УЦЕНА НА ЖРТВИ И НА СВЕДОЦИ Нови шокантни откритија за тоа како раперот сакал да ја скрие правдата appeared first on plusinfo.mk.

ВМРО-ДПМНЕ во евроинтегративниот процес  нема да прифати уцени или диктати кои се спротивни на националните интереси и дава силна поддршка на премиерот Христијан Мицкоски за неговата интензивна меѓународна активност, порача синоќа пратеникот од ВМРО-ДПМНЕ, Љупчо Пренџов на ТВ 24, зборувајќи за средбата на Мицкоски со францускиот претседател Емануел Макрон по состанокот на Европската политичка заедница во Будимпешта.

Со силна дипломатија ќе се унапредат позициите на Македонија и нејзиниот пат кон ЕУ, порача тој.

– Нашиот став е многу добро познат, не прифаќаме уцени и диктати. Од друга страна, многу е важна меѓународната активност на Владата, која се одвива со многу големо и жестоко темпо. Изминативе 4 месеци – Вашингтон, Лондон, Прага, па сега и Будимпешта. Ова е многу добра иницијатива која ја иницираше претседателот на Франција, Емануел Макрон, каде што се одржуваат средби на сите влади на сите европски држави, без разлика дали се членки на ЕУ или не, без Русија – рече Пренџов.

Пренџов нагласи дека овие активности се клучни не само за лобирање на интересите на Македонија, туку и за создавање нови билатерални односи кои ќе придонесат за економскиот развој. Македонија, додаде тој,  треба да се стреми кон силна дипломатија која ќе овозможи континуиран развој во сите сфери.

– Ова е одлична можност не само за политичките разговори и лобирањето за Република Македонија и кажувањето на вистината и на нашите ставови, туку и за да се разговара билатерално и да воспоставиме односи и со други држави со кои традиционално немаме билатерални односи, како и да се развие економијата. За нас, како мала држава, важно е да имаме една ваква силна дипломатија – истакна Пренџов.

Тој потенцираше дека претходната влада на СДСМ и ДУИ во изминативе 7 години прифаќале компромиси спротивни на волјата на македонскиот народ.

– На сите странски делегации, на сите челници на влади им кажувале дека нема никаков проблем да се прифати нешто за кое што три четвртини од македонскиот народ беше против. Таа влада без народен кредибилитет и легитимитет договорила нешто кое е спротивно на спротивно на волјата на граѓаните и ние  сега сме должни тоа да го исправиме. Ќе разговараме и ќе побараме помош од која било европска држава – посочи Пренџов.

Тој нагласи дека Македонија треба да продолжи со процесот на интеграција во ЕУ, но тоа да се случи без отстапки од националниот интерес.

– Нашата цел е Македонија во ЕУ. Ако целта на Бугарите е да влезат во македонскиот Устав, тогаш, на денот кога ние ќе влеземе во ЕУ, тие ќе бидат дел од нашиот Устав. Од таа позиција не се поместуваме – заклучи Пренџов.

The post ДОЛЖНИ СМЕ ДА ЈА ИСПРАВИМЕ ГРЕШКАТА НА СДСМ И НА ДУИ Со силна дипломатија ќе влеземе во ЕУ со сочуван национален интерес appeared first on plusinfo.mk.

Премиерот со истиот одговор одговори и на новинарско барање за коментар на најавите на лидерот на опозициската ДУИ Али Ахмети, кој е револтиран за балансерот и најави дека ќе излезат на протести.

– И нему му посакувам добро здравје и среќа – одговори премиерот Мицкоски.

Тој рече дека не функционира со закани и уцени.

– Ако некој се заканува, треба и да го реализира тоа, а ако не, остава лош впечаток во јавноста. Јас на заканите не одговарам баш така како што некој може да очекува. Изненаден сум што еден професор користи речник на закани, но тоа е негова одлука. Не знам кога ќе дојде на дневен ред во Собранието Законот за бранители, но кога ќе дојде, ќе ја има нашата поддршка – рече Мицкоски.

The post НА ДВАЈЦАТА НЕКА ИМ Е СО СРЕЌА Мицкоски до Ахмети за најавените протести и до Снопче за заканите со излегување од Владата appeared first on plusinfo.mk.

Не е загрижена Софија од идејата на македонскиот премиер Христијан Мицкоски францускиот предлог да добие „француски предлог плус“.

Не е тоа причината поради која Министерството на надворешни работи на Бугарија им се закани „на властите во Скопје“ дека „обидите за повторно преговарање на меѓународните обврски кои веќе се преземени може да доведат само до дополнително оддалечување од почетокот на преговорите за членство во ЕУ“.

Со оваа нова изјава на привремената влада во Софија, ослабените актери на бугарската политичка сцена се обидуваат да се факторизираат пред претстојните избори на 27 октомври. Прогнозите, сепак, не ветуваат дека исходот од овие избори ќе доведе формирање стабилна политичка влада, која ќе може активно да ги продолжи разговорите за унапредување на добрососедските односи со Македонија.

Софиските политичари секогаш внимателно ги читаат изјавите на нивните колеги во Скопје и несомнено ги разбираат нештата. Тие многу добро знаат дека Мицкоски не се откажува ниту од Договорот за добрососедство, ниту од Преговарачката рамка, а најмалку, пак, од преговорите за членство на Македонија во ЕУ. Но, вистина е дека во позицијата на македонската дипломатија има промени и дека Мицкоски ја напушта сервилната и за македонските национални интереси штетна политика на владите на Зоран Заев и на Димитар Ковачевски.

Важно е да се знае и јасно да се каже дека тие промени суштински не ги компромитираат обврските што владите на Заев и на Ковачевски ги презеле кон Софија, кон Брисел и кон другите важни актери на меѓународна заедница.

Да, точно е дека македонската влада има преземено обврска да ги внесе Бугарите во македонскиот Устав, но не и да го прифати конкретниот предлог што го подготви владата на Ковачевски. Тоа беше лош предлог и не можеше да биде прифатен. Од многу причини, за кои сум пишувал неброено пати.

Владата на Мицкоски има повеќе идеи за тоа како да се исполни преземената обврска. Тие идеи не се ниту нови, а ниту тајни, беа соопштени и во периодот кога ВМРО-ДПМНЕ беше во опозиција. Последната идеја ја соопшти новиот шеф на македонската дипломатијата Тимчо Муцунски: Бугари во Уставот, но со важност од денот на приемот на Македонија во ЕУ.

Исто така, важно е да се знае и јасно да се каже дека е ноторна лага и манипулација тврдењето дека Францускиот предлог, Преговарачката рамка и Договорот за добрососедство ѝ наложуваат на новата влада да го процесуира и да го прифати конкретниот предлог на кабинетот на Ковачевски, или кој било друг конкретен предлог.

Никаде – повторувам, никаде! – во овие документи тоа не е запишано. Кој тврди поинаку, молам да ме демантира, ама со јасни цитати, а не со политикантски тези и шпекулации. Напротив, Македонија има право да ја реализира својата обврска на начин што нема да бидат загрозени македонските национални интереси со старо-новите софиски диктати и уцени и со политика на вето.

Истото се однесува и на преземената обврска на владите на Заев и на Ковачевски да преговараат за историските и за образовните прашања за кои Софија со години и со децении спори со Скопје, во обид да докаже дека македонскиот народ, македонската нација и македонската држава се вештачки творби на Коминтерната и на Тито и дека македонскиот идентитет нема историски континуитет и е лажен.

Да, за таа цел е формирана посебна Заедничка македонско-бугарска мултидисциплинарна експертска комисија за историски и образовни прашања, со која до сега, од македонска страна, претседаваше академик Драги Ѓоргиев. Таа комисија досега „произведе“ два протокола, со многу спорни формулации со кои се загрозуваат македонските национални интереси. Поради тоа, но и поради многу чудни изјави на академик Ѓоргиев, јавноста стекна впечаток дека македонскиот тим не ги оправда очекувањата.

Значи, да биде јасно: Македонија има преземено обврска да преговара со Бугарија за спорните историски и образовни прашања и за тоа да учествува во формираната мешовита комисија, но ни Договорот за добрососедство, ни Францускиот предлог, ни Преговарачката рамка не велат дека комисијата мора да ја води академик Ѓоргиев и дека македонската страна мора со невидена леснотија да ги прифаќа бугарските тези и толкувања на „заедничката историја“ на двата народа како бугарска.

И затоа, владата на Мицкоски има право – а јас би додал, има и обврска! – да ја промени македонската екипа во комисијата, а посебно академик Ѓоргиев, кој повеќе се занимава со политика и со политикантство одошто со вистинска научна експертиза на спорните теми. Глупаво е да се очекува новата влада да разговара за овие теми со Софија со посредство на членовите на комисијата избрани од Заев.

Е токму ова последново е она што најмногу ги боли Бугарите. На секој што малку ја разбира бугарската политика кон Македонија му е совршено јасно дека таа суштински се нема променето од периодот на Тодор Живков и на Цола Драгојчева, а и новите генерации бугарски политичари немаат намера да ја променат. Мешовитата комисија е оформена со јасна задача да ги наметнува бугарските негаторски тези за Македонија и за Македонците. Тоа е направено со премолчено прифаќање од владите на Заев и на Ковачевски, но и на луѓето кои во име на тие две влади ставија потписи на првите два спорни протокола.

И затоа, ние знаеме дека бугарската позиција кон Македонија нема да се смени, без оглед дали во Софија има редовна или преодна влада. Нема потреба бугарското МНР тоа да ни го кажува пак, по кој знае кој пат.

И ние знаеме дека темата „Бугари во Уставот“ не е единствениот и последен услов Македонија да преговара со ЕУ, како што пред изборите лажеа Ковачевски, Бујар Османи, Бојан Маричиќ и другите од таа божемна проевропска влада. И тоа ни го кажаа претходните софиски преодни влади.

Но, на лагите и на манипулациите им дојде крајот.

Никој не треба да му се лути на Мицкоски за тоа. Човекот знае дека не смее ни да помисли да влезе во филмот во кој беа „европејците“ заевци и тачевци, бидејќи Македонците тоа сега лесно ќе го „прочитаат“ и тука ќе биде неговиот крај во политиката.

Од сега па натаму, Скопје, со Софија, но и со Брисел и со Вашингтон, за овие прашања ќе мора да разговара многу отворено, искрено и принципиелно – да, сакаме добрососедски односи со Бугарија, немаме ништо против бугарскиот народ и против бугарското малцинство во Македонија, но нема да се прифатат никакви решенија и проекти кои ги загрозуваат македонските национални интереси.

ВМРО-ДПМНЕ така искрено и отворено треба да разговара и со албанскиот партнер Вреди – да, ние сакаме во ЕУ, водиме грижа дека европската перспектива е национален интерес на Албанците, но очекуваме и Албанците да водат грижа за националните интереси на Македонците. И убеден сум дека луѓето од Вреди разбираат дека Македонците не сакаат да влезат во ЕУ оспорени, деноминирани, понижени и поништени.

Да разбиеме уште една софиска лага. Не е вистина дека Мицкоски е тој што „ја доведува во прашање европската перспектива на неговата земја“, како што вели софиското МНР. Не. Македонија нема никаква „европска перспектива“ ако Софија продолжи со политиките на уцени и вето и ако Брисел ја поддржува во тоа.

Еве и јас, кој за Европа и за европеизација пишувам и говорам безмалку во текот на целата своја професионална кариера, јас кој со група мои тогашни истомисленици пред повеќе од 15 години крстаревме во „поход“ низ Македонија и во полните сали агитиравме за европските вредности (тогаш тоа беше нешто за кое човек можеше да заврши многу лошо), еве јас не се воздржувам отворено да кажам – ако условот за нашето влегување во ЕУ е побугарчување на моите претци и на мојата земја, тогаш ние нема што да бараме таму!

Убеден сум дека ова го чувствуваат не само луѓето на власт во Македонија, туку и целиот македонски народ. Со исклучок на неколку ведети на сдсмовската пропаганда кои постојано зборуваат за смртта на Македонија и на Македонците, го величаат Нордот (Северна) и јавно ги потпишуваат провокаторските соопштенија од Софија, како ова последново.

Убеден сум дека македонскиот патриотизам и грижата за македонските национални интереси не е „провокација“ или „конфронтација со соседните земји“, туку принципиелен проевропски став, кој мора да се почитува.

А кога сме веќе кај провокациите …

Сте помислиле ли зошто веќе со месеци нема никакви провокации и инциденти на тема „непочитување на правата на Бугарите во Македонија“?

Како е можно за време на божемната проевропска влада на СДСМ и на ДУИ да има инциденти на дневна основа, а сега, кога на чело на владата е некој што „ја загрозува европската перспектива“, нема ништо такво?!

Јасно е во која грмушка лежи зајакот. Сите знаат дека Македонија никогаш не водела агресивна или негаторска политика кон бугарското малцинство во Македонија и кон Бугарите и Бугарија воопшто. Сите тие инциденти беа последица на акции и провокации смислени во софиски кругови и реализирани од опскурни лица и сомнителни удбашки структури во Македонија.

Сега, после новата атака од бугарското МНР, нема да биде изненадување ако се обноват провокациите и инцидентите и ако Бугарите овде одново се сетат колку се „репресирани“ и „понижени“ во Македонија.

Тоа е таа софиска „добрососедска“ политика, која засега се уште ужива поддршка од бирократите во Брисел.

Но не и од македонската влада.

Веќе не.

The post Со Софија и со Брисел веќе не разговараат заевци и тачевци – во Скопје има нова влада и нова политика appeared first on plusinfo.mk.

„Овие инциденти го покажуваат високото ниво на нетрпеливост и омраза што се шири низ нашето општество и тоа треба да биде осудено од сите. ВМРО-ДПМНЕ заедно со нивните вазали собрани во губитничката коалиција ВЛЕН откако го украдоа легитимитетот на албанците, го нарушија албанскиот гласач, се чини дека тоа не им е доволно и решија да се обидат да влеат страв кај гласачот на ДУИ измислуваат теми и клевети од најразновидните организирани и добро осмислени. Ги повикуваме надлежните институции да ги истражат овие инциденти и да ги изведат пред правдата сите одговорни за оваа мрачна, антидемократска и незаконска кампања. Но, ги известуваме вазалите, губитниците на изборите, предаторите на легитимитетот на Албанците, коалицијата ВЛЕН, дека ДУИ, заедно со сите свои членови, не се плаши и никогаш нема да се предаде, како што никогаш не се предала од благородната мисија да го зачува достоинството на секој албански гласач и демократскиот поредок во земјата“, се вели во соопштението.

Нема да нѐ одвратат вашите кампањи оркестрирани со клевети и закани, но ве предупредуваме и да се подготвите да се соочите со вашите скандали кои не престануваат веќе 1 месец владеење, додаваат од ДУИ.

The post НЕМА ДА СЕ ОТКАЖЕМЕ ОД НАШАТА БЛАГОРОДНА МИСИЈА Вашите закани и уцени не ни можат ништо, велат од ДУИ appeared first on plusinfo.mk.

Во периодот од декември 2023 до март 2024 година, спротивно на јасно изразената волја на оштетената 18-годишна девојка, тој ја наведувал на полови дејствија без нејзина согласност со сериозна закана дека ќе открие нешто што би ѝ наштетило на нејзините чест и углед.

Преку профил на социјална мрежа тој комуницирал со жртвата, користел нејзини интимни фотографии и се заканувал дека ќе ги сподели и ќе ги направи јавно достапни, наведувајќи ја на сексуални односи и на други полови дејствија спротивно на нејзина волја доколку сака да ја спречи објавата на фотографиите.

Надлежниот јавен обвинител до Основниот суд во Битола достави и предлог за определување мерка притвор за осомниченото лице. Предлогот е прифатен и на осомничениот му е определен притвор во траење од 30 дена.

The post БАРАЛ СЕКС СО УЦЕНИ Битолчанец ѝ се заканувал на девојка дека ќе објави нејзини интимни фотки appeared first on plusinfo.mk.

Максим Димитриевски, поранешен кадар на СДСМ, од 2021 независен градоначалник на Куманово, основач и лидер на партијата ЗНАМ – За наша Македонија, сега и нејзин претседателски кандидат, во поткаст на Плусинфо зборува за своите планови и амбиции и за големите очекувања од изборната трка.

– ЗНАМ нема намера да биде „јазиче на вагата“, како што тоа обично се вели, туку да биде фактор на стабилизација на Македонија, кој ќе добие огромна поддршка на изборите. Кога во државата постои разногласие по сите национални прашања и огромна поделеност помеѓу политичките субјекти, до ниво на личен антагонизам, тогаш ние набљудувани и страна изгледаме многу слаби и порозни. Потребно е да се постигне високо ниво на единство – вели Максо.

Во видео-интервју со уредникот Бранко Героски, популарниот Максо детално го образложува својот концепт на самоодржлива Македонија, која ќе стане почитуван субјект на меѓународната политичка сцена и од таа позиција ќе ги решава своите отворени прашања со Бугарија.

Претседателскиот кандидат на ЗНАМ зборува за неговите односи со СДСМ, за шпекулациите за врските со Бранко Црвенковски, но и за својата цврста решеност да не потклекне на евентуалните уцени од албанскиот политички фактор при формирањето на идната влада по изборите на 8 мај.

Тема на видео-интервјуто со лидерот на ЗНАМ се и борбата против корупцијата, американските црни листи, како и црната кампања која започнува против него.

The post 🎥 ДАЛИ МАКСО ЌЕ ИМ ГИ РАСИПЕ СМЕТКИТЕ НА ГОЛЕМИТЕ ПАРТИИ? Партијата ЗНАМ влегува охрабрена и со големи амбиции во изборната трка appeared first on plusinfo.mk.